শ্রীমদ্বাল্মীকীয় রামাযণে কিষ্কিংধাকাংডম্ ।
অথ প্রথমস্সর্গঃ ।
স তাং পুষ্করিণীং গত্বা পদ্মোত্পলঝষাকুলাম্ ।
রামস্সৌমিত্রি সহিতো বিললাপাকুলেংদ্রিয়ঃ ॥ 1 ॥
তস্য় দৃষ্ট্বৈব তাং হর্ষাদিংদ্রিয়াণি চকংপিরে ।
স কামবশমাপন্নস্সৌমিত্রিমিদমব্রবীত্ ॥ 2 ॥
সৌমিত্রে শোভতে পংপা বৈদূর্যবিমলোদকা ।
ফুল্লপদ্মোত্পলবতী শোভিতা বিবিধৈর্দ্রুমৈঃ ॥ 3 ॥
সৌমিত্রে পশ্য় পংপায়াঃ কাননং শুভদর্শনম্ ।
যত্র রাজংতি শৈলা বা দ্রুমাস্সশিখরা ইব ॥ 4 ॥
মাং তু শোকাভিসংতপ্তং মাধবঃ পীডয়ংতি বৈ ।
ভরতস্য় চ দুঃখেন বৈদেহ্য়া হরণেন চ ॥ 5 ॥
শোকার্তস্য়াপি মে পংপা শোভতে চিত্রকাননা ।
ব্যবকীর্ণা বহুবিধৈঃ পুষ্পৈশ্শীতোদকা শিবা ॥ 6 ॥
নলিনৈরপি সংছন্না হ্যত্যর্থশুভদর্শনা ।
সর্পব্য়ালানুচরিতা মৃগদ্বিজসমাকুলা ॥ 7 ॥
অধিকং প্রবিভাত্য়েতন্নীলপীতং তু শাদ্বলম্ ।
দ্রুমাণাং বিবিধৈঃ পুষ্পৈঃ পরিস্তোমৈরিবার্পিতম্ ॥ 8 ॥
পুষ্পভারসমৃদ্ধানি শিখরাণি সমংততঃ ।
লতাভিঃ পুষ্পিতাগ্রাভিরুপগূঢানি সর্বশঃ ॥ 9 ॥
সুখানিলোঽয়ং সৌমিত্রে কালঃ প্রচুরমন্মথঃ ।
গংধবান্সুরভির্মাসো জাতপুষ্পফলদ্রুমঃ ॥ 10 ॥
পশ্য় রূপাণি সৌমিত্রে বনানাং পুষ্পশালিনাম্ ।
সৃজতাং পুষ্পবর্ষাণি তোয়ং তোযমুচামিব ॥ 11 ॥
প্রস্তরেষু চ রম্য়েষু বিবিধাঃ কাননদ্রুমাঃ ।
বায়ুবেগপ্রচলিতাঃ পুষ্পৈরবকিরংতি গাম্ ॥ 12 ॥
পতিতৈঃ পতমানৈশ্চ পাদপস্থৈশ্চ মারুতঃ ।
কুসুমৈঃ পশ্য় সৌমিত্রে ক্রীডন্নিব সমংততঃ ॥ 13 ॥
বিক্ষিপন্বিবিধাশ্শাখা নগানাং কুসুমোত্কচাঃ ।
মারুতশ্চলিতস্থানৈষ্ষট্পদৈরনুগীযতে ॥ 14 ॥
মত্তকোকিলসন্নাদৈর্নর্তযন্নিব পাদপান্ ।
শৈলকংদরনিষ্ক্রাংতঃ প্রগীত ইব চানিলঃ ॥ 15 ॥
তেন বিক্ষিপতাঽত্যর্থং পবনেন সমংততঃ ।
অমী সংসক্তশাখাগ্রা গ্রথিতা ইব পাদপাঃ ॥ 16 ॥
স এষ সুখসংস্পর্শো বাতি চংদনশীতলঃ ।
