শ্রীমদ্বাল্মীকীয় রামাযণে অয়োধ্য়াকাংডম্ ।
অথ একবিংশস্সর্গঃ ।
তথা তু বিলপংতীং তাং কৌসল্য়াং রামমাতরম্ ।
উবাচ লক্ষ্মণো দীনস্তত্কালসদৃশং বচঃ ॥ 1 ॥
ন রোচতে মমাপ্য়েতদার্য়ে যদ্রাঘবো বনম্ ।
ত্যক্ত্বা রাজ্যশ্রিয়ং গচ্ছেত্ স্ত্রিয়া বাক্যবশং গতঃ ॥ 2 ॥
বিপরীতশ্চ বৃদ্ধশ্চ বিষয়ৈশ্চ প্রধর্ষিতঃ ।
নৃপঃ কিমিব ন ব্রূয়াচ্চোদ্যমানস্সমন্মথঃ ॥ 3 ॥
নাস্য়াপরাধং পশ্য়ামি নাপি দোষং তথাবিধম্ ।
যেন নির্বাস্যতে রাষ্ট্রাদ্বনবাসায় রাঘবঃ ॥ 4 ॥
ন তং পশ্য়াম্যহং লোকে পরোক্ষমপি যো নরঃ ।
স্বমিত্রোঽপি নিরস্তোঽপি যোঽস্য় দোষমুদাহরেত্ ॥ 5 ॥
দেবকল্পমৃজুং দাংতং রিপূণামপি বত্সলম্ ।
অবেক্ষমাণঃ কো ধর্মং ত্যজেত্পুত্রমকারণাত্ ॥ 6 ॥
তদিদং বচনং রাজ্ঞঃপুনর্বাল্যমুপেয়ুষঃ ।
পুত্রঃ কো হৃদয়ে কুর্য়াদ্রাজবৃত্তমনুস্মরন্ ॥ 7 ॥
যাবদেব ন জানাতি কশ্চিদর্থমিমং নরঃ ।
তাবদেব ময়া সার্ধমাত্মস্থং কুরু শাসনম্ ॥ 8 ॥
ময়া পার্শ্বে সধনুষা তব গুপ্তস্য় রাঘব ।
ক স্সমর্থোঽধিকং কর্তুং কৃতাংতস্য়েব তিষ্ঠতঃ ॥ 9 ॥
নির্মনুষ্য়ামিমাং কৃত্স্নাময়োধ্য়াং মনুজর্ষভ ।
করিষ্য়ামি শরৈস্তীক্ষ্ণৈর্যদি স্থাস্যতি বিপ্রিয়ে ॥ 10 ॥
ভরতস্য়াথ পক্ষ্য়ো বা যো বাঽস্য় হিতমিচ্ছতি ।
সর্বানেতান্বধিষ্য়ামি মৃদুর্হি পরিভূযতে ॥ 11 ॥
প্রোত্সাহিতোঽয়ং কৈকেয়্য়া স দুষ্টো যদি নঃ পিতা ।
অমিত্রভূতো নিস্সংগং বধ্যতাং বধ্যতামপি ॥ 12 ॥
গুরোরপ্যবলিপ্তস্য় কার্য়াকার্যমজানতঃ ।
উত্পথং প্রতিপন্নস্য় কার্য়ং ভবতি শাসনম্ ॥ 13 ॥
বলমেষ কিমাশ্রিত্য় হেতুং বাপুরুষর্ষভ ।
দাতুমিচ্ছতি কৈকেয়্য়ৈ রাজ্য়ং স্থিতমিদং তব ॥ 14 ॥
ত্বয়া চৈব ময়া চৈব কৃত্বা বৈরমনুত্তমম্ ।
কাঽস্য় শক্তিশ্শ্রিয়ং দাতুং ভরতায়ারিশাসন ॥ 15 ॥
অনুরক্তোঽস্মি ভাবেন ভ্রাতরং দেবি তত্ত্বতঃ ।
সত্য়েন ধনুষা চৈব দত্তেনেষ্টেন তে শপে ॥ 16 ॥
দীপ্তমগ্নিমরণ্য়ং বা যদি রামঃ প্রবেক্ষ্যতি ।
