শ্রীমদ্বাল্মীকীয় রামাযণে সুংদরকাংডম্ ।
অথ ষট্পংচাশস্সর্গঃ ।
ততস্তু শিংশুপামূলে জানকীং পর্য়ুপস্থিতাম্ ।
অভিবাদ্য়াব্রবীদ্দিষ্ট্য়া পশ্য়ামি ত্বামিহাক্ষতাম্ ॥ 1 ॥
ততস্তং প্রস্থিতং সীতা বীক্ষমাণা পুনঃ পুনঃ ।
ভর্তৃস্নেহান্বিতং বাক্য়ং হনুমংতমভাষত ॥ 2 ॥
কামমস্য় ত্বমেবৈকঃ কার্যস্য় পরিসাধনে ।
পর্য়াপ্তঃ পরবীরঘ্ন যশস্যস্তে বলোদয়ঃ ॥ 3 ॥
শরৈস্তু সংকুলাং কৃত্বা লংকাং পরবলার্দনঃ ।
মাং নয়েদ্যদি কাকুত্স্থস্তত্তস্য় সদৃশং ভবেত্ ॥ 4 ॥
তদ্যথা তস্য় বিক্রাংতমনুরূপং মহাত্মনঃ ।
ভবত্য়াহবশূরস্য় তথা ত্বমুপপাদয় ॥ 5 ॥
তদর্থোপহিতং বাক্য়ং প্রশ্রিতং হেতুসংহিতম্ ।
নিশম্য় হনুমাংস্তস্য়া বাক্যমুত্তরমব্রবীত্ ॥ 6 ॥
ক্ষিপ্রমেষ্যতি কাকুত্স্থঃ হর্য়ৃক্ষপ্রবরৈর্বৃতঃ ।
যস্তে যুধি বিজিত্য়ারীন্ শোকং ব্যপনয়িষ্যতি ॥ 7 ॥
এবমাশ্বাস্য় বৈদেহীং হনুমান্ মারুতাত্মজঃ ।
গমনায় মতিং কৃত্বা বৈদেহীমভ্যবাদযত্ ॥ 8 ॥
ততস্স কপিশার্দূলঃ স্বামিসংদর্শনোত্সুকঃ ।
আরুরোহ গিরিশ্রেষ্ঠমরিষ্টমরিমর্দনঃ ॥ 9 ॥
তুংগপদ্মকজুষ্টাভির্নীলাভির্বনরাজিভিঃ ।
সোত্তরীযমিবাংভোদৈঃ শৃংগাংতরবিলংবিভিঃ ॥ 10 ॥
বোধ্যমানমিব প্রীত্য়া দিবাকরকরৈশ্শুভৈঃ ।
উন্মিষংতমিবোদ্ধূতৈর্লোচনৈরিব ধাতুভিঃ ॥ 11 ॥
তোয়ৌঘননিস্স্বনৈর্মংদ্রৈঃ প্রাধীতমিব পর্বতম্ ।
প্রগীতমিব বিস্পষ্টৈর্নানাপ্রস্রবণস্বনৈঃ ॥ 12 ॥
দেবদারুভিরত্য়ুচ্চৈরূর্ধ্ববাহুমিব স্থিতম্ ।
প্রপাতজলনির্ঘোষৈঃ প্রাক্রুষ্টমিব সর্বতঃ ॥ 13 ॥
বেপমানমিব শ্য়ামৈঃ কংপমানৈশ্শরদ্বনৈঃ ।
বেণুভির্মারুতোদ্ধূতৈঃ কূজংতমিব কীচকৈঃ ॥ 14 ॥
নিশ্শ্বসংতমিবামর্ষাদ্ঘোরৈরাশীবিষোত্তমৈঃ ।
নীহারকৃতগংভীরৈর্ধ্য়ায়ংতমিব গহ্বরৈঃ ॥ 15 ॥
মেঘপাদনিভৈঃ পাদৈঃ প্রক্রাংতমিব সর্বতঃ ।
জৃংংভমাণমিবাঽকাশে শিখরৈরভ্রমালিভিঃ ॥ 16 ॥
কূটৈশ্চ বহুধা কীর্ণৈশ্শোভিতং বহুকংদরৈঃ ।