গংধমভ্যবহন্পুণ্য়ং শ্রমাপনযনোঽনিলঃ ॥ 17 ॥
অমী পবনবিক্ষিপ্তা বিনদংতীব পাদপাঃ ।
ষট্পদৈরনুকূজংতো বনেষু মধুগংধিষু ॥ 18 ॥
গিরিপ্রস্থেষু রম্য়েষু পুষ্পবদ্ভির্মনোরমৈঃ ।
সংসক্তশিখরাশ্শৈলা বিরাজংতে মহাদ্রুমৈঃ ॥ 19 ॥
পুষ্পসংছন্নশিখরা মারুতোত্ক্ষেপচংচলাঃ ।
অমী মধুকরোত্তংসাঃ প্রগীতা ইব পাদপাঃ ॥ 20 ॥
সুপুষ্পিতাংস্তু পশ্য়েমান্কর্ণিকারাংত্সমংততঃ ।
হাটকপ্রতিসংছন্নান্নরান্পীতাংবরানিব ॥ 21 ॥
অয়ং বসংতস্সৌমিত্রে নানাবিহগনাদিতঃ ।
সীতয়া বিপ্রহীনস্য় শোকসংদীপনো মম ॥ 22 ॥
মাং হি শোকসমাক্রাংতং সংতাপযতি মন্মথঃ ।
হৃষ্টঃ প্রবদমানশ্চ মমাহ্বযতি কোকিলঃ ॥ 23 ॥
এষ দাত্য়ূহকো হৃষ্টো রম্য়ে মাং বননির্ঝরে ।
প্রণদন্মন্মথাবিষ্টং শোচয়িষ্যতি লক্ষ্মণ ॥ 24 ॥
শ্রুত্বৈতস্য় পুরা শব্দমাশ্রমস্থা মম প্রিয়া ।
মামাহূয় প্রমুদিতাঃ পরমং প্রত্যনংদত ॥ 25 ॥
এবং বিচিত্রাঃ পতগা নানারাববিরাবিণঃ ।
বৃক্ষগুল্মলতাঃ পশ্য় সংপতংতি সমংততঃ ॥ 26 ॥
বিমিশ্রা বিহগাঃ পুংভিরাত্মব্য়ূহাভিনংদিতাঃ ।
ভৃংগরাজপ্রমুদিতাস্সৌমিত্রে মধুরস্বনাঃ ॥ 27 ॥
দাত্য়ূহরতিবিক্রংদৈঃ পুংস্কোকিলরুতৈরপি ।
স্বনংতি পাদপাশ্চেমে মমানংগপ্রদীপনাঃ ॥ 28 ॥
অশোকস্তবকাংগারষ্ষট্পদস্বননিঃস্বনঃ ।
মাং হি পল্লবতাম্রার্চির্বসংতাগ্নিঃ প্রধক্ষ্যতি ॥ 29 ॥
ন হি তাং সূক্ষ্মপক্ষ্মাক্ষীং সুকেশীং মৃদুভাষিণীম্ ।
অপশ্যতো মে সৌমিত্রে জীবিতেঽস্তি প্রয়োজনম্ ॥ 30 ॥
অয়ং হি দয়িতস্তস্য়াঃ কালো রুচিরকাননঃ ।
কোকিলাকুলসীমাংতো দয়িতায়া মমানঘ ॥ 31 ॥
মন্মথাঽয়াসসংভূতো বসংতগুণবর্ধিতঃ ।
অয়ং মাং ধক্ষ্যতি ক্ষিপ্রং শোকাগ্নির্নচিরাদিব ॥ 32 ॥
অপশ্যতস্তাং দয়িতাং পশ্যতো রুচিরদ্রুমান্ ।
মমাযমাত্মপ্রভবো ভূযস্ত্বমুপয়াস্যতি ॥ 33 ॥
অদৃশ্যমানা বৈদেহী শোকং বর্ধযতে মম ।