প্রবিষ্টং তত্র মাং দেবি ত্বং পূর্বমবধারয় ॥ 17 ॥
হরামি বীর্য়াদ্দুঃখং তে তম স্সূর্য় ইবোদিতঃ ।
দেবী পশ্যতু মে বীর্য়ং রাঘবশ্চৈব পশ্যতু ॥ 18 ॥
এতত্তু বচনং শ্রুত্বা লক্ষ্মণস্য় মহাত্মনঃ ।
উবাচ রামং কৌশল্য়া রুদংতী শোকলালসা ॥ 19 ॥
ভ্রাতুস্তে বদতঃ পুত্র লক্ষ্মণস্য় শ্রুতং ত্বয়া ।
যদত্রানংতরং কার্য়ং কুরুষ্ব যদি রোচতে ॥ 20 ॥
ন চাধর্ম্য়ং বচ শ্রুত্বা সপত্ন্য়া মম ভাষিতম্ ।
বিহায় শোকসংতপ্তাং গংতুমর্হসি মামিতঃ ॥ 21 ॥
ধর্মজ্ঞ যদি ধর্মিষ্ঠো ধর্মং চরিতুমিচ্ছসি ।
শুশ্রূষ মামিহস্থস্ত্বং চর ধর্মমনুত্তমম্ ॥ 22 ॥
শুশ্রূষুর্জননীং পুত্র স্বগৃহে নিযতো বসন্ ।
পরেণ তপসা যুক্তঃ কাশ্যপস্ত্রিদিবং গতঃ ॥ 23 ॥
যথৈব রাজা পূজ্যস্তে গৌরবেণ তথাঽস্ম্যহম্ ।
ত্বাং নাহমনুজানামি ন গংতব্যমিতো বনম্ ॥ 24 ॥
ত্বদ্বিয়োগান্ন মে কার্য়ং জীবিতেন সুখেন বা ।
ত্বয়া সহ মম শ্রেযস্তৃণানামপি ভক্ষণম্ ॥ 25 ॥
যদি ত্বং যাস্যসি বনং ত্যক্ত্বা মাং শোকলালসাম্ ।
অহং প্রাযমিহাসিষ্য়ে ন হি শক্ষ্য়ামি জীবিতুম্ ॥ 26 ॥
ততস্ত্বং প্রাপ্স্যসে পুত্র নিরয়ং লোকবিশ্রুতম্ ।
ব্রহ্মহত্য়ামিবাধর্মাত্সমুদ্র স্সরিতাং পতিঃ ॥ 27 ॥
বিলপংতীং তথা দীনাং কৌসল্য়াং জননীং ততঃ ।
উবাচ রামো ধর্মাত্মা বচনং ধর্মসংহিতম্ ॥ 28 ॥
নাস্তি শক্তিঃ পিতুর্বাক্য়ং সমতিক্রমিতুং মম ।
প্রসাদয়ে ত্বাং শিরসা গংতুমিচ্ছাম্যহং বনম্ ॥ 29 ॥
ঋষিণা চ পিতুর্বাক্য়ং কুর্বতা ব্রতচারিণা ।
গৌর্হতা জানতা ধর্মং কংডুনাঽপি বিপশ্চিতা ॥ 30 ॥
অস্মাকং চ কুলে পূর্বং সগরস্য়াজ্ঞয়া পিতুঃ ।
খনদ্ভিস্সাগরৈর্ভূমিমবাপ্তস্সুমহান্বধঃ ॥ 31 ॥
জামদ্গ্ন্য়েন রামেণ রেণুকা জননী স্বযম্ ।
কৃত্তা পরশুনাঽরণ্য়ে পিতুর্বচনকারিণা ॥ 32 ॥
এতৈরন্য়ৈশ্চ বহুভির্দেবি দেবসমৈঃ কৃতম্ ।
পিতুর্বচনমক্লীবং করিষ্য়ামি পিতুর্হিতম্ ॥ 33 ॥
ন খল্বেতন্ময়ৈকেন ক্রিযতে পিতৃশাসনম্ ।
এতৈরপি কৃতং দেবি যে ময়া তব কীর্তিতাঃ ॥ 34 ॥
