শ্রীমদ্বাল্মীকীয় রামাযণে বালকাংডম্ ।
অথ ষট্সপ্ততিতমস্সর্গঃ ।
শ্রুত্বা তজ্জামদগ্ন্যস্য় বাক্য়ং দাশরথিস্তদা ।
গৌরবাদ্য়ংংত্রিতকথঃ পিতূ রামমথাব্রবীত্ ॥ 1 ॥
শ্রুতবানস্মি যত্কর্ম কৃতবানসি ভার্গব ।
অনুরুংধ্য়ামহে ব্রহ্মন্ পিতুরানৃণ্যমাস্থিতম্ ॥ 2 ॥
বীর্যহীনমিবাশক্তং ক্ষত্রধর্মেণ ভার্গব ।
অবজানাসি মে তেজঃ পশ্য় মেঽদ্য় পরাক্রমম্ ॥ 3 ॥
ইত্য়ুক্ত্বা রাঘবঃ ক্রুদ্ধো ভার্গবস্য় শরাসনম্ ।
শরং চ প্রতিজগ্রাহ হস্তাল্লঘুপরাক্রমঃ ॥ 4 ॥
আরোপ্য় স ধনূ রাম শ্শরং সজ্য়ং চকার হ ।
জামদগ্ন্য়ং ততো রামং রামঃ ক্রুদ্ধোঽব্রবীদ্বচঃ ॥ 5 ॥
ব্রাহ্মণোঽসীতি পূজ্য়ো মে বিশ্বামিত্রকৃতেন চ ।
তস্মাচ্ছক্তো ন তে রাম মোক্তুং প্রাণহরং শরম্ ॥ 6 ॥
ইমাং পাদগতিং রাম তপোবলসমার্জিতাম্ ।
লোকানপ্রতিমান্বা তে হনিষ্য়ামি যদিচ্ছসি ॥ 7 ॥
ন হ্যয়ং বৈষ্ণবো দিব্য় শ্শরঃ পরপুরংজয়ঃ ।
মোঘঃ পততি বীর্য়েণ বলদর্পবিনাশনঃ ॥ 8 ॥
বরায়ুধধরং রামং দ্রষ্টুং সর্ষিগণা স্সুরাঃ ।
পিতামহং পুরস্কৃত্য় সমেতাস্তত্র সংঘশঃ ॥ 9 ॥
গংধর্বাপ্সরসশ্চৈব সিদ্ধচারণকিন্নরাঃ ।
যক্ষরাক্ষসনাগাশ্চ তদ্দ্রষ্টুং মহদদ্ভুতম্ ॥ 10 ॥
জডীকৃতে তদাঽলোকে রামে বরধনুর্ধরে ।
নির্বীর্য়ো জামদগ্ন্য়োঽসৌ রামো রামমুদৈক্ষত ॥ 11 ॥
তেজোভিহতবীর্যত্বাজ্জামদগ্ন্য়ো জডীকৃতঃ ।
রামং কমলপত্রাক্ষং মংদং মংদমুবাচ হ ॥ 12 ॥
কাশ্যপায় ময়া দত্তা যদা পূর্বং বসুংধরা ।
বিষয়ে মে ন বস্তব্যমিতি মাং কাশ্যপোঽব্রবীত্ ॥ 13 ॥
সোঽহং গুরুবচঃ কুর্বন্ পৃথিব্য়াং ন বসে নিশাম্ ।
কৃতা প্রতিজ্ঞা কাকুত্স্থ কৃতা ভূঃ কাশ্যপস্য় হি ॥ 14 ॥
তদিমাং ত্বং গতিং বীর হংতুং নার্হসি রাঘব ।
মনোজবং গমিষ্য়ামি মহেংদ্রং পর্বতোত্তমম্ ॥ 15 ॥
লোকাস্ত্বপ্রতিমা রাম নির্জিতাস্তপসা ময়া ।
জহি তান্ শরমুখ্য়েন মা ভূত্কালস্য় পর্যয়ঃ ॥ 16 ॥
অক্ষয়্য়ং মধুহংতারং জানামি ত্বাং সুরেশ্বরম্ ।
ধনুষোঽস্য় পরামর্শাত্ স্বস্তি তেঽস্তু পরংতপ ॥ 17 ॥
এতে সুরগণাস্সর্বে নিরীক্ষংতে সমাগতাঃ ।
ত্বামপ্রতিমকর্মাণমপ্রতিদ্বংদ্বমাহবে ॥ 18 ॥
ন চেয়ং মম কাকুত্স্থ ব্রীডা ভবিতুমর্হতি ।
ত্বয়া ত্রৈলোক্যনাথেন যদহং বিমুখীকৃতঃ ॥ 19 ॥
শরমপ্রতিমং রাম মোক্তুমর্হসি সুব্রত ।
শরমোক্ষে গমিষ্য়ামি মহেংদ্রং পর্বতোত্তমম্ ॥ 20 ॥
তথা ব্রুবতি রামে তু জামদগ্নয়ে প্রতাপবান্ ।
রামো দাশরথি শ্শ্রীমান্ চিক্ষেপ শরমুত্তমম্ ॥ 21 ॥
স হতান্ দৃশ্য় রামেণ স্বাংল্লোকাংস্তপসার্জিতান্ ।
জামদগ্ন্য়ো জগামাশু মহেংদ্রং পর্বতোত্তমম্ ॥ 22 ॥
ততো বিতিমিরাস্সর্বা দিশশ্চোপদিশস্তথা ।
সুরা স্সর্ষিগণা রামং প্রশশংসুরুদায়ুধম্ ॥ 23 ॥
রামং দাশরথিং রামো জামদগ্ন্য়ঃ প্রশস্য় চ ।
ততঃ প্রদক্ষিণী কৃত্য় জগামাত্মগতিং প্রভুঃ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ষট্সপ্ততিতমস্সর্গঃ ॥