দৃশ্যমানো বসংতশ্চ স্বেদসংসর্গদূষকঃ ॥ 34 ॥
মাং হ্যদ্য় মৃগশাবাক্ষী চিংতাশোকবলাত্কৃতম্ ।
সংতাপযতি সৌমিত্রে ক্রূরশ্চৈত্রবনানিলঃ ॥ 35 ॥
অমী ময়ূরাশ্শোভংতে প্রনৃত্য়ংতস্ততস্ততঃ ।
স্বৈঃ পক্ষৈঃ পবনোদ্ধূতৈর্গবাক্ষৈঃ স্ফাটিকৈরিব ॥ 36 ॥
শিখিনীভিঃ পরিবৃতাস্তে এতে মদমূর্ছিতাঃ ।
মন্মথাভিপরীতস্য় মম মন্মথবর্ধনাঃ ॥ 37 ॥
পশ্য় লক্ষ্মণ নৃত্য়ংতং ময়ূরমুপনৃত্যতি ।
শিখিনী মন্মথার্তৈষা ভর্তারং গিরিসানুনি ॥ 38 ॥
তামেব মন্মথাবিষ্টো ময়ূরোঽপ্য়ুপধাবতি ।
বিতত্য় রুচিরৌ পক্ষৌ রুতৈরুপহসন্নিব ॥ 39 ॥
ময়ূরস্য় বনে নূনং রক্ষসা ন হৃতা প্রিয়া ।
তস্মান্নৃত্যতি রম্য়েষু বনেষু সহ কাংতয়া ॥ 40 ॥
মম ত্বয়ং বিনা বাসঃ পুষ্পমাসে সুদুস্সহঃ ।
পশ্য় লক্ষ্মণ সংরাগঃ তির্যগ্য়োনিগতেষ্বপি ।
যদেষা শিখিনী কামাদ্ভর্তারং রমতেঽংতিকে ॥ 41 ॥
মামপ্য়েবং বিশালাক্ষী জানকী জাতসংভ্রমা ।
মদনেনাভিবর্তেত যদি নাঽপহৃতা ভবেত্ ॥ 42 ॥
পশ্য় লক্ষ্মণ পুষ্পাণি নিষ্ফলানি ভবংতি মে ।
পুষ্পভারসমৃদ্ধানাং বনানাং শিশিরাত্যয়ে ॥ 43 ॥
রুচিরাণ্যপি পুষ্পাণি পাদপানামতিশ্রিয়া ।
নিষ্ফলানি মহীং যাংতি সমং মধুকরোত্করৈঃ ॥ 44 ॥
নদংতি কামং শকুনা মুদিতাস্সংঘশঃ কলম্ ।
আহ্বয়ংত ইবান্য়োন্য়ং কামোন্মাদকরা মম ॥ 45 ॥
বসংতো যদি তত্রাপি যত্র মে বসতি প্রিয়া ।
নূনং পরবশা সীতা সাপি শোচত্যহং যথা ॥ 46 ॥
নূনং ন তু বসংতোঽতং দেশং স্পৃশতি যত্র সা ।
কথং হ্যসিতপদ্মাক্ষী বর্তয়েত্সা ময়া বিনা ॥ 47 ॥
অথবা বর্ততে তত্র বসংতো যত্র মে প্রিয়া ।
কিং করিষ্যতি সুশ্রোণী সা তু নির্ভর্ত্সিতা পরৈঃ ॥ 48 ॥
শ্য়ামা পদ্মপলাশাক্ষী মৃদুপূর্বাভিভাষিণী ।
নূনং বসংতমাসাদ্য় পরিত্যক্ষ্যতি জীবিতম্ ॥ 49 ॥
দৃঢং হি হৃদয়ে বুদ্ধির্মম সংপরিবর্ততে ।
নালং বর্তয়িতুং সীতা সাধ্বী মদ্বিরহং গতা ॥ 50 ॥
