শ্রীমদ্বাল্মীকীয় রামাযণে কিষ্কিংধাকাংডম্ ।
অথ ষষ্ঠস্সর্গঃ ।
পুনরেবাব্রবীত্প্রীতো রাঘবং রঘুনংদনম্ ।
অযমাখ্য়াতি মে রাম সচিবো মংত্রিসত্তমঃ ॥ 1 ॥
হনুমান্যন্নিমিত্তং ত্বং নির্জনং বনমাগতঃ ।
লক্ষ্মণেন সহ ভ্রাত্রা বসতশ্চ বনে তব ॥ 2 ॥
রক্ষসাঽপহৃতা ভার্য়া মৈথিলী জনকাত্মজা ।
ত্বয়া বিয়ুক্তা রুদতী লক্ষ্মণেন চ ধীমতা ॥ 3 ॥
অংতরপ্রেপ্সুনা তেন হত্বা গৃধ্রং জটায়ুষম্ ॥ 4 ॥
ভার্য়াবিয়োগজং দুঃখং ন চিরাত্ত্বং বিমোক্ষ্যসে ।
অহং তামানয়িষ্য়ামি নষ্টাং বেদশ্রুতীমিব ॥ 5 ॥
রসাতলে বা বর্তংতীং বর্তংতী বা নভস্থলে অহমানীয় দাস্য়ামি তব ভার্য়ামরিংদম ॥ 6 ॥
ইদং তথ্য়ং মম বচস্ত্বমবেহি চ রাঘব ।
ন শক্য়া সা জরয়িতুং সেংদ্রৈরপি স্সুরাসুরৈঃ ॥ 7 ॥
তব ভার্য়া মহাবাহো ভক্ষ্য়ং বিষকৃতং যথা ।
ত্যজ শোকং মহাবাহো তাং কাংতামানয়ামি তে ॥ 8 ॥
অনুমানাত্তু জানামি মৈথিলী সা ন সংশয়ঃ ।
হ্রিযমাণা ময়া দৃষ্টা রক্ষসা ক্রূরকর্মণা ॥ 9 ॥
ক্রোশংতী রাম রামেতি লক্ষ্মণেতি চ বিস্বরম্ ।
স্ফুরংতী রাবণস্য়াংকে পন্নগেংদ্রবধূর্যথা ॥ 10 ॥
আত্মনা পংচমং মাং হি দৃষ্ট্বা শৈলতটে স্থিতম্ ।
উত্তরীয়ং তয়া ত্যক্তং শুভান্য়াভরণানি চ ॥ 11 ॥
তান্যস্মাভিগৃহীতানি নিহিতানি চ রাঘব ।
আনয়িষ্য়াম্যহং তানি প্রত্যভিজ্ঞাতুমর্হসি ॥ 12 ॥
তমব্রবীত্ততো রামস্সুগ্রীবং প্রিযবাদিনম্ ।
আনযস্ব সখে শীঘ্রং কিমর্থং প্রবিলংবসে ॥ 13 ॥
এবমুক্তস্তু সুগ্রীবশ্শৈলস্য় গহনাং গুহাম্ ।
প্রবিবেশ ততশশীঘ্রং রাঘবপ্রিযকাম্যয়া ॥ 14 ॥
উত্তরীয়ং গৃহীত্বা তু শুভান্য়াভরণানি চ ।
ইদং পশ্য়েতি রামায় দর্শয়ামাস বানরঃ ॥ 15 ॥
ততো গৃহীত্বা বাসস্তু শ্শুভান্য়াভরণানি চ ।
অভবদ্বাষ্পসংরুদ্ধো নীহারেণেব চংদ্রমাঃ ॥ 16 ॥
সীতাস্নেহপ্রবৃত্তেন স তু বাষ্পেণ দূষিতঃ ।
হা প্রিয়েতি রুদংধৈর্যমুত্সৃজ্য় ন্যপতত্ক্ষিতৌ ॥ 17 ॥
হৃদি কৃত্বা তু বহুশস্তমলংকারমুত্তমম্ ।
নিশশ্বাস ভৃশং সর্পো বিলস্থ ইব রোষিতঃ ॥ 18 ॥
অবিচ্ছিন্নাশ্রুবেগস্তু সৌমিত্রিং বীক্ষ্য় পার্শ্বতঃ ।
পরিদেবয়িতুং দীনং রামস্সমুপচক্রমে ॥ 19 ॥
পশ্য় লক্ষ্মণ বৈদেহ্য়া সংত্যক্তং হ্রিযমাণয়া ।
উত্তরীযমিদং ভূমৌ শরীরাদ্ভূষণানি চ ॥ 20 ॥
শাদ্বলিন্য়াং ধ্রুবং ভূমৌ সীতয়া হ্রিযমাণয়া ।
উত্সৃষ্টং ভূষণমিদং তথারূপং হি দৃশ্যতে ॥ 21 ॥
এবমুক্তস্তু রামেণ লক্ষ্মণো বাক্যমব্রবীত্ ।
নাহং জানামি কেয়ূরে নাহং জানামি কুংডলে ॥ 22 ॥
নূপুরে ত্বভিজানামি নিত্য়ং পাদাভিবংদনাত্ ।
ততস্তু রাঘবো বাক্য়ং সুগ্রীবমিদমব্রবীত্ ॥ 23 ॥
ব্রূহি সুগ্রীব কং দেশং হ্রিয়ংতী লক্ষিতা ত্বয়া ।
রক্ষসা রৌদ্ররূপেণ মম প্রাণৈঃ প্রিয়া প্রিয়া ॥ 24 ॥
ক্ব বা বসতি তদ্রক্ষো মহদ্ব্যসনদং মম ।
যন্নিমিত্তমহং সর্বান্নাশয়িষ্য়ামি রাক্ষসান্ ॥ 25 ॥
হরতা মৈথিলীং যেন মাং চ রোষযতা ভৃশম্ ।
আত্মনো জীবিতাংতায় মৃত্য়ুদ্বারমপাবৃতম্ ॥ 26 ॥
মম দয়িততরা হৃতা বনাংতা দ্রজনিচরেণ বিমথ্য় যেন সা ।
কথয় মম রিপুং তমদ্য় বৈ প্লবগপতে যমসাদনং নয়ামি ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ষষ্ঠস্সর্গঃ ॥
