শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোনশততমস্সর্গঃ ।
নিবিষ্টায়াং তু সেনায়ামুত্সুকো ভরতস্তদা ।
জগাম ভ্রাতরং দ্রষ্টুং শত্রুঘ্নমনুদর্শযন্ ॥ 1 ॥
ঋষিং বসিষ্ঠং সংদিশ্য় মাতৃর্মে শীঘ্রমানয় ।
ইতি ত্বরিতমগ্রে স জগাম গুরুবত্সলঃ ॥ 2 ॥
সুমংত্রস্ত্বপি শত্রুঘ্নমদূরাদন্বপদ্যত ।
রামদর্শনজস্তর্ষো ভরতস্য়েব তস্য় চ ॥ 3 ॥
গচ্ছন্নেবাথ ভরতস্তাপসালয় সংস্থিতাম্ ।
ভ্রাতুঃ পর্ণকুটীং শ্রীমানুটজং চ দদর্শ হ ॥ 4 ॥
শালায়াস্ত্বগ্রত স্তস্য়া দদর্শ ভরত স্তদা ।
কাষ্ঠানি চাবভগ্নানি পুষ্পাণ্য়ুপচিতানি চ ॥ 5 ॥
স লক্ষ্মণস্য় রামস্য় দদর্শাঽশ্রমমীয়ুষঃ ।
কৃতং বৃক্ষেষ্বভিজ্ঞানং কুশচীরৈঃ ক্বচিত্ক্বচিত্ ॥ 6 ॥
দদর্শ বনে তস্মিন্মহত স্সংচয়ান্কৃতান্ ।
মৃগাণাং মহিষাণাং চ করীষৈ শশীতকারণাত্ ॥ 7 ॥
গচ্ছন্নেব মহাবাহুর্দ্য়ুতিমান্ভরত স্তদা ।
শত্রুঘ্নং চাব্রবীদ্ধৃষ্টস্তানমাত্য়াংশ্চ সর্বশঃ ॥ 8 ॥
মন্য়ে প্রাপ্তাঃ স্ম তং দেশং ভরদ্বাজো যমব্রবীত্ ।
নাতিদূরে হি মন্য়েঽহং নদীং মংদাকিনীমিতঃ ॥ 9 ॥
উচ্চৈর্বদ্ধানি চীরাণি লক্ষ্মণেন ভবেদযম্ ।
অভিজ্ঞানকৃতঃ পংথা অকালে গংতুমিচ্ছতা ॥ 10 ॥
ইদং চোদাত্তদংতানাং কুংজরাণাং তরস্বিনাম্ ।
শৈলপার্শ্বে পরিক্রাংতমন্য়োন্যমভিগর্জতাম্ ॥ 11 ॥
যমেবাধাতুমিচ্ছংতি তাপসা স্সততং বনে ।
তস্য়াসৌ দৃশ্যতে ধূম স্সংকুলঃ কৃষ্ণবর্ত্মনঃ ॥ 12 ॥
অত্রাহং পুরুষব্য়াঘ্রং গুরুসত্কারকারিণম্ ।
আর্য়ং দ্রক্ষ্য়ামি সংহৃষ্টো মহর্ষিমিব রাঘবম্ ॥ 13 ॥
অথ গত্বা মুহূর্তংতু চিত্রকূটং স রাঘবঃ ।
মংদাকিনীমনুপ্রাপ্তস্তং জনং চেদমব্রবীত্ ॥ 14 ॥
জগত্য়াং পুরষব্য়াঘ্র আস্তে বীরাসনে রতঃ ।
জনেংদ্রো নির্জনং প্রাপ্য় ধিঙ্মে জন্ম সজীবিতম্ ॥ 15 ॥
মত্কৃতে ব্যসনং প্রাপ্তো লোকনাথো মহাদ্য়ুতিঃ ।
সর্বান্কামান্পরিত্যজ্য় বনে বসতি রাঘবঃ ॥ 16 ॥
