শ্রীমদ্বাল্মীকীয় রামাযণে সুংদরকাংডম্ ।
অথ ত্রযস্ত্রিংশস্সর্গঃ ।
সোঽবতীর্য় দ্রুমাত্তস্মাদ্বিদ্রুমপ্রতিমাননঃ ।
বিনীতবেষঃ কৃপণঃ প্রণিপত্য়োপসৃত্য় চ ॥ 1 ॥
তামব্রবীন্মহাতেজা হনূমান্মারুতাত্মজঃ ।
শিরস্য়ংজলিমাধায় সীতাং মধুরয়া গিরা ॥ 2 ॥
কা নু পদ্মপলাশাক্ষি ক্লিষ্টকৌশেযবাসিনি ।
দ্রুমস্য় শাখামালংব্য় তিষ্ঠসি ত্বমনিংদিতে ॥ 3 ॥
কিমর্থং তব নেত্রাভ্য়াং বারি স্রবতি শোকজম্ ।
পুংডরীকপলাশাভ্য়াং বিপ্রকীর্ণমিবোদকম্ ॥ 4 ॥
সুরাণামসুরাণাং বা নাগগংধর্বরক্ষসাম্ ।
যক্ষাণাং কিন্নরাণাং বা কা ত্বং ভবসি শোভনে ॥ 5 ॥
কা ত্বং ভবসি রুদ্রাণাং মরুতাং বা বরাননে ।
বসূনাং হি বরারোহে দেবতা প্রতিভাসি মে ॥ 6 ॥
কি নু চংদ্রমসা হীনা পতিতা বিবুধালয়াত্ ।
রোহিণী জ্য়োতিষাং শ্রেষ্ঠা শ্রেষ্ঠসর্বগুণান্বিতা ॥ 7 ॥
কা ত্বং ভবসি কল্য়াণি ত্বমনিংদিতলোচনে ।
কোপাদ্বা যদি বা মোহাদ্ভর্তারমসিতেক্ষণে ॥ 8 ॥
বসিষ্ঠং কোপয়িত্বা ত্বং নাসি কল্য়াণ্যরুংধতী ।
কো নু পুত্রঃ পিতা ভ্রাতা ভর্তা বা তে সুমধ্যমে ॥ 9 ॥
অস্মাল্লোকাদমুং লোকং গতং ত্বমনুশোচসি ।
রোদনাদতিনিশ্শ্বাসাদ্ভূমিসংস্পর্শনাদপি ॥ 10 ॥
ন ত্বাং দেবীমহং মন্য়ে রাজ্ঞ স্সর্বজ্ঞাবধারণাত্ ।
ব্য়ংজনানি চ তে যানি লক্ষণানি চ লক্ষয়ে ॥ 11 ॥
মহিষী ভূমিপালস্য় রাজকন্য়া চ মে মতা ।
রাবণেন জনস্থানাদ্বলাদপদহৃতা যদি ॥ 12 ॥
সীতা ত্বমসি ভদ্রং তে তন্মমাচক্ষ্ব পৃচ্ছতঃ ।
যথা হি তব বৈ দৈন্য়ং রূপং চাপ্যতিমানুষম্ ॥ 13 ॥
তপসা চান্বিতো বেষস্ত্বং রামমহিষী ধ্রুবম্ ।
সা তস্য় বচনং শ্রুত্বা রামকীর্তনহর্ষিতা ॥ 14 ॥
উবাচ বাক্য়ং বৈদেহী হনুমংতং দ্রুমাশ্রিতম্ ।
পৃথিব্য়াং রাজসিংহানাং মুখ্যস্য় বিদিতাত্মনঃ ॥ 15 ॥
স্নুষা দশরথস্য়াহং শত্রুসৈন্যপ্রতাপিনঃ ।
দুহিতা জনকস্য়াহং বৈদেহস্য় মহাত্মনঃ ॥ 16 ॥
সীতেতি নাম নাম্নাঽহং ভার্য়া রামস্য় ধীমতঃ ।
সমা দ্বাদশ তত্রাহং রাঘবস্য় নিবেশনে ॥ 17 ॥
ভুংজানা মানুষান্ভোগান্সর্বকামসমৃদ্ধিনী ।
তত্র ত্রয়োদশে বর্ষে রাজ্য়েনেক্ষ্বাকুনংদনম্ ॥ 18 ॥
অভিষেচয়িতুং রাজা সোপাধ্য়ায়ঃ প্রচক্রমে ।
তস্মিন্সংভ্রিযমাণে তু রাঘবস্য়াভিষেচনে ॥ 19 ॥
কৈকয়ী নাম ভর্তারং দেবী বচনমব্রবীত্ ।
ন পিবেয়ং ন খাদেয়ং প্রত্যহং মম ভোজনম্ ॥ 20 ॥
এষ মে জীবিতস্য়াংতো রামো যদ্যভিষিচ্যতে ।
যত্তদুক্তং ত্বয়া বাক্য়ং প্রীত্য়া নৃপতিসত্তম ॥ 21 ॥
তচ্ছেন্ন বিতথং কার্য়ং বনং গচ্ছতু রাঘবঃ ।
স রাজা সত্যবাগ্দেব্য়া বরদানমনুস্মরন্ ॥ 22 ॥
মুমোহ বচনং শ্রুত্বা কৈকেয়্য়াঃ ক্রূরমপ্রিযম্ ।
ততস্তু স্থবিরো রাজা সত্য়ে ধর্মে ব্যবস্থিতঃ ॥ 23 ॥
জ্য়েষ্ঠং যশস্বিনং পুত্রং রুদন্রাজ্যময়াচত ।
স পিতুর্বচনং শ্রীমানভিষেকাত্পরং প্রিযম্ ॥ 24 ॥
মনসা পূর্বমাসাদ্য় বাচা প্রতিগৃহীতবান্ ।
দদ্য়ান্ন প্রতিগৃহ্ণীয়ান্ন ব্রূয়াত্কিংচিদপ্রিযম্ ॥ 25 ॥
অপি জীবিতহেতোর্বা রামস্সত্যপরাক্রমঃ ।
স বিহায়োত্তরীয়াণি মহার্হাণি মহাযশাঃ ॥ 26 ॥
বিসৃজ্য় মনসা রাজ্য়ং জনন্য়ৈ মাং সমাদিশত্ ।
সাহং তস্য়াগ্রতস্তূর্ণং প্রস্থিতা বনচারিণী ॥ 27 ॥
ন হি মে তেন হীনায়া বাসস্স্বর্গেঽপি রোচতে ।
প্রাগেব তু মহাভাগস্সৌমিত্রির্মিত্রনংদনঃ ॥ 28 ॥
পূর্বজস্য়ানুয়াত্রার্থে দ্রুমচীরৈরলংকৃতঃ ।
তে বয়ং ভর্তুরাদেশং বহুমান্য় দৃঢব্রতাঃ ॥ 29 ॥
প্রবিষ্টাস্স্ম পুরাদৃষ্টং বনং গংভীরদর্শনম্ ।
বসতো দংডকারণ্য়ে তস্য়াহমমিতৌজসঃ ॥ 30 ॥
রক্ষসাঽপহৃতা ভার্য়া রাবণেন দুরাত্মনা ।
দ্বৌ মাসৌ তেন মে কালো জীবিতানুগ্রহঃ কৃতঃ ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ত্রযস্ত্রিংশস্সর্গঃ ॥
