শ্রীমদ্বাল্মীকীয় রামাযণে অয়োধ্য়াকাংডম্ ।
অথ অশীতিতমস্সর্গঃ ।
অথ ভূমিপ্রদেশজ্ঞাস্সূত্রকর্মবিশারদাঃ ।
স্বকর্মাভিরতাশ্শূরাঃ খনকা যংত্রকাস্তথা ॥ 1 ॥
কর্মাংতিকাঃ স্থপতয়ঃ পুরুষ যংত্রকোবিদাঃ ।
তথা বার্ধকযশ্চৈব মার্গিণো বৃক্ষতক্ষকাঃ ॥ 2 ॥
কূপকারাস্সুধাকারার্বংশকর্মকৃতস্তথা ।
সমর্থা যে চ দ্রষ্টারঃ পুরতস্তে প্রতস্থিরে ॥ 3 ॥
অথ ভূমিপ্রদেশজ্ঞাস্সূত্রকর্মবিশারদাঃ ।
স্বকর্মাভিরতাশ্শূরাঃ খনকা যংত্রকাস্তথা ॥ 4 ॥
কর্মাংতিকাঃ স্থপতয়ঃ পুরুষ যংত্রকোবিদাঃ ।
তথা বার্ধকযশ্চৈব মার্গিণো বৃক্ষতক্ষকাঃ ॥ 5 ॥
কূপকারাস্সুধাকারার্বংশকর্মকৃতস্তথা ।
সমর্থা যে চ দ্রষ্টারঃ পুরতস্তে প্রতস্থিরে ॥ 6 ॥
স তু হর্ষাত্তমুদ্দেশং জনৌঘো বিপুলঃ প্রয়ান্ ।
অশোভত মহাবেগস্সমুদ্র ইব পর্বণি ॥ 7 ॥
তে স্ববারং সমাস্থায় বর্ত্মকর্মণি কোবিদাঃ ।
করণৈর্বিবিধোপেতৈঃ পুরস্তাত্সংপ্রতস্থিরে ॥ 8 ॥
লতাবল্লী শ্চ গুল্মাংশ্চ স্থাণূনশ্মন এব চ ।
জনায়াংচক্রিরে মার্গং ছিংদংতো বিবিধাংদ্রুমান্ ॥ 9 ॥
অবৃক্ষেষু চ দেশেষু কেচিদ্বৃক্ষানরোপযন্ ।
কেচিত্কুঠারৈষ্টংকৈশ্চ দাত্রৈশ্চিংদন্ক্বচিত্ক্বচিত্ ॥ 10 ॥
অপরে বীরণস্তংভান্বলিনো বলবত্তরাঃ ।
বিধমংতি স্ম দুর্গাণি স্থলানি চ ততস্ততঃ ॥ 11 ॥
অপরেঽপূরযন্কূপান্পাংসুভি শ্শ্বভ্রমাযতম্ ।
নিম্নভাগান্স্ততঃ কেচিত্সমান্শ্চক্রু স্সমংততঃ ॥ 12 ॥
ববংধুর্বংধনীয়াংশ্চ ক্ষোদ্য়ান্সংচুক্ষুদুস্তদা ।
বিভিদুর্ভেদনীয়াংশ্চ তাংস্তাংদেশান্নরা স্তদা ॥ 13 ॥
অচিরেণৈব কালেন পরিবাহান্বহূদকান্ ।
চক্রুর্বহুবিধাকারান্ সাগরপ্রতিমান্বহূন্ ॥ 14 ॥
নির্জলেষু চ দেশেষু খানয়ামাসুরুত্তমান্ ।
উদপানান্বহুবিধান্বেদিকাপরিমংডিতান্ ॥ 15 ॥
সসুধাকুট্টিমতলঃ প্রপুষ্পিতমহীরুহঃ ।
মত্তোদ্ঘুষ্ট দ্বিজগণঃ পতাকাভিরলংকৃতঃ ॥ 16 ॥
চংদনোদকসংসিক্তো নানাকুসুমভূষিতঃ ।
বহ্বশোভত সেনায়াঃ পংথা স্সুরপথোপমঃ ॥ 17 ॥
আজ্ঞাপ্য়াথ যথাঽজ্ঞপ্তি যুক্তাস্তেঽধিকৃতা নরাঃ ।
রমণীয়েষু দেশেষু বহুস্বাদুফলেষু চ ॥ 18 ॥
যো নিবেশস্ত্বভিপ্রেতো ভরতস্য় মহাত্মনঃ ।
ভূযস্তং শোভয়ামাসুর্ভূষাভির্ভূষণোপমম্ ॥ 19 ॥
নক্ষত্রেষু প্রশস্তেষু মুহূর্তেষু চ তদ্বিদঃ ।
নিবেশান্ স্থাপয়ামাসুর্ভরতস্য় মহাত্মনঃ ॥ 20 ॥
বহুপাংসুচয়াশ্চাপি পরিখাপরিবারিতাঃ ।
তত্রেংদ্রকীলপ্রতিমাঃ প্রতোলীবরশোভিতাঃ ॥ 21 ॥
প্রাসাদমালাবিততা স্সৌধপ্রাকারসংবৃতাঃ ।
পতাকাশোভিতা স্সর্বে সুনির্মিতমহাপথাঃ ॥ 22 ॥
বিসর্পদ্ভিরিবাঽকাশে বিটংকাগ্রবিমানকৈঃ ।
সমুচ্ছ্রিতৈর্নিবেশাস্তে বভুশ্শক্রপুরোপমাঃ ॥ 23 ॥
জাহ্নবীং তু সমাসাদ্য় বিবিধদ্রুমকাননাম্ ।
শীতলামলপানীয়াং মহামীনসমাকুলাম্ ॥ 24 ॥
সচংদ্রতারাগণমংডিতং যথা নভঃ ক্ষপায়ামমলং বিরাজতে ।
নরেংদ্রমার্গস্স তথা ব্যরাজত ক্রমেণ রম্য়ঃ শুভশিল্পিনির্মিতঃ ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে অশীতিতমস্সর্গঃ ॥