নাহং ধর্মমপূর্বং তে প্রতিকূলং প্রবর্তয়ে ।
পূর্বৈরযমভিপ্রেতো গতো মার্গোঽনুগম্যতে ॥ 35 ॥
তদেতত্তু ময়া কার্য়ং ক্রিযতে ভুবি নান্যথা ।
পিতুর্হি বচনং কুর্বন্ন কশ্চিন্নাম হীযতে ॥ 36 ॥
তামেবমুক্ত্বা জননীং লক্ষ্মণং পুনরব্রবীত্ ।
বাক্য়ং বাক্যবিদাং শ্রেষ্ঠশ্শ্রেষ্ঠস্সর্বধনুষ্মতাম্ ॥ 37 ॥
তব লক্ষ্মণ জানামি ময়ি স্নেহমনুত্তমম্ ।
বিক্রমং চৈব সত্ত্বং চ তেজশ্চ সুদুরাসদম্ ॥ 38 ॥
মম মাতুর্মহদ্দুঃখমতুলং শুভলক্ষণ ।
অভিপ্রাযমবিজ্ঞায় সত্যস্য় চ শমস্য় চ ॥ 39 ॥
ধর্মো হি পরমো লোকে ধর্মে সত্য়ং প্রতিষ্ঠিতম্ ।
ধর্মসংশ্রিতমেতচ্চ পিতুর্বচনমুত্তমম্ ॥ 40 ॥
সংশ্রুত্য় চ পিতুর্বাক্য়ং মাতুর্বা ব্রাহ্মণস্য় বা ।
ন কর্তব্য়ং বৃথা বীর ধর্মমাশ্রিত্য় তিষ্ঠতা ॥ 41 ॥
সোঽহং ন শক্ষ্য়ামি পিতুর্নিয়োগমতিবর্তিতুম্ ।
পিতুর্হিবচনাদ্বীর কৈকেয়্য়াঽহং প্রচোদিতঃ ॥ 42 ॥
তদেতাং বিসৃজানার্য়াং ক্ষত্রধর্মাশ্রিতাং মতিম্ ।
ধর্মমাশ্রয় মা তৈক্ষ্ণ্য়ং মদ্বুদ্ধিরনুগম্যতাম্ ॥ 43 ॥
তমেবমুত্ত্বা সৌহার্দাদ্ভ্রাতরং লক্ষ্মণাগ্রজঃ ।
উবাচ ভূয়ঃ কৌসল্য়াং প্রাংজলিশ্শিরসানতঃ ॥ 44 ॥
অনুমন্যস্ব মাং দেবি গমিষ্য়ংতমিতো বনম্ ।
শাপিতাঽসি মম প্রাণৈঃ কুরু স্বস্ত্যযনানি মে ॥ 45 ॥
তীর্ণপ্রতিজ্ঞশ্চ বনাত্পুনরেষ্য়াম্যহং পুরীম্ ।
যয়াতিরিব রাজর্ষিঃপুরা হিত্বা পুনর্দিবম্ ॥ 46 ॥
শোকস্সংধার্যতাং মাত র্হৃদয়ে সাধু মা শুচঃ ।
বনবাসাদিহৈষ্য়ামি পুনঃ কৃত্বা পিতুর্বচঃ ॥ 47 ॥
ত্বয়া ময়া চ বৈদেহ্য়া লক্ষ্মণেন সুমিত্রয়া ।
পিতুর্নিয়োগে স্থাতব্যমেষ ধর্মস্সনাতনঃ ॥ 48 ॥
অংব সংহৃত্য় সংভারান্ দুঃখং হৃদি নিগৃহ্য় চ ।
বনবাসকৃতা বুদ্ধির্মম ধর্ম্য়াঽনু বর্ত্যতাম্ ॥ 49 ॥
এতদ্বচস্তস্য় নিশম্য় মাতা সুধর্ম্যমব্যগ্রমবিক্লবং চ ।
মৃতেব সংজ্ঞাং প্রতিলভ্য় দেবী সমীক্ষ্য় রামং পুনরিত্য়ুবাচ ॥ 50 ॥
যথৈব তে পুত্র পিতা তথাঽহং গুরু স্স্বধর্মেণ সুহৃত্তয়া চ ।
