শ্রীমদ্বাল্মীকীয় রামাযণে সুংদরকাংডম্ ।
অথ পংচমস্সর্গঃ ।
ততঃ স মধ্য়ংগতমংশুমংতং জ্য়োত্স্নাবিতানং মহদুদ্বমংতম্ ।
দদর্শ ধীমান্ দিবি ভানুমংতং গোষ্ঠে বৃষং মত্তমিব ভ্রমংতম্ ॥ 1 ॥
লোকস্য় পাপানি বিনাশয়ংতং মহোদধিং চাপি সমেধয়ংতম্ ।
ভূতানি সর্বাণি বিরাজয়ংতং দদর্শ শীতাংশুমথাভিয়াংতম্ ॥ 2 ॥
যা ভাতি লক্ষ্মীর্ভুবি মংদরস্থা তথা প্রদোষেষু চ সাগরস্থা ।
তথৈব তোয়েষু চ পুষ্করস্থা ররাজ সা চারুনিশাকরস্থা ॥ 3 ॥
হংসো যথা রাজতপংজরস্থঃ সিংহো যথা মংদরকংদরস্থঃ ।
বীরো যথা গর্বিতকুংজরস্থ চংদ্রোঽপি বভ্রাজ তথাংবরস্থঃ ॥ 4 ॥
স্থিতঃ ককুদ্মানিব তীক্ষ্ণশৃংগো মহাচলঃ শ্বেত ইবোচ্চশৃংগঃ ।
হস্তীব জাংবূনদবদ্ধশৃংগো ররাজ চংদ্রঃ পরিপূর্ণশৃংগঃ ॥ 5 ॥
বিনষ্টশীতাংবুতুষারপংকো মহাগ্রহগ্রাহবিনষ্টপংকঃ ।
প্রকাশলক্ষ্ম্য়াশ্রযনির্মলাংকঃ ররাজ চংদ্রো ভগবান্ শশাংকঃ ॥ 6 ॥
শিলাতলং প্রাপ্য় যথা মৃগেংদ্রো মহারণং প্রাপ্য় যথা গজেংদ্রঃ ।
রাজ্য়ং সমাসাদ্য় যথা নরেংদ্র স্তথাপ্রকাশো বিররাজ চংদ্রঃ ॥ 7 ॥
প্রকাশচংদ্রোদযনষ্টদোষঃ প্রবৃত্তরক্ষঃ পিশিতাশদোষঃ ।
রামাভিরামেরিতচিত্তদোষঃ স্বর্গপ্রকাশো ভগবান্ প্রদোষঃ ॥ 8 ॥
তংত্রীস্বনাঃ কর্ণসুখাঃ প্রবৃত্তাঃ স্বপংতি নার্য়ঃ পতিভিঃ সুবৃত্তাঃ ।
নক্তংচরাশ্চাপি তথা প্রবৃত্তাঃ বিহর্তুমত্যদ্ভুতরৌদ্রবৃত্তাঃ ॥ 9 ॥
মত্তপ্রমত্তানি সমাকুলানি রথাশ্বভদ্রাসনসংকুলানি ।
বীরশ্রিয়া চাপি সমাকুলানি দদর্শ ধীমান্ স কপিঃ কুলানি ॥ 10 ॥
পরস্পরং চাধিকমাক্ষিপংতি ভুজাংশ্চ পীনানধিকং ক্ষিপংতি ।
মত্তপ্রলাপানধিকং ক্ষিপংতি মত্তানি চান্য়োন্যমধিক্ষিপংতি ॥ 11 ॥
রক্ষাংসি বক্ষাংসি চ বিক্ষিপংতি গাত্রাণি কাংতাসু চ বিক্ষিপংতি ।
রূপাণি চিত্রাণি চ বিক্ষিপংতি দৃঢানি চাপানি চ বিক্ষিপংতি ॥ 12 ॥
দদর্শ কাংতাশ্চ সমালভংত্য় স্তথা পরাস্তত্র পুনঃ স্বপংত্য়ঃ ।
সুরূপবক্ত্রাশ্চ তথা হসংত্য়ঃ ক্রুদ্ধাঃ পরাশ্চাপি বিনিঃশ্বসংত্য় ॥ 13 ॥
মহাগজৈশ্চাপি তথা নদদ্ভিঃ সুপূজিতৈশ্চাপি তথা সুসদ্ভিঃ ।
ররাজ বীরৈশ্চ বিনিঃশ্বসদ্ভিঃ হ্রদো ভুজংগৈরিব নিঃশ্বসদ্ভিঃ ॥ 14 ॥
