শ্রীমদ্বাল্মীকীয় রামাযণে সুংদরকাংডম্ ।
অথ ত্রিপংচাশস্সর্গঃ ।
তস্য় তদ্বচনং শ্রুত্বা দশগ্রীবো মহাত্মনঃ ।
দেশকালহিতং বাক্য়ং ভ্রাতুরুত্তরমব্রবীত্ ॥ 1 ॥
সম্যগুক্তং হি ভবতা দূতবধ্য়া বিগর্হিতা ।
অবশ্য়ং তু বধাদন্য়ঃ ক্রিযতামস্য় নিগ্রহঃ ॥ 2 ॥
কপীনাং কিল লাংগূলমিষ্টং ভবতি ভূষণম্ ।
তদস্য় দীপ্যতাং শীঘ্রং তেন দগ্ধেন গচ্ছতু ॥ 3 ॥
ততঃ পশ্য়ংত্বিমং দীনমংগবৈরূপ্যকর্শিতম্ ।
সমিত্রজ্ঞাতযস্সর্বে বাংধবাঃ সসুহৃজ্জনাঃ ॥ 4 ॥
আজ্ঞাপযদ্রাক্ষসেংদ্রঃ পুরং সর্বং সচত্বরম্ ।
লাংগূলেন প্রদীপ্তেন রক্ষোভিঃ পরিণীযতাম্ ॥ 5 ॥
তস্য় তদ্বচনং শ্রুত্বা রাক্ষসাঃ কোপকর্শিতাঃ ।
বেষ্টয়ংতি স্ম লাংগূলং জীর্ণৈঃ কার্পাসকৈঃ পটৈঃ ॥ 6 ॥
সংবেষ্ট্যমানে লাংগূলে ব্যবর্ধত মহাকপিঃ ।
শুষ্কমিংধনমাসাদ্য় বনেষ্বিব হুতাশনঃ ॥ 7 ॥
তৈলেন পরিষিচ্য়াথ তেঽগ্নিং তত্রাভ্যপাতযন্ ।
লাংগূলেন প্রদীপ্তেন রাক্ষসাংস্তানপাতযত্ ॥ 8 ॥
রোষামর্ষপরীতাত্মা বালসূর্যসমাননঃ ।
লাংগূলং সংপ্রদীপ্তং তু দ্রষ্টুং তস্য় হনূমতঃ ॥ 9 ॥
সহস্ত্রীবালবৃদ্ধাশ্চ জগ্মুঃ প্রীতা নিশাচরাঃ ।
স ভূয়ঃ সংগতৈঃ ক্রূরৈর্রাক্ষসৈর্হরিসত্তমঃ ॥ 10 ॥
নিবদ্ধঃ কৃতবান্বীরস্তত্কালসদৃশীং মতিম্ ।
কামং খলু ন মে শক্তা নিবদ্ধস্য়াপি রাক্ষসাঃ ॥ 11 ॥
ছিত্ত্বা পাশান্ সমুত্পত্য় হন্য়ামহমিমান্পুনঃ ।
যদি ভর্তুর্হিতার্থায় চরংতং ভর্তৃশাসনাত্ ॥ 12 ॥
বধ্নংত্য়েতে দুরাত্মনো ন তু মে নিষ্কৃতিঃ কৃতা ।
সর্বেষামেব পর্য়াপ্তো রাক্ষসানামহং যুধি ॥ 13 ॥
কিংতু রামস্য় প্রীত্যর্থং বিষহিষ্য়েঽহমীদৃশম্ ।
লংকা চারয়িতব্য়া বৈ পুনরেব ভবেদিতি ॥ 14 ॥
রাত্রৌ ন হি সুদৃষ্টা মে দুর্গকর্মবিধানতঃ ।
অবশ্যমেব দ্রষ্টব্য়া ময়া লংকা নিশাক্ষয়ে ॥ 15 ॥
কামং বদ্ধস্য় মে ভূয়ঃ পুচ্ছস্য়োদ্দীপনেন চ ।
পীডাং কুর্বংতু রক্ষাংসি ন মেঽস্তি মনসশ্শ্রমঃ ॥ 16 ॥
ততস্তে সংবৃতাকারং সত্ত্ববংতং মহাকপিম্ ।
পরিগৃহ্য় যয়ুর্হৃষ্টা রাক্ষসাঃ কপিকুংজরম্ ॥ 17 ॥
শংখভেরীনিনাদৈস্তং ঘোষয়ংতঃ স্বকর্মভিঃ ।
রাক্ষসাঃ ক্রূরকর্মাণশ্চারয়ংতি স্ম তাং পুরীম্ ॥ 18 ॥
অন্বীযমানো রক্ষোভির্যয়ৌ সুখমরিংদমঃ ।
হনুমাংশ্চারয়ামাস রাক্ষসানাং মহাপুরীম্ ॥ 19 ॥
অথাপশ্যদ্বিমানানি বিচিত্রাণি মহাকপিঃ ।
সংবৃতান্ ভূমিভাগাংশ্চ সুবিভক্তাংশ্চ চত্বরান্ ॥ 20 ॥
বীথীশ্চ গৃহসংবাধাঃ কপিশ্শৃংগাটকানি চ ।
তথা রথ্য়োপরথ্য়াশ্চ তথৈব গৃহকাংতরান্ ॥ 21 ॥
গৃহাংশ্চ মেঘসংকাশান্ দদর্শ পবনাত্মজঃ ।
চত্বরেষু চতুষ্কেষু রাজমার্গে তথৈব চ ॥ 22 ॥
