শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচদশাধিকশততমস্সর্গঃ ।
ততো নিক্ষিপ্য় মাতৃ স্স অয়োধ্য়ায়াং দৃঢ ব্রতঃ ।
ভরত শ্শোকসংতপ্তো গুরূনিদমথাব্রবীত্ ॥ 1 ॥
নংদিগ্রামং গমিষ্য়ামি সর্বানামংত্রয়েঽদ্য় বঃ ।
তত্র দুঃখমিদং সর্বং সহিষ্য়ে রাঘবং বিনা ॥ 2 ॥
গতশ্চ বা দিবং রাজা বনস্থশ্চ গুরুর্মম ।
রামং প্রতীক্ষে রাজ্য়ায় স হি রাজা মহাযশাঃ ॥ 3 ॥
এতচ্ছ্রুত্বা শুভং বাক্য়ং ভরতস্য় মহাত্মনঃ ।
অব্রুবন্মংত্রিণস্সর্বে বসিষ্ঠশ্চ পুরোহিতঃ ॥ 4 ॥
সুভৃশং শ্লাঘনীয়ং চ যদুক্তং ভরত ত্বয়া ।
বচনং ভ্রাতৃবাত্সল্য়াদনুরূপং তবৈব তত্ ॥ 5 ॥
নিত্য়ং তে বংধুলুব্ধস্য় তিষ্ঠতো ভ্রাতৃসৌহৃদে ।
আর্যমার্গং প্রপন্নস্য় নানুমন্য়েত কঃ পুমান্ ॥ 6 ॥
মংত্রিণাং বচনং শ্রুত্বা যথাভিলষিতং প্রিযম্ ।
অব্রবীত্সারথিং বাক্য়ং রথো মে যুজ্যতামিতি ॥ 7 ॥
প্রহৃষ্টবদন স্সর্বা মাতৃ স্সমভিবাদ্য় সঃ ।
আরুরোহ রথং শ্রীমান্ শত্রুঘ্নেন সমন্বিতঃ ॥ 8 ॥
আরুহ্য় চ রথং শীঘ্রং শত্রুঘ্নভরতাবুভৌ ।
যযতুঃ পরমপ্রীতৌ বৃতৌ মংত্রিপুরোহিতৈঃ ॥ 9 ॥
অগ্রতো গুরবঃ সর্বে বসিষ্ঠপ্রমুখা দ্বিজাঃ ।
প্রযয়ুঃ প্রাংগ্মুখা স্সর্বে নংদিগ্রামো যতোঽভবত্ ॥ 10 ॥
বলং চ তদনাহূতং গজাশ্বরথসংকুলম্ ।
প্রযয়ৌ ভরতে যাতে সর্বে চ পুরবাসিনঃ ॥ 11 ॥
রথস্থঃ স তু ধর্মাত্মা ভরতো ভ্রাতৃবত্সলঃ ।
নংদিগ্রামং যয়ৌ তূর্ণং শিরস্য়াদায় পাদুকে ॥ 12 ॥
ততস্তু ভরতঃ ক্ষিপ্রং নংদিগ্রামং প্রবিশ্য় সঃ ।
অবতীর্য় রথাত্তূর্ণং গুরূনিদমুবাচ হ ॥ 13 ॥
এতদ্রাজ্য়ং মম ভ্রাত্রা দত্তং সন্নয়াসবত্স্বযম্ ।
যোগক্ষেমবহে চেমে পাদুকে হেমভূষিতে ॥ 14 ॥
ভরত শ্শিরসা কৃত্বা সন্ন্য়াসং পাদুকে ততঃ ।
অব্রবীদ্ধুঃখসংতপ্ত স্সর্বং প্রকৃতিমংডলম্ ॥ 15 ॥
ছত্রং ধারযত ক্ষিপ্রমার্যপাদাবিমৌ মতৌ ।
আভ্য়াং রাজ্য়ে স্থিতো ধর্মঃ পাদুকাভ্য়াং গুরোর্মম ॥ 16 ॥
ভ্রাত্রা হি ময়ি সংন্য়াসো নিক্ষিপ্ত স্সৌহৃদাদযম্ ।
তমিমং পালয়িষ্য়ামি রাঘবাগমনং প্রতি ॥ 17 ॥
ক্ষিপ্রং সংয়োজয়িত্বাতু রাঘবস্য় পুনস্স্বযম্ ।
চরণৌ তৌ তু রামস্য় দ্রক্ষ্য়ামি সহপাদুকৌ ॥ 18 ॥
ততো নিক্ষিপ্তভারোঽহং রাঘবেণ সমাগতঃ ।
নিবেদ্য় গুরবে রাজ্য়ং ভজিষ্য়ে গুরুবৃত্তিতাম্ ॥ 19 ॥
রাঘবায় চ সন্য়াসং দত্ত্বেমে বরপাদুকে ।
রাজ্য়ং চেদময়োধ্য়াং চ ধূতপাপো ভবামি চ ॥ 20 ॥
অভিষিক্তে তু কাকুত্স্থে প্রহৃষ্টমুদিতে জনে ।
প্রীতির্মম যশশ্চৈব ভবেদ্রাজ্য়াচ্চতুর্গুণম্ ॥ 21 ॥
এবং তু বিলপংদীনো ভরত স্সমহাযশাঃ ।
নংদিগ্রামেঽকরোদ্রাজ্য়ং দুঃখিতো মংত্রিভিস্সহ ॥ 22 ॥
স বল্কলজটাধারী মুনিবেষধরঃ প্রভুঃ ।
নংদিগ্রামেঽবসদ্বীর স্সসৈন্য়ো ভরতস্তদা ॥ 23 ॥
রামাগমনমাকাংক্ষন্ভরতো ভ্রাতৃবত্সলঃ ।
ভ্রাতুর্বচনকারী চ প্রতিজ্ঞাপারগস্তথা ॥ 24 ॥
পাদুকে ত্বভিষিচ্য়াথ নংদিগ্রামেঽবসত্তদা ।
স বালব্যজনং ছত্রং ধারয়ামাস স স্বযম্ ।
ভরত শ্শাসনং সর্বং পাদুকাভ্য়াং নিবেদযন্ ॥ 25 ॥
ততস্তু ভরত শশ্রীমানভিষিচ্য়াঽঽর্যপাদুকে ।
তদধীনস্তদা রাজ্য়ং কারয়ামাস সর্বদা ॥ 26 ॥
তদা হি যত্কার্যমুপৈতি কিংচিদুপাযনং চোপহৃতং মহার্হম্ ।
স পাদুকাভ্য়াং প্রথমং নিবেদ্য় চকার পশ্চাদ্ভরতো যথাবত্ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচদশাধিকশততমস্সর্গঃ ॥
