শ্রীমদ্বাল্মীকীয় রামাযণে অরণ্যকাংডম্ ।
অথ তৃতীযস্সর্গঃ ।
ইত্য়ুক্ত্বা লক্ষ্মণশ্শ্রীমান্বিরাধে প্রহসন্নিব ।
কোভবান্বনমভ্য়েত্য় চরিষ্যসি যথাসুখম্ ॥ 1 ॥
অথোবাচ পুনর্বাক্য়ং বিরাধঃ পূরযন্বনম্ ।
পৃচ্ছতো মম হি ব্রূতং কৌ যুবাং ক্ব গমিষ্যথঃ ॥ 2 ॥
. ।
তমুবাচ ততো রামো রাক্ষসং জ্বলিতাননম্ ।
পৃচ্ছংতং সুমহাতেজা ইক্ষ্বাকুকুলমাত্মনঃ ॥ 3 ॥
ক্ষত্রিয়ৌ বৃত্তসংপন্নৌ বিদ্ধি নৌ বনগোচরৌ ।
ত্বাং তু বেদিতুমিচ্ছাবঃ কস্ত্বং চরসি দংডকান্ ॥ 4 ॥
তমুবাচ বিরাধস্তু রামং সত্যপরাক্রমম্ ।
হংত বক্ষ্য়ামি তে রাজন্নিবোধ মম রাঘব ॥ 5 ॥
পুত্রঃ কিল জযস্য়াহং মাতা মম শতহ্রদা ।
বিরাধ ইতি মামাহুঃ পৃথিব্য়াং সর্বরাক্ষসাঃ ॥ 6 ॥
তপসা চাভিসংপ্রাপ্তা ব্রহ্মণো হি প্রসাদজা ।
শস্ত্রেণাবধ্যতা লোকেঽচ্ছেদ্য়াভেদ্যত্বমেব চ ॥ 7 ॥
উত্সৃজ্য় প্রমদামেনামনপেক্ষৌ যথাগতম্ ।
ত্বরমাণৌ পলায়েথাং ন বাং জীবিতমাদদে ॥ 8 ॥
তং রামঃ প্রত্য়ুবাচেদং কোপসংরক্তলোচনঃ ।
রাক্ষসং বিকৃতাকারং বিরাধং পাপচেতসম্ ॥ 9 ॥
ক্ষুদ্র ধিক্ত্বাং তু হীনার্থং মৃত্য়ুমন্বেষসে ধ্রুবম্ ।
রণে প্রাপ্স্যসে সংতিষ্ঠ ন মে জীবন্ গমিষ্য়াসি ॥ 10 ॥
ততঃ সজ্য়ং ধনুঃ কৃত্বা রামস্সুনিশিতাংছরান্ ।
সুশীঘ্রমভিসংধায় রাক্ষসং নিজঘান হ ॥ 11 ॥
ধনুষা জ্য়াগুণবতা সপ্ত বাণান্মুমোচ হ ।
রুক্মপুংখান্মহাবেগান্সুপর্ণানিলতুল্যগান্ ॥ 12 ॥
তে শরীরং বিরাধস্য় ভিত্ত্বাবর্হিণবাসসঃ ।
নিপেতুশ্শোণিতাদিগ্ধা ধরণ্য়াং পাবকোপমাঃ ॥ 13 ॥
স বিদ্ধো ন্যস্য় বৈদেহীং শূলমুদ্যম্য় রাক্ষসঃ ।
অভ্যদ্রবত্সুসংকৃদ্ধস্তদা রামং সলক্ষ্মণম্ ॥ 14 ॥
স বিনদ্য় মহানাদং শূলং শক্রধ্বজোপমম্ ।
প্রগৃহ্য়াশোভত তদা ব্য়াত্তানন ইবাংতকঃ ॥ 15 ॥
অথ তৌ ভ্রাতরৌ দীপ্তং শরবর্ষং ববর্ষতুঃ ।
বিরাধে রাক্ষসে তস্মিন্ কালাংতকযমোপমে ॥ 16 ॥
স প্রহস্য় মহারৌদ্রঃ স্থিত্বাজৃংভত রাক্ষসঃ ।
জৃংভমাণস্য় তে বাণাঃ কায়ান্নিষ্পেতুরাশুগাঃ ॥ 17 ॥
স্পর্শাত্তু বরদানেন প্রাণান্সম্রোধ্য় রাক্ষসঃ ।
বিরাধঃ শূলমুদ্যম্য় রাঘবাবভ্যধাবত ॥ 18 ॥
তচ্ছূলং বজ্রসংকাশং গগনে জ্বলনোপমম্ ।
দ্বাভ্য়াং শরাভ্য়াং চিচ্ছেদ রামঃ শস্ত্রভৃতাংবরঃ ॥ 19 ॥
তদ্রামবিশিখচ্ছিন্নং শূলং তস্যকরাদ্ভুবি ।
পপাতাশনিনা ছিন্নং মেরোরিব শিলাতলম্ ॥ 20 ॥
তৌ খড্গৌ ক্ষিপ্রমুদ্যম্য় কৃষ্ণসর্পোপমৌশুভৌ ।
তূর্ণমাপেততুস্তস্য় তদা প্রহরতাং বলাত্ ॥ 21 ॥
স বধ্যমানঃ সুভৃশং ভুজাভ্য়াং পরিরভ্যতৌ ।
অপ্রকংপ্য়ৌ নরব্য়াঘ্রৌ রৌদ্রঃ প্রস্থাতুমৈচ্ছত ॥ 22 ॥
তস্য়াভিপ্রাযমাজ্ঞায় রামো লক্ষ্মণমব্রবীত্ ।
বহত্বযমলং তাবত্পথাঽনেন তু রাক্ষসঃ ॥ 23 ॥
যথা চেচ্ছতি সৌমিত্রে তথা বহতু রাক্ষসঃ ।
অযমেব হি নঃ পংথা যেন যাতি নিশাচরঃ ॥ 24 ॥
স তু স্ববলবীর্য়েণ সমুত্ক্ষিপ্য় নিশাচরঃ ।
বালাবিব স্কংধগতৌ চকারাতিবলোদ্ধতঃ ॥ 25 ॥
তাবারোপ্য় ততঃ স্কংধং রাঘবৌ রজনীচরঃ ।
বিরাধো বিনদন্ঘোরং জগামাভিমুখো বনম্ ॥ 26 ॥
বনং মহামেঘনিভং প্রবিষ্টো দ্রুমৈর্মহদ্ভির্বিবিধৈরুপেতম্ ।
নানাবিধৈঃ পক্ষিকুলৈর্বিচিত্রং শিবায়ুতং ব্য়ালমৃগৈর্বিকীর্ণম্ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে তৃতীযস্সর্গঃ ॥