ময়ি ভাবস্তু বৈদেহ্য়াস্তত্ত্বতো বিনিবেশিতঃ ।
মমাপি ভাবস্সীতায়াং সর্বথা বিনিবেশিতঃ ॥ 51 ॥
এষ পুষ্পবহো বায়ুস্সুখস্পর্শো হিমাবহঃ ।
তাং বিচিংতযতঃ কাংতাং পাবকপ্রতিমো মম ॥ 52 ॥
সদা সুখমহং মন্য়ে যং পুরা সহ সীতয়া ।
মারুতস্স বিনা সীতাং শোকং বর্ধযতে মম ॥ 53 ॥
তাং বিনা বিহংগো যঃ পক্ষী প্রণদিতস্তদা ।
বাযসঃ পাদপগতঃ প্রহৃষ্টমভিনর্দতি ॥ 54 ॥
এষ বৈ তত্র বৈদেহ্য়া বিহগঃ প্রতিহারকঃ ।
পক্ষী মাং তু বিশালাক্ষ্য়াস্সমীপমুপনেষ্যতি ॥ 55 ॥
শৃণু লক্ষ্মণ সন্নাদং বনে মদ্বিবর্ধনম্ ।
পুষ্পিতাগ্রেষু বৃক্ষেষু দ্বিজানামুপকূজতাম্ ॥ 56 ॥
বিক্ষিপ্তাং পবনেনৈতামসৌ তিলকমংজরীম্ ।
ষট্পদস্সহসাঽভ্য়েতি মদোদ্ধূতামিব প্রিয়াম্ ॥ 57 ॥
কামিনামযমত্য়ংতমশোকশ্শোকবর্ধনঃ ।
স্তবকৈঃ পবনোত্ক্ষিপ্তৈস্তর্জযন্নিব মাং স্থিতঃ ॥ 58 ॥
অমী লক্ষ্মণ দৃশ্য়ংতে চূতাঃ কুসুমশালিনঃ ।
বিভ্রমোত্সিক্তমনসঃ সাংগরাগা নরা ইব ॥ 59 ॥
সৌমিত্রে পশ্য় পংপায়াশ্চিত্রাসু বনরাজিষু ।
কিন্নরা নরশার্দূল বিচরংতি ততস্ততঃ ॥ 60 ॥
ইমানি শুভগংধীনি পশ্য় লক্ষ্মণ সর্বশঃ ।
নলিনানি প্রকাশংতে জলে তরুণসূর্যবত্ ॥ 61 ॥
এষা প্রসন্নসলিলা পদ্মনীলোত্পলায়ুতা ।
হংসকারংডবাকীর্ণা পংপা সৌগংধিকান্বিতা ॥ 62 ॥
জলে তরুণসূর্য়াভৈষ্ষট্পদাহতকেসরৈঃ ।
পংকজৈশ্শোভতে পংপা সমংতাদভিসংবৃতা ॥ 63 ॥
চক্রবাকয়ুতা নিত্য়ং চিত্রপ্রস্তবনাংতরা ।
মাতংগমৃগয়ূথৈশ্চ শোভতে সলিলার্থিভিঃ ॥ 64 ॥
পবনাহতবেগাভিরূর্মিভির্বিমলেঽংভসি ।
পংকজানি বিরাজংতে তাড্যমানানি লক্ষ্মণ ॥ 65 ॥
পদ্মপত্রবিশালাক্ষীং সততং পংকজপ্রিয়াম্ ।
অপশ্যতো মে বৈদেহীং জীবিতং নাভিরোচতে ॥ 66 ॥
অহো কামস্য় বামত্বং যো গতামপি দুর্লভাম্ ।
স্মারয়িষ্যতি কল্য়াণীং কল্য়াণতরবাদিনীম্ ॥ 67 ॥
