শ্রীমদ্বাল্মীকীয় রামাযণে কিষ্কিংধাকাংডম্ ।
অথ ত্রিচত্বারিংশস্সর্গঃ ।
ততস্সংদিশ্য় সুগ্রীবশ্শ্বশুরং পশ্চিমাং দিশম্ ।
বীরং শতবলিং নাম বানরং বানরর্ষভঃ ॥ 1 ॥
উবাচ রাজা ধর্মজ্ঞস্সর্ববানরসত্তমম্ ।
বাক্যমাত্ম হিতং চৈব রামস্য় চ হিতং তথা ॥ 2 ॥
বৃতশ্শতসহস্রেণ ত্বদ্বিধানাং বনৌকসাম্ ।
বৈবস্বতসুতৈস্সার্ধং প্রতিষ্ঠস্ব স্বমংত্রিভিঃ ॥ 3 ॥
দিশং হ্য়ুদীচীং বিক্রাংতাং হিমশৈলাবতংসকাম্ ।
সর্বতঃ পরিমার্গধ্বং রামপত্নীমনিংদিতাম্ ॥ 4 ॥
অস্মিন্কার্য়েবিনির্বৃত্তে কৃতে দাশরথেঃ প্রিয়ে ।
ঋণান্মুক্তা ভবিষ্য়ামঃ কৃতার্থার্থবিদাং বরাঃ ॥ 5 ॥
কৃতং হি প্রিযমস্মাকং রাঘবেণ মহাত্মনা ।
তস্য় চেত্প্রতিকারোঽস্তি সফলং জীবিতং ভবেত্ ॥ 6 ॥
অর্থিনঃ কার্যনির্বৃত্তিমকর্তুরপি যশ্চরেত্ ।
তস্য় স্য়াত্সফলং জন্ম কিং পুনঃ পূর্বকারিণঃ ॥ 7 ॥
এতাং বুদ্ধিমবস্থায় দৃশ্যতে জানকী যথা ।
তথা ভবদ্ভিঃ কর্তব্যমস্মত্প্রিযহিতৈষিভিঃ ॥ 8 ॥
অয়ং হি সর্বভূতানাং মান্যস্তু নরসত্তমঃ ।
অস্মাসু চাগতঃ প্রীতী রামঃ পরপুরংজয়ঃ ॥ 9 ॥
ইমানি বনদুর্গাণি নদ্যশ্শৈলাংতরাণি চ ।
ভবংতঃ পরিমার্গংতু বুদ্ধিবিক্রমসংপদা ॥ 10 ॥
তত্র ম্লেচ্ছান্পুলিংদাংশ্চ শূরসেনাংস্তথৈব চ ।
প্রস্থলান্ভরতাংশ্চৈব কুরূংশ্চ সহ মদ্রকৈঃ ॥ 11 ॥
কাংবোজান্যবনাং শ্চৈব শকানারট্টকানপি ।
বাহ্লীকানৃষিকাং শ্চৈব পৌরবানথ টংকণান্ ॥ 12 ॥
চীনান্পরমচীনাংশ্চ নীহারাংশ্চ পুনঃ পুনঃ ।
অন্বিষ্যদরদাংশ্চৈব হিমবংতং তথৈব চ ॥ 13 ॥
লোধ্রপদ্মকষংডেষু দেবদারুবনেষু চ ।
রাবণস্সহ বৈদেহ্য়া মার্গিতব্যস্ততস্ততঃ ॥ 14 ॥
ততস্সোমাশ্রমং গত্বা দেবগংধর্বসেবিতম্ ।
কালং নাম মহাসানুং পর্বতং তু গমিষ্যথ ॥ 15 ॥
মহত্সু তস্য় শৈলস্য় নির্দরেষু গুহাসু চ ।
বিচিনুধ্বং মহাভাগাং রামপত্নীংততস্ততঃ ॥ 16 ॥
তমতিক্রম্য় শৈলেংদ্রং হেমগর্ভং মহাগিরিম্ ।
ততস্সুদর্শনং নাম গংতুমর্হথ পর্বতম্ ॥ 17 ॥
ততো দেবসখো নাম পর্বতঃ পতগালয়ঃ ।
নানাপক্ষিগণাকীর্ণো বিবিধদ্রুমভূষিতঃ ॥ 18 ॥
তস্য় কাননষংডেষু নির্ঘরেষু গুহাসু চ ।
রাবণস্সহ বৈদেহ্য়া মার্গিতব্যস্ততস্ততঃ ॥ 19 ॥
তমতিক্রম্য় চাকাশং সর্বতশ্শতয়োজনম্ ।
অপর্বতনদীবৃক্ষং সর্বসত্ত্ববিবর্জিতম্ ॥ 20 ॥
তং তু শীঘ্রমতিক্রম্য় কাংতারং রোমহর্ষণম্ ।
কৈলাসং পাংডুরং শৈলং প্রাপ্য় হৃষ্টা ভবিষ্যথ ॥ 21 ॥
তত্র পাংডুরমেঘাভং জাংবূনদপরিষ্কৃতম্ ।
কুবেরভবনং রম্য়ং নির্মিতং বিশ্বকর্মণা ॥ 22 ॥
