শ্রীমদ্বাল্মীকীয় রামাযণে কিষ্কিংধাকাংডম্ ।
অথ ত্রযস্ত্রিংশস্সর্গঃ ।
অথ প্রতিসমাদিষ্টো লক্ষ্মণঃ পরবীরহা ।
প্রবিবেশ গুহাং ঘোরাং কিষ্কিংধাং রামশাসনাত্ ॥ 1 ॥
দ্বারস্থা হরযস্তত্র মহাকায়া মহাবলাঃ ।
বভূবুর্লক্ষ্মণং দৃষ্ট্বা সর্বে প্রাংজলয় স্থিতাঃ ॥ 2 ॥
নিশ্বসংতং তু তং দৃষ্ট্বা ক্রুদ্ধং দশরথাত্মজম্ ।
বভূবুর্হরযস্ত্রস্তা ন চৈনং পর্যবারযন্ ॥ 3 ॥
স তাং রত্নময়ীং শ্রীমাংদিব্য়াং পুষ্পিতকাননাম্ ।
রম্য়াং রত্নসমাকীর্ণাং দদর্শ মহতীং গুহাম্ ॥ 4 ॥
হর্ম্যপ্রাসাদসংবাধাং নানাপণ্য়োপশোভিতাম্ ।
সর্বকামফলৈর্বৃক্ষৈঃ পুষ্পিতৈরুপশোভিতাম্ ॥ 5 ॥
দেবগংধর্বপুত্রৈশ্চ বানরৈঃ কামরূপিভিঃ ।
দিব্যমাল্য়াংবরধরৈ শ্শোভিতাং প্রিযদর্শনৈঃ ॥ 6 ॥
চংদনাগরুপদ্মানাং গংধৈস্সুরভিগংধিনাম্ ।
মৈরেয়াণাং মধূনাং চ সম্মোদিতমহাপথাম্ ॥ 7 ॥
বিংধ্যমেরুগিরিপ্রখ্য়ৈঃ প্রাসাদৈর্নৈকভূমিভিঃ ।
দদর্শ গিরিনদ্যশ্চ বিমলাস্তত্র রাঘবঃ ॥ 8 ॥
অংগদস্য় গৃহং রম্য়ং মৈংদস্য় দ্বিবিধস্য় চ ।
গবযস্য় গবাক্ষস্য় গজস্য় শরভস্য় চ ॥ 9 ॥
বিদ্য়ুন্মালেশ্চ সংপাতে স্সূর্য়াক্ষস্য় হনূমতঃ ।
বীরবাহো স্সুবাহোশ্চ নলস্য় চ মহাত্মনঃ ॥ 10 ॥
কুমুদস্য় সুষেণস্য় তারজাংববতোস্তথা ।
দধিবক্ত্রস্য় নীলস্য় সুপাটলসুনেত্রয়োঃ ॥ 11 ॥
এতেষাং কপিমুখ্য়ানাং রাজমার্গে মহাত্মনাম্ ।
দদর্শ গৃহমুখ্য়ানি মহাসারাণি লক্ষ্মণঃ ॥ 12 ॥
পাংডুরাভ্রপ্রকাশানি দিব্যমাল্যয়ুতানি চ ।
প্রভূতধনধান্য়ানি স্ত্রীরত্নৈ শ্শোভিতানি চ ॥ 13 ॥
পাংডুরেণ তু সালেন পরিক্ষিপ্তং দুরাসদম্ ।
বানরেংদ্রগৃহং রম্য়ং মহেংদ্রসদনোপমম্ ॥ 14 ॥
শুক্লৈঃ প্রাসাদশিখরৈঃ কৈলাসশিখরোপমৈঃ ।
সর্বকামফলৈর্বৃক্ষৈঃ পুষ্পিতৈরুপশোভিতম্ ॥ 15 ॥
মহেংদ্রদত্তৈশ্শ্রীমদ্ভির্নীলজীমূতসন্নিভৈঃ ।
দিব্যপুষ্পফলৈর্বৃক্ষৈশীতচ্ছায়ৈর্মনোরমৈঃ ॥ 16 ॥
হরিভিস্সংবৃতদ্বারং বলিভিশ্শস্ত্রপাণিভিঃ ।
দিব্যমাল্য়াবৃতং শুভ্রং তপ্তকাংচনতোরণম্ ॥ 17 ॥
