শ্রীমদ্বাল্মীকীয় রামাযণে সুংদরকাংডম্ ।
অথ অষ্টত্রিংশস্সর্গঃ ।
ততস্স কপিশার্দূলস্তেন বাক্য়েন তোষিতঃ ।
সীতামুবাচ তচ্ছৃত্বা বাক্য়ং বাক্যবিশারদঃ ॥ 1 ॥
যুক্তরূপং ত্বয়া দেবি ভাষিতং শুভদর্শনে ।
সদৃশং স্ত্রীস্বভাবস্য় সাধ্বীনাং বিনযস্য় চ ॥ 2 ॥
স্ত্রীত্বং ন তু সমর্থং হি সাগরং ব্যতিবর্তিতুম্ ।
মামধিষ্ঠায় বিস্তীর্ণং শতয়োজনমাযতম্ ॥ 3 ॥
দ্বিতীয়ং কারণং যচ্চ ব্রবীষি বিনয়ান্বিতে ।
রামাদন্যস্য় নার্হামি সংস্পর্শমিতি জানকি ॥ 4 ॥
এতত্তে সদৃশং দেবি পত্ন্য়াস্তস্য় মহাত্মনঃ ।
কা হ্যন্য়া ত্বামৃতে দেবি ব্রূয়াদ্বচনমীদৃশম্ ॥ 5 ॥
শ্রোষ্যতে চৈব কাকুত্স্থঃ সর্বং নিরবশেষতঃ ।
চেষ্টিতং যত্ত্বয়া দেবি ভাষিতং মম চাগ্রতঃ ॥ 6 ॥
কারণৈর্বহুভির্দেবি রামপ্রিযচিকীর্ষয়া ।
স্নেহপ্রস্কন্নমনসা ময়ৈতত্সমুদীরিতম্ ॥ 7 ॥
লংকায়া দুষ্প্রবেশত্বাদ্দুস্তরত্বান্মহোদধেঃ ।
সামর্থ্য়াদাত্মনশ্চৈব ময়ৈতত্সমুদীরিতম্ ॥ 8 ॥
ইচ্ছামি ত্বাং সমানেতুমদ্য়ৈব রঘুবংধুনা ।
গুরুস্নেহেন ভক্ত্য়া চ নান্যথৈতদুদাহৃতম্ ॥ 9 ॥
যদি নোত্সহসে যাতুং ময়া সার্থমনিংদিতে ।
অভিজ্ঞানং প্রযচ্ছ ত্বং জানীয়াদ্রাঘবো হি যত্ ॥ 10 ॥
এবমুক্তা হনুমতা সীতা সুরসুতোপমা ।
উবাচ বচনং মংদং বাষ্পপ্রগ্রথিতাক্ষরম্ ॥ 11 ॥
ইদং শ্রেষ্ঠমভিজ্ঞানং ব্রূয়াস্ত্বং তু মম প্রিযম্ ।
শৈলস্য় চিত্রকূটস্য় পাদে পূর্বোত্তরে পুরা ॥ 12 ॥
তাপসাশ্রমবাসিন্য়াঃ প্রাজ্যমূলফলোদকে ।
তস্মিন্সিদ্ধাশ্রমে দেশে মংদাকিন্য়া বিদূরতঃ ॥ 13 ॥
তস্য়োপবনষংডেষু নানাপুষ্পসুগংধিষু ।
বিহৃত্য় সলিলে ক্লিন্না মমাংকে সমুপাবিশমঃ ॥ 14 ॥
ততো মাংসসমায়ুক্তো বাযসঃ পর্যতুংডযত্ ।
তমহং লোষ্টমুদ্যম্য় বারয়ামিস্ম বাযসম্ ॥ 15 ॥
দারযন্স চ মাং কাকস্তত্ত্রৈব পরিলীযতে ।
ন চাপ্য়ুপারমন্মাংসাদ্ভক্ষার্থি বলিভোজনঃ ॥ 16 ॥
উত্কর্ষংত্য়াং চ রশনাং ক্রুদ্ধায়াং ময়ি পক্ষিণি ।
স্রস্যমানে চ বসনে ততো দৃষ্টা ত্বয়া হ্যহম্ ॥ 17 ॥
ত্বয়াঽপহসিতা চাহং ক্রুদ্ধা সংলজ্জিতা তদা ।
ভক্ষগৃধ্নেন কাকেন দারিতা ত্বামুপাগতা ॥ 18 ॥
