শ্রীমদ্বাল্মীকীয় রামাযণে কিষ্কিংধাকাংডম্ ।
অথ দ্বিপংচাশস্সর্গঃ ।
অথ তানব্রবীত্সর্বান্বিশ্রাংতান্হরিয়ূথপান্ ।
ইদং বচনমেকাগ্রা তাপসী ধর্মচারিণী ॥ 1 ॥
বানরা যদি বঃ খেদঃ প্রনষ্টঃ ফলভক্ষণাত্ ।
যদি চৈতন্ময়া শ্রাব্য়ং শ্রোতুমিচ্ছামি কথ্যতাম্ ॥ 2 ॥
তস্য়াস্তদ্বচনং শ্রুত্বা হনূমান্মারুতাত্মজঃ ।
আর্জবেন যথাতত্ত্বমাখ্য়াতুমুপচক্রমে ॥ 3 ॥
রাজা সর্বস্য় লোকস্য় মহেংদ্রবরুণোপমঃ ।
রামো দাশরথিশ্শীমান্প্রবিষ্টো দংডকাবনম্ ॥ 4 ॥
লক্ষ্মণেন সহ ভ্রাত্রা বৈদেহ্য়া চাপি ভার্যয়া ।
তস্য় ভার্য়া জনস্থানাদ্রাবণেন হৃতা বলাত্ ॥ 5 ॥
বীরস্তস্য় সখা রাজ্ঞস্সুগ্রীবো নাম বানরঃ ।
রাজা বানরমুখ্য়ানাং যেন প্রস্থাপিতা বযম্ ॥ 6 ॥
অগস্ত্যচরিতামাশাং দক্ষিণাং যমরক্ষিতাম্ ।
সহৈভির্বানরৈর্ঘোরৈরংগদপ্রমুখৈর্বযম্ ॥ 7 ॥
রাবণং সহিতাস্সর্বে রাক্ষসং কামরূপিণম্ ।
সীতয়া সহ বৈদেহ্য়া মার্গধ্বমিতি চোদিতাঃ ॥ 8 ॥
বিচিত্য় তু বয়ং সর্বে সমগ্রাং দক্ষিণাং দিশম্ ।
পরিত্রাংতা বুভুক্ষিতা বৃক্ষমূলমুপাশ্রিতাঃ ॥ 9 ॥
বিবর্ণবদনাস্সর্বে সর্বে ধ্য়ানপরাযণাঃ ।
নাধিগচ্ছামহে পারং মগ্নাশ্চিংতামহার্ণবে ॥ 10 ॥
চারয়ংতস্ততশ্চক্ষুর্দৃষ্টবংতো বয়ং বিলম্ ।
লতাপাদপসংচ্ছন্নং তিমিরেণ সমাবৃতম্ ॥ 11 ॥
অস্মাদ্ধংসা জলক্লিন্নাঃ পক্ষৈস্সলিলবিস্রবৈঃ ।
কুররাস্সারসাশ্চৈব নিষ্পতংতি পতত্রিণঃ ॥ 12 ॥
সাধ্বত্র প্রবিশামেতি ময়া তূক্তাঃ প্লবংগমাঃ ।
তেষামপি হি সর্বেষামনুমানমুপাগতম্ ॥ 13 ॥
গচ্ছাম প্রবিশামেতি ভর্তৃকার্যত্বরান্বিতাঃ ।
ততো গাঢং নিপতিতা গৃহ্য় হস্তৌ পরস্পরম্ ॥ 14 ॥
ইদং প্রবিষ্টাস্সহসা বিলং তিমিরসংবৃতম্ ।
এতন্নঃ কার্যমেতেন কৃত্য়েন বযমাগতাঃ ॥ 15 ॥
ত্বাং চৈবোপগতাস্সর্বে পরিদ্য়ূনা বুভুক্ষিতাঃ ।
আতিথ্যধর্মদত্তানি মূলানি চ ফলানি চ ॥ 16 ॥
অস্মাভিরুপভুক্তানি বুভুক্ষাপরিপীডিতৈঃ ।
যত্ত্বয়া রক্ষিতাস্সর্বে ম্রিযমাণা বুভুক্ষয়া ॥ 17 ॥
ব্রূহি প্রত্য়ুপকারার্থং কিং তে কুর্বংতু বানরাঃ ।
এবমুক্তা তু ধর্মজ্ঞৈর্বানরৈস্তৈস্স্বয়ংপ্রভা ॥ 18 ॥
প্রত্য়ুবাচ ততস্সর্বানিদং বানরপুংগবান্ ।
সর্বেষাং পরিতুষ্টাঽস্মি বানরাণাং তরস্বিনাম্ ॥ 19 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে দ্বিপংচাশস্সর্গঃ ॥