সুগ্রীবস্য় গৃহং রম্য়ং প্রবিবেশ মহাবলঃ ।
অবার্যমাণস্সৌমিত্রির্মহাভ্রমিব ভাস্করঃ ॥ 18 ॥
স সপ্ত কক্ষ্য়া ধর্মাত্মা নানাজনসমাকুলাঃ ।
প্রবিশ্য় সুমহদ্গগুপ্তং দদর্শাংতঃপুরং মহত্ ॥ 19 ॥
হৈমরাজতপর্য়ংকৈর্বহুভিশ্চ বরাসনৈঃ ।
মহার্হাস্তরণোপেতৈস্তত্র তত্রোপশোভিতম্ ॥ 20 ॥
প্রবিশন্নেব সততং শুশ্রাব মধুরস্বরম্ ।
তংত্রীগীতসমাকীর্ণং সমগীতপদাক্ষরম্ ॥ 21 ॥
বহ্বীশ্চ বিবিধাকারা রূপয়ৌবনগর্বিতাঃ ।
স্ত্রিযস্সুগ্রীবভবনে দদর্শ সুমহাবলঃ ॥ 22 ॥
দৃষ্ট্বাঽভিজনসংপন্নাশ্চিত্রমাল্যকৃতস্রজঃ ।
ফলমাল্যকৃতব্যগ্রা ভূষণোত্তমভূষিতাঃ ॥ 23 ॥
নাতৃপ্তান্নাপি চাব্যগ্রান্নানুদাত্তপরিচ্ছদান্ ।
সুগ্রীবানুচরাংশ্চাপি লক্ষয়ামাস লক্ষ্মণঃ ॥ 24 ॥
কূজিতং নূপুরাণাং চ কাংচীনাং নিনদং তথা ।
সন্নিশম্য় তত শ্রীমান্সৌমিত্রির্লজ্জিতোঽভবত্ ॥ 25 ॥
রোষবেগপ্রকুপিতশশ্রুত্বা চাভরণস্বনম্ ।
চকার জ্য়াস্বনং বীরো দিশশ্শব্দেন পূরযন্ ॥ 26 ॥
চারিত্রেণ মহাবাহুরপকৃষ্ট স্সলক্ষ্মণঃ ।
তস্থাবেকাংতমাশ্রিত্য় রামকোপসমন্বিতঃ ॥ 27 ॥
তেন চাপস্বনেনাথ সুগ্রীবঃ প্লবগাধিপঃ ।
বিজ্ঞায়াঽগমনং ত্রস্ত স্সংচচাল বরাসনাত্ ॥ 28 ॥
অংগদেন যথা মহ্য়ং পুরস্তাত্প্রতিবেদিতম্ ।
সুব্যক্তমেষ সংপ্রাপ্ত স্সৌমিত্রির্ভ্রাতৃবত্সলঃ ॥ 29 ॥
অংগদেন সমাখ্য়াতং জ্য়াস্বনেন চ বানরঃ ।
বুবুধে লক্ষ্মণং প্রাপ্তং মুখং চাস্যব্যশুষ্যত ॥ 30 ॥
ততস্তারাং হরিশ্রেষ্ঠস্সুগ্রীবঃ প্রিযদর্শনাম্ ।
উবাচ হিতমব্যগ্রস্ত্রাস সংভ্রাংতমানসঃ ॥ 31 ॥
কিন্নু তত্কারণং সুভ্রু প্রকৃত্য়া মৃদুমানসঃ ।
সরোষ ইব সংপ্রাপ্তো যেনায়ং রাঘবানুজঃ ॥ 32 ॥
কিং পশ্যসি কুমারস্য় রোষস্থানমনিংদিতে ।
ন খল্বকারণে কোপমাহরেন্নরসত্তমঃ ॥ 33 ॥
যদস্য় কৃতমস্মাভির্বুধ্যসে কিংচিদপ্রিযম্ ।
তদবুদ্ধ্য়া সংপ্রধার্য়াশু ক্ষিপ্রমর্হসি ভাষিতুম্ ॥ 34 ॥
অথবা স্বযমেবৈনং দ্রষ্টুমর্হসি ভামিনি ।
বচনৈ স্সাংত্বয়ুক্তৈশ্চ প্রসাদয়িতুমর্হসি ॥ 35 ॥
ত্বদ্দর্শন বিশুদ্ধাত্মা ন স কোপং করিষ্যতি ।
