শ্রীমদ্বাল্মীকীয় রামাযণে কিষ্কিংধাকাংডম্ ।
অথ অষ্টাদশস্সর্গঃ ।
ইত্য়ুক্তঃ প্রশ্রিতং বাক্য়ং ধর্মার্থসহিতং হিতম্ ।
পরুষং বালিনা রামো নিহতেন বিচেতসা ॥ 1 ॥
তং নিষ্প্রভমিবাদিত্য়ং মুক্ততোযমিবাংবুদম্ ।
উক্তবাক্য়ং হরিশ্রেষ্ঠমুপশাংতমিবানলম্ ॥ 2 ॥
ধর্মার্থগুণসংপন্নং হরীশ্বরমনুত্তমম্ ।
অধিক্ষিপ্তস্তদা রামঃ পশ্চাদ্বালিনমব্রবীত্ ॥ 3 ॥
ধর্মমর্থং চ কামং চ সময়ং চাপি লৌকিকম্ ।
অবিজ্ঞায় কথং বাল্য়ান্মামিহাদ্য় বিগর্হসে ॥ 4 ॥
অপৃষ্ট্বা বুদ্ধিসংপন্নান্বৃদ্ধানাচার্যসম্মতান্ ।
সৌম্য় বানরচাপল্য়াত্কিং মাবক্তুমিহেচ্ছসি ॥ 5 ॥
ইক্ষ্বাকূণামিয়ং ভূমিস্সশৈলবনকাননা ।
মৃগপক্ষিমনুষ্য়াণাং নিগ্রহপ্রগ্রহাবপি ॥ 6 ॥
তাং পালযতি ধর্মাত্মা ভরতস্সত্যবাগৃজুঃ ।
ধর্মকামার্থতত্ত্বজ্ঞো নিগ্রহানুগ্রহে রতঃ ॥ 7 ॥
নযশ্চ বিনযশ্চোভৌ যস্মিন্সত্য়ং চ সুস্থিতম্ ।
বিক্রমশ্চ যথা দৃষ্টস্স রাজা দেশকালবিত্ ॥ 8 ॥
তস্য় ধর্মকৃতাদেশা বযমন্য়ে চ পার্থিবাঃ ।
চরামো বসুধাং কৃত্স্নাং ধর্মসংতানমিচ্ছবঃ ॥ 9 ॥
তস্মিন্নৃপতিশার্দূলে ভরতে ধর্মবত্সলে ।
পালযত্যখিলাং ভূমিং কশ্চরেদ্ধর্মনিগ্রহম্ ॥ 10 ॥
তে বয়ং ধর্মবিভ্রষ্টং স্বধর্মে পরমে স্থিতাঃ ।
ভরতাজ্ঞাং পুরস্কৃত্য় নিগৃহ্ণীমো যথাবিধি ॥ 11 ॥
ত্বং তু সংক্লিষ্টধর্মা চ কর্মণা চ বিগর্হিতঃ ।
কামতংত্রপ্রধানশ্চ ন স্থিতো রাজবর্ত্মনি ॥ 12 ॥
জ্য়েষ্ঠো ভ্রাতা পিতা চৈব যশ্চ বিদ্য়াং প্রযচ্ছতি ।
ত্রযস্তে পিতরো জ্ঞেয়া ধর্ম্য়ে চ পথি বর্তিনঃ ॥ 13 ॥
যবীয়ানাত্মনঃ পুত্রশশিষ্যশ্চাপি গুণোদিতঃ ।
পুত্রবত্তে ত্রযশ্চিংত্য়া ধর্মশ্চেদত্রকারণম্ ॥ 14 ॥
সূক্ষ্মঃ পরমদুরজেযস্সতাং ধর্মঃ প্লবংগম ।
হৃদিস্থস্সর্বভূতানামাত্মা বেদ শুভাশুভম্ ॥ 15 ॥
চপলশ্চপলৈস্সার্ধং বানরৈরকৃতাত্মভিঃ ।
জাত্য়ংধ ইব জাত্য়ংধৈর্মংত্রযন্ প্রেক্ষসে নু কিম্ ॥ 16 ॥
অহং তু ব্যক্ততামস্য় বচনস্য় ব্রবীমি তে ।
ন হি মাং কেবলং রোষাত্ত্বং বিগর্হিতুমর্হসি ॥ 17 ॥
