শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্ততিতমস্সর্গঃ ।
ভরতে ব্রুবতি স্বপ্নং দূতাস্তে ক্লাংতবাহনাঃ ।
প্রবিশ্য়াসহ্যপরিখং রম্য়ং রাজগৃহং পুরম্ ॥ 1 ॥
সমাগম্য় তু রাজ্ঞা চ রাজপুত্রেণ চার্চিতাঃ রাজ্ঞঃ পাদৌ গৃহীত্বা তু তমূচুর্ভরতং বচঃ ॥ 2 ॥
ভরতে ব্রুবতি স্বপ্নং দূতাস্তে ক্লাংতবাহনাঃ ।
প্রবিশ্য়াসহ্যপরিখং রম্য়ং রাজগৃহং পুরম্ ॥ 3 ॥
সমাগম্য় তু রাজ্ঞা চ রাজপুত্রেণ চার্চিতাঃ রাজ্ঞঃ পাদৌ গৃহীত্বা তু তমূচুর্ভরতং বচঃ ॥ 4 ॥
পুরোহিতস্ত্বাং কুশলং প্রাহ সর্বে চ মংত্রিণঃ ।
ত্বরমাণশ্চ নির্য়াহি কৃত্যমাত্যয়িকং ত্বয়া ॥ 5 ॥
ইমানি চ মহার্হাণি বস্ত্রাণ্য়াভরণানি চ ।
প্রতিগৃহ্য় বিশালক্ষ মাতুলস্য় চ দাপয় ॥ 6 ॥
অত্র বিশংতিকোট্যস্তু নৃপতের্মাতুলস্য় তে ।
দশকোট্যস্তু সংপূর্ণাস্তথৈব চ নৃপাত্মজ ॥ 7 ॥
প্রতিগৃহ্য় তু তত্সর্বং স্বনুরক্ত স্সুহৃজ্জনে ।
দূতানুবাচ ভরতঃ কামৈস্সংপ্রতিপূজ্য় তান্ ॥ 8 ॥
কচ্চিত্সুকুশলী রাজা পিতা দশরথো মম ।
কচ্চিচ্চারোগতা রামে লক্ষ্মণে চ মহাত্মনি ॥ 9 ॥
আর্য়া চ ধর্মনিরতা ধর্মজ্ঞা ধর্মদর্শিনী ।
অরোগা চাপি কৌসল্য়া মাতা রামস্য় ধীমতঃ ॥ 10 ॥
কচ্চিত্সুমিত্রা ধর্মজ্ঞা জননী লক্ষ্মণস্য় যা ।
শত্রুঘ্নস্য় চ বীরস্য় সাঽরোগা চাপি মধ্যমা ॥ 11 ॥
আত্মকামা সদা চংডী ক্রোধনা প্রাজ্ঞমানিনী ।
অরোগা চাপি মে মাতা কৈকেয়ী কিমুবাচ হ ॥ 12 ॥
এবমুক্তাস্তু তে দূতাঃ ভরতেন মহাত্মনা ।
ঊচুস্সপ্রশ্রয়ং বাক্যমিদং তং ভরতং তদা ॥ 13 ॥
কুশলাস্তে নরব্য়াঘ্র যেষাং কুশলমিচ্ছসি ।
শ্রীশ্চ ত্বাং বৃণুতে পদ্মা যুজ্যতাং চাপি তে রথঃ ॥ 14 ॥
ভরতশ্চাপি তান্ দূতানেবমুক্তোঽভ্যভাষত ।
আপৃচ্চেঽহং মহারাজং দূতাস্সংত্বরয়ংতি মাম্ ॥ 15 ॥
এবমুক্ত্বা তু তান্ দূতান্ভরতঃ পার্থিবাত্মজঃ ।
দূতৈ স্সংচোদিতো বাক্য়ং মাতামহমুবাচ হ ॥ 16 ॥