আসীনস্য় চ তে শ্রাংতা পুনরুত্সংগমাবিশম্ ।
ক্রুধ্য়ংতী চ প্রহৃষ্টেন ত্বয়াঽহং পরিসাংত্বিতা ॥ 19 ॥
বাষ্পপূর্ণমুখী মংদং চক্ষুষী পরিমার্জতী ।
লক্ষিতাঽহং ত্বয়া নাথ বাযসেন প্রকোপিতা ॥ 20 ॥
পরিশ্রমাত্প্রসুপ্তা চ রাঘবাংকেঽপ্যহং চিরম্ ।
পর্য়ায়েণ প্রসুপ্তশ্চ মমাংকে ভরতাগ্রজঃ ॥ 21 ॥
স তত্র পুনরেবাথ বাযসস্সমুপাগমত্ ।
ততস্সুপ্তপ্রবুদ্ধাং মাং রামস্য়াংকাত্সমুত্থিতাম্ ॥ 22 ॥
বাযসস্সহসাগম্য় বিদদার স্তনাংতরে ।
পুনঃ পুনরথোত্পত্য় বিদদার স মাং ভৃশম্ ॥ 23 ॥
ততস্সমুক্ষিতো রামো মুক্তৈশ্শোণিতবিংদুভিঃ ।
বাযসেন ততস্তেন বলবত্ক্লিশ্যমানয়া ॥ 24 ॥
স ময়া বোধিতশ্শ্রীমান্সুখসুপ্তঃ পরংতপঃ ।
স মাং দৃষ্ট্বা মহাবাহুর্বিতুন্নাং স্তনয়োস্তদা ॥ 25 ॥
আশীবিষ ইব ক্রুদ্ধশ্বসন্বাক্যমভাষত ।
কেন তে নাগনাসোরু বিক্ষতং বৈ স্তনাংতরম্ ॥ 26 ॥
কঃ ক্রীডতি সরোষেণ পংচবক্ত্রেণ ভোগিনা ।
বীক্ষমাণস্ততস্তং বৈ বাযসং সমুদৈক্ষত ॥ 27 ॥
নখৈস্সরুধিরৈস্তীক্ষ্ণৈর্মামেবাভিমুখং স্থিতম্ ।
পুত্ত্রঃ কিল স শক্রস্য় বাযসঃ পততাং বরঃ ॥ 28 ॥
ধরাংতরগতশ্শীঘ্রং পবনস্য় গতৌ সমঃ ।
ততস্তস্মিন্মহাবাহুঃ কোপসংবর্তিতেক্ষণঃ ॥ 29 ॥
বাযসে কৃতবান্ক্রূরাং মতিং মতিমতাং বরঃ ।
স দর্ভং সংস্তরাদ্গৃহ্য় ব্রাহ্মেণাস্ত্রেণ যোজযত্ ॥ 30 ॥
স দীপ্ত ইব কালাগ্নির্জজ্বালাভিমুখো দ্বিজম্ ।
স তং প্রদীপ্তং চিক্ষেপ দর্ভং তং বাযসং প্রতি ॥ 31 ॥
ততস্তং বাযসং দর্ভস্সোংবরেঽনুজগাম হ ।
অনুসৃষ্টস্তদা কাকো জগাম বিবিধাং গতিম্ ॥ 32 ॥
লোককাম ইমং লোকং সর্বং বৈ বিচচার হ ।
স পিত্রা চ পরিত্যক্তস্সুরৈশ্চ সমহর্ষিভিঃ ॥ 33 ॥
ত্রীন্লোকান্সংপরিক্রম্য় তমেব শরণং গতঃ ।
স তং নিপতিতং ভূমৌ শরণ্যশ্শরণাগতম্ ॥ 34 ॥
বধার্হমপি কাকুত্স্থঃ কৃপয়া পর্যপালযত্ ।
পরিদ্য়ূনং বিষণ্ণং চ স তমায়াংতমব্রবীত্ ॥ 35 ॥
মোঘং কর্তুং ন শক্য়ং তু ব্রাহ্মমস্ত্রং তদুচ্যতাম্ ।
হিনস্তু দক্ষিণাক্ষি ত্বচ্ছর ইত্যথ সোঽব্রবীত্ ॥ 36 ॥
ততস্তস্য়াক্ষি কাকস্য় হিনস্তি স্ম স দক্ষিণম্ ।
দত্ত্বা স দক্ষিণং নেত্রং প্রাণেভ্য়ঃ পরিরক্ষিতঃ ॥ 37 ॥
