শ্রীমদ্বাল্মীকীয় রামাযণে অয়োধ্য়াকাংডম্ ।
অথ দশমস্সর্গঃ ।
বিদর্শিতা যদা দেবী কুব্জয়া পাপয়া ভৃশম্ ।
তদা শেতে স্ম সা ভূমৌ দিগ্ধবিদ্ধেব কিন্নরী ॥ 1 ॥
নিশ্চিত্য় মনসা কৃত্য়ং সা সম্যগিতি ভামিনী ।
মংথরায়ৈ শনৈস্সর্বমাচচক্ষে বিচক্ষণা ॥ 2 ॥
সা দীনা নিশ্চয়ং কৃত্বা মংথরাবাক্যমোহিতা ।
নাগকন্য়েব নিশ্বস্য় দীর্ঘমুষ্ণং চ ভামিনী ॥ 3 ॥
মুহূর্তং চিংতয়ামাস মার্গমাত্মসুখাবহম্ ।
সা সুহৃচ্চার্থকামা চ তং নিশম্য় সুনিশ্চযম্ ॥ 4 ॥
বভূব পরমপ্রীতা সিধ্দিং প্রাপ্য়েব মংথরা ।
অথ সা রুষিতা দেবী সম্যক্কৃত্বা বিনিশ্চযম্ ॥ 5 ॥
সংবিবেশাবলা ভূমৌ নিবেশ্য় ভৃকুটীং মুখে ।
ততশ্চিত্রাণি মাল্য়ানি দিব্য়ান্য়াভরণানি চ ॥ 6 ॥
অপবিদ্ধানি কৈকেয়্য়া তানি ভূমিং প্রপেদিরে ।
তয়া তান্যপবিদ্ধানি মাল্য়ান্য়াভরণানি চ ॥ 7 ॥
অশোভয়ংত বসুধাং নক্ষত্রাণি যথা নভঃ ।
ক্রোধাগারে নিপতিতা সা বভৌ মলিনাংবরা ॥ 8 ॥
একবেণীং দৃঢং বদ্বা গতসত্ত্বেব কিন্নরী ।
আজ্ঞাপ্য় চ মহারাজো রাঘবস্য়াভিষেচনম্ ॥ 9 ॥
উপস্থানমনুজ্ঞাপ্য় প্রবিবেশ নিবেশনম্ ।
অদ্য় রামাভিষেকো বৈ প্রসিদ্ধ ইতি জজ্ঞিবান্ ॥ 10 ॥
প্রিয়ার্হাং প্রিযমাখ্য়াতুং বিবেশাংতঃপুরং বশী ।
স কৈকেয়্য়া গৃহং শ্রেষ্ঠং প্রবিবেশ মহাযশাঃ ॥ 11 ॥
পাংডুরাভ্রমিবাকাশং রাহুয়ুক্তং নিশাকরঃ ।
শুকবর্হিণসংঘুষ্টং ক্রৌংচহংসরুতায়ুতম্ ॥ 12 ॥
বাদিত্ররবসংঘুষ্টং কুব্জা বামনিকায়ুতম্ ।
লতাগৃহৈশ্চিত্রগৃহৈশ্চংপকাশোকশোভিতৈঃ ॥ 13 ॥
দাংতরাজতসৌবর্ণবেদিকাভি স্সমায়ুতম্ ।
নিত্যপুষ্পফলৈর্বৃক্ষৈর্বাপীভিশ্চোপশোভিতম্ ॥ 14 ॥
দাংতরজতসৌবর্ণৈস্সংবৃতং পরমাসনৈঃ ।
বিবিধৈরন্নপানৈশ্চ ভক্ষ্য়ৈশ্চ বিবিধৈরপি ॥ 15 ॥
উপপন্নং মহার্হৈশ্চ ভূষিতৈস্ত্রিদিবোপমম্ ।
তত্প্রবিশ্য় মহারাজস্স্বমংতঃ পুরমৃদ্ধিমত্ ॥ 16 ॥
ন দদর্শ প্রিয়াং রাজা কৈকেয়ীং শযনোত্তমে ।
কামবলসংয়ুক্তো রত্যর্থং মনুজাধিপঃ ॥ 17 ॥
অপশ্য়ংদয়িতাং ভার্য়াং পপ্রচ্ছ বিষসাদ চ ।
ন হি তস্য় পুরা দেবী তাং বেলামত্যবর্তত ॥ 18 ॥
ন চ রাজা গৃহং শূন্য়ং প্রবিবেশ কদাচন ।
ততো গৃহগতো রাজা কৈকেয়ীং পর্যপৃচ্ছত ॥ 19 ॥
যথা পূর্বমবিজ্ঞায় স্বার্থলিপ্সুমপংডিতাম্ ।
প্রতীহারী ত্বথোবাচ সংত্রস্তা সুকৃতাংজলিঃ ॥ 20 ॥
