শ্রীমদ্বাল্মীকীয় রামাযণে সুংদরকাংডম্ ।
অথ একোনচত্বারিংশস্সর্গঃ ।
মণিং দত্ত্বা ততঃ সীতা হনূমংতমথাব্রবীত্ ।
অভিজ্ঞানমভিজ্ঞাতমেতদ্রামস্য় তত্ত্বতঃ ॥ 1 ॥
মণিং তু দৃষ্ট্বা রামো বৈ ত্রয়াণাং সংস্মরিষ্যতি ।
বীরো জনন্য়া মম চ রাজ্ঞো দশরথস্য় চ ॥ 2 ॥
স ভূযস্ত্বং সমুত্সাহে চোদিতো হরিসত্তম ।
অস্মিন্কার্যসমারংভে প্রচিংতয় যদুত্তরম্ ॥ 3 ॥
ত্বমস্মিন্কার্যনির্য়োগে প্রমাণং হরিসত্তম ।
হনুমন্যত্নমাস্থায় দুঃখক্ষযকরো ভব ॥ 4 ॥
তস্য় চিংতযতো যত্নো দুঃখক্ষযকরো ভবেত্ ।
স তথেতি প্রতিজ্ঞায় মারুতির্ভীমবিক্রমঃ ॥ 5 ॥
শিরসা বংধ্য় বৈদেহীং গমনায়োপচক্রমে ।
জ্ঞাত্বা সংপ্রস্থিতং দেবী বানরং মারুতাত্মজম্ ॥ 6 ॥
বাষ্পগদ্গদয়া বাচা মৈথিলী বাক্যমব্রবীত্ ।
কুশলং হনুমন্ব্রূয়াঃ সহিতৌ রামলক্ষ্মণৌ ॥ 7 ॥
সুগ্রীবং চ সহামাত্য়ং বৃদ্ধান্ সর্বাংশ্চ বানরান্ ।
ব্রূয়াস্ত্বং বানরশ্রেষ্ঠ কুশলং ধর্মসংহিতম্ ॥ 8 ॥
যথা স চ মহাবাহুর্মাং তারযতি রাঘবঃ ।
অস্মাদ্ধুঃখাংবুসংরোধাত্ত্বং সমাধাতুমর্হসি ॥ 9 ॥
জীবংতীং মাং যথা রামঃ সংভাবযতি কীর্তিমান্ ।
তত্তথা হনুমন্বাচ্য়ং বাচা ধর্মমবাপ্নুহি ॥ 10 ॥
নিত্যমুত্সাহয়ুক্তাশ্চ বাচশ্রুত্বা ত্বয়েরিতাঃ ।
বর্ধিষ্যতে দাশরথেঃ পৌরুষং মদবাপ্তয়ে ॥ 11 ॥
মত্সংদেশয়ুতা বাচস্ত্বত্তশ্শ্রুত্বা চ রাঘবঃ ।
পরাক্রমবিধিং বীরো বিধিবত্সংবিধাস্যতি ॥ 12 ॥
সীতায়া বচনং শ্রুত্বা হনুমান্মারুতাত্মজঃ ।
শিরস্য়ংজলিমাধায় বাক্যমুত্তরমব্রবীত্ ॥ 13 ॥
ক্ষিপ্রমেষ্যতি কাকুত্স্থো হার্য়ৃক্ষপ্রবরৈর্বৃতঃ ।
যস্তে যুধি বিজিত্য়ারীন্শোকং ব্যপনয়িষ্যতি ॥ 14 ॥
ন হি পশ্য়ামি মর্ত্য়েষু নাসুরেষু সুরেষু বা ।
যস্তস্য় ক্ষিপতো বাণান্স্থাতুমুত্সহতেঽগ্রতঃ ॥ 15 ॥
অপ্যর্কমপি পর্জন্যমপি বৈবস্বতং যমম্ ।
স হি সোঢুং রণে শক্তস্তব হেতোর্বিশেষতঃ ॥ 16 ॥
স হি সাগরপর্য়ংতাং মহীং শাসিতুমীহতি ।
ত্বন্নিমিত্তো হি রামস্য় জয়ো জনকনংদিনি ॥ 17 ॥
তস্য় তদ্বচনং শ্রুত্বা সম্যক্সত্য়ং সুভাষিতম্ ।
জানকী বহুমেনেঽথ বচনং চেদমব্রবীত্ ॥ 18 ॥
