শ্রীমদ্বাল্মীকীয় রামাযণে সুংদরকাংডম্ ।
অথ চতুর্থস্সর্গঃ ।
স নির্জিত্য় পুরীং শ্রেষ্ঠাং লংকাং তাং কামরূপিণীম্ ।
বিক্রমেণ মহাতেজা হনুমান্ কপিসত্তমঃ ॥ 1 ॥
অদ্বারেণ চ মহাবাহুঃ প্রাকারমভিপুপ্লুবে ।
প্রবিশ্য় নগরীং লংকাং কপিরাজহিতংকরঃ ॥ 2 ॥
চক্রেঽথ পাদং সব্য়ং চ শত্রূণাং স তু মূর্ধনি ।
প্রবিষ্টঃ সত্ত্বসংপন্নো নিশায়াং মারুতাত্মজঃ ॥ 3 ॥
স মহাপথমাস্থায় মুক্তাপুষ্পবিরাজিতম্ ।
ততস্তু তাং পুরীং লংকাং রম্য়ামভিযয়ৌ কপিঃ ॥ 4 ॥
হসিতোত্কৃষ্টনিনদৈস্তূর্যঘোষপুরস্সরৈঃ ।
বজ্রাংকুশনিকাশৈশ্চ বজ্রজালবিভূষিতৈঃ ॥ 5 ॥
গৃহমেঘৈঃ পুরী রম্য়া বভাসে দ্য়ৌরিবাংবুদৈঃ ।
প্রজজ্বাল ততো লংকা রক্ষোগণগৃহৈঃ শুভৈঃ ॥ 6 ॥
সিতাভ্রসদৃশৈশ্চিত্রৈঃ পদ্মস্বস্তিকসংস্থিতৈঃ ।
বর্ধমানগৃহৈশ্চাপি সর্বতঃ সুবিভূষিতা ॥ 7 ॥
তাং চিত্রমাল্য়াভরণাং কপিরাজহিতংকরঃ ।
রাঘবার্থং চরন্ শ্রীমান্ দদর্শ চ ননংদ চ ॥ 8 ॥
ভবনাদ্ভবনং গচ্ছন্ দদর্শ পবনাত্মজঃ ।
বিবিধাকৃতিরূপাণি ভবনানি ততস্ততঃ ॥ 9 ॥
শুশ্রাব মধুরং গীতং ত্রিস্থানস্বরভূষিতম্ ।
স্ত্রীণাং মদসমৃদ্ধানাং দিবি চাপ্সরসামিব ॥ 10 ॥
শুশ্রাব কাংচীনিনদং নূপুরাণাং চ, নিঃস্বনম্ ।
সোপাননিনদাংশ্চৈব ভবনেষু মহাত্মনাম্ ॥ 11 ॥
অস্ফোটিতনিনাদাংশ্চ ক্ষ্বেলিতাংশ্চ ততস্ততঃ ।
শুশ্রাব জপতাং তত্র মংত্রান্ রক্ষোগৃহেষু বৈ ॥ 12 ॥
স্বাধ্য়াযনিরতাংশ্চৈব যাতুধানান্ দদর্শ সঃ ।
রাবণস্তবসংয়ুক্তান্ গর্জতো রাক্ষসানপি ॥ 13 ॥
রাজমার্গং সমাবৃত্য় স্থিতং রক্ষোবলং মহত্ ।
দদর্শ মধ্যমে গুল্মে রাবণস্য় চরান্ বহূন্ ॥ 14 ॥
দীক্ষিতান্ জটিলান্ মুংডান্ গোজিনাংবরবাসসঃ ।
দর্ভমুষ্টিপ্রহরণানগ্নিকুংডায়ুঘাংস্তথা ॥ 15 ॥
কূটমুদ্গরপাণীংশ্চ দংডায়ুধধরানপি ।
একাক্ষানেককর্ণাংশ্চ লংবোদরপয়োধরান্ ॥ 16 ॥
করালান্ ভুগ্নবক্ত্রাংশ্চ বিকটান্ বামনাংস্তথা ।
ধন্বিনঃ খংগিনশ্চৈব শতঘ্নীমুসলায়ুধান্ ॥ 17 ॥
পরিঘোত্তমহস্তাংশ্চ বিচিত্রকবচোজ্জ্বলান্ ।
নাতিস্থূলান্নাতিকৃশান্নাতিদীর্ঘাতিহ্রস্বকান্ ॥ 18 ॥
নাতিগৌরান্নাতিকৃষ্ণান্নাতিকুব্জান্ন বামনান্ ।
বিরূপান্ বহুরূপাংশ্চ সুরূপাংশ্চ সুবর্চসঃ ॥ 19 ॥
ধ্বজীন্ পতাকিনশ্চৈব দদর্শ বিবিধায়ুধান্ ।
শক্তিবৃক্ষায়ুধাংশ্চৈব পট্টিসাশনিধারিণঃ ॥ 20 ॥
ক্ষেপণীপাশহস্তাংশ্চ দদর্শ স মহাকপিঃ ।
স্রগ্বিণস্ত্বনুলিপ্তাংশ্চ বরাভরণভূষিতান্ ॥ 21 ॥
নানাবেষসমায়ুক্তান্ যথাস্স্বৈরগতান্ বহূন্ ।
তীক্ষ্ণশূলধরাংশ্চৈব বজ্রিণশ্চ মহাবলান্ ॥ 22 ॥
শতসাহস্রমব্যগ্রমারক্ষং মধ্যমং কপিঃ ।
রক্ষোধিপতিনির্দিষ্টং দদর্শাংতঃপুরাগ্রতঃ ॥ 23 ॥
স তদা তদ্গৃহং দৃষ্ট্বা মহাহাটকতোরণম্ ।
রাক্ষসেংদ্রস্য় বিখ্য়াতমদ্রিমূর্ধ্নি প্রতিষ্ঠিতম্ ॥ 24 ॥
পুংডরীকাবতংসাভিঃ পরিখাভিরলংকৃতম্ ।
প্রাকারাবৃতমত্য়ংতং দদর্শ স মহাকপিঃ ॥ 25 ॥
ত্রিবিষ্টপনিভং দিব্য়ং দিব্যনাদনিনাদিতম্ ।
বাজিহেষিতসংঘুষ্টং নাদিতং ভূষণৈস্তথা ॥ 26 ॥
রথৈর্য়ানৈর্বিমানৈশ্চ তথা হযগজৈঃ শুভৈঃ ।
বারণৈশ্চ চতুর্থংতৈঃ শ্বেতাভ্রনিচয়োপমৈঃ ॥ 27 ॥
ভূষিতং রুচিরদ্বারং মত্তৈশ্চ মৃগপক্ষিভিঃ ।
রক্ষিতং সুমহাবীর্য়ৈর্য়াতুধানৈঃ সহস্রশঃ ।
রাক্ষসাধিপতের্গুপ্তমাবিবেশ মহাকপিঃ ॥ 28 ॥
সহেমজাংবূনদচক্রবালং মহার্হমুক্তামণিভূষিতাংতম্ ।
পরার্থ্যকালাগুরুচংদনাক্তং স রাবণাংতঃপুরমাবিবেশ ॥ 29 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে চতুর্থস্সর্গঃ ॥