শক্য়ো ধারয়িতুং কামো ভবেদভ্য়াগতো ময়া ।
যদি ভূয়ো বসংতো মাং ন হন্য়াত্পুষ্পিতদ্রুমঃ ॥ 68 ॥
যানি স্ম রমণীয়ানি তয়া সহ ভবংতি মে ।
তান্য়েবারমণীয়ানি জায়ংতে মে তয়া বিনা ॥ 69 ॥
পদ্মকোশপলাশানি দ্রষ্টুং দৃষ্টির্হি মন্যতে ।
সীতায়া নেত্রকোশাভ্য়াং সদৃশানীতি লক্ষ্মণ ॥ 70 ॥
পদ্মকেসরসংসৃষ্টো বৃক্ষাংতরবিনিস্সৃতঃ ।
নিশ্শ্বাস ইব সীতায়া বাতি বায়ুর্মনোহরঃ ॥ 71 ॥
সৌমিত্রে পশ্য় পংপায়া দক্ষিণে গিরিসানুনি ।
পুষ্পিতাং কর্ণিকারস্য় যষ্টিং পরমশোভনাম্ ॥ 72 ॥
অধিকং শৈলরাজোঽয়ং ধাতুভিঃ সুবিভূষিতঃ ।
বিচিত্রং সৃজতে রেণুং বায়ুবেগবিঘট্টিতম্ ॥ 73 ॥
গিরিপ্রস্থাস্তু সৌমিত্রে সর্বতস্সংপ্রপুষ্পিতৈঃ ।
নিষ্পত্রৈস্সর্বতো রম্য়ৈঃ প্রদীপ্তা ইব কিংশুকৈঃ ॥ 74 ॥
পংপাতীররুহাশ্চেমে সংসক্তা মধুগংধিনঃ ।
মালতীমল্লিকাষংডাঃ করবীরাশ্চ পুষ্পিতাঃ ॥ 75 ॥
কেতক্যস্সিংদুবারাশ্চ বাসংত্যশ্চ সুপুষ্পিতাঃ ।
মাধব্য়ো গংধপূর্ণাশ্চ কুংদগুল্মাশ্চ সর্বশঃ ॥ 76 ॥
চিরিবিল্বা মধূকাশ্চ বংজুলা বকুলাস্তথা ।
চংপকাস্তিলকাশ্চৈব নাগবৃক্ষাস্সুপুষ্পিতাঃ ॥ 77 ॥
নীপাশ্চ বরণাশ্চৈব খর্জূরাশ্চ সুপুষ্পিতা ।
পদ্মকাশ্চৈব শোভংতে নীলাশোকাশ্চ পুষ্পিতাঃ ।
লোধ্রাশ্চ গিরিপৃষ্ঠেষু সিংহকেসরপিংজরাঃ ॥ 78 ॥
অংকোলাশ্চ কুরংটাশ্চ চূর্ণকাঃ পারিভদ্রকাঃ ।
চূতাঃ পাটলযশ্চৈব কোবিদারাশ্চ পুষ্পিতাঃ ॥ 79 ॥
মুচুকুংদার্জুনাশ্চৈব দৃশ্য়ংতে গিরিসানুষু ।
কেতকোদ্দালকাশ্চৈব শিরীষাঃ শিংশুপা ধবাঃ ॥ 80 ॥
শাল্মল্য়ঃ কিংশুকাশ্চৈব রক্তাঃ কুরবকাস্তথা ॥ 81 ॥
ত্রিনিশা নক্তমালাশ্চ চংদনাস্স্য়ংদনাস্তথা ।
পুষ্পিতান্পুষ্পিতাগ্রাভির্লতাভিঃ পরিবেষ্টিতান্ ।
দ্রুমান্পশ্য়েহ সৌমিত্রে পংপায়া রুচিরান্বহূন্ ॥ 82 ॥
বাতবিক্ষিপ্তবিটপান্যথাঽসন্নাংদ্রুমানিমান্ ।
লতাস্সমনুবর্তংতে মত্তা ইব বরস্ত্রিয়ঃ ॥ 83 ॥
