শ্রীমদ্বাল্মীকীয় রামাযণে অয়োধ্য়াকাংডম্ ।
অথ একসপ্ততিতমস্সর্গঃ ।
স প্রান্ মুখো রাজ গৃহাত্ অভিনির্য়ায় বীর্যবান্ ।
ততঃ সুদামাং দ্য়ুতিমান্ সম্তীর্বাবেক্ষ্য় তাং নদীম্ ॥ 1 ॥
হ্লাদিনীং দূরপারাং চ প্রত্যক্স্রোতস্তরংগিণীম্ ।
শতদ্রূমতরচ্ছ্রীমান্নদীমিক্ষ্বাকুনংদনঃ ॥ 2 ॥
স প্রাঙ্মুখো রাজগৃহাদভিনির্য়ায় রাঘবঃ ।
ততস্সুদামাং দ্য়ুতিমান্ সংতীর্য়াবেক্ষ্য় তাং নদীম্ ॥ 3 ॥
হ্লাদিনীং দূরপারাং চ প্রত্যক্স্রোতস্তরংগিণীম্ ।
শতদ্রূমতরচ্ছ্রীমান্নদীমিক্ষ্বাকুনংদনঃ ॥ 4 ॥
ঐলাধানে নদীং তীর্ত্বা প্রাপ্য় চাপরপর্পটান্ ।
শিলামকুর্বতীং তীর্ত্বা আগ্নেয়ং শল্যকর্ষণম্ ॥ 5 ॥
সত্যসংধশ্শুচিশ্শ্রীমান্প্রেক্ষমাণ শ্শিলাবহাম্ ।
অত্যয়াত্স মহাশৈলান্বনং চৈত্ররথং প্রতি ॥ 6 ॥
সরস্বতীং চ গংগাং চ যুগ্মেন প্রতিপদ্যচ ।
উত্তরান্বীরমত্স্য়ানাং ভারুংডং প্রাবিশদ্বনম্ ॥ 7 ॥
বেগিনীং চ কুলিংগাখ্য়াং হ্লাদিনীং পর্বতাঽঽবৃতাম্ ।
যমুনাং প্রাপ্য় সংতীর্ণঃ বলমাশ্বাসযত্তদা ॥ 8 ॥
সশীতীকৃত্য় তু গাত্রাণি ক্লাংতানাশ্বাস্য় বাজিনঃ ।
তত্র স্নাত্বা চ পীত্বা চ প্রায়াদাদায় চোদকম্ ॥ 9 ॥
রাজপুত্রো মহারণ্যমনভীক্ষ্ণোপসেবিতম্ ।
ভদ্রো ভদ্রেণ যানেন মারুতঃ খমিবাত্যয়াত্ ॥ 10 ॥
ভাগীরথীং দুষ্প্রতরামংশুধানে মহানদীম্ ।
উপায়াদ্রাঘবস্তূর্ণং প্রাগ্বটে বিশ্রুতে পুরে ॥ 11 ॥
স গংগাং প্রাগ্বটে তীর্ত্বা সমায়াত্কুটিকোষ্ঠিকাম্ ।
সবল স্তাং স তীর্ত্বাঽথ সমায়াদ্ধর্মবর্ধনম্ ॥ 12 ॥
তোরণং দক্ষিণার্ধেন জংভূপ্রস্থমুপাগমত্ ।
বরূথং চ যয়ৌ রম্য়ং গ্রামং দশরথাত্মজঃ ॥ 13 ॥
তত্র রম্য়ে বনে বাসং কৃত্বাঽসৌ প্রাঙ্মুখো যয়ৌ ।
উদ্য়ানমুজ্জিহানায়াঃ প্রিযকা যত্র পাদপাঃ ॥ 14 ॥
সালাংস্তু প্রিযকান্প্রাপ্য় শীঘ্রানাস্থায় বাজিনঃ ।
অনুজ্ঞাপ্য়াথ ভরতঃ বাহিনীং ত্বরিতো যয়ৌ ॥ 15 ॥
বাসং কৃত্বা সর্বতীর্থে তীর্ত্বা চোত্তানিকাং নদীম্ ।
অন্য়া নদীশ্চ বিবিধাঃ পার্বতীয়ৈস্তুরংগমৈঃ ॥ 16 ॥
হস্তিপৃষ্ঠকমাসাদ্য় কুটিকামত্যবর্তত ।
ততার চ নরব্য়াঘ্রো লৌহিত্য়ে স কপীবতীম্ ॥ 17 ॥