ইতি লোকসমাক্রুষ্টঃ পাদেষ্বদ্য় প্রসাদযন্ ।
রামস্য় নিপতিষ্য়ামি সীতায়া লক্ষ্মণস্য় চ ॥ 17 ॥
এবং সংবিলপং স্তস্মিন্বনে দশরথাত্মজঃ ।
দদর্শ মহতীং পুণ্য়াং পর্ণশালাং মনোরমাম্ ॥ 18 ॥
সালতালাশ্বকর্ণানাং পর্ণৈর্বহুভিরাবৃতাম্ ।
বিশালাং মৃদুভিস্তীর্ণাং কুশৈর্বেদিমিবাধ্বরে ॥ 19 ॥
শক্রায়ুধনিকাশৈশ্চ কার্মুকৈর্ভারসাধনৈঃ ।
রুক্মপৃষ্ঠৈর্মহাসারৈ শ্শোভিতাং শত্রুবাধকৈঃ ॥ 20 ॥
অর্ক রশ্মি প্রতীকাশৈর্ঘোরৈস্তূণীগতৈশ্শরৈঃ ।
শোভিতাং দীপ্তবদনৈ স্সর্পৈর্ভোগবতীমিব ॥ 21 ॥
মহারজতবাসোভ্য়ামসিভ্য়াং চ বিরাজিতাম্ ।
রুক্মবিংদুবিচিত্রাভ্য়াং চর্মভ্য়াং চাপি শোভিতাম্ ॥ 22 ॥
গোধা অন্গুলিত্রৈর্ আসাক্তৈঃ চিত্রৈঃ কান্চন ভূষিতৈঃ ।
অরি সম্ঘৈর্ অনাধৃষ্য়াং মৃগৈঃ সিম্হ গুহাং ইব ॥ 23 ॥
এবং সংবিলপং স্তস্মিন্বনে দশরথাত্মজঃ ।
দদর্শ মহাতীং পুণ্য়াং পর্ণশালাং মনোরমাম্ ॥ 24 ॥
সালতালাশ্বকর্ণানাং পর্ণৈর্বহুভিরাবৃতাম্ ।
বিশালাং মৃদুভিস্তীর্ণাং কুশৈর্বেদিমিবাধ্বরে ॥ 25 ॥
শক্রায়ুধনিকাশৈশ্চ কার্মুকৈর্ভারসাধনৈঃ ।
রুক্মপৃষ্ঠৈর্মহাসারৈ শ্শোভিতাং শত্রুবাধকৈঃ ॥ 26 ॥
অর্ক রশ্মি প্রতীকাশৈর্ঘোরৈস্তূণীগতৈশ্শরৈঃ ।
শোভিতাং দীপ্তবদনৈ স্সর্পৈর্ভোগবতীমিব ॥ 27 ॥
মহারজতবাসোভ্য়ামসিভ্য়াং চ বিরাজিতাম্ ।
রুক্মবিংদুবিচিত্রাভ্য়াং চর্মভ্য়াং চাপি শোভিতাম্ ॥ 28 ॥
তং দৃষ্ট্বা ভরতঃ শ্রীমান্ দুহ্খ মোহ পরিপ্লুতঃ ।
অভ্যধাবত ধর্ম আত্মা ভরতঃ কৈকয়ী সুতঃ ॥ 29 ॥
প্রাগুদক্প্রবণাং বেদিং বিশালাং দীপ্তপাবকাম্ ।
দদর্শ ভরতস্তত্র পুণ্য়াং রামনিবেশনে ॥ 30 ॥
নিরীক্ষ্য় স মুহূর্তং তু দদর্শ ভরতো গুরুম্ ।
উটজে রামমাসীনং জটামংডলধারিণম্ ॥ 31 ॥
তং তু কৃষ্ণাজিনধরং চীরবল্কলবাসসম্ ।
দদর্শ রামমাসীনমভিতঃ পাবকোপমম্ ॥ 32 ॥
সিংহস্কংধং মহাবাহুং পুংডরীকনিভেক্ষণম্ ।
