শ্রীমদ্বাল্মীকীয় রামাযণে সুংদরকাংডম্ ।
অথ দ্বাবিংশস্সর্গঃ ।
সীতায়া বচনং শ্রুত্বা পরুষং রাক্ষসাধিপঃ ।
প্রত্য়ুবাচ ততঃ সীতাং বিপ্রিয়ং প্রিযদর্শনাম্ ॥ 1 ॥
যথা যথা সাংত্বয়িতা বশ্য়ঃ স্ত্রীণাং তথা তথা ।
যথা যথা প্রিয়ং বক্তা পরিভূতস্তথা তথা ॥ 2 ॥
সন্নিযচ্ছতি মে ক্রোধং ত্বয়ি কামঃ সমুত্থিতঃ ।
দ্রবতোঽমার্গমাসাদ্য় হয়ানিব সুসারথিঃ ॥ 3 ॥
বামঃ কামো মনুষ্য়াণাং যস্মিন্ কিল নিবধ্যতে ।
জনে তস্মিংস্ত্বনুক্রোশঃ স্নেহশ্চ কিল জাযতে ॥ 4 ॥
এতস্মাত্কারণান্ন ত্বাং ঘাতয়ামি বরাননে ।
বধার্হামবমানার্হাং মিথ্য়াপ্রব্রজিতে রতাম্ ॥ 5 ॥
পরুষাণীহ বাক্য়ানি যানি যানি ব্রবীষি মাম্ ।
তেষু তেষু বধো যুক্তস্তব মৈথিলি দারুণঃ ॥ 6 ॥
এবমুক্ত্বা তু বৈদেহীং রাবণো রাক্ষসাধিপঃ ।
ক্রোধসংরংভসংয়ুক্তঃ সীতামুত্তরমব্রবীত্ ॥ 7 ॥
দ্বৌ মাসৌ রক্ষিতব্য়ৌ মে যোঽবধিস্তে ময়া কৃতঃ ।
ততঃ শযনমারোহ মম ত্বং বরবর্ণিনি ॥ 8 ॥
ঊর্ধ্বং দ্বাভ্য়াং তু মাসাভ্য়াং ভর্তারং মামনিচ্ছতীম্ ।
মম ত্বাং প্রাতরাশার্থমালভংতে মহানসে ॥ 9 ॥
তাং তর্জ্যমানাং সংপ্রেক্ষ্য় রাক্ষসেংদ্রেণ জানকীম্ ।
দেবগংধর্বকন্য়াস্তা বিষেদুর্বিকৃতেক্ষণাঃ ॥ 10 ॥
ওষ্ঠপ্রকারৈরপরা বক্ত্রনেত্রৈস্তথাপরাঃ ।
সীতামাশ্বাসয়ামাসুস্তর্জিতাং তেন রক্ষসা ॥ 11 ॥
তাভিরাশ্বাসিতা সীতা রাবণং রাক্ষসাধিপম্ ।
উবাচাত্মহিতং বাক্য়ং বৃত্তশৌংডীর্যগর্বিতম্ ॥ 12 ॥
নূনং ন তে জনঃ কশ্চিদস্তি নিঃশ্রেযসে স্থিতঃ ।
নিবারযতি যো ন ত্বাং কর্মণোঽস্মাদ্বিগর্হিতাত্ ॥ 13 ॥
মাং হি ধর্মাত্মনঃ পত্নীং শচীমিব শচীপতেঃ ।
ত্বদন্যস্ত্রিষু লোকেষু প্রার্থয়েন্মনসাপি কঃ ॥ 14 ॥
রাক্ষসাধম রামস্য় ভার্য়ামমিততেজসঃ ।
উক্তবানসি যত্পাপং ক্ব গতস্তস্য় মোক্ষ্যসে ॥ 15 ॥
যথা দৃপ্তশ্চ মাতংগঃ শশশ্চ সদ্দৃশো যুধি ।
তথা মাতংগবদ্রামস্ত্বং নীচঃ শশবত্ স্মৃতঃ ॥ 16 ॥
স ত্বমিক্ষ্বাকুনাথং বৈ ক্ষিপন্নিহ ন লজ্জসে ।
চক্ষুষোর্বিষয়ং তস্য় ন তাবদুপগচ্ছসি ॥ 17 ॥
ইমে তে নযনে ক্রূরে বিরূপে কৃষ্ণপিংগলে ।
ক্ষিতৌ ন পতিতে কস্মান্মামনার্য় নিরীক্ষিতঃ ॥ 18 ॥
তস্য় ধর্মাত্মনঃ পত্নীং স্নুষাং দশরথস্য় চ ।
কথং ব্য়াহরতো মাং তে ন জিহ্বা ব্যবশীর্যতে ॥ 19 ॥
অসংদেশাত্তু রামস্য় তপসশ্চানুপালনাত্ ।
ন ত্বাং কুর্মি দশগ্রীব ভস্ম ভর্মার্হ তেজসা ॥ 20 ॥
নাপহর্তুমহং শক্য়া ত্বয়া রামস্য় ধীমতঃ ।
বিধিস্তব বধার্থায় বিহিতো নাত্র সংশয়ঃ ॥ 21 ॥
শূরেণ ধনদভ্রাত্রা বলৈঃ সমুদিতেন চ ।
অপোহ্য় রামং কস্মাদ্ধি দারচৌর্য়ং ত্বয়া কৃতম্ ॥ 22 ॥
সীতায়া বচনং শ্রুত্বা রাবণো রাক্ষসাধিপঃ ।
বিবৃত্য় নযনে ক্রূরে জানকীমন্ববৈক্ষত ॥ 23 ॥
