শ্রীমদ্বাল্মীকীয় রামাযণে কিষ্কিংধাকাংডম্ ।
অথ সপ্তচত্বারিংশস্সর্গঃ ।
দর্শনার্থং তু বৈদেহ্য়াস্সর্বতঃ কপিয়ূধপাঃ ।
ব্য়াদিষ্টাঃ কপিরাজেন যথোক্তং জগ্মুরংজসা ॥ 1 ॥
সরাংসি সরিত কাক্ষানাকাশং নগরাণি চ ।
নদীদুর্গাংস্তথা শৈলান্বিচিন্বংতি সমংততঃ ॥ 2 ॥
সুগ্রীবেণ সমাখ্য়াতাস্সর্বে বানরয়ূথপাঃ ।
প্রদেশান্প্রবিচিন্বংতি সশৈলবনকাননান্ ॥ 3 ॥
বিচিত্য় দিবসং সর্বে সীতাধিগমনে ধৃতাঃ ।
সমায়াংতি স্ম মেদিন্য়াং নিশাকালেষু বানরাঃ ॥ 4 ॥
সর্বর্তুকমান্ দেশেষু বানারাস্সফলদ্রুমান্ ।
আসাদ্য় রজনীং শয়্য়াং চক্রুস্সর্বেষ্বহস্সু তে ॥ 5 ॥
তদহঃ প্রথমং কৃত্বা মাসে প্রশ্রবণং গতাঃ ।
কপিরাজেন সংগম্য় নিরাশাঃ কপিয়ূধপাঃ ॥ 6 ॥
বিচিত্য় তু দিশং পূর্বাং যথোক্তাং সচিবৈস্সহ ।
অদৃষ্ট্বা বিনতস্সীতামাজগাম মহাবলঃ ॥ 7 ॥
উত্তরাং চ দিশং সর্বাং বিচিত্য় স মহাকপিঃ ।
আগতস্সহ সৈন্য়েন বীরশ্শতবলিস্তদা ॥ 8 ॥
সুষেণঃ পশ্চিমা মাশাং বিচিত্য় সহ বানরৈঃ ।
সমেত্য় মাসে সংপূর্ণে সুগ্রীবমুপচক্রমে ॥ 9 ॥
তং প্রস্রবণপৃষ্ঠস্থং সমাসাদ্য়াভিবাদ্য় চ ।
আসীনং সহ রামেণ সুগ্রীবমিদমব্রবীত্ ॥ 10 ॥
বিচিতাঃ পর্বতাস্সর্বে বনানি গহনানি চ ।
নিম্নগাস্সাগরাংতাশ্চ সর্বে জনপদাশ্চ যে ॥ 11 ॥
গুহাশ্চ বিচিতাস্সর্বাস্ত্বয়া যাঃ পরিকীর্তিতাঃ ।
বিচিতাশ্চ মহাগুল্মা লতাবিততসংততাঃ ॥ 12 ॥
গহনেষু চ দেশেষু দুর্গেষু বিষমেষু চ ।
সত্ত্বান্যতিপ্রমাণানি বিচিতানি হতানি চ ॥ 13 ॥
যে চৈব গহনা দেশা বিচিতাস্তে পুনঃ পুনঃ ।
উদারসত্ত্বাভিজনো মহাত্মা স মৈথিলীং দ্রক্ষ্যতি বানরেংদ্রঃ ।
দিশং তু যামেব গতা তু সীতা তামাস্থিতোবায়ুসুতো হনূমান্ ॥ 14 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে সপ্তচত্বারিংশস্সর্গঃ ॥