ন ত্বাঽনুজানামি ন মাং বিহায় সুদুঃখিতামর্হসি গংতুমেবম্ ॥ 51 ॥
কিং জীবিতেনেহ বিনা ত্বয়া মে লোকেন বা কিং স্বধয়াঽমৃতেন ।
শ্রেয়ো মুহূর্তং তব সন্নিধানং মমেহ কৃত্স্নাদপি জীবলোকাত্ ॥ 52 ॥
নরৈরিবোল্কাভিরপোহ্যমানো মহাগজোঽধ্বানমনুপ্রবিষ্টঃ ।
ভূয়ঃ প্রজজ্বাল বিলাপমেবং নিশম্য় রামঃ করুণং জনন্য়াঃ ॥ 53 ॥
স মাতরং চৈব বিসংজ্ঞকল্পা মার্তং চ সৌমিত্রিমভিপ্রতপ্তম্ ।
ধর্মে স্থিতো ধর্ম্যমুবাচ বাক্য়ং যথা স এবার্হতি তত্র বক্তুম্ ॥ 54 ॥
অহং হি তে লক্ষ্মণ নিত্যমেব জানামি ভক্তিং চ পরাক্রমং চ ।
মম ত্বভিপ্রাযমসন্নিরীক্ষ্য় মাত্রা সহাভ্যর্দসি মাং সুদুঃখম্ ॥ 55 ॥
ধর্মার্থকামাঃ খলু তাত লোকে সমীক্ষিতা ধর্মফলোদয়েষু ।
তে তত্র সর্বে স্য়ুরসংশয়ং মে ভার্য়েব বশ্য়াঽভিমতা সুপুত্রা ॥ 56 ॥
যস্মিংস্তু সর্বে স্য়ুরসন্নিবিষ্টা ধর্মো যত স্স্য়াত্তদুপক্রমেত ।
দ্বেষ্য়ো ভবত্যর্থপরো হি লোকে কামাত্মতা খল্বপি ন প্রশস্তা ॥ 57 ॥
গুরুশ্চ রাজা চ পিতা চ বৃদ্ধঃ ক্রোধাত্প্রহর্ষাদ্যদি বাঽপি কামাত্ ।
যদ্ব্য়াদিশেত্কার্যমবেক্ষ্য় ধর্মং কস্তন্ন কুর্য়াদনৃশংসবৃত্তিঃ ॥ 58 ॥
স বৈ ন শক্নোমি পিতুঃ প্রতিজ্ঞা মিমামকর্তুং সকলাং যথাবত্ ।
স হ্য়াবয়োস্তাত গুরুর্নিয়োগে দেব্য়াশ্চ ভর্তা স গতি স্সধর্মঃ ॥ 59 ॥
তস্মিন্পুনর্জীবতি ধর্মরাজে বিশেষতস্স্বে পথি বর্তমানে ।
দেবী ময়া সার্ধমিতোঽপগচ্ছেত্ কথং স্বিদন্য়া বিধবেব নারী ॥ 60 ॥
সা মাঽনুমন্যস্ব বনং ব্রজংতং কুরুষ্ব ন স্স্বস্ত্যযনানি দেবি ।
যথা সমাপ্তে পুনরাব্রজেয়ং যথা হি সত্য়েন পুনর্যয়াতিঃ ॥ 61 ॥
যশো হ্যহং কেবলরাজ্যকারণা ন্ন পৃষ্ঠতঃ কর্তুমলং মহোদযম্ ।
অদীর্ঘকালে ন তু দেবি জীবিতে বৃণেঽবরামদ্য় মহীমধর্মতঃ ॥ 62 ॥
প্রসাদযন্নরবৃষভ স্সমাতরং পরাক্রমাজ্জিগমিষুরেব দংডকান্ ।
অথানুজং ভৃশমনুশাস্য় দর্শনং চকার তাং হৃদি জননীং প্রদক্ষিণম্ ॥ 63 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একবিংশস্সর্গঃ ॥
