শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোননবতিতমস্সর্গঃ ।
উষ্য় রাত্রিং তু তত্রৈব গংগাকূলে স রাঘবঃ ।
ভরতঃ কাল্যমুত্থায় শত্রুঘ্নমিদমব্রবীত্ ॥ 1 ॥
শত্রুঘ্নোত্তিষ্ঠ কিং শেষে নিষাদাধিপতিং গুহম্ ।
শীঘ্রমানয় ভদ্রং তে তারয়িষ্যতি বাহিনীম্ ॥ 2 ॥
জাগর্মি নাহং স্বপিমি তমেবাঽর্য়ং বিচিংতযন্ ।
ইত্য়েবমব্রবীদ্ভ্রাত্তা শত্রুঘ্নোঽপি প্রচোদিতঃ ॥ 3 ॥
ইতি সংবদতোরেবমন্য়োন্য়ং নরসিংহয়োঃ ।
আগম্য় প্রাংজলিঃ কালে গুহো ভরতমব্রবীত্ ॥ 4 ॥
কচ্চিত্সুখং নদীতীরেঽবাত্সীঃ কাকুত্স্থ শর্বরীম্ ।
কচ্চিত্তে সহ সৈন্যস্য় তাবত্সর্বমনামযম্ ॥ 5 ॥
গুহস্য় বচনং শ্রুত্বা তত্তু স্নেহাদুদীরিতম্ ।
রামস্য়ানুবশো বাক্য়ং ভরতোঽপীদমব্রবীত্ ॥ 6 ॥
সুখা ন শ্শর্বরী রাজন্ পূজিতাশ্চাপি তে বযম্ ।
গংগাং তু নৌভির্বহ্বীভির্দাশাস্সংতারয়ংতু নঃ ॥ 7 ॥
ততো গুহ স্সংত্বরিতং শ্রুত্বা ভরতশাসনম্ ।
প্রতি প্রবিশ্য় নগরং তং জ্ঞাতিজনমব্রবীত্ ॥ 8 ॥
উত্তিষ্ঠত প্রবুধ্যধ্বং ভদ্রমস্তু চ বস্সদা ।
নাব স্সমনুকর্ষধ্বং তারয়িষ্য়াম বাহিনীম্ ॥ 9 ॥
তে তথোক্তা স্সমুত্থায় ত্বরিতা রাজশাসনাত্ ।
পংচনাবাং শতান্য়াশু সমানিন্য়ুস্সমংততঃ ॥ 10 ॥
অন্য়া স্স্বস্তিকবিজ্ঞেয়া মহাঘংটাধরা বরাঃ ।
শোভমানাঃ পতাকাভির্য়ুক্তবাতাস্সুসংহতাঃ ॥ 11 ॥
তত স্স্বস্তিকবিজ্ঞেয়াং পাংডুকংবলসংবৃতাম্ ।
সনংদিঘোষাং কল্য়াণীং গুহো নাবমুপাহরত্ ॥ 12 ॥
তামারুরোহ ভরতশ্শত্রুঘ্নশ্চ মহাবলঃ ।
কৌসল্য়া চ সুমিত্রা চ যাশ্চান্য়া রাজয়োষিতঃ ॥ 13 ॥
পুরোহিতশ্চ তত্পূর্বং গুরবো ব্রাহ্মণাশ্চ যে ।
অনংতরং রাজদারাস্তদৈব শকটাপণাঃ ॥ 14 ॥
আবাসমাদীপযতাং তীর্থং চাপ্যবগাহতাম্ ।
ভাংডানি চাদদানানাং ঘোষস্ত্রিদিবমস্পৃশত্ ॥ 15 ॥
পতাকিন্যস্তু তা নাবস্স্বয়ং দাশৈরধিষ্ঠিতাঃ ।
বহংত্য়ো জনমারূঢং তদা সংপেতুরাশুগাঃ ॥ 16 ॥
নারীণামভিপূর্ণা স্তু কাশ্চিত্ কাশ্চিচ্চ বাজিনাম্ ।
কাশ্চিদত্র বহংতি স্ম যানয়ুগ্য়ং মহাধনম্ ॥ 17 ॥
তা স্স্ম গত্বা পরং তীরমবরোপ্য় চ তং জনম্ ।
নিবৃত্তাঃ কাংডচিত্রাণি ক্রিয়ংতে দাশবংধুভিঃ ॥ 18 ॥
সবৈজয়ংতাস্তু গজা গজারোহপ্রচোদিতাঃ ।
তরংত স্স্ম প্রকাশংতে সধ্বজা ইব পর্বতাঃ ॥ 19 ॥
নাবস্ত্বারুরুহুশ্চান্য়ে প্লবৈস্তেরু স্তথাপরে ।
অন্য়ে কুংভঘটৈস্তেরুরন্য়েতেরুশ্চ বাহুভিঃ ॥ 20 ॥
সা পুণ্য়া ধ্বজিনী গংগাং দাশৈস্সংতারিতা স্বযম্ ।
মৈত্রে মুহূর্তে প্রযয়ৌ প্রয়াগবনমুত্তমম্ ॥ 21 ॥
আশ্বাসয়িত্বা চ চমূং মহাত্মা নিবেশয়িত্বা চ যথোপজোষম্ ।
দ্রষ্টুং ভরদ্বাজমৃষিপ্রবর্য় মৃত্বিগ্বৃতস্সন্ভরতঃ প্রতস্থে ॥ 22 ॥
স ব্রাহ্মণস্য়াঽশ্রমমভ্য়ুপেত্য় মহাত্মনো দেবপুরোহিতস্য় ।
দদর্শ রম্য়োটজবৃক্ষষংডং মহদ্বনং বিপ্রবরস্য় রম্যম্ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোননবতিতমস্সর্গঃ ॥