একসালে স্থাণুমতীং বিনতে গোমতীং নদীম্ ।
কলিংগনগরে চাপি প্রাপ্য় সালবনং তদা ॥ 18 ॥
ভরতঃ ক্ষিপ্রমাগচ্ছত্সুপরিশ্রাংতবাহনঃ ।
বনং চ সমতীত্য়াশুশর্বর্য়ামরুণোদয়ে ॥ 19 ॥
অয়োধ্য়াং মনুনা রাজ্ঞা নির্মিতাং সংদদর্শ হ ।
তাং পুরীং পুরুষব্য়াঘ্রস্সপ্তরাত্রোষিতঃ পথি ॥ 20 ॥
অয়োধ্য়ামগ্রতো দৃষ্ট্বা সারথিং বাক্যমব্রবীত্ ।
এষা নাতিপ্রতীতা মে পুণ্য়োদ্য়ানা যশস্বিনী ॥ 21 ॥
অয়োধ্য়া দৃশ্যতে দূরাত্সারথে পাংডুমৃত্তিকা ।
যজ্বভির্গুণসংপন্নৈর্ব্রাহ্মণৈর্বেদপারগৈঃ ॥ 22 ॥
ভূয়িষ্ঠমৃদ্ধৈরাকীর্ণা রাজর্ষিপরিপালিতা ।
এষা নাতিপ্রতীতা মে পুণ্য়োদ্য়ানা যশস্বিনী ॥ 23 ॥
অয়োধ্য়া দৃশ্যতে দূরাত্সারথে পাংডুমৃত্তিকা ।
যজ্বভির্গুণসংপন্নৈর্ব্রাহ্মণৈর্বেদপারগৈঃ ॥ 24 ॥
ভূয়িষ্ঠমৃদ্ধৈরাকীর্ণা রাজর্ষিপরিপালিতা ।
অয়োধ্য়ায়াং পুরা শব্দশ্শ্রূযতে তুমুলো মহান্ ॥ 25 ॥
সমংতান্নরনারীণাং তমদ্য় ন শ্রুণোম্যহম্ ।
উদ্য়ানানি হি সায়াহ্নে ক্রীডিত্বোপরতৈর্নরৈঃ ॥ 26 ॥
সমংতাত্পরিধাবদ্ভিঃ প্রকাশংতে মমান্যথা ।
তান্যদ্য়ানুরুদংতীব পরিত্যক্তানি কামিভিঃ ॥ 27 ॥
অরণ্যভূতেব পুরী সারথে প্রতিভাতি মে ।
ন হ্যত্র যানৈর্দৃশ্য়ংতে ন গজৈর্ন চ বাজিভিঃ ॥ 28 ॥
নির্য়াংতো বাঽভিয়াংতো বা নরমুখ্য়া যথাপুরম্ ।
উদ্য়ানানি পুরা ভাংতি মত্তপ্রমুদিতানি চ ॥ 29 ॥
জনানাং রতিসংয়োগেষ্বত্য়ংতগুণবংতি চ ।
তান্য়েতান্যদ্য় পশ্য়ামি নিরানংদানি সর্বশঃ ॥ 30 ॥
স্রস্তপর্ণৈরনুপথং বিক্রোশদ্ভিরিব দ্রুমৈঃ ।
নাদ্য়াপি শ্রূযতে শব্দঃ মত্তানাং মৃগপক্ষিণাম্ ॥ 31 ॥
সংরক্তাং মধুরাং বাণীং কলং ব্য়াহরতাং বহু ।
চংদনাগরুসংপৃক্তো ধূপসম্মূর্ছিতোঽতুলঃ ॥ 32 ॥
প্রবাতি পবন শ্শ্রীমান্কিন্নুনাদ্য় যথাপুরম্ ।
ভেরীমৃদংগবীণানাং কোণসংঘট্টিতঃ পুনঃ ॥ 33 ॥
কিমদ্য় শব্দো বিরতস্সদা দীনগতিঃ পুরা ।
অনিষ্টানি চ পাপানি পশ্য়ামি বিবিধানি চ ॥ 34 ॥
নিমিত্তান্যমনোজ্ঞানিতেন সীদতি মে মনঃ ।
সর্বথা কুশলং সূত দুর্লভং মম বংদুষু ॥ 35 ॥
তথাহ্যসতি সম্মোহে হৃদয়ং সীদতীব মে ।