ততস্তং প্রস্থিতং সীতা বীক্ষমাণা পুনঃ পুনঃ ।
ভর্তৃস্নেহান্বিতং বাক্য়ং সৌহার্দাদনুমানযত্ ॥ 19 ॥
যদি বা মন্যসে বীর বসৈকাহমরিংদম ।
কস্মিংশ্চিত্সংবৃতে দেশে বিশ্রাংতঃশ্বো গমিষ্যসি ॥ 20 ॥
মম চেদল্পভাগ্য়ায়া সান্নিধ্য়াত্তব বানর ।
অস্য় শোকস্য় মহতো মুহূর্তং মোক্ষণং ভবেত্ ॥ 21 ॥
গতে হি হরিশার্দূল পুনরাগমনায় তু ।
প্রাণানামপি সংদেহো মম স্য়ান্নাত্র সংশয়ঃ ॥ 22 ॥
তবাদর্শনজঃ শোকো ভূয়ো মাং পরিতাপয়েত্ ।
দুঃখাদ্ধুঃখপরামৃষ্টাং দীপযন্নিব বানর ॥ 23 ॥
অয়ং চ বীর সংদেহস্তিষ্ঠতীব মমাগ্রতঃ ।
সুমহাংস্ত্বত্সহায়েষু হর্য়ৃক্ষেষু হরীশ্বরঃ ॥ 24 ॥
কথং নু খলু দুষ্পারং তরিষ্য়ংতি মহোদধিম্ ।
তানি হর্য়ৃক্ষসৈন্য়ানি তৌ বা নরবরাত্মজৌ ॥ 25 ॥
ত্রয়াণামেব ভূতানাং সাগরস্য়াস্য় লংঘনে ।
শক্তিস্স্য়াদ্বৈনতেযস্য় তব বা মারুতস্য় বা ॥ 26 ॥
তদস্মিন্কার্যনির্য়োগে বীরৈবং দুরতিক্রমে ।
কিং পশ্যসি সমাধানং ত্বং হি কার্যবিদাং বরঃ ॥ 27 ॥
কামমস্য় ত্বমেবৈকঃ কার্যস্য় পরিসাধনে ।
পর্য়াপ্তঃ পরবীরঘ্ন যশস্যস্তে ফলোদয়ঃ ॥ 28 ॥
বলৈস্সমগ্রৈর্যদি মাং রাবণং জিত্য় সংয়ুগে ।
বিজয়ী স্বপুরং যায়াত্তত্তস্য় সদৃশং ভবেত্ ॥ 29 ॥
শরৈস্তু সংকুলাং কৃত্বা লংকাং পরবলার্দনঃ ।
মাং নয়েদ্যদি কাকুত্স্থঃ তত্তস্য় সদৃশং ভবেত্ ॥ 30 ॥
তদ্যথা তস্য় বিক্রাংতমনুরূপং মহাত্মনঃ ।
ভবেদাহবশূরস্য় তথা ত্বমুপপাদয় ॥ 31 ॥
তদর্থোপহিতং বাক্য়ং প্রশ্রিতং হেতুসংহিতম্ ।
নিশম্য় হনুমান্শেষং বাক্যমুত্তরমব্রবীত্ ॥ 32 ॥
দেবি হর্য়ৃক্ষসৈন্য়ানামীশ্বরঃ প্লবতাং বরঃ ।
সুগ্রীবস্সত্ত্বসংপন্নস্তবার্থে কৃতনিশ্চয়ঃ ॥ 33 ॥
স বানরসহস্রাণাং কোটীভিরভিসংবৃতঃ ।
ক্ষিপ্রমেষ্যতি বৈদেহি রাক্ষসানাং নিবর্হণঃ ॥ 34 ॥
তস্য় বিক্রমসংপন্নাস্সত্ত্ববংতো মহাবলাঃ ।
মনস্সংকল্পসংপাতা নিদেশে হরয়ঃ স্থিতাঃ ॥ 35 ॥
যেষাং নোপরি নাধস্তান্ন তির্যক্সজ্জতে গতিঃ ।
ন চ কর্মসু সীদংতি মহত্স্বমিততেজসঃ ॥ 36 ॥
অসকৃত্তৈর্মহোত্সাহৈস্সসাগরধরাধরা ।
প্রদক্ষিণীকৃতা ভূমির্বায়ুমার্গানুসারিভিঃ ॥ 37 ॥