দেব দেবী ভৃশং কৃদ্ধা ক্রোধাগারমভিদৃতা ।
প্রতীহার্য়া বচশ্শৃত্বা রাজা পরমদুর্মনাঃ ॥ 21 ॥
বিষসাদ পুনর্ভূয়ো লুলিতব্য়াকুলেংদ্রিয়ঃ ।
তত্র তাং পতিতাং ভূমৌ শয়ানামতথোচিতাম্ ॥ 22 ॥
প্রতপ্ত ইব দুঃখেন সোঽপশ্যজ্জগতীপতিঃ ।
স বৃদ্ধস্তরুণীং ভার্য়াং প্রাণেভ্য়োপি গরীযসীম্ ॥ 23 ॥
অপাপঃ পাপসংকল্পাং দদর্শ ধরণীতলে ।
লতামিব বিনিষ্কৃত্তাং পতিতাং দেবতামিব ॥ 24 ॥
কিন্নরীমিব নির্ধূতাং চ্য়ুতামপ্সরসং যথা ।
মায়ামিব পরিভ্রষ্টাং হরিণীমিব সংযতাম্ ॥ 25 ॥
করেণুমিব দিগ্ধেন বিদ্ধাং মৃগয়ুনা বনে ।
মহাগজ ইবারণ্য়ে স্নেহাত্পরিমমর্শ তাম্ ॥ 26 ॥
পরিমৃশ্য় চ পাণিভ্য়ামভিসংত্রস্তচেতনঃ ।
কামী কমলপত্রাক্ষীমুবাচ বনিতামিদম্ ॥ 27 ॥
ন তেঽহমভিজানামি ক্রোধমাত্মনি সংশ্রিতম্ ।
দেবি কেনাভিশপ্তাঽসি কেন বাঽসি বিমানিতা ॥ 28 ॥
যদিদং মম দুঃখায় শেষে কল্য়াণি পাংসুষু ।
ভূমৌ শেষে কিমর্থং ত্বং ময়ি কল্য়াণচেতসি ॥ 29 ॥
ভূতোপহতচিত্তেব মম চিত্তপ্রমাথিনী ।
সংতি মে কুশলা বৈদ্য়াস্ত্বভিতুষ্টাশ্চ সর্বশঃ ॥ 30 ॥
সুখিতাং ত্বাং করিষ্য়ংতি ব্য়াধিমাচক্ষ্ব ভামিনী ।
কস্য় বা তে প্রিয়ং কার্য়ং কেন বা বিপ্রিয়ং কৃতম্ ॥ 31 ॥
কঃ প্রিয়ং লভতামদ্য় কো বা সুমহদপ্রিযম্ ।
মা রোদীর্মা চ কার্ষীস্ত্বং দেবি সংপরিশোষণম্ ॥ 32 ॥
অবধ্য়ো বধ্যতাং কো বা কো বা বধ্য়ো বিমুচ্যতাম্ ।
দরিদ্রঃ কো ভবত্বাঢ্য়ো দ্রব্যবান্বাঽপ্যকিংচনঃ ॥ 33 ॥
অহং চৈব মদীয়াশ্চ সর্বে তব বশানুগাঃ ।
ন তে কিংচিদভিপ্রায়ং ব্য়াহংতুমহমুত্সহে ॥ 34 ॥
আত্মনো জীবিতেনাপি ব্রূহি যন্মনসেচ্ছসি ।
বলমাত্মনি জানংতী ন মাং শংকিতুমর্হসি ॥ 35 ॥
করিষ্য়ামি তব প্রীতিং সুকৃতেনাপি তে শপে ।
যাবদাবর্ততে চক্রং তাবতী মে বসুংধরা ॥ 36 ॥
প্রাচীনাস্সিংধুসৌবীরা স্সৌরাষ্ট্রা দক্ষিণাপথাঃ ।
বংগাংগমগধাঃ মত্স্য়াঃ সমৃদ্ধা কাশিকোসলাঃ ॥ 37 ॥
তত্র জাতং বহু দ্রব্য়ং ধনধান্যমজাবিকম্ ।
ততো বৃণীষ্ব কৈকেয়ি যদ্যত্ত্বং মনসেচ্ছসি ॥ 38 ॥
কিমায়াসেন তে ভীরু উত্তিষ্ঠোত্তিষ্ঠ শোভনে ।
তত্ত্বং মে ব্রূহি কৈকেয়ি যতস্তে ভযমাগতম্ ॥ 39 ॥
তত্তে ব্যপনয়িষ্য়ামি নীহারমিব রশ্মিবান্ ।
তথোক্তা সা সমাশ্বস্তা বক্তুকামা তদপ্রিযম্ ॥ 40 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দশমস্সর্গঃ ॥
