শ্রীমদ্বাল্মীকীয় রামাযণে কিষ্কিংধাকাংডম্ ।
অথ দ্বাবিংশস্সর্গঃ ।
বীক্ষমাণস্তু মংদাসুস্সর্বতো মংদমুচ্ছ্বসন্ ।
আদাবেব তু সুগ্রীবং দদর্শত্বাত্মজাগ্রতঃ ॥ 1 ॥
তং প্রাপ্তবিজয়ং বালী সুগ্রীবং প্লবগেশ্বরঃ ।
আভাষ্য় ব্যক্তয়া বাচা সস্নেহমিদমব্রবীত্ ॥ 2 ॥
সুগ্রীব দোষেণ ন মাং গংতুমর্হসি কিল্বিষাত্ ।
কৃষ্যমাণং ভবিষ্য়েণ বুদ্ধিমোহেন মাং বলাত্ ॥ 3 ॥
যুগপদ্বিহিতং তাত ন মন্য়ে সুখমাবয়োঃ ।
সৌহার্দ ভ্রাতৃয়ুক্তং হি তদিদং তাত নান্যথা ॥ 4 ॥
প্রতিপদ্য় ত্বমদ্য়ৈব রাজ্যমেষাং বনৌকসাম্ ।
মামপ্যদ্য়ৈব গচ্ছংতং বিদ্ধি বৈবস্বতক্ষযম্ ॥ 5 ॥
জীবিতং চ হি রাজ্য়ং চ শ্রিয়ং চ বিপুলামিমাম্ ।
প্রজহাম্য়েষ বৈ তূর্ণং মহচ্চাগর্হিতং যশঃ ॥ 6 ॥
অস্য়াং ত্বহমবস্থায়াং বীর বক্ষ্য়ামি যদ্বচঃ ।
যদ্যপ্যসুকরং রাজন্কর্তুমেব তদর্হসি ॥ 7 ॥
সুখার্হং সুখসংবৃদ্ধং বালমেনমবালিশম্ ।
বাষ্পপূর্ণমুখং পশ্য় ভূমৌ পতিতমংগদম্ ॥ 8 ॥
মম প্রাণৈঃ প্রিযতরং পুত্রং পুত্রমিবৌরসম্ ।
ময়া হীনমহীনার্থং পর্বতঃ পরিপালয় ॥ 9 ॥
ত্বমেবাস্য় হি দাতা চ পরিত্রাতা চ সর্বশঃ ।
ভয়েষ্বভযদশ্চৈব যথাঽহং প্লবগেশ্বর ॥ 10 ॥
এষ তারাত্মজ শ্রীমাংস্ত্বয়া তুল্যপরাক্রমঃ ।
রক্ষসাং চ বধে তেষামগ্রতস্তে ভবিষ্যতি ॥ 11 ॥
অনুরূপাণি কর্মাণি বিক্রম্য় বলবান্রণে ।
করিষ্যত্য়েষ তারেযস্তরস্বী তরুণোঽংগদঃ ॥ 12 ॥
সুষেণদুহিতা চেযমর্থসূক্ষ্মবিমনিশ্চয়ে ।
ঔত্পাতিকে চ বিবিধে সর্বতঃ পরিনিষ্ঠিতা ॥ 13 ॥
যদেষা সাধ্বিতি ব্রূয়াত্কার্য়ং তন্মুক্তসংশযম্ ।
ন হি তারামতং কিংচিদন্যথা পরিবর্ততে ॥ 14 ॥
রাঘবস্য় চ তে কার্য়ং কর্তব্যমবিশংকয়া ।
স্য়াদধর্মো হ্যকরণে ত্বাং চ হিংস্য়াদ্বিমানিতঃ ॥ 15 ॥
ইমাং চ মালামাধত্স্ব দিব্য়াং সুগ্রীব কাংচনীম্ ।
উদারা শ্রীস্থিতা হ্য়াস্য়াং সংপ্রজহ্য়ান্মৃতে ময়ি ॥ 16 ॥
ইত্য়েবমুক্তস্সুগ্রীবো বালিনা ভ্রাতৃসৌহৃদাত্ ।