বুদ্ধিপ্রধানান্ রুচিরাভিধানান্ সংশ্রদ্ধধানান্ জগতঃ প্রধানান্ ।
নানাবিধানান্ রুচিরাভিধানান্ দদর্শ তস্য়াং পুরি যাতুধানান্ ॥ 15 ॥
ননংদ দৃষ্ট্বা স চ তান্ সুরূপান্নানাগুণানাত্মগুণানুরূপান্ ।
বিদ্য়োতমানান্স তদানুরূপান্ দদর্শ কাংশ্চিচ্চ পুনর্বিরূপান্ ॥ 16 ॥
ততো বরার্হাঃ সুবিশুদ্ধভাবা স্তেষাং স্ত্রিযস্তত্র মহানুভাবাঃ ।
প্রিয়েষু পানেষু চ সক্তভাবা দদর্শ তারা ইব সুপ্রভাবাঃ ॥ 17 ॥
শ্রিয়া জ্বলংতীস্ত্রপয়োপগূঢা নিশীথকালে রমণোপগূঢাঃ ।
দদর্শ কাশ্চিত্প্রমদোপগূঢা যথা বিহংগাঃ কুসুমোপগূঢাঃ ॥ 18 ॥
অন্য়াঃ পুনর্হর্ম্যতলোপবিষ্টা স্তত্র প্রিয়াংকেষু সুখোপবিষ্টাঃ ।
ভর্তুঃ প্রিয়া ধর্মপরা নিবিষ্টা দদর্শ ধীমান্ মদনাভিবিষ্টাঃ ॥ 19 ॥
অপ্রাবৃতাঃ কাংচনরাজিবর্ণাঃ কাশ্চিত্পরার্থ্য়াস্তপনীযবর্ণাঃ ।
পুনশ্চ কাশ্চিচ্ছশলক্ষ্মবর্ণাঃ কাংতপ্রহীণা রুচিরাংগবর্ণাঃ ॥ 20 ॥
ততঃ প্রিয়ান্ প্রাপ্য় মনোভিরামাঃ সুপ্রীতিয়ুক্তাঃ প্রসমীক্ষ্যরামাঃ ।
গৃহেষু হৃষ্টাঃ পরমাভিরামাঃ হরিপ্রবীরঃ স দদর্শ রামাঃ ॥ 21 ॥
চংদ্রপ্রকাশাশ্চ হি বক্ত্রমালাঃ বক্রাক্ষিপক্ষ্মাশ্চ সুনেত্রমালাঃ ।
বিভূষণানাং চ দদর্শ মালাঃ শতহ্রদানামিব চারুমালাঃ ॥ 22 ॥
ন ত্বেব সীতাং পরমাভিজাতাং পথি স্থিতে রাজকুলে প্রজাতাম্ ।
লতাং প্রপুল্লামিব সাধু জাতাং দদর্শ তন্বীং মনসাভিজাতাম্ ॥ 23 ॥
সনাতনে বর্ত্মনি সন্নিবিষ্টাং রামেক্ষণাং তাং মদনাভিবিষ্টাম্ ।
ভর্তুর্মনঃ শ্রীমদনুপ্রবিষ্টাং স্ত্রীভ্য়ো বরাভ্যশ্চ সদা বিশিষ্টাম্ ॥ 24 ॥
উষ্ণার্দিতাং সানুসৃতাস্রকংঠীং পুরা বরার্হোত্তমনিষ্ককংঠীম্ ।
সুজাতপক্ষ্মামভিরক্তকংঠীং বনেঽপ্রবৃত্তামিব নীলকংঠীম্ ॥ 25 ॥
অব্যক্তরেখামিব চংদ্ররেখাং পাংসুপ্রদিগ্ধামিব হেমরেখাম্ ।
ক্ষতপ্ররূঢামিব বাণরেখাং বায়ুপ্রভিন্নামিব মেঘরেখাম্ ॥ 26 ॥
সীতামপশ্যন্ মনুজেশ্বরস্য় রামস্য় পত্নীং বদতাং বরস্য় ।
বভূব দুঃখাভিহতশ্চিরস্য় প্লবংগমো মংদ ইবাচিরস্য় ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে পংচমস্সর্গঃ ॥
