শ্রীমদ্বাল্মীকীয় রামাযণে অয়োধ্য়াকাংডম্ ।
অথ দশাধিকশততমস্সর্গঃ ।
ক্রুদ্ধমাজ্ঞায় রামং তু বসিষ্ঠঃ প্রত্য়ুবাচ হ ।
জাবালিরপি জানীতে লোকস্য়াস্য় গতাগতিম্ ॥ 1 ॥
নিবর্তয়িতুকামস্তু ত্বামেতদ্বাক্যমব্রবীত্ ।
ইমাং লোকসমুত্পত্তিং লোকনাথ নিবোধ মে ॥ 2 ॥
সর্বং সলিলমেবাসীত্পৃথিবী যত্র নির্মিতা ।
ততঃ সমভবদ্ব্রহ্মা স্বয়ংভূর্দৈবতৈঃ সহ ॥ 3 ॥
স বরাহস্ততো ভূত্বা প্রোজ্জহার বসুংধরাম্ ।
অসৃজচ্চ জগত্সর্বং সহ পুত্রৈঃ কৃতাত্মভিঃ ॥ 4 ॥
আকাশপ্রভবো ব্রহ্মা শাশ্বতো নিত্য় অব্যয়ঃ ।
তস্মান্মরীচিঃ সংজজ্ঞে মরীচেঃ কশ্যপঃ সুতঃ ॥ 5 ॥
বিবস্বান্কাশ্যপাত্ জজ্ঞে মনুর্বৈবস্বতঃ স্বযম্ ।
স তু প্রজাপতিঃ পূর্বমিক্ষ্বাকুস্তু মনোঃ সুতঃ ॥ 6 ॥
যস্য়েয়ং প্রথমং দত্তা সমৃদ্ধা মনুনা মহী ।
তমিক্ষ্বাকুময়োধ্য়ায়াং রাজানং বিদ্ধি পূর্বকম্ ॥ 7 ॥
ইক্ষ্বাকোস্তু সুত শ্রীমান্কুক্ষিরেবেতি বিশ্রুতঃ ।
কুক্ষেরথাত্মজো বীরো বিকুক্ষিরুদপদ্যত ॥ 8 ॥
বিকুক্ষেস্তু মহাতেজা বাণঃ পুত্র প্রতাপবান্ ।
বাণস্য় তু মহাবাহুরনরণ্য়ো মহাতপাঃ ॥ 9 ॥
নানাবৃষ্টির্বভূবাস্মিন্নদুর্ভিক্ষং সতাং বরে ।
অনরণ্য়ে মহারাজে তস্করো নাপি কশ্চন ॥ 10 ॥
অনরণ্য়ান্মহাবাহুঃ পৃথু রাজা বভূব হ ।
তস্মাত্পৃথোমেহারাজস্ত্রিশংকুরুদপদ্যত ॥ 11 ॥
স সত্যবচনাদ্ বীরঃ সশরীরো দিবং গতঃ ।
ত্রিশংকোরভবত্সূনুর্দুংধুমারো মহাযশাঃ ॥ 12 ॥
দুংধুমারান্মহাতেজা যুবনাশ্বো ব্যজাযত ।
যুবনাশ্বসুত শ্শ্রীমান্মাংধাতা সমপদ্যত ॥ 13 ॥
মাংধাতুস্ত মহাতেজাঃ সুসংধিরুদপদ্যত ।
সুসংধেরপি পুত্রৌ দ্বৌ ধ্রুবসংধিঃ প্রসেনজিত্ ॥ 14 ॥
যশস্বী ধ্রুবসংধেস্তু ভরতো রিপুসূদনঃ ।
যুবনাশ্বসুত শ্শ্রীমান্মাংধাতা সমপদ্যত ॥ 15 ॥
মাংধাতুস্ত মহাতেজা স্সুসংধিরুদপদ্যত ।
সুসংধেরপি পুত্রৌ দ্বৌ ধ্রুবসংধিঃ প্রসেনজিত্ ॥ 16 ॥
যশস্বী ধ্রুবসংধেস্তু ভরতো রিপুসূদনঃ ।
ভরতাত্তু মহাবাহোরসিতো নাম জাযত ॥ 17 ॥
যস্য়ৈতে প্রতিরাজান উদপদ্য়ংত শত্রবঃ ।
হৈহয়াস্তালজংঘাশ্চ শূরাশ্চ শশিবিংদবঃ ॥ 18 ॥
তাংস্তু সর্বান্প্রতিব্য়ূহ্য় যুদ্ধে রাজা প্রবাসিতঃ ।
স চ শৈলবরে রম্য়ে বভূবাভিরতো মুনিঃ ॥ 19 ॥
দ্বে চাস্য় ভার্য়ে গর্ভিণ্য়ৌ বভূবতুরিতি শ্রুতিঃ ।