নীলজীমূতসংকাশো মহাভুজশিরোধরঃ ।
সিংহসত্ত্বগতিঃ শ্রীমান্ দীপ্ত জিহ্বাগ্রলোচনঃ ॥ 24 ॥
চলাগ্রমকুটপ্রাংশুশ্চিত্রমাল্য়ানুলেপনঃ ।
রক্তমাল্য়াংবরধর তত্সংগদবিভূষণঃ ॥ 25 ॥
শ্রোণিসূত্রেণ মহতা মেচকেন সুসংবৃতঃ ।
অমৃতোত্পাদনদ্ধেন ভুজগেনেব মংদরঃ ॥ 26 ॥
তাভ্য়াং স পরিপূর্ণাভ্য়াং ভুজাভ্য়াং রাক্ষসেশ্বরঃ ।
শুশুভেঽচলসংকাশঃ শৃংগাভ্য়ামিব মংদরঃ ॥ 27 ॥
তরুণাদিত্যবর্ণাভ্য়াং কুংডলাভ্য়াং বিভূষিতঃ ।
রক্তপল্লবপুষ্পাভ্য়ামশোকাভ্য়ামিবাচলঃ ॥ 28 ॥
স কল্পবৃক্ষপ্রতিমো বসংত ইব মূর্তিমান্ ।
শ্মশানচৈত্যপ্রতিমো ভূষিতোঽপি ভয়ংকরঃ ॥ 29 ॥
অবেক্ষমাণো বৈদেহীং কোপসংরক্তলোচনঃ ।
উবাচ রাবণঃ সীতাং ভুজংগ ইব নিঃশ্বসন্ ॥ 30 ॥
অনয়েনাভিসংপন্নমর্থহীনমনুব্রতে ।
নাশয়াম্যহমদ্য় ত্বাং সূর্য়ঃ সংধ্য়ামিবৌজসা ॥ 31 ॥
ইত্য়ুক্ত্বা মৈথিলীং রাজা রাবণঃ শত্রুরাবণঃ ।
সংদিদেশ ততঃ সর্বা রাক্ষসীর্ঘোরদর্শনাঃ ॥ 32 ॥
একাক্ষীমেককর্ণাং চ কর্ণপ্রাবরণাং তথা ।
গোকর্ণীং হস্তিকর্ণীং চ লংবকর্ণীমকর্ণিকাম্ ॥ 33 ॥
হস্তিপাদ্যশ্বপাদ্য়ৌ চ গোপাদীং পাদচূলিকাম্ ।
একাক্ষীমেকপাদীং চ পৃথুপাদীমপাদিকাম্ ॥ 34 ॥
অতিমাত্রশিরোগ্রীবামতিমাত্রকুচোদরীম্ ।
অতিমাত্রাস্যনেত্রাং চ দীর্ঘজিহ্বামজিহ্বিকাম্ ॥ 35 ॥
অনাসিকাং সিংহমুখীং গোমুখীং সূকরীমুখীম্ ।
যথা মদ্বশগা সীতা ক্ষিপ্রং ভবতি জানকী ॥ 36 ॥
তথা কুরুত রাক্ষস্য়ঃ সর্বাঃ ক্ষিপ্রং সমেত্য় চ ।
প্রতিলোমানুলোমৈশ্চ সামদানাদিভেদনৈঃ ॥ 37 ॥
আবর্জযত বৈদেহীং দংডস্য়োদ্যমনেন চ ।
ইতি প্রতিসমাদিশ্য় রাক্ষসেংদ্রঃ পুনঃ পুনঃ ॥ 38 ॥
কামমন্য়ুপরীতাত্মা জানকীং পর্যতর্জযত্ ।
উপগম্য় ততঃ শীঘ্রং রাক্ষসী ধান্যমালিনী ॥ 39 ॥
পরিষ্বজ্য় দশগ্রীবমিদং বচনমব্রবীত্ ।
ময়া ক্রীড মহারাজ সীতয়া কিং তবানয়া ॥ 40 ॥
বিবর্ণয়া কৃপণয়া মানুষ্য়া রাক্ষসেশ্বর ।
নূনমস্য়া মহারাজ ন দিব্য়ান্ ভোগসত্তমান্ ॥ 41 ॥
বিদধাত্যমরশ্রেষ্ঠস্তব বাহুবলার্জিতান্ ।
অকামাং কাময়ানস্য় শরীরমুপতপ্যতে ॥ 42 ॥
ইচ্ছংতীং কাময়ানস্য় প্রীতির্ভবতি শোভনা ।
এবমুক্তস্তু রাক্ষস্য়া সমুত্ক্ষিপ্তস্ততো বলী ॥ 43 ॥
প্রহসন্মেঘসংকাশো রাক্ষসঃ স ন্যবর্তত ।
প্রস্থিতঃ স দশগ্রীবঃ কংপযন্নিব মেদিনীম্ ॥ 44 ॥
জ্বলদ্ভাস্করবর্ণাভং প্রবিবেশ নিবেশনম্ ।
দেবগংধর্বকন্য়াশ্চ নাগকন্য়াশ্চ সর্বতঃ ॥ 45 ॥
পরিবার্য় দশগ্রীবং বিবিশুস্তং গৃহোত্তমম্ ।
স মৈথিলীং ধর্মপরামবস্থিতাং প্রপেপমানাং পরিভর্ত্স্য় রাবণঃ ।
বিহায় সীতাং মদনেন মোহিতঃ স্বমেব বেশ্ম প্রবিবেশ ভাস্বরম্ ॥ 46 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে দ্বাবিংশস্সর্গঃ ॥