বিষণ্ণ শ্শ্রাংতহৃদযস্ত্রস্ত স্সুলুলিতেংদ্রিয়ঃ ॥ 36 ॥
ভরতঃ প্রবিবেশাশু পুরীমিক্ষ্বাকুপালিতাম্ ।
দ্বারেণ বৈজয়ংতেন প্রাবিশচ্ছ্রাংতবাহনঃ ॥ 37 ॥
দ্বাস্স্থৈরুত্থায় বিজয়ং পৃষ্টস্তৈ স্সহিতো যয়ৌ ।
স ত্বনেকাগ্রহৃদয়ো দ্বাস্স্থং প্রত্যর্চ্য় তং জনম্ ॥ 38 ॥
সূতমশ্বপতেঃ ক্লাংতমব্রবীত্তত্র রাঘবঃ ।
কিমহং ত্বরয়াঽনীতঃ কারণেন বিনানঘ ॥ 39 ॥
অশুভাশংকি হৃদয়ং শীলং চ পততীব মে ।
শ্রুতা নো যাদৃশাঃ পূর্বং নৃপতীনাং বিনাশনে ॥ 40 ॥
আকারাংস্তানহং সর্বানিহপশ্য়ামি সারথে ।
সম্মার্জনবিহীনানি পরুষাণ্য়ুপলক্ষয়ে ॥ 41 ॥
অসংযত কবাটানি শ্রীবিহীনানি সর্বশঃ ।
বলিকর্মবিহীনানি ধূপসম্মোদনেন চ ॥ 42 ॥
অনাশিতকুটুংবানি প্রভাহীনজনানি চ ।
অলক্ষ্মীকানি পশ্য়ামি কুটুংবিভবনান্যহম্ ॥ 43 ॥
সম্মার্জনবিহীনানি পরুষাণ্য়ুপলক্ষয়ে ॥ 44 ॥
অসংযত কবাটানি শ্রীবিহীনানি সর্বশঃ ।
বলিকর্মবিহীনানি ধূপসম্মোদনেন চ ॥ 45 ॥
অনাশিতকুটুংবানি প্রভাহীনজনানি চ ।
অলক্ষ্মীকানি পশ্য়ামি কুটুংবিভবনান্যহম্ ॥ 46 ॥
অপেতমাল্যশোভানি হ্যসম্মৃষ্টাজিরাণি চ ।
দেবাগারাণি শূন্য়ানি ন চাভাংতি যথাপুরম্ ॥ 47 ॥
দেবতার্চাঃ প্রবিদ্ধাশ্চ যজ্ঞগোষ্ঠ্যস্তথাবিধাঃ ।
মাল্য়াপণেষু রাজংতে নাদ্য় পণ্য়ানি বা তথা ॥ 48 ॥
দৃশ্য়ংতে বণিজোঽপ্যদ্য় ন যথাপূর্বমত্রবৈ ।
ধ্য়ানসংবিগ্নহৃদয়াঃ নষ্টব্য়াপারয়ংত্রিতাঃ ॥ 49 ॥
দেবাযতনচৈত্য়েষু দীনাঃ পক্ষিগণাস্তথা ॥ 50 ॥
মলিনং চাশ্রুপূর্ণাক্ষং দীনং ধ্য়ানপরং কৃশম্ ।
সস্ত্রীপুংসং চ পশ্য়ামি জনমুত্কংঠিতং পুরে ॥ 51 ॥
ইত্য়েবমুক্ত্বা ভরতস্সূতং তং দীনমানসঃ ।
তান্যনিষ্টান্যয়োধ্য়ায়াং প্রেক্ষ্য় রাজগৃহং যয়ৌ ॥ 52 ॥
তাং শূন্যশৃংগাটকবেশ্মরথ্য়াং রজোঽরুণদ্বারকবাটয়ংত্রাম্ ।
দৃষ্ট্বা পুরীমিংদ্রপুরপ্রকাশাং দুঃখেন সংপূর্ণতরো বভূব ॥ 53 ॥
বহূনি পশ্যন্মনসোঽপ্রিয়াণি যান্যন্যদা নাস্য় পুরে বভূবুঃ ।
অবাক্ছিরা দীনমনা নহৃষ্টঃ পিতুর্মহাত্মা প্রবিবেশ বেশ্ম ॥ 54 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একসপ্ততিতমস্সর্গঃ ॥