বিশালা নলিনী যত্র প্রভূতকমলোত্পলা ।
হংসকারংডবাকীর্ণাপ্সরোগণসেবিতা ॥ 23 ॥
তত্র বৈশ্রবণো রাজা সর্বভূতনমস্কৃতঃ ।
ধনদো রমতে শ্রীমান্গুহ্যকৈস্সহ যক্ষরাট্ ॥ 24 ॥
তস্য় চংদ্রনিকাশেষু পর্বতেষু গুহাসু চ ।
রাবণঃ সহ বৈদেহ্য়া মার্গিতব্যস্ততস্ততঃ ॥ 25 ॥
ক্রৌংচং তু গিরিমাসাদ্য় বিলং তস্য় সুদুর্গমম্ ।
অপ্রমত্তৈঃ প্রবেষ্টব্য়ং দুষ্প্রবেশং হি তত্স্মৃতম্ ॥ 26 ॥
বসংতি হি মহাত্মানস্তত্র সূর্যসমপ্রভাঃ ।
দেবৈরপ্যর্চিতা স্সম্যগ্দেবরূপা মহর্ষয়ঃ ॥ 27 ॥
ক্রৌংচস্য় তু গুহাশ্চান্য়া স্সানূনিশিখরাণি চ ।
নির্দরাশ্চ নিতংবাশ্চ বিচেতব্য়া স্ততস্ততঃ ॥ 28 ॥
কৌংচস্য় শিখরং চাপি নিরীক্ষ্য় চ ততস্ততঃ ।
অবৃক্ষং কামশৈলং চ মানসং বিহগালযম্ ।
ন গতিস্তত্র ভূতানাং দেবদানব রক্ষসাম্ ॥ 29 ॥
স চ সর্বৈর্বিচেতব্যস্সসানুপ্রস্থভূধরঃ ।
ক্রৌংচং গিরিমতিক্রম্য় মৈনাকো নাম পর্বতঃ ॥ 30 ॥
মযস্য় ভবনং যত্র দানবস্য় স্বয়ং কৃতম্ ॥ 31 ॥
মৈনাকস্তু বিচেতব্য় স্সসানুপ্রস্থকংদরঃ ।
স্ত্রীণামশ্বমুখীনাং তু নিকেতাস্তত্র তত্র তু ॥ 32 ॥
তং দেশং সমতিক্রম্য় আশ্রমং সিদ্ধসেবিতম্ ।
সিদ্ধা বৈখানসাস্তত্র বালখিল্য়াশ্চ তাপসাঃ ॥ 33 ॥
বংদ্য়াস্তে তু তপস্সিদ্ধাস্তপসা বীতকল্মষাঃ ।
প্রষ্টব্য়া চাপি সীতায়াঃ প্রবৃত্তির্বিনয়ান্বিতৈঃ ॥ 34 ॥
হেমপুষ্করসংছন্নং তস্মিন্ বৈখানসং সরঃ ।
তরুণাদিত্যসংকাশৈর্হংসৈর্বিচরিতং শুভৈঃ ॥ 35 ॥
ঔপবাহ্য়ঃ কুবেরস্য় সার্বভৌম ইতি স্মৃতঃ ।
গজঃ পর্য়েতি তং দেশং সদা সহ করেণুভিঃ ॥ 36 ॥
তত্সরস্সমতিক্রম্য় নষ্টচংদ্রদিবাকরম্ ।
অনক্ষত্রগণং ব্য়োম নিষ্পয়োদমনাদিতম্ ॥ 37 ॥
গভস্তিভিরিবার্কস্য় স তু দেশঃ প্রকাশতে ।
বিশ্রাম্যদ্ভিস্তপস্সিদ্ধৈর্দেবকল্পৈঃ স্বয়ংপ্রভৈঃ ॥ 38 ॥
তং তু দেশমতিক্রম্য় শৈলোদা নাম নিম্নগা ।
উভয়োস্তীরয়োস্তস্য়াঃ কীচকা নাম বেণবঃ ॥ 39 ॥
তে নয়ংতি পরং তীরং সিদ্ধান্প্রত্য়ানয়ংতি চ ।
উত্তরাঃ কুরবস্তত্র কৃতপুণ্যপ্রতিশ্রয়াঃ ॥ 40 ॥
ততঃ কাংচনপদ্মাভিঃ পদ্ভিনীভিঃ কৃতোদকাঃ ।
নীলবৈডূর্যপত্রাভির্নদ্যস্তত্র সহস্রশঃ ॥ 41 ॥
রক্তোত্পলবনৈশ্চাত্র মংডিতাশ্চ হিরণ্ময়ৈঃ ।
তরুণাদিত্যসংকাশৈর্ভাংতি তত্র জলাশয়াঃ ॥ 42 ॥
মহার্হমণিরত্নৈশ্চ কাংচনপ্রভকেসরৈঃ ।
নিলোত্পলবনৈশ্চিত্রৈ স্স দেশ স্সর্বতো বৃতঃ ॥ 43 ॥
নিস্তুলাভিশ্চ মুক্তাভির্মণিভিশ্চ মহাধনৈঃ ।
উদ্ভূতপুলিনাস্তত্র জাতরূপৈশ্চ নিম্নগাঃ ।