ন হি স্ত্রীষু মহাত্মানঃ ক্বচিত্কুর্বংতি দারুণম্ ॥ 36 ॥
ত্বয়া সাংত্বৈরুপক্রাংতং প্রসন্নেংদ্রিযমানসম্ ।
ততঃ কমলপত্রাক্ষং দ্রক্ষ্য়াম্যহমরিংদমম্ ॥ 37 ॥
সা প্রস্খলংতী মদবিহ্বলাক্ষী প্রলংবকাংচীগুণ হেমসূত্রা ।
সলক্ষণা লক্ষ্মণসন্নিধানং জগাম তারা নমিতাংগযষ্টিঃ ॥ 38 ॥
স তাং সমীক্ষ্য়ৈব হরীশপংতীং তস্থাবুদাসীনতয়া মহাত্মা ।
অবাঙ্মুখোঽভূন্মনুজেংদ্রপুত্রঃ স্ত্রীসন্নিকর্ষাদ্বিনিবৃত্তকোপঃ ॥ 39 ॥
সা পানয়োগাদ্বিনিবৃত্তলজ্জা দৃষ্টিপ্রসাদাচ্চ নরেংদ্রসূনোঃ ।
উবাচ তারা প্রণযপ্রগল্ভং বাক্য়ং মহার্থং পরিসাংত্বপূর্বম্ ॥ 40 ॥
কিং কোপমূলং মনুজেংদ্রপুত্র কস্তে ন সংতিষ্ঠতি বাঙ্নিদেশে ।
ক শ্শুষ্কবৃক্ষং বনমাপতংতং দবাগ্নিমাসীদতি নির্বিশংকঃ ॥ 41 ॥
স তস্য়া বচনং শ্রুত্বা সাংত্বপূর্বমশংকিতম্ ।
ভূয়ঃ প্রণযদৃষ্টার্থং লক্ষ্মণো বাক্যমব্রবীত্ ॥ 42 ॥
কিময়ং কামবৃত্তস্তে লুপ্তধর্মার্থসংগ্রহঃ ।
ভর্তা ভর্তৃহিতে যুক্তে ন চৈনমববুদ্ধ্যসে ॥ 43 ॥
ন চিংতযতি রাজ্য়ার্থং নাস্মান্ শোকপরাযণান্ ।
সামাত্যপরিষত্তারে পানমেবোপসেবতে ॥ 44 ॥
স মাসাংশ্চতুরঃ কৃত্বা প্রমাণং প্লবগেশ্বরঃ ।
ব্যতীতাং স্তান্মদব্যগ্রো বিহরন্নাববুধ্যতে ॥ 45 ॥
ন হি ধর্মার্থসিদ্ধ্যর্থং পানমেবং প্রশস্যতে ।
পানাদর্থশ্চ ধর্মশ্চ কামশ্চ পরিহীযতে ॥ 46 ॥
ধর্মলোপো মহাংস্তাবত্কৃতে হ্যপ্রতিকুর্বতঃ ।
অর্থলোপশ্চ মিত্রস্য় নাশে গুণবতো মহান্ ॥ 47 ॥
মিত্রং হ্যর্থগুণশ্রেষ্ঠং সত্যধর্মপরাযণম্ ।
তদ্দ্বয়ং তু পরিত্যক্তং ন তু ধর্মে ব্যবস্থিতম্ ॥ 48 ॥
তদেবং প্রস্তুতে কার্য়ে কার্যমস্মাভিরুত্তরম্ ।
যত্কার্য়ং কার্যতত্ত্বজ্ঞে তদুদাহর্তুমর্হসি ॥ 49 ॥
সা তস্য় ধর্মার্থসমাধিয়ুক্তং নিশম্য় বাক্য়ং মধুরস্বভাবম্ ।
তারা গতার্থে মনুজেংদ্রকার্য়ে বিশ্বাসয়ুক্তং তমুবাচ ভূয়ঃ ॥ 50 ॥
ন কোপকালঃ ক্ষিতিপালপুত্র ন চাতি কোপ স্স্বজনে বিধেয়ঃ ।
ত্বদর্থকামস্য় জনস্য় তস্য় প্রমাদমপ্যর্হসি বীর সোঢুম্ ॥ 51 ॥