পাদপাত্পাদপং গচ্ছন্ শৈলাচ্ছৈলং বনাদ্বনম্ ।
বাতি নৈকরসাস্বাদস্সম্মোদিত ইবানিলঃ ॥ 84 ॥
কেচিত্পর্য়াপ্তকুসুমাঃ পাদপা মধুগংধিনঃ ।
কেচিন্মুকুলসংবীতাঃ শ্য়ামবর্ণা ইবাবভুঃ ॥ 85 ॥
ইদং মৃষ্টমিদং স্বাদু প্রফুল্লমিদমিত্যপি ।
রাগয়ুক্তো মধুকরঃ কুসুমেষ্বেব লীযতে ॥ 86 ॥
নিলীয় পুনরুত্পত্য় সহসাঽন্যত্র গচ্ছতি ।
মধুলুব্ধো মধুকরঃ পংপাতীরদ্রুমেষ্বসৌ ॥ 87 ॥
ইয়ং কুসুমসংঘাতৈরুপস্তীর্ণা সুখাকৃতা ।
স্বয়ং নিপতিতৈর্ভূমিশ্শযনপ্রস্তরৈরিব ॥ 88 ॥
বিবিধা বিবিধৈঃ পুষ্পৈস্তৈরেব নগসানুষু ।
বিকীর্ণৈ পীতরক্তাহি সৌমিত্রে প্রস্তরাঃ কৃতাঃ ॥ 89 ॥
হিমাংতে পশ্য় সৌমিত্রে বৃক্ষাণাং পুষ্পসংভবম্ ।
পুষ্পমাসে হি তরবস্সংঘর্ষাদিব পুষ্পিতাঃ ॥ 90 ॥
আহ্বয়ংত ইবান্য়োন্য়ং নগাষ্ষট্পদনাদিতাঃ ।
কুসুমোত্তংসবিটপাশ্শোভংতে বহু লক্ষ্মণ ॥ 91 ॥
এষ কারংডবঃ পক্ষী বিগাহ্য় সলিলং শুভম্ ।
রমতে কাংতয়া সার্ধং কামমুদ্দীপযন্মম ॥ 92 ॥
মংদাকিন্য়াস্তু যদিদং রূপমেবং মনোহরম্ ।
স্থানে জগতি বিখ্য়াতা গুণাস্তস্য়া মনোরমাঃ ॥ 93 ॥
যদি দৃশ্য়েত সা সাধ্বী যদি চেহ বসেমহি ।
স্পৃহয়েয়ং ন শক্রায় নায়োধ্য়ায়ৈ রঘূত্তম ॥ 94 ॥
নহ্য়েবং রমণীয়েষু শাদ্বলেষু তয়া সহ ।
রমতো মে ভবেচ্চিংতা ন স্পৃহাঽন্য়েষু বা ভবেত্ ॥ 95 ॥
অমী হি বিবিধৈঃ পুষ্পৈস্তরবো রুচিরচ্ছদাঃ ।
কাননেঽঽস্মিন্বিনা কাংতাং চিংতামুত্পাদয়ংতি মে ॥ 96 ॥
পশ্য় শীতজলাং চেমাং সৌমিত্রে পুষ্করায়ুতাম্ ।
চক্রবাকানুচরিতাং কারংডব নিষেবিতাম্ ॥ 97 ॥
প্লবৈঃ ক্রৌংচৈশ্চ সংপূর্ণাং মহামৃগনিষেবিতাম্ ।
অধিকং শোভতে পংপা বিকূজদ্ভিঃর্বিহংগমৈঃ ॥ 98 ॥
দীপয়ংতীব মে কামং বিবিধা মুদিতা দ্বিজাঃ ।
শ্য়ামাং চংদ্রমুখীং স্মৃত্বা প্রিয়াং পদ্মনিভেক্ষণাম্ ॥ 99 ॥
