শ্রীমদ্বাল্মীকীয় রামাযণে সুংদরকাংডম্ ।
অথ চত্বারিংশস্সর্গঃ ।
শ্রুত্বা তু বচনং তস্য় বায়ুসূনোর্মহাত্মনঃ ।
উবাচাত্মহিতং বাক্য়ং সীতা সুরসুতোপমা ॥ 1 ॥
ত্বাং দৃষ্ট্বা প্রিযবক্তারং সংপ্রহৃষ্য়ামি বানরঃ ।
অর্ধসংজাতসস্য়েব বৃষ্টিং প্রাপ্য় বসুংধরা ॥ 2 ॥
যথা তং পুরুষব্য়াঘ্রং গাত্রৈশ্শোকাভিকর্শিতৈঃ ।
সংস্পৃশেয়ং সকামাহং তথা কুরু দয়াং ময়ি ॥ 3 ॥
অভিজ্ঞানং চ রামস্য় দদ্য়া হরিগণোত্তম ।
ক্ষিপ্তামিষীকাং কাকস্য় কোপাদেকাক্ষিশাতনীম্ ॥ 4 ॥
মনশ্শিলায়াস্তিলকো গংডপার্শ্বে নিবেশিতঃ ।
ত্বয়া প্রণষ্টে তিলকে তং কিল স্মর্তুমর্হসি ॥ 5 ॥
স বীর্যবান্কথং সীতাং হৃতাং সমনুমন্যসে ।
বসংতীং রক্ষসাং মধ্য়ে মহেংদ্রবরুণোপমঃ ॥ 6 ॥
এষ চূডামণির্দিব্য়ো ময়া সুপরিরক্ষিতঃ ।
এতং দৃষ্ট্বা প্রহৃষ্য়ামি ব্যসনে ত্বামিবানঘ ॥ 7 ॥
এষ নির্য়াতিতশ্শ্রীমান্ময়া তে বারিসংভবঃ ।
অতঃ পরং ন শক্ষ্য়ামি জীবিতুং শোকলালসা ॥ 8 ॥
অসহ্য়ানি চ দুঃখানি বাচশ্চ হৃদযচ্ছিদঃ ।
রাক্ষসীনাং সুঘোরাণাং ত্বত্কৃতে মর্ষয়াম্যহম্ ॥ 9 ॥
ধারয়িষ্য়ামি মাসং তু জীবিতং শত্রুসূদন ।
ঊর্ধ্বং মাসান্ন জীবিষ্য়ে ত্বয়া হীনা নৃপাত্মজ ॥ 10 ॥
ঘোরো রাক্ষসরাজোঽয়ং দৃষ্টিশ্চ ন সুখা ময়ি ।
ত্বাং চ শ্রুত্বা বিপদ্য়ংতং ন জীবেযমহং ক্ষণম্ ॥ 11 ॥
বৈদেহ্য়া বচনং শ্রুত্বা করুণং সাশ্রু ভাষিতম্ ।
অথাব্রবীন্মহাতেজা হনুমান্মারুতাত্মজঃ ॥ 12 ॥
ত্বচ্ছোকবিমুখো রামো দেবি সত্য়েন তে শপে ।
রামে দুঃখাভিভূতে তু লক্ষ্মণঃ পরিতপ্যতে ॥ 13 ॥
কথংচিদ্ভবতী দৃষ্টা ন কালঃ পরিশোচিতুম্ ।
ইমং মুহূর্তং দুঃখানামংতং দ্রক্ষ্যসি ভামিনি ॥ 14 ॥
তাবুভৌ পুরুষব্য়াঘ্রৌ রাজপুত্রাবরিংদমৌ ।
ত্বদ্দর্শনকৃতোত্সাহৌ লংকাং ভস্মীকরিষ্যতঃ ॥ 15 ॥
হত্ত্বা চ সমরে ক্রূরং রাবণং সহবাংধবম্ ।
রাঘবৌ ত্বাং বিশালাক্ষি স্বাং পুরীং প্রাপয়িষ্যতঃ ॥ 16 ॥
যত্তু রামো বিজানীয়াদভিজ্ঞানমনিংদিতে ।
প্রীতিসংজননং তস্য় ভূযস্ত্বং দাতুমর্হসি ॥ 17 ॥
সাব্রবীদ্দত্তমেবেতি ময়াভিজ্ঞানমুত্তমম্ ।
এতদেব হি রামস্য় দৃষ্ট্বা মত্কেশভূষণম্ ॥ 18 ॥
শ্রদ্ধেয়ং হনুমন্বাক্য়ং তব বীর ভবিষ্যতি ।
স তং মণিবরং গৃহ্য় শ্রীমান্প্লবগসত্তমঃ ॥ 19 ॥
প্রণম্য় শিরসা দেবীং গমনায়োপচক্রমে ।
তমুত্পাতকৃতোত্সাহমবেক্ষ্য় হরিপুংগবম্ ॥ 20 ॥
বর্ধমানং মহাবেগমুবাচ জনকাত্মজা ।
অশ্রুপূর্ণমুখী দীনা বাষ্পগদ্গদয়া গিরা ॥ 21 ॥
হনুমন্সিংহসংকাশৌ ভ্রাতরৌ রামলক্ষ্মণৌ ।
সুগ্রীবং চ সহামাত্য়ং সর্বান্ ব্রূয়াহ্যনামযম্ ॥ 22 ॥
যথা চ স মহাবাহুর্মাং তারযতি রাঘবঃ ।
অস্মাদ্দুঃখাংবুসম্রোধাত্ত্বং সমাধাতুমর্হসি ॥ 23 ॥
ইমং চ তীব্রং মম শোকবেগং রক্ষোভিরেভিঃ পরিভর্ত্সনং চ ।
ব্রূয়াস্তু রামস্য় গতস্সমীপং শিবশ্চ তেঽধ্বাঽস্তু হরিপ্রবীর ॥ 24 ॥
স রাজপুত্র্য়্রাপ্রতিবেদিতার্থঃ কপিঃ কৃতার্থঃ পরিহৃষ্টচেতাঃ ।
অল্পাবশেষং প্রসমীক্ষ্য় কার্য়ং দিশং হ্য়ুদীচীং মনসা জগাম ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে চত্বারিংশস্সর্গঃ ॥