ঘোষয়ংতি কপিং সর্বে চারীক ইতি রাক্ষসাঃ ।
স্ত্রীবালবৃদ্ধাঃ নির্জগ্মুস্তত্র তত্র কুতূহলাত্ ॥ 23 ॥
তং প্রদীপিতলাংগূলং হনুমংতং দিদৃক্ষবঃ ।
দীপ্যমানে ততস্তত্র লাংগূলাগ্রে হনূমতঃ ॥ 24 ॥
রাক্ষস্যস্তা বিরূপাক্ষ্য় শ্শংসুর্দেব্য়াস্তদপ্রিযম্ ।
যস্ত্বয়া কৃতসংবাদ স্সীতে তাম্রমুখঃ কপিঃ ॥ 25 ॥
লাংগূলেন প্রদীপ্তেন স এষ পরিণীযতে ।
শ্রুত্বা তদ্বচনং ক্রূরমাত্মাপহরণোপমম্ ॥ 26 ॥
বৈদেহী শোকসংতপ্তা হুতাশনমুপাগমত্ ।
মংগলাভিমুখী তস্য় সা তদাঽসীন্মহাকপেঃ ॥ 27 ॥
উপতস্থে বিশালাক্ষী প্রযতা হব্যবাহনম্ ।
যদ্যস্তি পতিশুশ্রূষা যদ্যস্তি চরিতং তপঃ ।
যদি চাস্ত্য়েকপত্নীত্বং শীতো ভব হনূমতঃ ॥ 28 ॥
যদি কিংচিদনুক্রোশস্তস্য় ময়্যস্তি ধীমতঃ ॥ 29 ॥
যদি বা ভাগ্যশেষো মে শীতো ভব হনূমতঃ ।
যদি মাং বৃত্তসংপন্নাং তত্সমাগমলালসাম্ ॥ 30 ॥
স বিজানাতি ধর্মাত্মা শীতো ভব হনূমতঃ ।
যদি মাং তারয়েদার্যস্সুগ্রীবঃ সত্যসংগরঃ ॥ 31 ॥
অস্মাদ্ধুঃখাংবুসংরোধাচ্ছীতো ভব হনূমতঃ ।
ততস্তীক্ষ্ণার্চিরব্যগ্রঃ প্রদক্ষিণশিখোঽনলঃ ॥ 32 ॥
জজ্বাল মৃগশাবাক্ষ্য়া শ্শংসন্নিব শিবং কপেঃ ।
হনুমজ্জনকশ্চাপি পুচ্ছানলয়ুতোঽনিলঃ ॥ 33 ॥
ববৌ স্বাস্থ্যকরো দেব্য়াঃ প্রালেয়ানিলশীতলঃ ।
দহ্যমানে চ লাংগূলে চিংতয়ামাস বানরঃ ॥ 34 ॥
প্রদীপ্তোঽগ্নিরয়ং কস্মান্ন মাং দহতি সর্বতঃ ।
দৃশ্যতে চ মহাজ্বালঃ করোতি ন চ মে রুজম্ ॥ 35 ॥
শিশিরস্য়েব সংঘাতো লাংগূলাগ্রে প্রতিষ্ঠিতঃ ।
অথবা তদিদং ব্যক্তং যদ্দৃষ্টং প্লবতা ময়া ॥ 36 ॥
রামপ্রভাবাদাশ্চর্য়ং পর্বত স্সরিতাং পতৌ ।
যদি তাবত্সমুদ্রস্য় মৈনাকস্য় চ ধীমতঃ ॥ 37 ॥
রামার্থং সংভ্রমস্তাদৃক্কিমগ্নির্ন করিষ্যতি ।
সীতায়াশ্চানৃশংস্য়েন তেজসা রাঘবস্য় চ ॥ 38 ॥
পিতুশ্চ মম সখ্য়েন ন মাং দহতি পাবকঃ ।
ভূযস্স চিংতয়ামাস মুহূর্তং কপিকুংজরঃ ॥ 39 ॥
উত্পপাতাথ বেগেন ননাদ চ মহাকপিঃ ।
পুরদ্বারং ততশ্শ্রীমান্ শৈলশৃংগমিবোন্নতম্ ॥ 40 ॥
বিভক্তরক্ষস্সংবাধমাসসাদানিলাত্মজঃ ।
স ভূত্বা শৈলসংকাশঃ ক্ষণেন পুনরাত্মবান্ ॥ 41 ॥
হ্রস্বতাং পরমাং প্রাপ্তো বংধনান্যবশাতযত্ ।
বিমুক্তশ্চাভবছ্রচীমান্ পুনঃ পর্বতসন্নিভঃ ॥ 42 ॥
বীক্ষমাণশ্চ দদৃশে পরিঘং তোরণাশ্রিতম্ ।
স তং গৃহ্য় মহাবাহুঃ কালাযসপরিষ্কৃতম্ ॥ 43 ॥
রক্ষিণস্তান্ পুনস্সর্বান্সূদয়ামাস মারুতিঃ ।
স তান্নিহত্ত্বা রণচংডবিক্রম স্সমীক্ষমাণঃ পুনরেব লংকাম্ ।
প্রদীপ্তলাংগূলকৃতার্চিমালী প্রকাশতাদিত্য় ইবার্চিমালী ॥ 44 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ত্রিপংচাশস্সর্গঃ ॥