হর্ষং ত্যক্ত্বা পুনর্দীনো গ্রহগ্রস্ত ইবোডুরাট্ ॥ 17 ॥
তদ্বালিবচনাচ্ছাংতঃ কুর্বন্য়ুক্তমতংদ্রিতঃ ।
জগ্রাহ সোঽভ্যনুজ্ঞাতো মালাং তাং চৈব কাংচনীম্ ॥ 18 ॥
তাং মালাং কাংচনীং দত্ত্বা দৃষ্ট্বাচৈবাত্মজং স্থিতম্ ।
সংসিদ্ধঃ প্রেত্যভাবায় স্নেহাদংগদমব্রবীত্ ॥ 19 ॥
দেশকালৌ ভজস্বাদ্য় ক্ষমমাণঃ প্রিয়াপ্রিয়ে ।
সুখদুঃখ সহঃ কালে সুগ্রীববশগো ভব ॥ 20 ॥
যথা হি ত্বং মহাবাহো লালিতস্সততং ময়া ।
ন তথা বর্তমানং ত্বাং সুগ্রীবো বহুমংস্যতে ॥ 21 ॥
মাঽস্য়ামিত্রৈর্গতং গচ্ছের্মা শত্রুভিররিংদম ।
ভর্তুরর্থপরো দাংতঃ সুগ্রীববশগো ভব ॥ 22 ॥
ন চাতিপ্রণয়ঃ কার্য়ঃ কর্তব্য়োঽপ্রণযশ্চ তে ।
উভয়ং হি মহাংদোষ স্তস্মাদংতরদৃগ্ভব ॥ 23 ॥
ইত্য়ুক্ত্বাঽথ বিবৃত্তাক্ষঃ শরসংপীডিতো ভৃশম্ ।
বিবৃতৈর্দশনৈ র্ভীমৈর্বভূবোত্ক্রাংতজীবিতঃ ॥ 24 ॥
ততো বিচুক্রুশুস্তত্র বানরা হরিয়ূথপাঃ ।
পরিদেবযমানাস্তে সর্বে প্লবগপুংগবাঃ ॥ 25 ॥
কিষ্কিংধা হ্যদ্য় শূন্য়াঽসীত্স্বর্গতে বানরাধিপে ।
উদ্য়ানানি চ শূন্য়ানি পর্বতাঃ কাননানি চ ॥ 26 ॥
হতে প্লবগশার্দূলে নিষ্প্রভা বানরাঃ কৃতাঃ ।
যস্য় বেগেন মহতা কাননানি বনানি চ ।
পুষ্পৌঘেণানুবধ্য়ংতে করিষ্যতি তদদ্য় কঃ ॥ 27 ॥
যেন দত্তং মহদ্য়ুদ্ধং গংধর্বস্য় মহাত্মনঃ ॥ 28 ॥
গোলভস্য় মহাবাহোর্দশবর্ষাণি পংচ চ ।
নৈব রাত্রৌ ন দিবসে তদ্য়ুদ্ধমুপশাম্যতি ॥ 29 ॥
ততস্তু ষোডশে বর্ষে গোলভো বিনিপাতিতঃ ।
হত্বা তং দুর্বিনীতং তু বালী দংষ্ট্রাকরালবান্ ॥ 30 ॥
সর্বাঽভয়ংকরোঽস্মাকং কথমেষ নিপাতিতঃ ।
হতে তু বীরে প্লবগাধিপে তদা প্লবংগমাস্তত্র ন শর্ম লেভিরে ।
বনেচরাঃ সিংহয়ুতে মহাবনে যথা হি গাবো নিহতে গবাং পতৌ ॥ 31 ॥
ততস্তু তারা ব্যসনার্ণবাপ্লুতা মৃতস্য় ভর্তুর্বদনং সমীক্ষ্য় সা ।
জগাম ভূমিং পরিরভ্য় বালিনং মহাদ্রুমং ছিন্নমিবাশ্রিতা লতা ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে দ্বাবিংশস্সর্গঃ ॥
