শ্রীমদ্বাল্মীকীয় রামাযণে কিষ্কিংধাকাংডম্ ।
অথ ষট্পংচাশস্সর্গঃ ।
উপবিষ্টাস্তু তে সর্বে যস্মিন্প্রায়ং গিরিস্থলে ।
হরয়ো গৃধ্ররাজশ্চ তং দেশমুপচক্রমে ॥ 1 ॥
সংপাতির্নাম নাম্না তু চিরংজীবী বিহংগমঃ ।
ভ্রাতা জটায়ুষঃ শ্রীমান্বিখ্য়াতবলপৌরুষঃ ॥ 2 ॥
কংদরাদভিনিষ্ক্রম্য় স বিংধ্যস্য় মহাগিরেঃ ।
উপবিষ্টান্হরীংদৃষ্ট্বা হৃষ্টাত্মা গিরমব্রবীত্ ॥ 3 ॥
বিধিঃ কিল নরং লোকে বিধানেনানুবর্ততে ।
যথাঽয়ং বিহিতো ভক্ষ্যশ্চিরান্মহ্যমুপাগতঃ ॥ 4 ॥
পরংপরাণাং ভক্ষিষ্য়ে বানরাণাং মৃতং মৃতম্ ।
উবাচেদং বচঃ পক্ষী তান্নিরীক্ষ্য় প্লবংগমান্ ॥ 5 ॥
তস্য় তদ্বচনং শ্রুত্বা ভক্ষ্যলুব্ধস্য় পক্ষিণঃ ।
অংগদঃ পরমাযস্তো হনূমংতমথাব্রবীত্ ॥ 6 ॥
পশ্য় সীতাপদেশেন সাক্ষাদ্বৈবস্বতো যমঃ ।
ইমং দেশমনুপ্রাপ্তো বানরাণাং বিপত্তয়ে ॥ 7 ॥
রামস্য় ন কৃতং কার্য়ং রাজ্ঞো ন চ বচঃ কৃতম্ ।
হরীণামিযমজ্ঞাতা বিপত্তিস্সহসাগতা ॥ 8 ॥
বৈদেহ্য়াঃ প্রিযকামেন কৃতং কর্ম জটায়ুষা ।
গৃধ্রারাজেন যত্তত্র শ্রুতং বস্তদশেষতঃ ॥ 9 ॥
তথা সর্বাণি ভূতানি তির্যগ্য়োনিগতান্যপি ।
প্রিয়ং কুর্বংতি রামস্য় ত্যক্ত্বা প্রাণান্যথা বযম্ ॥ 10 ॥
অন্য়োঽন্যমুপকুর্বংতি স্নেহকারুণ্যয়ংত্রিতাঃ ।
তেন তস্য়োপকারার্থং ত্যজতাঽত্মানমাত্মনা ॥ 11 ॥
প্রিয়ং কৃতং হি রামস্য় ধর্মজ্ঞেন জটায়ুষা ।
রাঘবার্থে পরিশ্রাংতা বয়ং সংত্যক্তজীবিতাঃ ॥ 12 ॥
কাংতারাণি প্রপন্নাঃ স্ম ন চ পশ্য়াম মৈথিলীম্ ।
স সুখী গৃধ্ররাজস্তু রাবণেন হতো রণে ॥ 13 ॥
মুক্তশ্চ সুগ্রীবভয়াদ্গতশ্চ পরমাং গতিম্ ।
জটায়ুষো বিনাশেন রাজ্ঞো দশরথস্য় চ ॥ 14 ॥
হরণেন চ বৈদেহ্য়া স্সংশয়ং হরয়ো গতাঃ ।
রামলক্ষ্মণয়োর্বাসশ্চ অরণ্য়ে সহ সীতয়া ॥ 15 ॥
রাঘবস্য় চ বাণেন বালিনশ্চ তথা বধঃ ।
রামকোপাদশেষাণাং রক্ষসানাং তথা বধঃ ॥ 16 ॥
কৈকেয়্য়া বরদানেন ইদং চ বিকৃতং কৃতম্ ।
তদসুখমনুকীর্তিতং বচো ভুবি পতিতাংশ্চ সমীক্ষ্য় বানরান্ ।
ভৃশচলিতমতির্মহামতিঃ কৃপণমুদাহৃতবান্ স গৃধ্ররাট্ ॥ 17 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ষট্পংচাশস্সর্গঃ ॥
