শ্রীমদ্বাল্মীকীয় রামাযণে অরণ্যকাংডম্ ।
অথ ত্রয়োদশস্সর্গঃ ।
রাম প্রীতোঽস্মি ভদ্রং তে পরিতুষ্টোঽস্মি লক্ষ্মণ ।
অভিবাদয়িতুং যন্মাং প্রাপ্তৌ স্থ স্সহ সীতয়া ॥ 1 ॥
অধ্বশ্রমেণ বাং খেদো বাধতে প্রচুরশ্রমঃ ।
ব্যক্তমুত্কংঠতে বাপি মৈথিলী জনকাত্মজা ॥ 2 ॥
এষা হি সুকুমারী চ দুঃখৈশ্চ ন বিমানিতা ।
প্রাজ্যদোষং বনং প্রাপ্তা ভর্তৃস্নেহপ্রচোদিতা ॥ 3 ॥
যথৈষা রমতে রাম ইহ সীতা তথা কুরু ।
দুষ্করং কৃতবত্য়েষা বনে ত্বামনুগচ্ছতী ॥ 4 ॥
এষা হি প্রকৃতিঃ স্ত্রীণামাসৃষ্টে রঘুনংদন ।
সমস্থমনুরজ্য়াংতি বিষমস্থং ত্যজংতি চ ॥ 5 ॥
শতহ্রদানাং লোলত্বং শস্ত্রাণাং তীক্ষ্ণতাং তথা ।
গরূডানিলয়োশ্শৈঘ্র্যমনুগচ্ছংতি যোষিতঃ ॥ 6 ॥
ইয়ং তু ভবতো ভার্য়া দোষৈরেতৈর্বিবর্জিতা ।
শ্লাঘ্য়া চ ব্যপদেশ্য়া চ যথা দেবী হ্যরুংধতী ॥ 7 ॥
অলংকৃতোঽয়ং দেশশ্চ যত্র সৌমিত্রিণা সহ ।
বৈদেহ্য়া চানয়া রাম বত্স্যসি ত্বমরিংদম ॥ 8 ॥
এবমুক্তস্সমুনিনা রাঘবস্সংযতাংজলিঃ ।
উবাচ প্রশ্রিতং বাক্যমৃষিং দীপ্তমিবানলম্ ॥ 9 ॥
ধন্য়োঽস্ম্যনুগৃহীতোঽস্মি যস্য় মে মুনিপুংগবঃ ।
গুণৈস্সভ্রাতৃভার্যস্য় বরদঃ পরিতুষ্যতি ॥ 10 ॥
কিংতু ব্য়াদিশ মে দেশং সোদকং বহুকাননম্ ।
যত্রাশ্রমপদং কৃত্বা বসেয়ং নিরতস্সুখম্ ॥ 11 ॥
ততোঽব্রবীন্মুনিশ্রেষ্ঠশ্শ্রুত্বা রামস্য় তদ্বচঃ ।
ধ্য়াত্বা মুহূর্তং ধর্মাত্মা ধীরো ধীরতরং বচঃ ॥ 12 ॥
ইতো দ্বিয়োজনে তাত বহুমূলফলোদকঃ ।
দেশো বহুমৃগশ্শ্রীমান্পংচবট্যভিবিশ্রুতঃ ॥ 13 ॥
তত্র গত্বাঽঽশ্রমপদং কৃত্বা সৌমিত্রিণা সহ ।
রমস্ব ত্বং পিতুর্বাক্য়ং তথোক্তমনুপালযন্ ॥ 14 ॥
কালোঽয়ং গতভূয়িষ্ঠো যঃ কাল স্তব রাঘব ।
সময়ো যো নরেংদ্রেণ কৃতো দশরথেন তে ॥ 15 ॥
তীর্ণপ্রতিজ্ঞঃ কাকুত্স্থ সুখং রাজ্য়ে নিবত্স্যসি ।
ধন্যস্তে জনকো রাম স রাজা রঘুনংদন ॥ 16 ॥
যস্ত্বয়া জ্য়েষ্ঠপুত্রেণ যয়াতিরিব তারিতঃ ।
বিদিতো হ্য়েষ বৃত্তাংতো মম সর্বস্তবানঘ ॥ 17 ॥
তপসশ্চ প্রভাবেণ স্নেহাদ্দশরথস্য় চ ।
হৃদযস্থশ্চ তে ছংদো বিজ্ঞাতস্তপসা ময়া ॥ 18 ॥
ইহাবাসং প্রতিজ্ঞায় ময়া সহ তপোবনে ।
অতশ্চ ত্বামহং ব্রূমি গচ্ছ পংচবটীমিতি ॥ 19 ॥
স হি রম্য়ো বনোদ্দেশো মৈথিলী তত্র রংস্যতে ।
স দেশশ্শ্লাঘনীযশ্চ নাতিদূরে চ রাঘব ॥ 20 ॥
গোদাবর্য়াস্সমীপে চ মৈথিলী তত্র রংস্যতে ।
প্রাজ্যমূলফলশ্চৈব নানাদ্বিজগণায়ুতঃ ॥ 21 ॥
বিবিক্তশ্চ মহাবাহো পুণ্য়োরম্যস্তথৈব চ ।
ভবানপি সদারশ্চ শক্তশ্চ পরিরক্ষণে ।
অপি চাত্র বসন্রাম তাপসান্পালয়িষ্যসি ॥ 22 ॥
এতদালক্ষ্যতে বীর মধূকানাং মহদ্বনম্ ।
উত্তরেণাস্য় গংতব্য়ং ন্যগ্রোধমভিগচ্ছতা ॥ 23 ॥
ততঃ স্থলমুপারুহ্য় পর্বতস্য়াবিদূরতঃ ।
খ্য়াতঃ পংচবটীত্য়েব নিত্যপুষ্পিতকাননঃ ॥ 24 ॥
অগস্ত্য়েনৈবমুক্তস্তু রামস্সৌমিত্রিণা সহ ।
সত্কৃত্য়ামংত্রয়ামাস তমৃষিং সত্যবাদিনম্ ॥ 25 ॥
তৌ তু তেনাভ্যনুজ্ঞাতৌ কৃতপাদাভিবংদনৌ ।
তদাশ্রমাত্পংচবটীং জগ্মতুস্সীতয়া সহ ॥ 26 ॥
গৃহীতচাপৌ তু নরাধিপাত্মজৌ বিষক্ততূণৌ সমরেষ্বকাতরৌ ।
যথোপদিষ্টেন পথা মহর্ষিণা প্রজগ্মতুঃ পংচবটীং সমাহিতৌ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে ত্রয়োদশস্সর্গঃ ॥