সালতালাশ্বকর্ণৈশ্চ বংশৈশ্চ বহুভির্বৃতম্ ॥ 17 ॥
লতাবিতানৈর্বিততৈঃ পুষ্পবদ্ভিরলংকৃতম্ ।
নানামৃগগণাকীর্ণং ধাতুনিষ্য়ংদভূষিতম্ ॥ 18 ॥
বহুপ্রস্রবণোপেতং শিলাসংচযসংকটম্ ।
মহর্ষিযক্ষগংধর্বকিন্নরোরগসেবিতম্ ॥ 19 ॥
লতাপাদপসংঘাতং সিংহাধ্য়ুষিতকংদরম্ ।
ব্য়াঘ্রসংঘসমাকীর্ণং স্বাদুমূলফলদ্রুমম্ ॥ 20 ॥
তমারুরোহ হনুমান্ পর্বতং পবনাত্মজঃ ।
রামদর্শনশীঘ্রেণ প্রহর্ষেণাভিচোদিতঃ ॥ 21 ॥
তেন পাদতলাক্রাংতা রম্য়েষু গিরিসানুষু ।
সঘোষাস্সমশীর্য়ংত শিলাশ্চূর্ণীকৃতাস্ততঃ ॥ 22 ॥
স তমারুহ্য় শৈলেংদ্রং ব্যবর্ধত মহাকপিঃ ।
দক্ষিণাদুত্তরং পারং প্রার্থযন্ লবণাংভসঃ ॥ 23 ॥
অধিরুহ্য় ততো বীরঃ পর্বতং পবনাত্মজঃ ।
দদর্শ সাগরং ভীমং মীনোরগনিষেবিতম্ ॥ 24 ॥
স মারুত ইবাঽকাশং মারুতস্য়াত্মসংভবঃ ।
প্রপেদে হরিশার্দূলো দক্ষিণাদুত্তরাং দিশম্ ॥ 25 ॥
স তদা পীডিতস্তেন কপিনা পর্বতোত্তমঃ ।
ররাস সহ তৈর্ভূতৈঃ প্রবিশন্বসুধাতলম্ ॥ 26 ॥
কংপমানৈশ্চ শিখরৈঃ পতদ্ভিরপি চ দ্রুমৈঃ ।
তস্য়োরুবেগোন্মথিতাঃ পাদপাঃ পুষ্পশালিনঃ ॥ 27 ॥
নিপেতুর্ভূতলে রুগ্ণাশ্শক্রায়ুধহতা ইব ।
কংদরাংতরসংস্থানাং পীডিতানাং মহৌজসাম্ ॥ 28 ॥
সিংহানাং নিনদো ভীমো নভো ভিংদন্ স শুশ্রুবে ।
ত্রস্তব্য়াবৃত্তবসনা ব্য়াকুলীকৃতভূষণাঃ ॥ 29 ॥
বিদ্য়াধর্য়ঃ সমুত্পেতুস্সহসা ধরণীধরাত্ ।
অতিপ্রমাণা বলিনো দীপ্তজিহ্বা মহাবিষাঃ ॥ 30 ॥
নিপীডিতশিরোগ্রীবা ব্যচেষ্টংত মহাহয়ঃ ।
কিন্নরোরগংধর্বযক্ষবিদ্য়াধরাস্তদা ॥ 31 ॥
পীডিতং তং নগবরং ত্যক্ত্বা গগনমাস্থিতাঃ ।
স চ ভূমিধরঃ শ্রীমান্বলিনা তেন পীডিতঃ ॥ 32 ॥
সবৃক্ষশিখরোদগ্রঃ প্রবিবেশ রসাতলম্ ।
দশয়োজনবিস্তারস্ত্রিংশদ্য়োজনমুচ্ছ্রিতঃ ॥ 33 ॥
ধরণ্য়াং সমতাং যাতঃ স বভূব ধরাধরঃ ।
স লিলংঘয়িষুর্ভীমং সলীলং লবণার্ণবম্ ॥ 34 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ষট্পংচাশস্সর্গঃ ॥