একা গর্ভবিনাশায় সপত্ন্য়ৈ গরলং দদৌ ॥ 20 ॥
ভার্গবশ্চ্যবনো নাম হিমবংতমুপাশ্রিতঃ ।
তমৃষিং সমুপাগম্য় কালিংদী ত্বভ্যবাদযত্ ॥ 21 ॥
স তামভ্যবদদ্বিপ্রো বরেপ্সুং পুত্রজন্মনি ।
পুত্রস্তে ভবিতা দেবি মহাত্মা লোকবিশ্রুতঃ ॥ 22 ॥
ধার্মিকশ্চ সুশীলশ্চ বংশকর্তাঽরিসূদনঃ ।
কৃত্বা প্রদক্ষিণং হৃষ্টা মুনিংতমনুমান্য় চ ॥ 23 ॥
পদ্মপত্রসমানাক্ষং পদ্মগর্ভসমপ্রভম্ ।
ততঃ সা গৃহমাগম্য় দেবী পুত্রং ব্যজাযত ॥ 24 ॥
সপত্ন্য়া তু গরস্তস্য়ৈ দত্তো গর্ভজিঘাংসয়া ।
গরেণ সহ তেনৈব জাত স্স সগরোঽভবত্ ॥ 25 ॥
স রাজা সগরো নাম যঃ সমুদ্রমখানযত্ ।
ইষ্ট্বা পর্বণি বেগেন ত্রাসযন ইমাঃ প্রজাঃ ॥ 26 ॥
অসমংজস্তু পুত্রোঽভূত্সগরস্য়েতি ন শ্শ্রুতম্ ।
জীবন্নেব স পিত্রা তু নিরস্তঃ পাপকর্মকৃত্ ॥ 27 ॥
অংশুমানিতি পুত্রোঽভূদসমংজস্য় বীর্যবান্ ।
দিলীপোংশুমতঃ পুত্রো দিলীপস্য় ভগীরথঃ ॥ 28 ॥
ভগীরথাত্ককুত্স্থস্তু কাকুত্স্থা যেন বিশ্রুতাঃ ।
ককুত্স্থস্য় চ পুত্রোঽভূদ্রঘুর্য়েন চ রাঘবাঃ ॥ 29 ॥
রঘোস্তু পুত্রস্তেজস্বী প্রবৃদ্ধঃ পুরুষাদকঃ ।
কল্মাষপাদ স্সৌদাস ইত্য়েবং প্রথিতো ভুবি ॥ 30 ॥
কল্মাষপাদপুত্রোঽভূচ্ছংখণস্ত্বিতি বিশ্রুতঃ ।
যস্তু তদ্বীর্যমাসাদ্য় সহসৈন্য়ো ব্যনীনশত্ ॥ 31 ॥
শংখণস্য় চ পুত্রোঽভূচ্ছূর শ্রীমান্সুদর্শনঃ ।
সুদর্শনস্য়াগ্নিবর্ণঃ অগ্নিবর্ণস্য় শীঘ্রগঃ ॥ 32 ॥
শীঘ্রগস্য় মরুঃ পুত্রো মরোঃ পুত্রঃ প্রশুশ্রুবঃ ।
প্রশুশ্রুবস্য় পুত্রোভূদংবরীষো মহাদ্য়ুতিঃ ॥ 33 ॥
অংবরীষস্য় পুত্রোভূন্নহুষঃ সত্যবিক্রমঃ ।
নহুষস্য় চ নাভাগঃ পুত্রঃ পরমধার্মিকঃ ॥ 34 ॥
অজশ্চ সুব্রতশ্চৈব নাভাগস্য় সুতাবুভৌ ।
অজস্য়ৈব চ ধর্মাত্মা রাজা দশরথস্সুতঃ ॥ 35 ॥
তস্য় জ্য়েষ্ঠোঽসি দায়াদো রাম ইত্যভিবিশ্রুতঃ ।
তদ্গৃহাণ স্বকং রাজ্যমবেক্ষস্ব জনং নৃপ ॥ 36 ॥
ইক্ষ্বাকূণাং হি সর্বেষাং রাজা ভবতি পূর্বজঃ ।
পূর্বজে নাপরঃ পুত্রো জ্য়েষ্ঠো রাজ্য়েঽভিষিচ্যতে ॥ 37 ॥
স রাঘবাণাং কুলধর্মমাত্মনঃ সনাতনং নাদ্য় বিহংতুমর্হসি ।
প্রভূতরত্নামনুশাধি মেদিনীং প্রভূতরাষ্ট্রাং পিতৃবন্মহাযশঃ ॥ 38 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দশাধিকশততমস্সর্গঃ ॥