তদেতত্কারণং পশ্য় যদর্থং ত্বং ময়া হতঃ ।
ভ্রাতুর্বর্তসি ভার্য়ায়াং ত্যক্ত্বা ধর্মং সনাতনম্ ॥ 18 ॥
অস্য় ত্বং ধরমাণস্য় সুগ্রীবস্য় মহাত্মনঃ ।
রুমায়াং বর্তসে কামাত্স্নুষায়াং পাপকর্মকৃত্ ॥ 19 ॥
তদ্ব্যতীতস্য় তে ধর্মাত্কামবৃত্তস্য় বানর ।
ভ্রাতৃভার্য়াবমর্শেঽস্মিংদংডোঽয়ং প্রতিপাদিতঃ ॥ 20 ॥
ন হি ধর্মবিরুদ্ধস্য় লোকবৃত্তাদপেয়ুষঃ ।
দংডাদন্যত্র পশ্য়ামি নিগ্রহং হরিয়ূথপ ॥ 21 ॥
ন হি তে মর্ষয়ে পাপং ক্ষত্রিয়োঽহং কুলোদ্ভবঃ ।
ঔরসীং ভগিনীং বাপি ভার্য়াং বাপ্যনুজস্য় যঃ ॥ 22 ॥
প্রচরেত নরঃ কামাত্তস্য় দংডো বধঃ স্মৃতঃ ।
ভরতস্তু মহীপালো বয়ং ত্বাদেশবর্তিনঃ ॥ 23 ॥
ত্বং তু ধর্মাদতিক্রাংতঃ কথং শক্য়ং উপেক্ষিতুম্ ।
গুরূর্ধর্মব্যতিক্রাংতং প্রাজ্ঞো ধর্মেণ পালযন্ ॥ 24 ॥
ভরতঃ কামবৃত্তানাং নিগ্রহে পর্যবস্থিতঃ ।
বয়ং তু ভরতাদেশ বিধিং কৃত্বা হরীশ্বর ।
ত্বদ্বিধান্ভিন্নমর্য়াদান্নিয়ংতুপর্যবস্থিতাঃ ॥ 25 ॥
সুগ্রীবেণ চ মে সখ্য়ং লক্ষ্মণেন যথা তথা ।
দাররাজ্যনিমিত্তং চ নিঃশ্রেযসি রত স্স মে ॥ 26 ॥
প্রতিজ্ঞা চ ময়া দত্তা তদা বানরসন্নিধৌ ।
প্রতিজ্ঞা চ কথং শক্য়া মদ্বিধেনানবেক্ষিতুম্ ॥ 27 ॥
তদেভিঃ কারণৈস্সর্বৈর্মহদ্ভির্ধর্মসংহিতৈঃ ॥ 28 ॥
শাসনং তপ যদ্য়ুক্তং তদ্ভবাননুমন্যতাম্ ।
সর্বথা ধর্ম ইত্য়েব দ্রষ্টব্যস্তব নিগ্রহঃ ॥ 29 ॥
বযস্যস্য়োপকর্তব্য়ং ধর্মমেবানুপশ্যতঃ ।
শক্য়ং ত্বয়াঽপি তত্কার্য়ং ধর্মমেবানুপশ্যতা ॥ 30 ॥
শ্রূযতে মনুনা গীতৌ শ্লোকৌ চারিত্রবত্সলৌ ।
গৃহীতৌ ধর্মকুশলৈস্তত্তথা চরিতং হরে ॥ 31 ॥
রাজভির্ধৃতদংডাস্তু কৃত্বা পাপানি মানবাঃ ।
নির্মলাস্স্বর্গমায়াংতি সংতস্সুকৃতিনো যথা ॥ 32 ॥
শাসনাদ্বাঽপিমোক্ষাদ্বা স্তেনঃ স্তেয়াদ্বিমুচ্যতে ।
রাজাত্বশাসন্পাপস্য় তদবাপ্নোতি কিল্বিষম্ ॥ 33 ॥
আর্য়েণ মম মাংধাত্রা ব্যসনং ঘোরমীপ্সিতম্ ।
শ্রমণেন কৃতে পাপে যথা পাপং কৃতং ত্বয়া ॥ 34 ॥
অন্য়ৈরপি কৃতং পাপং প্রমত্তৈর্বসুধাধিপৈঃ ।