পৃথিব্য়াস্সাগরাংতায়াঃ ভর্তারং ধর্মচারিণম্ ॥ 33 ॥
উপবিষ্টং মহাবাহুং ব্রহ্মাণমিব শাশ্বতম্ ।
স্থংডিলে দর্ভসংস্তীর্ণে সীতয়া লক্ষ্মণেন চ ॥ 34 ॥
তং দৃষ্ট্বা ভরত শ্শ্রীমান্ দুঃখশোকপরিপ্লুতঃ ।
অভ্যধাবত ধর্মাত্মা ভরতঃ কৈকেয়ী সুতঃ ॥ 35 ॥
দৃষ্ট্বৈব বিললাপাঽর্তো বাষ্পসংদিগ্ধয়া গিরা ।
অশক্নুবন্ ধারয়িতুং ধৈর্য়াদ্বচনমব্রবীত্ ॥ 36 ॥
য স্সংসদি প্রকৃতিভির্ভবেদ্য়ুক্ত উপাসিতুম্ ।
বন্য়ৈর্মৃগৈরুপাসীন স্সোঽযমাস্তে মমাগ্রজঃ ॥ 37 ॥
বাসোভির্বহুসাহস্রৈর্য়ো মহাত্মা পুরোচিতঃ ।
মৃগাজিনে সোঽযমিহ প্রবস্তে ধর্মমাচরন্ ॥ 38 ॥
অধারযদ্য়ো বিবিধাশ্চিত্রাস্সুমনসস্তদা ।
সোঽয়ং জটাভারমিমং বহতে রাঘবঃ কথম্ ॥ 39 ॥
যস্য় যজ্ঞৈর্যথাদিষ্টৈর্য়ুক্তো ধর্মস্য় সংচয়ঃ ।
শরীরক্লেশসংভূতং স ধর্মং পরিমার্গতে ॥ 40 ॥
চংদনেন মহার্হেণ যস্য়াংগমুপসেবিতম্ ।
মলেন তস্য়াংগমিদং কথমার্যস্য় সেব্যতে ॥ 41 ॥
মন্নিমিত্তমিদং দুঃখং প্রাপ্তো রামঃ সুখোচিতঃ ।
ধিগ্জীবিতং নৃশংসস্য় মম লোকবিগর্হিতম্ ॥ 42 ॥
ইত্য়েবং বিলপংদীনঃ প্রস্বিন্নমুখপংকজঃ ।
পাদাবপ্রাপ্য় রামস্য় পপাত ভরতো রুদন্ ॥ 43 ॥
দুঃখাভিতপ্তো ভরতো রাজপুত্রো মহাবলঃ ।
উক্ত্বাঽর্য়েতি সকৃদ্দীনং পুনর্নোবাচ কিংচন ॥ 44 ॥
বাষ্পাভিহতকংঠশ্চ প্রেক্ষ্য় রামং যশস্বিনম্ ।
আর্য়েত্য়েবাভিসংক্রুশ্য় ব্য়াহর্তুং নাশকত্তদা ॥ 45 ॥
শত্রুঘ্নশ্চাপি রামস্য় ববংদে চরণৌ রুদন্ ।
তাবুভৌ স সমালিংগ্য় রামশ্চাশ্রূণ্যবর্তযত্ ॥ 46 ॥
ততস্সুমংত্রেণ গুহেন চৈব সমীযতু রাজসুতাবরণ্য়ে ।
দিবাকরশ্চৈব নিশাকরশ্চ যথাঽংবরে শুক্রবৃহস্পতিভ্য়াম্ ॥ 47 ॥
তান্পার্থিবান্বারণয়ূথপাভান্সমাগতাং স্তত্র মহত্যরণ্য়ে ।
বনৌকসস্তেঽপি সমীক্ষ্য় সর্বেঽপ্যশ্রূণ্যমুংচন্প্রবিহায় হর্ষম্ ॥ 48 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোনশততমস্সর্গঃ ॥