স রামায় নমস্কৃত্য় রাজ্ঞে দশরথায় চ ।
বিসৃষ্টস্তেন বীরেণ প্রতিপেদে স্বমালযম্ ॥ 38 ॥
মত্কৃতে কাকমাত্রে তু ব্রহ্মাস্ত্রং সমুদীরিতম্ ।
কস্মাদ্য়ো মাং হরেত্ত্বত্তঃ ক্ষমসে তং মহীপতে ॥ 39 ॥
স কুরুষ্ব মহোত্সাহঃ কৃপাং ময়ি নরর্ষভ ।
ত্বয়া নাথবতী নাথ হ্যনাথা ইব দৃশ্যতে ॥ 40 ॥
আনৃশংস্য়ং পরো ধর্মস্তবত্ত্ত ঐব ময়া শ্রুতঃ ।
জানামি ত্বাং মহাবীর্য়ং মহোত্সাহং মহাবলম্ ॥ 41 ॥
অপারপারমক্ষোভ্য়ং গাংভীর্য়াত্সাগরোপমম্ ।
ভর্তারং সসমুদ্রায়া ধরণ্য়া বাসবোপমম্ ॥ 42 ॥
এবমস্ত্রবিদাং শ্রেষ্ঠস্সত্যবান্বলবানপি ।
কিমর্থমস্ত্রং রক্ষস্সু ন যোজযসি রাঘব ॥ 43 ॥
ন নাগা নাঽপি গংধর্বা নাসুরা ন মরুদ্গণাঃ ।
রামস্য় সমরে বেগং শক্তাঃ প্রতিসমাধিতুম্ ॥ 44 ॥
তস্য় বীর্যবতঃ কশ্চিদ্যদ্যস্তি ময়ি সংভ্রমঃ ।
কিমর্থং ন শরৈস্তীক্ষ্ণৈঃ ক্ষয়ং নযতি রাক্ষসান্ ॥ 45 ॥
ভ্রাতুরাদেশমাদায় লক্ষ্মণো বা পরংতপঃ ।
কস্য় হেতোর্ন মাং বীরঃ পরিত্রাতি মহাবলঃ ॥ 46 ॥
যদি তৌ পুরুষব্য়াঘ্রৌ বায়্বগ্নিসমতেজসৌ ।
সুরাণামপি দুর্ধর্ষৌ কিমর্থং মামুপেক্ষতঃ ॥ 47 ॥
মমৈব দুষ্কৃতং কিংচিন্মহদস্তি ন সংশয়ঃ ।
সমর্থাবপি তৌ যন্মাং নাবেক্ষেতে পরংতপৌ ॥ 48 ॥
বৈদেহ্য়া বচনং শ্রুত্বা করুণং সাশ্রুভাষিতম্ ।
অথাব্রবীন্মহাতেজা হনুমান্মারুতাত্মজঃ ॥ 49 ॥
ত্বচ্ছোকবিমুখো রামো দেবি সত্য়েন তে শপে ।
রামে দুঃখাভিপন্নে চ লক্ষ্মণঃ পরিতপ্যতে ॥ 50 ॥
কথংচিদ্ভবতী দৃষ্টা ন কালঃ পরিদেবিতুম্ ।
ইমং মুহূর্তং দুঃখানাং দ্রক্ষ্যস্য়ংতমনিংদিতে ॥ 51 ॥
তাবুভৌ পুরুষব্য়াঘ্রৌ রাজপুত্রৌ মহাবলৌ ।
ত্বদ্দর্শনকৃতোত্সাহৌ লংকাং ভস্মীকরিষ্যতঃ ॥ 52 ॥
হত্ত্বা চ সমরে ক্রূরং রাবণং সহবাংধবম্ ।
রাঘবস্ত্বাং বিশালাক্ষি নেষ্যতি স্বাং পুরীং প্রতি ॥ 53 ॥
ব্রূহি যদ্রাঘবো বাচ্য়ো লক্ষ্মণশ্চ মহাবলঃ ।
সুগ্রীবো বাপি তেজস্বী হরয়োঽপি সমাগতাঃ ॥ 54 ॥
ইত্য়ুক্তবতি তস্মিংস্তু সীতা সুরসুতোপমা ।
উবাচ শোকসংতপ্তা হনুমংতং প্লবংগমম্ ॥ 55 ॥
কৌসল্য়া লোকভর্তারং সুষুবে যং মনস্বিনী ।
তং মমার্থে সুখং পৃচ্ছ শিরসা চাভিবাদয় ॥ 56 ॥
