শ্রীমদ্বাল্মীকীয় রামাযণে কিষ্কিংধাকাংডম্ ।
অথ একোনষষ্টিতমস্সর্গঃ ।
ততস্তদমৃতাস্বাদং গৃধ্ররাজেন ভাষিতম্ ।
নিশম্য় মুদিতা হৃষ্টাস্তে বচঃ প্লবগর্ষভাঃ ॥ 1 ॥
জাংববান্ বানরশ্রেষ্ঠস্সহ সর্বৈঃ প্লবংগমৈঃ ।
ভূতলাত্সহসোত্থায় গৃধ্ররাজানমব্রবীত্ ॥ 2 ॥
ক্ব সীতা কেন বা দৃষ্টা কো বা হরতি মৈথিলীম্ ।
তদাখ্য়াতু ভবাত্সর্বং গতির্ভব বনৌকসাম্ ॥ 3 ॥
কো দাশরথি বাণানাং বজ্রবেগনিপাতিনাম্ ।
স্বয়ং লক্ষ্মণমুক্তানাং ন চিংতযতি বিক্রমম্ ॥ 4 ॥
স হরীন্প্রীতিসংয়ুক্তান্সীতাশ্রুতিসমাহিতান্ ।
পুনরাশ্বসযন্প্রীতঃ ইদং বচনমব্রবীত্ ॥ 5 ॥
শ্রূযতামিহ বৈদেহ্য়া যথা মে হরণং শ্রুতম্ ।
যেন চাপি মমাঽখ্য়াতং যত্র বাযতলোচনা ॥ 6 ॥
অহমস্মিন্গিরৌ দুর্গে বহুয়োজনমাযতে ।
চিরান্নিপতিতো বৃদ্ধঃ ক্ষীণপ্রাণপরাক্রমঃ ॥ 7 ॥
তং মামেবং গতং পুত্রস্সুপার্শ্বোনাম নামতঃ ।
আহারেণ যথাকালং বিভর্তি পততাং বরঃ ॥ 8 ॥
তীক্ষ্ণকামাস্তু গংধর্বাস্তীক্ষ্ণকোপা ভুজংগমাঃ ।
মৃগাণাং তু ভয়ং তীক্ষ্ণং ততস্তীক্ষ্ণক্ষুধা বযম্ ॥ 9 ॥
স কদাচিত্ক্ষুধার্তস্য় মমাহারাভিকাংক্ষিণঃ ।
গতসূর্য়েঽহনি প্রাপ্তো মম পুত্রো হ্যনামিষঃ ॥ 10 ॥
স মামাহারসংরোধাত্পীডিতং প্রীতিবর্ধনঃ ।
অনুমান্য় যথাতত্ত্বমিদং বচনমব্রবীত্ ॥ 11 ॥
অহং তাত যথাকালমামিষার্থী খমাপ্লুতঃ ।
মহেংদ্রস্য় গিরের্দ্বারমাবৃত্য় সুসমাস্থিতঃ ॥ 12 ॥
তত্র সত্ত্বসহস্রাণাং সাগরাংতরচারিণাম্ ।
পংথানমেকোঽধ্যবসং সন্নিরোদ্ধুমবাঙ্মুখঃ ॥ 13 ॥
তত্র কশ্চিন্ময়া দৃষ্ট স্সূর্য়োদযসমপ্রভাম্ ।
স্ত্রিযমাদায় গচ্ছন্বৈ ভিন্নাংজনচযপ্রভঃ ॥ 14 ॥
সোঽহমভ্যবহারার্থী তৌ দৃষ্ট্বা কৃতনিশ্চয়ঃ ।
তেন সাম্না বিনীতেন পংথানমভিয়াচিতঃ ॥ 15 ॥
ন হি সামোপপন্নানাং প্রহর্তা বিদ্যতে ক্বচিত্ ।
নীচেষ্বপি জনঃ কশ্চিত্কিমংগ বত মদ্বিধঃ ॥ 16 ॥
স যাতস্তেজসা ব্য়োম সংক্ষিপন্নিব বেগতঃ ।
অথাঽহং খেচরৈর্ভূতৈরভিগম্য় সভাজিতঃ ॥ 17 ॥
দিষ্ট্য়া জীবতি সীত ইতি হি অব্রুবন্ মাং মহর্ষয়ঃ ।
কথংচিত্ স কলত্রঃ অসৌ গতঃ তে স্বস্তি অসংশযম্ ॥ 18 ॥
এব মুক্তস্ততোঽহং তৈস্সিদ্ধৈঃ পরমশোভনৈঃ ।
স চ মে রাবণো রাজা রক্ষসাং প্রতিবেদিতঃ ॥ 19 ॥
হরংদাশরথের্ভার্য়াং রামস্য় জনকাত্মজাম্ ।
ভ্রষ্টাভরণকৌশেয়াং শোকবেগপরাজিতাম্ ॥ 20 ॥
রামলক্ষ্মণয়োর্নাম ক্রোশংতীং মুক্তমূর্ধজাম্ ।
এষ কালাত্যযস্তাবদিতি কালবিদাং বরঃ ॥ 21 ॥
এতমর্থং সমগ্রং মে সুপার্শ্বঃ প্রত্যবেদযত্ ।
তচ্ছৃত্বাঽপি হি মে বুদ্ধির্নাসীত্কাচিত্পরাক্রমে ॥ 22 ॥
অপক্ষো হি কথং পক্ষী কর্ম কিংচিদুপক্রমে ।
যত্তু শক্য়ং ময়া কর্তুং বাগ্বুদ্ধিগুণবর্তিনা ॥ 23 ॥
শ্রূযতাং তত্প্রবক্ষ্য়ামি ভবতাং পৌরুষাশ্রযম্ ।
বাঙ্মতিভ্য়াং তু সর্বেষাং করিষ্য়ামি প্রিয়ং হি বঃ ॥ 24 ॥
যদ্ধি দাশরথেঃ কার্য়ং মম তন্নাত্র সংশয়ঃ ।
তে ভবংতো মতিশ্রেষ্ঠা বলবংতো মনস্বিনঃ ॥ 25 ॥
প্রেষিতাঃ কপিরাজেন দেবৈরপি দুরাসদাঃ ।
রামলক্ষ্মণবাণাশ্চ নিশিতাঃ কংকপত্রিণঃ ॥ 26 ॥
ত্রয়াণামপি লোকানাং পর্য়াপ্তাস্ত্রাণনিগ্রহে ।
কামং খলু দশগ্রীব স্তেজোবলসমন্বিতঃ ॥ 27 ॥
ভবতাং তু সমর্থানাং ন কিংচিদপি দুষ্করম্ ।
তদলং কালসংগেন ক্রিযতাং বুদ্ধিনিশ্চয়ঃ ॥ 28 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে একোনষষ্টিতমস্সর্গঃ ॥