কোপং কথং নাম গুণপ্রকৃষ্টঃ কুমার কুর্য়াদপকৃষ্টসত্ত্বে ।
কস্ত্বদ্বিধঃ কোপবশং হি গচ্ছে ত্সত্ত্বাবরুদ্ধস্তপসঃ প্রসূতিঃ ॥ 52 ॥
জানামি রোষং হরিবীরবংধো র্জানামি কার্যস্য় চ কালসংগম্ ।
জানামি কার্য়ং ত্বয়ি যত্কৃতং ন স্তচ্চাপি জানামি যদত্র কার্যম্ ॥ 53 ॥
তচ্চাপি জানামি যথবিষহ্য়ং বলং নরশ্রেষ্ঠ শরীরজস্য় ।
জানামি যস্মিংশ্চ জনেঽববদ্ধং কামেন সুগ্রীবমসক্তমদ্য় ॥ 54 ॥
ন কামতংত্রে তব বুদ্ধিরস্তি ত্বং বৈ যথা মন্য়ুবশং প্রপন্নঃ ।
ন দেশকালৌ হি ন চার্থধর্মা ববেক্ষতে কামরতির্মনুষ্য়ঃ ॥ 55 ॥
তং কামবৃত্তং মম সন্নিকৃষ্টং কামাভিয়োগাচ্চ নিবৃত্তলজ্জম্ ।
ক্ষমস্ব তাবত্পরবীরহংত স্ত্বদ্ভ্রাতরং বানরবংশনাথম্ ॥ 56 ॥
মহর্ষয়ো ধর্মতপোঽভিকামাঃ কামানুকামাঃ প্রতিবদ্ধমোহাঃ ।
অয়ং প্রকৃত্য়া চপলঃ কপিস্তু কথং ন সজ্জেত সুখেষু রাজা ॥ 57 ॥
ইত্য়েবমুক্ত্বা বচনং মহার্থং সা বানরী লক্ষ্মণমপ্রমেযম্ ।
পুন স্সখেদং মদবিহ্বলংচ ভর্তুর্হিতং বাক্যমিদং বভাষে ॥ 58 ॥
উদ্য়োগস্তু চিরাজ্ঞপ্ত স্সুগ্রীবেণ নরোত্তম ।
কামস্য়াপি বিধেয়েন তবার্থপ্রতিসাধনে ॥ 59 ॥
আগতা হি মহাবীর্য়া হরয়ঃ কামরূপিণঃ ।
কোটীশতসহস্রাণি নানানগনিবাসিনঃ ॥ 60 ॥
তদাগচ্ছ মহাবাহো চারিত্রং রক্ষিতং ত্বয়া ।
অচ্ছলং মিত্রভাবেন সতাং দারাবলোকনম্ ॥ 61 ॥
তারয়া চাভ্যনুজ্ঞাতস্ত্বরয়া চাপি চোদিতঃ ।
প্রবিবেশ মহাবাহুরভ্য়ংতরমরিংদমঃ ॥ 62 ॥
তত স্সুগ্রীবমাসীনং কাংচনে পরমাসনে ।
মহার্হাস্তরণোপেতে দদর্শাদিত্যসন্নিভম্ ॥ 63 ॥
দিব্য়াভণচিত্রাংগং দিব্যরূপং যশস্বিনম্ ।
দিব্যমাল্য়াংবরধরং মহেংদ্রমিব দুর্জযম্ ॥ 64 ॥
দিব্য়াভরণমালাভিঃ প্রমদাভি স্সমাবৃতম্ ।
সংরব্ধতররক্তাক্ষো বভূবাংতকসন্নিভঃ ॥ 65 ॥
রুমাং তু বীর পরিরভ্য় গাঢং বরাসনস্থো বরহেমবর্ণঃ ।
দদর্শ সৌমিত্রিমদীনসত্ত্বং বিশালনেত্রস্সুবিশালনেত্রম্ ॥ 66 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ত্রযস্ত্রিংশস্সর্গঃ ॥