স্রজশ্চ সর্বরত্নানি প্রিয়া যাশ্চ বরাংগনাঃ ।
ঐশ্বর্য়ং চ বিশালায়াং পৃথিব্য়ামপি দুর্লভম্ ॥ 57 ॥
পিতরং মাতরং চৈব সম্মান্য়াভিপ্রসাদ্য় চ ।
অনুপ্রব্রজিতো রামং সুমিত্রা যেন সুপ্রজাঃ ॥ 58 ॥
আনুকূল্য়েন ধর্মাত্মা ত্যক্ত্বা সুখমনুত্তমম্ ।
অনুগচ্ছতি কাকুত্স্থং ভ্রাতরং পালযন্বনে ॥ 59 ॥
সিংহস্কংধো মহাবাহুর্মনস্বী প্রিযদর্শিনঃ ।
পিতৃবদ্বর্ততে রামে মাতৃবন্মাং সমাচরন্ ॥ 60 ॥
হ্রিযমাণাং তদা বীরো ন তু মাং বেদ লক্ষ্মণঃ ।
বৃদ্ধোপসেবী লক্ষ্মীবান্ শক্তো ন বহুভাষিতা ॥ 61 ॥
রাজপুত্রঃ প্রিয়ঃ শ্রেষ্ঠঃ সদৃশঃ শ্বশুরস্য় মে ।
মমঃ প্রিযতরো নিত্য়ং ভ্রাতা রামস্য় লক্ষ্মণঃ ॥ 62 ॥
নিয়ুক্তো ধুরি যস্য়াং তু তামুদ্বহতি বীর্যবান্ ।
যং দৃষ্ট্বা রাঘবো নৈব বৃত্তমার্যমনুস্মরেত্ ॥ 63 ॥
স মমার্থায় কুশলং বক্তব্য়ো বচনান্মম ।
মৃদুর্নিত্য়ং শুচির্দক্ষঃ প্রিয়ো রামস্য় লক্ষ্মণঃ ॥ 64 ॥
যথা হি বানরশ্রেষ্ঠ দুঃখক্ষযকরো ভবেত্ ।
ত্বমস্মিন্কার্যনির্য়োগে প্রমাণং হরিসত্তমঃ ॥ 65 ॥
রাঘবস্ত্বত্সমারংভান্ময়ি যত্নপরো ভবেত্ ।
ইদং ব্রূয়াশ্চ মে নাথং শূরং রামং পুনঃ পুনঃ ॥ 66 ॥
জীবিতং ধারয়িষ্য়ামি মাসং দশরথাত্মজ ।
ঊর্ধ্বং মাসান্ন জীবেয়ং সত্য়েনাহং ব্রবীমি তে ॥ 67 ॥
রাবণেনোপরুদ্ধাং মাং নিকৃত্য় পাপকর্মণা ।
ত্রাতুমর্হসি বীর ত্বং পাতালাদিব কৌশিকীম্ ॥ 68 ॥
ততো বস্ত্রগতং মুক্ত্বা দিব্য়ং চূডামণিং শুভম্ ।
প্রদেয়ো রাঘবায়েতি সীতা হনুমতে দদৌ ॥ 69 ॥
প্রতিগৃহ্য় ততো বীরো মণিরত্নমনুত্তমম্ ।
অংগুল্য়া যোজয়ামাস ন হ্যস্য় প্রাভবদ্ভুজঃ ॥ 70 ॥
মণিরত্নং কপিবরঃ প্রতিগৃহ্য়াভিবাদ্য় চ ।
সীতাং প্রদক্ষিণং কৃত্বা প্রণতঃ পার্ব্শতঃ স্থিতঃ ॥ 71 ॥
হর্ষেণ মহতা যুক্তঃ সীতাদর্শনজেন সঃ ।
হৃদয়েন গতো রামং শরীরেণ তু বিষ্ঠিতঃ ॥ 72 ॥
মণিবরমুপগৃহ্য় তং মহার্হং জনকনৃপাত্মজয়া ধৃতং প্রভাবাত্ ।
গিরিরিব পবনাবধূতমুক্তঃ সুখিতমনাঃ প্রতিসংক্রমং প্রপেদে ॥ 73 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে অষ্টত্রিংশস্সর্গঃ ॥