রাজন্ পিতুর্গমিষ্য়ামি সকাশং দূতচোদিতঃ ।
পুনরপ্যহমেষ্য়ামি যদা মে ত্বং স্মরিষ্যসি ॥ 17 ॥
ভরতেনৈবমুক্তস্তু নৃপো মাতামহস্তদা ।
তমুবাচ শুভং বাক্য়ং শিরস্য়াঘ্রায় রাঘবম্ ॥ 18 ॥
গচ্ছ তাতানুজানে ত্বাং কৈকেয়ীসুপ্রজাস্ত্বয়া ।
মাতরং কুশলং ব্রূয়াঃ পিতরং চ পরংতপ ॥ 19 ॥
পুরোহিতং চ কুশলং যে চান্য়ে দ্বিজসত্তমাঃ ।
তৌ চ তাত মহেষ্বাসৌ ভ্রাতরৌ রামলক্ষ্মণৌ ॥ 20 ॥
তস্মৈ হস্ত্য়ুত্তমাংশ্চিত্রান্কংবলানজিনানি চ ।
অভিসত্কৃত্য় কৈকেয়ো ভরতায় ধনং দদৌ ॥ 21 ॥
রুক্মনিষ্কসহস্রে দ্বে ষোডশাশ্বশতানি চ ।
সত্কৃত্য় কৈকয়ীপুত্রং কেকয়ো ধনমাদিশত্ ॥ 22 ॥
তথাঽমাত্য়ানভিপ্রেতান্বিশ্বাস্য়াংশ্চ গুণান্বিতান্ ।
দদাবশ্বপতিঃ ক্ষিপ্রং ভরতায়ানুয়ায়িনঃ ॥ 23 ॥
ঐরাবতানৈংদ্রশিরান্নাগান্বৈ প্রিযদর্শনান্ ।
খরান্ শ্রীঘ্রান্সুসংয়ুক্তান্মাতুলোঽস্মৈ ধনং দদৌ ॥ 24 ॥
অংতঃপুরেঽতি সংবৃদ্ধান্ ব্য়াঘ্রবীর্যবলান্বিতান্ ।
দংষ্ট্রাঽঽয়ুধান্মহাকায়ান্ শুনশ্চোপাযনং দদৌ ॥ 25 ॥
স দত্তং কেকয়েংদ্রেণ ধনং তন্নাভ্যনংদত ।
ভরতঃ কৈকয়ীপুত্রো গমনত্বরয়া তদা ॥ 26 ॥
বভূব হ্যস্য় হৃদয়ে চিংতা সুমহতী তদা ।
ত্বরয়া চাপি দূতানাং স্বপ্নস্য়াপি চ দর্শনাত্ ॥ 27 ॥
স স্ববেশ্মাভ্যতিক্রম্য় নরনাগাশ্বসংবৃতম্ ।
প্রপেদে সুমহচ্ছ্রীমান্রাজমার্গমনুত্তমম্ ॥ 28 ॥
অভ্যতীত্য় ততোঽপশ্যদংতঃপুরমুদারধীঃ ।
ততস্তদ্ভরতশ্শ্রীমানাবিবেশানিবারিতঃ ॥ 29 ॥
স মাতামহমাপৃচ্ছ্য় মাতুলং চ যুধাজিতম্ ।
রথমারুহ্য় ভরতশ্শত্রুঘ্নসহিতো যয়ৌ ॥ 30 ॥
রথান্মংডল চক্রাংশ্চ যোজয়িত্বা পরশ্শতম্ ।
উষ্ট্র গোঽশ্ববলৈর্ভৃত্য়া ভরতং যাংতমন্বয়ুঃ ॥ 31 ॥
বলেন গুপ্তো ভরতো মহাত্মা সহার্যকস্য়াঽত্মসমৈরমাত্য়ৈঃ ।
আদায় শত্রুঘ্নমপেতশত্রুর্গৃহাদ্যয়ৌ সিদ্ধ ইবেংদ্রলোকাত্ ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্ততিতমস্সর্গঃ ॥
