শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বিচত্বারিংশস্সর্গঃ ।
যাবত্তু নির্যতস্তস্য় রজোরূপমদৃশ্যত ।
নৈবেক্ষ্বাকুবরস্তাবত্সংজহারাত্মচক্ষুষী ॥ 1 ॥
যাবদ্রাজা প্রিয়ং পুত্রং পশ্যত্যত্য়ংতধার্মিকম্ ।
তাবদ্ব্যবর্ধতে বাস্য় ধরণ্য়াং পুত্রদর্শনে ॥ 2 ॥
ন পশ্যতি রজোঽপ্যস্য় যদা রামস্য় ভূমিপঃ ।
তদাঽঽর্তশ্চ বিষণ্ণশ্চ পপাত ধরণীতলে ॥ 3 ॥
তস্য় দক্ষিণমন্বাগাত্কৌসল্য়া বাহুমংগনা ।
বামং চাস্য়ান্বগাত্পার্শ্বং কৈকেয়ী ভরতপ্রিয়া ॥ 4 ॥
তাং নয়েন চ সংপন্নো ধর্মেণ বিনয়েন চ ।
উবাচ রাজা কৈকেয়ীং সমীক্ষ্য় ব্যথিতেংদ্রিয়ঃ ॥ 5 ॥
কৈকেয়ি মা মমাংগানি স্প্রাক্ষীস্ত্বং দুষ্টচারিণী ।
ন হি ত্বাং দ্রষ্টুমিচ্ছামি ন ভার্য়া ন চ বাংধবী ॥ 6 ॥
যে চ ত্বামনুজীবংতি নাহং তেষাং ন তে মম ।
কেবলার্থপরাং হি ত্বাং ত্যক্তধর্মাং ত্যজাম্যহম্ ॥ 7 ॥
অগৃহ্ণাং যচ্চ তে পাণিমগ্নিং পর্যণয়ং চ যত্ ।
অনুজানামি তত্সর্বমস্মিন্ লোকে পরত্র চ ॥ 8 ॥
ভরতশ্চেত্প্রতীতঃ স্য়াদ্রাজ্য়ং প্রাপ্য়েদমব্যযম্ ।
যন্মে স দদ্য়াত্পিত্রর্থং মামাং তদ্দত্তমাগমত্ ॥ 9 ॥
অথ রেণুসমুধ্বস্তং সমুত্থাপ্য় নরাধিপম্ ।
ন্যবর্তত তদা দেবী কৌশল্য়া শোককর্শিতা ॥ 10 ॥
হত্বেব ব্রাহ্মণং কামাত্ স্পৃষ্ট্বাগ্নিমিব পাণিনা ।
অন্বতপ্যত ধর্মাত্মা পুত্রং সংচিংত্য় তাপসম্ ॥ 11 ॥
নিবৃত্ত্য়ৈব নিবৃত্ত্য়ৈব সীদতো রথবর্ত্মসু ।
রাজ্ঞো নাতিবভৌ রূপং গ্রস্তস্য়াংশুমতো যথা ॥ 12 ॥
বিললাপ চ দুঃখার্তঃ প্রিয়ং পুত্রমনুস্মরন্ ।
নগরাংতমনুপ্রাপ্তং বুধ্বা পুত্রমথাব্রবীত্ ॥ 13 ॥
বাহননাং চ মুখ্য়ানাং বহতাং তং মমাত্মজম্ ।
পদানি পথি দৃশ্য়ংতে স মহাত্মা ন দৃশ্যতে ॥ 14 ॥
যঃ সুখেষূপধানেষু শেতে চংদনরূষিতঃ ।
বীজ্যমানো মহার্হাভিঃ স্ত্রীভির্মম সুতোত্তমঃ ॥ 15 ॥
স নূনং ক্বচিদেবাদ্য় বৃক্ষমূলমুপাশ্রিতঃ ।
কাষ্ঠং বা যদি বাশ্মানমুপধায় শয়িষ্যতে ॥ 16 ॥
উত্থাস্যতি চ মেদিন্য়াঃ কৃপণঃ পাংসুকুংঠিতঃ ।
বিনিশ্শ্বসন্ প্রস্রবণাত্করেণূনামিবর্ষভঃ ॥ 17 ॥