সর্বরত্নময়ৈশ্চিত্রৈরবগাঢা নগোত্তমৈঃ ॥ 44 ॥
জাতরূপময়ৈশ্চাপি হুতাশনসমপ্রভৈঃ ।
নিত্যপুষ্পফলাস্তত্র নগাঃ পত্ত্ররথাকুলাঃ ॥ 45 ॥
দিব্যগংধরসস্পর্শাঃ সর্বান্কামান্ স্রবংতি চ ।
নানাকারাণি বাসাংসি ফলংত্যন্য়ে নগোত্তমাঃ ॥ 46 ॥
মুক্তা বৈঢূর্যচিত্রাণি ভূষণানি তথৈব চ ।
স্ত্রীণাং চাপ্যনুরূপাণি পুরুষাণাং তথৈব চ ॥ 47 ॥
সর্বর্তুসুখ সেব্য়ানি ফলংত্যন্য়ে নগোত্তমাঃ ।
মহার্হাণি বিচিত্রাণি হৈমান্যন্য়ে নগোত্তমাঃ ॥ 48 ॥
শযনানি প্রসূয়ংতে চিত্রাস্তরণবংতি চ ।
মনঃকাংতানি মাল্য়ানি ফলংত্যত্রাপরে দ্রুমাঃ ॥ 49 ॥
পানানি চ মহার্হাণি ভক্ষ্য়াণি বিবিধানি চ ।
স্ত্রিযশ্চ গুণসংপন্না রূপয়ৌবনলক্ষিতাঃ ॥ 50 ॥
গংধর্বাঃ কিন্নরাস্সিদ্ধা নাগা বিদ্য়াধরাস্তথা ।
রমংতে সততং স্তত্র নারীভির্ভাস্করপ্রভাঃ ॥ 51 ॥
সর্বে সুকৃতকর্মাণ স্সর্বে রতিপরাযণাঃ ।
সর্বে কামার্থসহিতা বসংতি সহয়োষিতঃ ॥ 52 ॥
গীতবাদিত্রনির্ঘোষ স্সোত্কৃষ্টহসিতস্বনঃ ।
শ্রূযতে সততং তত্র সর্বভূতমনোহরঃ ॥ 53 ॥
তত্র নামুদিতঃ কশ্চিন্নাস্তি কশ্চিদসত্প্রিয়ঃ ।
অহন্যহনি বর্ধংতে গুণাস্তত্র মনোরমাঃ ॥ 54 ॥
সমতিক্রম্য় তং দেশমুত্তরঃ পযসাং নিধিঃ ।
তত্র সোমগিরির্নাম মধ্য়ে হেমময়ো মহান্ ॥ 55 ॥
ইংদ্রলোকগতা যে চ ব্রহ্মলোকগতাশ্চ যে ।
দেবাস্তং সমবেক্ষংতে গিরিরাজং দিবং গতাঃ ॥ 56 ॥
স তু দেশো বিসূর্য়োঽপি তস্য় ভাসা প্রকাশতে ।
সূর্যলক্ষ্ম্য়াঽভিবিজ্ঞেযস্তপতেব বিবস্বতা ॥ 57 ॥
ভগবানপি বিশ্বাত্মা শংভুরেকাদশাত্মকঃ ।
ব্রহ্মা বসতি দেবেশো ব্রহ্মর্ষিপরিবারিতঃ ॥ 58 ॥
ন কথংচন গংতব্য়ং কুরূণামুত্তরেণ বঃ ।
অন্য়েষামপি ভূতানাং নাতিক্রামতি বৈ গতিঃ ॥ 59 ॥
স হি সোমগিরির্নাম দেবানামপি দুর্গমঃ ।
তমালোক্য় ততঃ ক্ষিপ্রমুপাবর্তিতুমর্হথ ॥ 60 ॥
এতাবদ্বানরৈশ্শক্য়ং গংতুং বানরপুংগবাঃ ।
অভাস্করমমর্য়াদং ন জানীমস্ততঃ পরম্ ॥ 61 ॥
সর্বমেতদ্বিচেতব্য়ং যন্ময়া পরিকীর্তিতম্ ।
যদন্যদপি নোক্তং চ তত্রাপি ক্রিযতাং মতিঃ ॥ 62 ॥
ততঃ কৃতং দাশরথের্মহত্প্রিয়ং মহত্তরং চাপি ততো মম প্রিযম্ ।
কৃতং ভবিষ্যত্যনিলানলোপমা বিদেহজাদর্শনজেন কর্মণা ॥ 63 ॥
ততঃ কৃতার্থাঃ সহিতাস্সবাংধবাঃ ময়াঽর্চিতাস্সর্বগুণৈর্মনোরমৈঃ ।
চরিষ্যথোর্বীং প্রতি শাংতশত্রব স্সহপ্রিয়া ভূতধরাঃ প্লবংগমাঃ ॥ 64 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ত্রিচত্বারিংশস্সর্গঃ ॥