মদ্বিশিষ্টাশ্চ তুল্য়াশ্চ সংতি তত্র বনৌকসঃ ।
মত্তঃ প্রত্যবরঃ কশ্চিন্নাস্তি সুগ্রীবসন্নিধৌ ॥ 38 ॥
অহং তাবদিহ প্রাপ্তঃ কিং পুনস্তে মহাবলাঃ ।
ন হি প্রকৃষ্টাঃ প্রেষ্য়ংতে প্রেষ্য়ংতে হীতরে জনাঃ ॥ 39 ॥
তদলং পরিতাপেন দেবি শোকো ব্যপৈতু তে ।
একোত্পাতেন তে লংকামেষ্য়ংতি হরিয়ূথপাঃ ॥ 40 ॥
মম পৃষ্ঠগতৌ তৌ চ চংদ্রসূর্য়াবিবোদিতৌ ।
ত্বত্সকাশং মহাসত্ত্বৌ নৃসিংহাবাগমিষ্যতঃ ॥ 41 ॥
ততো বীরৌ নরবরৌ সহিতৌ রামলক্ষ্মণৌ ।
আগম্য় নগরীং লংকাং সাযকৈর্বিধমিষ্যতঃ ॥ 42 ॥
সগণং রাবণং হত্ত্বা রাঘবো রঘুনংদনঃ ।
ত্বামাদায় বরারোহে স্বপুরীং প্রতিয়াস্যতি ॥ 43 ॥
তদাশ্বসিহি ভদ্রং তে ভব ত্বং কালকাংক্ষিণী ।
নচিরাদ্দ্রক্ষ্যসে রামং প্রজ্বলংতমিবানলম্ ॥ 44 ॥
নিহতে রাক্ষসেংদ্রেঽস্মিন্সপুত্রামাত্যবাংধবে ।
ত্বং সমেষ্বসি রামেণ শশাংকেনেব রোহিণী ॥ 45 ॥
ক্ষিপ্রং ত্বং দেবি শোকস্য় পারং যাস্যসি মৈথিলি ।
রাবণং চৈব রামেণ নিহতং দ্রক্ষ্যসেঽচিরাত্ ॥ 46 ॥
এবমাশ্বাস্য় বৈদেহীং হনুমান্মারুতাত্মজঃ ।
গমনায় মতিং কৃত্বা বৈদেহীং পুনরব্রবীত্ ॥ 47 ॥
তমরিঘ্নং কৃতাত্মানং ক্ষিপ্রং দ্রক্ষ্যসি রাঘবম্ ।
লক্ষ্মণং চ ধনুষ্পাণিং লংকাদ্বারমুপাগতম্ ॥ 48 ॥
নখদংষ্ট্রায়ুধান্বীরান্সিম্হশার্দূলবিক্রমান্ ।
বানরান্বারণেংদ্রাভান্ক্ষিপ্রং দ্রক্ষ্যসি সংগতান্ ॥ 49 ॥
শৈলাংবুদনিকাশানাং লংকামলযসানুষু ।
নর্দতাং কপিমুখ্য়ানামার্য়ে যূধান্যনেকশঃ ॥ 50 ॥
স তু মর্মণি ঘোরেণ তাডিতো মন্মথেষুণা ।
ন শর্ম লভতে রামস্সিংহার্ধিত ইব দ্বিপঃ ॥ 51 ॥
মা রুদো দেবি শোকেন মাভূত্তে মনসোঽপ্রিযম্ ।
শচীব পত্য়া শক্রেণ ভর্ত্রা নাথবতী হ্যসি ॥ 52 ॥
রামাদ্বিশিষ্টঃ কোঽন্য়োঽস্তি কশ্চিত্সৌমিত্রিণা সমঃ ।
অগ্নিমারুতকল্পৌ তৌ ভ্রাতরৌ তব সংশ্রয়ৌ ॥ 53 ॥
নাস্মিংশ্চিরং বত্স্যসি দেবি দেশে রক্ষোগণৈরধ্য়ুষিতেঽতিরৌদ্রে ।
ন তে চিরাদামগমনং প্রিযস্য় ক্ষমস্ব মত্সংগমকালমাত্রম্ ॥ 54 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে একোনচত্বারিংশস্সর্গঃ ॥