পশ্য় সানুষু চিত্রেষু মৃগীভিস্সহিতান্মৃগান্ ।
মাং পুনর্মৃগশাবাক্ষ্য়া বৈদেহ্য়া বিরহীকৃতম্ ॥ 100 ॥
ব্যথয়ংতীব মে চিত্তং সংচরংতস্ততস্ততঃ ।
অস্মিন্সানুনি রম্য়ে হি মত্তদ্বিজগণায়ুতে ।
পশ্য়েয়ং যদি তাং কাংতাং ততস্স্বস্তি ভবেন্মম ॥ 101 ॥
জীবেয়ং খলু সৌমিত্রে ময়া সহ সুমধ্যমা ।
সেবতে যদি বৈদেহী পংপায়াঃ পবনং সুখম্ ॥ 102 ॥
পদ্মসৌগংধিকবহং শিবং শোকবিনাশনম্ ।
ধন্য়া লক্ষ্মণ সেবংতে পংপোপবনমারুতম্ ॥ 103 ॥
শ্য়ামা পদ্মপলাশাক্ষী প্রিয়া বিরহিতা ময়া ।
কথং ধারযতি প্রাণান্বিবশা জনকাত্মজা ॥ 104 ॥
কিন্নু বক্ষ্য়ামি রাজানং ধর্মজ্ঞং সত্যবাদিনম্ ।
সীতায়া জনকং পৃষ্টঃ কুশলং জনসংসদি ॥ 105 ॥
যা মামনুগতা মংদং পিত্রা প্রব্রাজিতং বনম্ ।
সীতা সত্পথমাস্থায় ক্ব নু সা বর্ততে প্রিয়া ॥ 106 ॥
তয়া বিহীনঃ কৃপণঃ কথং লক্ষ্মণ ধারয়ে ।
যা মামনুগতা রাজ্য়াদ্ভ্রষ্টং বিগতচেতসম্ ॥ 107 ॥
তচ্চার্বংচিতপদ্মাক্ষং সুগংধি শুভমব্রণম্ ।
অপশ্যতো মুখং তস্য়াস্সীদতীব মনো মম ॥ 108 ॥
স্মিতহাস্য়াংতরয়ুতং গুণবন্মধুরং হিতম্ ।
বৈদেহ্য়া বাক্যমতুলং কদা শ্রোষ্য়ামি লক্ষ্মণ ॥ 109 ॥
প্রাপ্য় দুখং বনে শ্য়ামা মাং মন্মথবিকর্শিতম্ ।
নষ্টদুঃখেব হৃষ্টেব সাধ্বী সাধ্বভ্যভাষত ॥ 110 ॥
কিং নু বক্ষ্য়ামি কৌসল্য়াময়োধ্য়ায়াং নৃপাত্মজ ।
ক্ব সা স্নুষেতি পৃচ্ছংতীং কথং চাপি তু মনস্বিনীম্ ॥ 111 ॥
গচ্ছ লক্ষ্মণ পশ্য় ত্বং ভরতং ভ্রাতৃবত্সলম্ ।
ন হ্যহং জীবিতু শক্তস্তামৃতে জনকাত্মজাম্ ॥ 112 ॥
ইতি রামং মহাত্মানং বিলপংতমনাথবত্ ।
উবাচ লক্ষ্মণো ভ্রাতা বচনং যুক্তমব্যযম্ ॥ 113 ॥
সংস্তংভ রাম ভদ্রং তে মা শুচঃ পুরুষোত্তম ।
নেদৃশানাং মতির্মংদা ভবত্যকলুষাত্মনাম্ ॥ 114 ॥
স্মৃত্বা বিয়োগজং দুঃখং ত্যজ স্নেহং প্রিয়ে জনে ।
অতিস্নেহপরিষ্বংগাদ্বর্তিরার্দ্রাপি দহ্যতে ॥ 115 ॥
