শ্রীমদ্বাল্মীকীয় রামাযণে অয়োধ্য়াকাংডম্ ।
অথ চতুরধিকশততমস্সর্গঃ ।
তং তু রাম স্সমাশ্বাস্য় ভ্রাতরং গুরবত্সলম্ ।
লক্ষ্মণেন সহ ভ্রাত্রা প্রষ্টুং সমুপচক্রমে ॥ 1 ॥
কিমেতদিচ্ছেযমহং শ্রোতুং প্রব্য়াহৃতং ত্বয়া ।
যস্মাত্ত্বমাগতো দেশমিমং চীরজটাজিনঃ ॥ 2 ॥
যন্নিমিত্তমিমং দেশং কৃষ্ণাজিনজটাধরঃ ।
হিত্বা রাজ্য়ং প্রবিষ্টস্ত্বং তত্সর্বং বক্তুমর্হসি ॥ 3 ॥
ইত্য়ুক্তঃ কৈকয়ীপুত্রঃ কাকুত্স্থেন মহাত্মনা ।
প্রগৃহ্য় বলবদ্ভূয়ঃ প্রাংজলির্বাক্যমব্রবীত্ ॥ 4 ॥
আর্য়ং তাতঃ পরিত্যজ্য় কৃত্বা কর্ম সুদুষ্করম্ ।
গতঃ স্বর্গ মহাবাহুঃ পুত্রশোকাভিপীডিতঃ ॥ 5 ॥
স্ত্রিয়া নিয়ুক্তঃ কৈকেয়্য়া মম মাত্রা পরংতপ ।
চকার সা মহত্পাপমিদমাত্মযশোহরম্ ॥ 6 ॥
সা রাজ্যফলমপ্রাপ্য় বিধবা শোককর্শিতা ।
পতিষ্যতি মহাঘোরে নিরয়ে জননী মম ॥ 7 ॥
তস্য় মে দাসভূতস্য় প্রসাদং কর্তুমর্হসি ।
অভিষিংচস্ব চাদ্য়েব রাজ্য়েন মঘবানিব ॥ 8 ॥
ইমাঃ প্রকৃতয় স্সর্বা বিধবা মাতরশ্চ যাঃ ।
ত্বত্সকাশমনুপ্রাপ্তা প্রসাদং কর্তুমর্হসি ॥ 9 ॥
তদানুপূর্ব্য়া যুক্তং চ যুক্তং চাত্মনি মানদ ।
রাজ্য়ং প্রাপ্নুহি ধর্মেণ সকামান্সুহৃদঃ কুরু ॥ 10 ॥
ভবত্ববিধবা ভূমি স্সমগ্রা পতিনা ত্বয়া ।
শশিনা বিমলেনেব শারদী রজনী যথা ॥ 11 ॥
এভিশ্চ সচিবৈস্সার্ধং শিরসা যাচিতো ময়া ।
ভ্রাতু শিষ্যস্য় দাসস্য় প্রসাদং কর্তুমর্হসি ॥ 12 ॥
তদিদং শাশ্বতং পিত্র্য়ং সর্বং প্রকৃতিমংডলম্ ।
পূজিতং পুরুষব্য়াঘ্র নাতিক্রমিতুমর্হসি ॥ 13 ॥
এবমুক্ত্বা মহাবাহু স্সবাষ্পঃ কৈকয়ীসুতঃ ।
রামস্য় শিরসা পাদৌ জগ্রাহ ভরতঃ পুনঃ ॥ 14 ॥
তং মত্তমিব মাতংগং নিঃশ্বসংতং পুন পুনঃ ।
ভ্রাতরং ভরতং রামঃ পরিষ্বজ্য়েদমব্রবীত্ ॥ 15 ॥
কুলীনঃসত্ত্বসংপন্নস্তেজস্বী চরিতব্রতঃ ।
রাজ্যহেতোঃ কথং পাপমাচরেত্ত্বদ্বিধো জনঃ ॥ 16 ॥
ন দোষং ত্বয়ি পশ্য়ামি সূক্ষ্মমপ্যরিসূদন ।
ন চাপি জননীং বাল্য়াত্ত্বং বিগর্হিতুমর্হসি ॥ 17 ॥
কামকারো মহাপ্রাজ্ঞ গুরূণাং সর্বদাঽনঘ ।
উপপন্নেষু দারেষু পুত্রেষু চ বিধীযতে ॥ 18 ॥
বযমস্য় যথা লোকে সংখ্য়াতাঃ সৌম্য় সাধুভিঃ ।
ভার্য়াঃ পুত্রাশ্চ শিষ্য়াশ্চ ত্বমনুজ্ঞাতুমর্হসি ॥ 19 ॥
বনে বা চীরবসনং সৌম্য় কৃষ্ণাজিনাংবরম্ ।
রাজ্য়ে বাঽপি মহারাজো মাং বাসয়িতুমীশ্বরঃ ॥ 20 ॥
যাবত পিতরি ধর্মজ্ঞে গৌরবং লোকসত্কৃতম্ ।
তাবদ্ধর্মভৃতাং শ্রেষ্ঠ জনন্য়ামপি গৌরবম্ ॥ 21 ॥
এতাভ্য়াং ধর্মশীলাভ্য়াং বনং গচ্ছেতি রাঘব ।
মাতাপিতৃভ্য়ামুক্তোঽহং কথমন্যত্সমাচরে ॥ 22 ॥
ত্বয়া রাজ্যময়োধ্য়ায়াং প্রাপ্তব্য়ং লোকসত্কৃতম্ ।
বস্তব্য়ং দংডকারণ্য়ে ময়া বল্কলবাসসা ॥ 23 ॥
এবং কৃত্বা মহারাজো বিভাগং লোকসন্নিধৌ ।
ব্য়াদিশ্য় চ মহাতেজা দিবং দশরথো গতঃ ॥ 24 ॥
স চ প্রমাণং ধর্মাত্মা রাজা লোকগুরুস্তব ।
পিত্রা দত্তং যথাভাগমুপভোক্তুং ত্বমর্হসি ॥ 25 ॥
চতুর্দশ সমাস্সৌম্য় দংডকারণ্যমাশ্রিতঃ ।
উপভোক্ষ্য়ে ত্বহং দত্তং ভাগং পিত্রা মহাত্মনা ॥ 26 ॥
যদব্রবীন্মাং নরলোকসত্কৃতঃ পিতা মহাত্মা বিবুধাধিপোপমঃ ।
তদেব মন্য়ে পরমাত্মনো হিতং ন সর্বলোকেশ্বর ভাবমপ্যযম্ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে চতুরধিকশততমস্সর্গঃ ॥
