শ্রীমদ্বাল্মীকীয় রামাযণে সুংদরকাংডম্ ।
অথ ত্রিচত্বারিংশস্সর্গঃ ।
ততস্স কিংকরান্হত্বা হনুমাংধ্য়ানমাস্থিতঃ ।
বনং ভগ্নং ময়া চৈত্যপ্রাসাদো ন বিনাশিতঃ ॥ 1 ॥
তস্মাত্প্রাসাদমপ্য়েবং ভীমং বিধ্বংসয়াম্যহম্ ।
ইতি সংচিংত্য় মনসা হনুমাংদর্শযন্বলম্ ॥ 2 ॥
চৈত্যপ্রাসাদমাপ্লুত্য় মেরুশৃংগমিবোন্নতম্ ।
আরুরোহ কপিশ্রেষ্ঠো হনুমান্মারুতাত্মজঃ ॥ 3 ॥
আরুহ্য় গিরিসংকাশং প্রাসাদং হরিয়ূথপঃ ।
বভৌ স সুমহাতেজাঃ প্রতিসূর্য় ইবোদিতঃ ॥ 4 ॥
সংপ্রধৃষ্য় চ দুর্ধর্ষং চৈত্যপ্রাসাদমুত্তমম্ ।
হনুমান্প্রজ্বলন্লক্ষ্ম্য়া পারিয়াত্রোপমোঽভবত্ ॥ 5 ॥
স ভূত্বা সুমহাকায়ঃ প্রভাবান্মারুতাত্মজঃ ।
ধৃষ্টমাস্ফোটয়ামাস লংকাং শব্দেন পূরযন্ ॥ 6 ॥
তস্য়াস্ফোটিতশব্দেন মহতা শ্রোত্রঘাতিনা ।
পেতুর্বিহংগমাস্তত্র চৈত্যপালাশ্চ মোহিতাঃ ॥ 7 ॥
অস্ত্রবিজ্জযতাং রামো লক্ষ্মণশ্চ মহাবলঃ ।
রাজা জযতি সুগ্রীবো রাঘবেণাভিপালিতঃ ॥ 8 ॥
দাসোঽহং কোসলেংদ্রস্য় রামস্য়াক্লিষ্টকর্মণঃ ।
হনুমান্শত্রুসৈন্য়ানাং নিহংতা মারুতাত্মজঃ ॥ 9 ॥
ন রাবণসহস্রং মে যুদ্ধে প্রতিবলং ভবেত্ ।
শিলাভিস্তু প্রহরতঃ পাদপৈশ্চ সহস্রশঃ ॥ 10 ॥
অর্দয়িত্বা পুরীং লংকামভিবাদ্য় চ মৈথিলীম্ ।
সমৃদ্ধার্থো গমিষ্য়ামি মিষতাং সর্বরক্ষসাম্ ॥ 11 ॥
এবমুক্ত্বা বিমানস্থশ্চৈত্যস্থান্হরিয়ূথপঃ ।
ননাদ ভীমনির্হ্রাদো রক্ষসাং জনযন্ভযম্ ॥ 12 ॥
তেন শব্দেন মহতা চৈত্যপালাশ্শতং যয়ুঃ ।
গৃহীত্বা বিবিধানস্ত্রান্প্রাসান্খংগান্পরশ্বথান্ ॥ 13 ॥
বিসৃজংতো মহাকায়া মারুতিং পর্যবারযন্ ।
তে গদাভির্বিচিত্রাভিঃ পরিঘৈঃ কাংচনাংগদৈঃ ।
আজঘ্নুর্বানরশ্রেষ্ঠং বাণৈশ্চাদিত্যসন্নিভৈঃ ॥ 14 ॥
আবর্ত ইব গংগায়াস্তোযস্য় বিপুলো মহান্ ।
পরিক্ষিপ্য় হরিশ্রেষ্ঠং স বভৌ রক্ষসাং গণঃ ॥ 15 ॥
ততো বাতাত্মজঃ ক্রুদ্ধো ভীম রূপং সমাস্থিতঃ ॥ 16 ॥
প্রাসাদস্য় মহংতস্য় স্তংবং হেমপরিষ্কৃতম্ ।
উত্পাটয়িত্বা বেগেন হনুমান্পবনাত্মজঃ ॥ 17 ॥
ততস্তং ভ্রাময়ামাস শতধারং মহাবলঃ ।
তত্র চাগ্নিস্সমভবত্প্রাসাদশ্চাপ্যদহ্যত ॥ 18 ॥
দহ্যমানং ততো দৃষ্ট্বা প্রাসাদং হরিয়ূথপঃ ।
স রাক্ষসশতং হত্ত্বা বজ্রেণেংদ্র ইবাসুরান্ ॥ 19 ॥
অংতরিক্ষে স্থিতশ্শ্তীমানিদং বচনমব্রবীত্ ।
মাদৃশানাং সহস্রাণি বিসৃষ্টানি মহাত্মনাম্ ॥ 20 ॥
বলিনাং বানরেংদ্রাণাং সুগ্রীববশবর্তিনাম্ ।
অটংতি বসুধাং কৃত্স্নাং বযমন্য়ে চ বানরাঃ ॥ 21 ॥
দশনাগবলাঃ কেচিত্কেচিদ্দশগুণোত্তরাঃ ।
কেচিন্নাগসহস্রস্য় বভূবুস্তুল্যবিক্রমাঃ ॥ 22 ॥
সংতি চৌঘবলাঃ কেচিত্কেচিদ্বায়ুবলোপমাঃ ।
অপ্রমেযবলাশ্চান্য়ে তত্রাসন্হরিয়ূথপাঃ ॥ 23 ॥
ঈদৃগ্বিধৈস্তু হরিভির্বৃতো দংতনখায়ুধৈঃ ।
শতৈশ্শতসহস্রৈশ্চ কোটীভিরয়ুতৈরপি ॥ 24 ॥
আগমিষ্যতি সুগ্রীবঃ সর্বেষাং বো নিষূদনঃ ।
নেযমস্তি পুরী লংকা ন যূয়ং ন চ রাবণঃ ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ত্রিচত্বারিংশস্সর্গঃ ॥
