শ্রীমদ্বাল্মীকীয় রামাযণে বালকাংডম্ ।
অথ পংচাশস্সর্গঃ ।
ততঃ প্রাগুত্তরাং গত্বা রামস্সৌমিত্রিণা সহ ।
বিশ্বামিত্রং পুরস্কৃত্য় যজ্ঞবাটমুপাগমত্ ॥ 1 ॥
রামস্তু মুনিশার্দূলমুবাচ সহলক্ষ্মণঃ ।
সাধ্বী যজ্ঞসমৃদ্ধির্হি জনকস্য় মহাত্মনঃ ॥ 2 ॥
বহূনীহ সহস্রাণি নানাদেশনিবাসিনাম্ ।
ব্রাহ্মণানাং মহাভাগ বেদাধ্যযনশালিনাম্ ॥ 3 ॥
ঋষিবাটাশ্চ দৃশ্য়ংতে শকটীশতসংকুলাঃ ।
দেশো বিধীযতাং ব্রহ্মন্ যত্র বত্স্য়ামহে বযম্ ॥ 4 ॥
রামস্য় বচনং শ্রুত্বা বিশ্বামিত্রো মহামুনিঃ ।
নিবেশমকরোদ্দেশে বিবিক্তে সলিলায়ুতে ॥ 5 ॥
বিশ্বামিত্রমনুপ্রাপ্তং শ্রুত্বা স নৃপতিস্তদা ।
শতানংদং পুরস্কৃত্য় পুরোহিতমনিংদিতম্ ॥ 6 ॥
প্রত্য়ুজ্জগাম সহসা বিনয়েন সমন্বিতঃ ।
ঋত্বিজোঽপি মহাত্মানস্ত্বর্ঘ্যমাদায় সত্বরম্ ॥ 7 ॥
বিশ্বামিত্রায় ধর্মেণ দদুর্মংংত্রপুরস্কৃতম্ ।
প্রতিগৃহ্য় চ তাং পূজাং জনকস্য় মহাত্মনঃ ॥ 8 ॥
পপ্রচ্ছ কুশলং রাজ্ঞো যজ্ঞস্য় চ নিরামযম্ ।
স তাংশ্চাপি মুনীন্ পৃষ্ট্বা সোপাধ্য়াযপুরোধসঃ ॥ 9 ॥
যথান্য়ায়ং ততস্সর্বৈস্সমাগচ্ছত্প্রহৃষ্টবত্ ।
অথ রাজা মুনিশ্রেষ্ঠং কৃতাংজলিরভাষত ॥ 10 ॥
আসনে ভগবানাস্তাং সহৈভির্মুনিপুংগবৈঃ ।
জনকস্য় বচশ্শ্রুত্বা নিষসাদ মহামুনিঃ ॥ 11 ॥
পুরোধা ঋত্বিজশ্চৈব রাজা চ সহ মংত্রিভিঃ ।
আসনেষু যথান্য়াযমুপবিষ্টান্ সমংততঃ ॥ 12 ॥
দৃষ্ট্বা স নৃপতিস্তত্র বিশ্বামিত্রমথাব্রবীত্ ।
অদ্য় যজ্ঞসমৃধ্দির্মে সফলা দৈবতৈঃ কৃতা ॥ 13 ॥
অদ্য় যজ্ঞফলং প্রাপ্তং ভগবদ্দর্শনান্ময়া ।
ধন্য়োঽস্ম্যনুগৃহীতোঽস্মি যস্য় মে মুনিপুংগব ॥ 14 ॥
যজ্ঞোপসদনং ব্রহ্মন্ প্রাপ্তোঽসি মুনিভিঃ সহ ।
দ্বাদশাহং তু ব্রহ্মর্ষে শেষমাহুর্মনীষিণঃ ॥ 15 ॥
ততো ভাগার্থিনো দেবান্ দ্রষ্টুমর্হসি কৌশিক ।
ইত্য়ুক্ত্বা মুনিশার্দূলং প্রহৃষ্টবদনস্তদা ॥ 16 ॥
পুনস্তং পরিপপ্রচ্ছ প্রাংজলিঃ প্রণতো নৃপঃ ।
ইমৌ কুমারৌ ভদ্রং তে দেবতুল্যপরাক্রমৌ ॥ 17 ॥
গজসিংহগতী বীরৌ শার্দূলবৃষভোপমৌ ।
পদ্মপত্রবিশালাক্ষৌ খড্গতূণীধনুর্ধরৌ ॥ 18 ॥
অশ্বিনাবিব রূপেণ সমুপস্থিতয়ৌবনৌ ।
যদৃচ্ছয়ৈব গাং প্রাপ্তৌ দেবলোকাদিবামরৌ ॥ 19 ॥
কথং পদ্ভ্য়ামিহ প্রাপ্তৌ কিমর্থং কস্য় বা মুনে ।
বরায়ুধধরৌ বীরৌ কস্য় পুত্রৌ মহামুনে ॥ 20 ॥
ভূষয়ংতাবিমং দেশং চংদ্রসূর্য়াবিবাংবরম্ ।
পরস্পরস্য় সদৃশৌ প্রমাণেংগিতচেষ্টিতৈঃ ॥ 21 ॥
কাকপক্ষধরৌ বীরৌ শ্রোতুমিচ্ছামি তত্ত্বতঃ ।
তস্য় তদ্বচনং শ্রুত্বা জনকস্য় মহাত্মনঃ ॥ 22 ॥
ন্যবেদযন্মহাত্মানৌ পুত্রৌ দশরথস্য় তৌ ।
সিদ্ধাশ্রমনিবাসং চ রাক্ষসানাং বধং তথা ॥ 23 ॥
তচ্চাগমনমব্যগ্রং বিশালায়াশ্চ দর্শনম্ ।
অহল্য়াদর্শনং চৈব গৌতমেন সমাগমম্ ॥ 24 ॥
মহাধনুষি জিজ্ঞাসাং কর্তুমাগমনং তথা ।
এতত্সর্বং মহাতেজা জনকায় মহাত্মনে ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে পংচাশস্সর্গঃ ॥
