শ্রীমদ্বাল্মীকীয় রামাযণে অরণ্যকাংডম্ ।
অথ বিংশস্সর্গঃ ।
ততশ্শূর্পণখা ঘোরা রাঘবাশ্রমমাগতা ।
রাক্ষসানাচচক্ষে তৌ ভ্রাতরৌ সহ সীতয়া ॥ 1 ॥
তে রামং পর্ণশালায়ামুপবিষ্টং মহাবলম্ ।
দদৃশুস্সীতয়া সার্ধং বৈদেহ্য়া লক্ষ্মণেন চ ॥ 2 ॥
তাংদৃষ্ট্বা রাঘবশ্শ্রীমানাগতাংস্তাং চ রাক্ষসীম্ ।
অব্রবীদ্ভ্রাতরং রামো লক্ষ্মণং দীপ্ততেজসম্ ॥ 3 ॥
মুহূর্তং ভব সৌমিত্রে সীতায়াঃ প্রত্যনংতরঃ ।
ইমানস্য়া বধিষ্য়ামি পদবীমাগতানিহ ॥ 4 ॥
বাক্যমেতত্ততশ্শ্রুত্বা রামস্য় বিদিতাত্মনঃ ।
তথেতি লক্ষ্মণো বাক্য়ং রামস্য় প্রত্যপূজযত্ ॥ 5 ॥
রাঘবোঽপি মহচ্চাপং চামীকরবিভূষিতম্ ।
চকার সজ্য়ং ধর্মাত্মা তানি রক্ষাংসি চাব্রবীত্ ॥ 6 ॥
পুত্রৌ দশরথস্য়াবাং ভ্রাতরৌ রামলক্ষ্মণৌ ।
প্রবিষ্টৌ সীতয়া সার্ধং দুশ্চরং দংডকাবনম্ ॥ 7 ॥
ফলমূলাশনৌ দাংতৌ তাপসৌ ধর্মচারিণৌ ।
বসংতৌ দংডকারণ্য়ে কিমর্থমুপহিংসথ ॥ 8 ॥
যুষ্মান্পাপাত্মকান্হংতুং বিপ্রকারান্মহাহবে ।
ঋষীণাং তু নিয়োগেন প্রাপ্তোঽহং সশরায়ুধঃ ॥ 9 ॥
তিষ্ঠতৈবাত্র সংতুষ্টা নোপাবর্তিতুমর্হথ ।
যদি প্রাণৈরিহার্থো বা নিবর্তধ্বং নিশাচরাঃ ॥ 10 ॥
তস্য় তদ্বচনং শ্রুত্বা রাক্ষসাস্তে চতুর্দশ ।
ঊচুর্বাচং সুসংক্রুদ্ধা ব্রহ্মঘ্নাশ্শূলপাণয়ঃ ॥ 11 ॥
ক্রোধমুত্পাদ্য় নো ভর্তুঃ খরস্য় সুমহাত্মনঃ ।
ত্বমেব হাস্যসে প্রাণানদ্য়াস্মাভির্হতো যুধি ॥ 12 ॥
কা হি তে শক্তিরেকস্য় বহূনাং রণমূর্ধনী ।
অস্মাকমগ্রতঃ স্থাতুং কিং পুনর্য়োদ্দুমাহবে ॥ 13 ॥
এহি বাহুপ্রয়ুক্তৈর্নঃ পরিঘৈশ্শূলপট্টিসৈঃ ।
প্রাণাংস্ত্যক্ষসি বীর্য়ং চ ধনুশ্চ করপীডিতম্ ॥ 14 ॥
ইত্য়েবমুক্ত্বা সংকৃদ্ধা রাক্ষসাস্তে চতুর্দশ ।
চিক্ষিপুস্তানি শূলানি রাঘবং প্রতি দুর্জযম্ ॥ 15 ॥
তানি শূলানি কাকুত্স্থস্সমস্তানি চতুর্দশ ।
তাবদ্ভিরেব চিচ্ছেদ শরৈঃ কাংচনভূষণৈঃ ॥ 16 ॥
ততঃ পশ্চান্মহাতেজা নারাচান্সূর্যসন্নিভান্ ।
জগ্রাহ পরমক্রুদ্ধশ্চতুর্দশ শিলাশিতান্ ॥ 17 ॥
গৃহীত্বা ধনুরাযম্য় লক্ষ্য়ানুদ্দিশ্য় রাক্ষসান্ ।
মুমোচ রাঘবো বাণান্বজ্রানিব শতক্রতুঃ ॥ 18 ॥
রুক্মপুংখাশ্চ বিশিখা দীপ্তা হেমবিভূষিতাঃ ।
তে ভিত্ত্বা রক্ষসাং বেগাদ্বক্ষাংসি রুধিরাপ্লুতাঃ ॥ 19 ॥
বিনিষ্পেতুস্তদা ভূমৌ ন্যমজ্জংতাশনিস্বনাঃ ।
তে ভিন্নহৃদয়া ভূমৌ ছিন্নমূলা ইব দ্রুমাঃ ॥ 20 ॥
নিপেতুশ্শোণিতার্দ্রাংগা বিকৃতা বিগতাসবঃ ।
তান্ দৃষ্ট্বা পতিতান্ভূমৌ রাক্ষসী ক্রোধমূর্ছিতা ॥ 21 ॥
পরিত্রস্তা পুনস্তত্র ব্যসৃজদ্ভৈরবস্বনান্ ।
উপগম্য় খরং সা তু কিংচিত্সংশুষ্কশোণিতা ॥ 22 ॥
পপাত পুনরেবার্তা সনির্য়াসেব সল্লকী ।
পপাত পুনরেবার্তা সনির্য়াসেব সল্লকী ॥ 23 ॥
ভ্রাতুস্সমীপে শোকার্তা সসর্জ নিনদং মুহুঃ ॥ 24 ॥
সস্বরং মুমুচে বাষ্পং বিষণ্ণবদনা তদা ।
নিপাতিতান্ দৃশ্য় রণে তু রাক্ষসান্ প্রধাবিতা শূর্পণখা পুনস্ততঃ ।
বধং চ তেষাং নিখিলেন রক্ষসাং শশংস সর্বং ভগিনী খরস্য় সা ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে বিংশস্সর্গঃ ॥