প্রাযশ্চিত্তং চ কুর্বংতি তেন তচ্ছাম্যতে রজঃ ॥ 35 ॥
তদলং পরিতাপেন ধর্মতঃ পরিকল্পিতঃ ।
বধো বানরশার্দূল ন বয়ং স্ববশে স্থিতাঃ ॥ 36 ॥
শৃণু চাপ্যপরং ভূয়ঃ কারণং হরিপুংগব ।
যচ্ছ্রুত্বা হেতুমদ্বীর ন মন্য়ুং কর্তুমর্হসি ॥ 37 ॥
ন মে তত্র মনস্তাপো ন মন্য়ুর্হরিপুংগব ।
বাগুরাভিশ্চ পাশৈশ্চ কূটৈশ্চ বিবিধৈর্নরাঃ ॥ 38 ॥
প্রতিচ্ছন্নাশ্চ দৃশ্য়াশ্চ গৃহ্ণংতি সুবহূন্মৃগান্ ।
প্রধাবিতান্বা বিত্রস্তান্বিস্রব্ধাংশ্চাপি নিষ্ঠিতান্ ॥ 39 ॥
প্রমত্তানপ্রমত্তান্বা নরা মাংসার্থিনো ভৃশম্ ।
বিধ্য়ংতি বিমুখাংশ্চাপি ন চ দোষোঽত্র বিদ্যতে ॥ 40 ॥
যাংতি রাজর্ষযশ্চাত্র মৃগয়াং ধর্মকোবিদাঃ ।
তস্মাত্ত্বং নিহতো যুদ্ধে ময়া বাণেন বানর ॥ 41 ॥
অয়ুধ্যন্প্রতিয়ুধ্যন্বা যস্মাচ্ছাখামৃগো হ্যসি ।
দুর্লভস্য় চ ধর্মস্য় জীবিতস্য় শুভস্য় চ ॥ 42 ॥
রাজানো বানরশ্রেষ্ঠ প্রদাতারো ন সংশয়ঃ ।
তান্ন হিংস্য়ান্ন চাক্রোশেন্নাক্ষিপেন্নাপ্রিয়ং বদেত্ ॥ 43 ॥
দেবা মানুষরূপেণ চরংত্য়েতে মহীতলে ।
ত্বং তু ধর্মমবিজ্ঞায় কেবলং রোষমাস্থিতঃ ॥ 44 ॥
প্রদূষযসি মাং ধর্মে পিতৃপৈতামহে স্থিতম্ ।
এবমুক্তস্তু রামেণ বালী প্রব্যথিতো ভৃশম্ ॥ 45 ॥
ন দোষং রাঘবে দধ্য়ৌ ধর্মেঽধিগতনিশ্চয়ঃ ।
প্রত্য়ুবাচ ততো রামং প্রাংজলির্বানরেশ্বরঃ ॥ 46 ॥
যত্ত্বমাত্থ নরশ্রেষ্ঠ তদেবং নাত্র সংশয়ঃ ।
প্রতিবক্তুং প্রকৃষ্টে হি নাপকৃষ্টস্তু শক্নুয়াত্ ॥ 47 ॥
যদয়ুক্তং ময়া পূর্বং প্রমাদাদ্বাক্যমপ্রিযম্ ।
তত্রাপি খলু মে দোষং কর্তুং নার্হসি রাঘব ।
তদয়ুক্তং ময়া পূর্বং প্রমাদাদুক্তমপ্রিযম্ ।
তত্রাপি খলু মে দোষং কর্তুং নার্হসি রাঘব ॥ 48 ॥
ত্বং হি দৃষ্টার্থতত্ত্বজ্ঞঃ প্রজানাং চ হিতে রতঃ ।
কার্যকারণসিদ্ধৌ চ প্রসন্না বুদ্ধিরব্যয়া ॥ 49 ॥
মামপ্যগতধর্মাণং ব্যতিক্রাংতপুরস্কৃতম্ ।
ধর্মসংহিতয়া বাচা ধর্মজ্ঞ পরিপালয় ॥ 50 ॥
ন ত্বাত্মানমহং শোচে ন তারাং ন চ বাংধবান্ ।
যথা পুত্রং গুণজ্য়েষ্ঠমংগদং কনকাংগদম্ ॥ 51 ॥