দ্রক্ষ্য়ংতি নূনং পুরুষা দীর্ঘবাহুং বনেচরাঃ ।
রামমুত্থায় গচ্ছংতং লোকনাথমনাথবত্ ॥ 18 ॥
সা নূনং জনকস্য়েষ্টা সুতা সুখসদোচিতা ।
কংটকাক্রমণাক্লাংতা বনমদ্য় গমিষ্যতি ॥ 19 ॥
অনভিজ্ঞা বনানাং সা নূনং ভযমুপৈষ্যতি ।
শ্বাপদানর্দিতং শ্রুত্বা গংভীরং রোমহর্ষণম্ ॥ 20 ॥
সকামা ভব কৈকেয়ি বিধবা রাজ্যমাবস ।
ন হি তং পুরুষব্য়াঘ্রং বিনা জীবিতুমুত্সহে ॥ 21 ॥
ইত্য়েবং বিলপন্ রাজা জনৌঘেনাভিসংবৃতঃ ।
অপস্নাত ইবারিষ্টং প্রবিবেশ পুরোত্তমম্ ॥ 22 ॥
শূন্যচত্বরবেশ্মাংতাং সংবৃতাপণদেবতাম্ ।
ক্লাংতদুর্বলদুঃখার্তাং নাত্য়াকীর্ণমহাপথাম্ ॥ 23 ॥
তামবেক্ষ্য় পুরীং সর্বাং রামমেবানুচিংতযন্ ।
বিলপন্ প্রাবিশদ্রাজা গৃহং সূর্য় ইবাংবুদম্ ॥ 24 ॥
মহাহ্রদমিবাক্ষোভ্য়ং সুপর্ণেন হৃতোরগম্ ।
রামেণ রহিতং বেশ্ম বৈদেহ্য়া লক্ষ্মণেন চ ॥ 25 ॥
অথ গদ্গদশব্দস্তু বিলপন্মনুজাধিপঃ ।
উবাচ মৃদুমংদার্থং বচনং দীনমস্বরম্ ॥ 26 ॥
কৌশল্য়ায়াং গৃহং শীঘ্রং রামমাতুর্নয়ংতু মাম্ ।
ন হ্যন্যত্র মমাশ্বাসো হৃদযস্য় ভবিষ্যতি ॥ 27 ॥
ইতি ব্রুবংতং রাজানমনযন্ দ্বারদর্শিনঃ ।
কৌশল্য়ায়া গৃহং তত্র ন্যবেশ্যত বিনীতবত্ ॥ 28 ॥
ততস্তস্য় প্রবিষ্টস্য় কৌশল্য়ায়া নিবেশনম্ ।
অধিরুহ্য়াপি শযনং বভূব লুলিতং মনঃ ॥ 29 ॥
পুত্রদ্বযবিহীনং চ স্নুষয়াপি বিবর্জিতম্ ।
অপশ্যদ্ভবনং রাজা নষ্টচংদ্রমিবাংবরম্ ॥ 30 ॥
তচ্চ দৃষ্ট্বা মহারাজো ভুজমুদ্যম্য় বীর্যবান্ ।
উচ্চৈস্স্বরেণ চুক্রোশ হা রাঘব জহাসি মাম্ ॥ 31 ॥
সুখিতা বত তং কালং জীবিষ্য়ংতি নরোত্তমাঃ ।
পরিষ্বজংতো যে রামং দ্রক্ষ্য়ংতি পুনরাগতম্ ॥ 32 ॥
অথ রাত্র্য়াং প্রপন্নায়াং কালরাত্র্য়ামিবাত্মনঃ ।
অর্ধরাত্রে দশরথঃ কৌশল্য়ামিদমব্রবীত্ ॥ 33 ॥
রামং মেঽনুগতা দৃষ্টিরদ্য়াপি ন নিবর্ততে ।
ন ত্বা পশ্য়ামি কৌসল্য়ে সাধু মাং পাণিনা স্পৃশ ॥ 34 ॥
তং রামমেবানুবিচিংতয়ংতং সমীক্ষ্য় দেবী শযনে নরেংদ্রম্ ।
উপোপবিশ্য়াধিকমার্তরূপা বিনিশ্বসংতী বিললাপ কৃচ্ছ্রম্ ॥ 35 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বিচত্বারিংশস্সর্গঃ ॥