যদি গচ্ছতি পাতালং ততোঽভ্যধিকমেব বা ।
সর্বথা রাবণস্তাবন্ন ভবিষ্যতি রাঘব ॥ 116 ॥
প্রবৃত্তির্লভ্যতাং তাবত্তস্য় পাপস্য় রক্ষসঃ ।
ততো হাস্যতি বা সীতাং নিধনং বা গমিষ্যতি ॥ 117 ॥
যদি যাতিদিতের্গর্ভং রাবণস্সহ সীতয়া ।
তত্রাপ্য়েনং হনিষ্য়ামি ন চেদ্দাস্যতি মৈথিলীম্ ॥ 118 ॥
স্বাস্থ্য়ং ভদ্রং ভজস্বার্য় ত্যজ্যতাং কৃপণা মতিঃ ।
অর্থো হি নষ্টকার্য়ার্থৈর্নাযত্নেনাধিগম্যতে ॥ 119 ॥
উত্সাহো বলবানার্য় নাস্ত্য়ুত্সাহাত্পরং বলম্ ।
সোত্সাহস্য়াস্তি লোকেঽস্মিন্ ন কিংচিদপি দুর্লভম্ ॥ 120 ॥
উত্সাহবংতঃ পুরুষা নাবসীদংতি কর্মসু ।
উত্সাহমাত্রমাশ্রিত্য় সীতাং প্রতিলভেমহি ॥ 121 ॥
ত্যজ্যতাং কামবৃত্তত্বং শোকং সন্ন্যস্য় পৃষ্ঠতঃ ।
মহাত্মানং কৃতাত্মানমাত্মানং নাববুধ্যসে ॥ 122 ॥
এবং সংবোধিতস্তত্র শোকোপহতচেতনঃ ।
ত্যজ্য় শোকংচ মোহংচ ততো ধৈর্যমুপাগমত্ ॥ 123 ॥
সোঽভ্যতিক্রামদব্যগ্রস্তামচিংত্যপরাক্রমঃ ।
রামঃ পংপাং সুরুচিরাং রম্যপারিপ্লবদ্রুমাম্ ॥ 124 ॥
নিরীক্ষমাণস্সহসা মহাত্মা সর্বং বনং নির্ঝরকংদরাশ্চ ।
উদ্বিগ্নচেতাস্সহ লক্ষ্মণেন বিচার্য় দুঃখোপহতঃ প্রতস্থে ॥ 125 ॥
তং মত্তমাতংগবিলাসগামী গচ্ছংতমব্যগ্রমনা মহাত্মা ।
স লক্ষ্মণো রাঘবমপ্রমত্তো ররক্ষ ধর্মেণ বলেন চৈব ॥ 126 ॥
তাবৃষ্যমূকস্য় সমীপচারী চরংদদর্শাদ্ভুতদর্শনীয়ৌ ।
শাখামৃগাণামধিপস্তরস্বী বিতত্রসে নৈব চিচেষ্ট কিংচিত্ ॥ 127 ॥
স তৌ মহাত্মা গজমংদগামী শাখামৃগস্তত্র চরংচরংতৌ ।
দৃষ্ট্বা বিষাদং পরমং জগাম চিংতাপরীতো ভযভারমগ্নঃ ॥ 128 ॥
তমাশ্রমং পুণ্যসুখং শরণ্য়ং সদৈব শাখামৃগসেবিতাংতম্ ।
ত্রস্তাশ্চ দৃষ্ট্বা হরয়োঽভিজগ্মুর্মহৌজসৌ রাঘবলক্ষ্মণৌ তৌ ॥ 129 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে প্রথমস্সর্গঃ ॥