স মমাদর্শনাদ্দীনো বাল্য়াত্প্রভৃতি লালিতঃ ।
তটাক ইব পীতাংবুরুপশোষং গমিষ্যতি ॥ 52 ॥
বালশ্চাকৃতবুদ্ধিশ্চ একপুত্রশ্চ মে প্রিয়ঃ ।
তারেয়ো রাম ভবতা রক্ষণীয়ো মহাবলঃ ॥ 53 ॥
সুগ্রীবে চাংগদে চৈব বিধত্স্ব মতিমুত্তমাম্ ।
ত্বং হি শাস্তা চ গোপ্তা চ কার্য়াকার্যবিধৌ স্থিতঃ ॥ 54 ॥
যা তে নরপতে বৃত্তির্ভরতে লক্ষ্মণে চ যা ।
সুগ্রীবে চাংগদে রাজংস্তাং ত্বমাধাতুমিহাসি ॥ 55 ॥
মদ্দোষকৃতদোষাং তাং যথা তারাং তপস্বিনীম্ ।
সুগ্রীবো নাবমন্য়েত তথাঽবস্থাতুমর্হসি ॥ 56 ॥
ত্বয়া হ্যনুগৃহীতেন রাজ্য়ং শক্যমুপাসিতুম্ ॥ 57 ॥
ত্বদ্বশে বর্তমানেন তব চিত্তানুবর্তিনা ।
শক্য়ং দিবং চার্জয়িতুং বসুধাং চাপি শাসিতুম্ ॥ 58 ॥
ত্বত্তোঽহং বধমাকাংক্ষন্বার্যমাণোঽপি তারয়া ।
সুগ্রীবেণ সহ ভ্রাত্রা দ্বংদ্বয়ুদ্ধমুপাগতঃ ॥ 59 ॥
ইত্য়ুক্ত্বা সন্নতো রামং বিররাম হরীশ্বরঃ ।
স তমাশ্বাসযদ্রামো বালিনং ব্যক্তদর্শনম্ ॥ 60 ॥
সামসংপন্নয়া বাচা ধর্মতত্ত্বার্থয়ুক্তয়া ।
ন সংতাপস্ত্বয়া কার্য় এতদর্থং প্লবংগম ॥ 61 ॥
ন বয়ং ভবতা চিংত্য়া নাপ্য়াত্মা হরিসত্তম ।
বয়ং ভবদ্বিশেষেণ ধর্মতঃ কৃতনিশ্চয়াঃ ॥ 62 ॥
দংড্য়ে যঃ পাতয়েদ্দংডং দংড্য়ো যশ্চাপি দংড্যতে ।
কার্যকারণসিদ্ধার্থা বুভৌ তৌ নাবসীদতঃ ॥ 63 ॥
তদ্ভবাংদংডসংয়োগাদস্মাদ্বিগতকল্মষঃ ।
গতস্স্বাং প্রকৃতিং ধর্ম্য়ং ধর্মদৃষ্টেন বর্ত্মনা ॥ 64 ॥
ত্যজ শোকং চ মোহং চ ভয়ং চ হৃদয়ে স্থিতম্ ।
ত্বয়া বিধানং হর্যগ্র্য় ন শক্যমতিবর্তিতুম্ ॥ 65 ॥
যথা ত্বয়্য়ংগদো নিত্য়ং বর্ততে বানরেশ্বর ।
তথা বর্তেত সুগ্রীবে ময়ি চাপি ন সংশয়ঃ ॥ 66 ॥
স তস্য় বাক্য়ং মধুরং মহাত্মন স্সমাহিতং ধর্মপথানুবর্তিনঃ ।
নিশম্য় রামস্য় রণাবমর্দিনো বচস্সুয়ুক্তং নিজগাদ বানরঃ ॥ 67 ॥
শরাভিতপ্তেন বিচেতসা ময়া প্রদূষিতস্ত্বং যদজানতা প্রভো ।
ইদং মহেংদ্রোপম ভীমবিক্রম প্রসাদিতস্ত্বং ক্ষম মে নরেশ্বর ॥ 68 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে অষ্টাদশস্সর্গঃ ॥
