শ্রীমদ্বাল্মীকীয় রামাযণে সুংদরকাংডম্ ।
অথ সপ্তমস্সর্গঃ ।
স বেশ্মজালং বলবান্ দদর্শ ব্য়াসক্তবৈডূর্যসুবর্ণজালম্ ।
যথা মহত্ প্রাবৃষি মেঘজালং বিদ্য়ুত্পিনদ্ধং সবিহংগজালম্ ॥ 1 ॥
নিবেশনানাং বিবিধাশ্চ শালাঃ প্রধানশংখায়ুধচাপশালাঃ ।
মনোহরাশ্চাপি পুনর্বিশালাঃ দদর্শ বেশ্মাদ্রিষু চংদ্রশালাঃ ॥ 2 ॥
গৃহাণি নানাবসুরাজিতানি দেবাসুরৈশ্চাপি সুপূজিতানি ।
সর্বৈশ্চ দোষৈঃ পরিবর্জিতানি কপির্দদর্শ স্ববলার্জিতানি ॥ 3 ॥
তানি প্রযত্নাভিসমাহিতানি ময়েন সাক্ষাদিব নির্মিতানি ।
মহীতলে সর্বগুণোত্তরাণি দদর্শ লংকাধিপতের্গৃহাণি ॥ 4 ॥
ততো দদর্শোছ্রচিতমেঘরূপং মনোহরং কাংচনচারুরূপম্ ।
রক্ষোঽধিপস্য়াত্মবলানুরূপং গৃহোত্তমং হ্যপ্রতিরূপরূপম্ ॥ 5 ॥
মহীতলে স্বর্গমিব প্রকীর্ণং শ্রিয়া জ্বলংতং বহুরত্নকীর্ণম্ ।
নানাতরূণাং কুসুমাবকীর্ণং গিরেরিবাগ্রং রজসাবকীর্ণম্ ॥ 6 ॥
নারীপ্রবেকৈরিব দীপ্যমানং তটিদ্ভিরংভোদবদর্চ্যমানম্ ।
হংসপ্রবেকৈরিব বাহ্যমানং শ্রিয়া যুতং খে সুকৃতাং বিমানম্ ॥ 7 ॥
যথা নগাগ্রং বহুধাতুচিত্রং যথা নভশ্চ গ্রহচংদ্রচিত্রম্ ।
দদর্শয়ুক্তীকৃতমেঘচিত্রং বিমানরত্নং বহুরত্নচিত্রম্ ॥ 8 ॥
মহী কৃতা পর্বতরাজিপূর্ণা শৈলাঃ কৃতা বৃক্ষবিতানপূর্ণাঃ ।
বৃক্ষাঃ কৃতাঃ পুষ্পবিতানপূর্ণাঃ পুষ্পং কৃতং কেসরপত্রপূর্ণম্ ॥ 9 ॥
কৃতানি বেশ্মানি চ পাংডুরাণি তথা সুপুষ্পাণ্যপি পুষ্করাণি ।
পুনশ্চ পদ্মানি সকেসরাণি ধন্য়ানি চিত্রাণি তথা বনানি ॥ 10 ॥
পুষ্পাহ্বয়ং নামবিরাজমানং রত্নপ্রভাভিশ্চ বিবর্ধমানম্ ।
বেশ্মোত্তমানামপি চোচ্যমানং মহাকপিস্তত্র মহাবিমানম্ ॥ 11 ॥
কৃতাশ্চ বৈডূর্যময়া বিহংগাঃ রূপ্যপ্রবালৈশ্চ তথা বিহংগাঃ ।
চিত্রাশ্চ নানাবসুভির্ভুজংগাঃ জাত্য়ানুরূপাস্তুরগাঃ শুভাংগাঃ ॥ 12 ॥
প্রবালজাংবূনদপুষ্পপক্ষাঃ সলীলমাবর্জিতজিহ্মপক্ষাঃ ।
কামস্য় সাক্ষাদিব ভাংতি পক্ষাঃ কৃতা বিহংগাঃ সুমুখাঃ সুপক্ষাঃ ॥ 13 ॥
নিয়ুজ্যমানাস্তু গজাঃ সুহস্তাঃ সকেসরাশ্চোত্পলপত্রহস্তাঃ ।
বভূবদেবী চ কৃতা সুহস্তা লক্ষ্মী স্তথা পদ্মিনি পদ্মহস্তা ॥ 14 ॥
ইতীব তদ্গৃহমভিগম্য় শোভনং সবিস্ময়ো নগমিব চারুশোভনম্ ।
পুনশ্চ তত্পরমসুগংধি সুংদরং হিমাত্যয়ে নগমিব চারুকংদরম্ ॥ 15 ॥
ততঃ স তাং কপিরভিপত্য় পূজিতাং চরন্ পুরীং দশমুখবাহুপালিতাম্ ।
অদৃশ্য় তাং জনকসুতাং সুপূজিতাং সুদুঃখিতঃ পতিগুণবেগবর্জিতাম্ ॥ 16 ॥
ততস্তদা বহুবিধভাবিতাত্মনঃ কৃতাত্মনো জনকসুতাং সুবর্ত্মনঃ ।
অপশ্যতোঽভবদতিদুঃখিতং মনঃ সুচক্ষুষঃ প্রবিচরতো মহাত্মনঃ ॥ 17 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে সপ্তমস্সর্গঃ ॥
