শ্রীমদ্বাল্মীকীয় রামাযণে কিষ্কিংধাকাংডম্ ।
অথ বিংশস্সর্গঃ ।
রামচাপবিসৃষ্টেন শরেণাংতকরেণ তম্ ।
দৃষ্ট্বা বিনিহতং ভূমৌ তারা তারাধিপাননা ॥ 1 ॥
সা সমাসাদ্য় ভর্তারং পর্যষ্বজত ভামিনী ।
ইষুণাঽভিহতং দৃষ্ট্বা বালিনং কুংজরোপমম্ ॥ 2 ॥
বানরেংদ্র মহেংদ্রাভং শোকসংতপ্তমানসা ।
তারা তরুমিবোন্মূলং পর্যদেবযদাতুরা ॥ 3 ॥
রণে দারুণ বিক্রাংত প্রবীর প্লবতাং বর ।
কিং দীনামপুরোভাগামদ্য় ত্বং নাভিভাষসে ॥ 4 ॥
উত্তিষ্ঠ হরিশার্দূল ভজস্ব শযনোত্তমম্ ।
নৈবংবিধাশ্শেরতে হি ভূমৌ নৃপতিসত্তমাঃ ॥ 5 ॥
অতীব খলু তে কাংতা বসুধা বসুধাধিপ ।
গতাসুরপি যাং গাত্রৈর্মাং বিহায় নিষেবসে ॥ 6 ॥
ব্যক্তমন্য়া ত্বয়া বীর ধর্মতঃ সংপ্রবর্তিতা ।
কিষ্কিংধেব পুরী রম্য়া স্বর্গমার্গে বিনির্মিতা ॥ 7 ॥
যান্যস্মাভিস্ত্বয়া সার্ধং বনেষু মধুগংধিষু ।
বিহৃতানি ত্বয়া কালে তেষামুপরমঃ কৃতঃ ॥ 8 ॥
নিরানংদা নিরাশাঽহং নিমগ্না শোকসাগরে ।
ত্বয়ি পংচত্বমাপন্নে মহায়ূথপয়ূথপে ॥ 9 ॥
হৃদয়ং সুস্থিরং মহ্য়ং দৃষ্ট্বা বিনিহতং পতিম্ ।
যন্ন শোকাভিসংতপ্তং স্ফুটতেঽদ্য় সহস্রধা ॥ 10 ॥
সুগ্রীবস্য় ত্বয়া ভার্য়া হৃতা স চ বিবাসিতঃ ।
যত্তু ত্তস্য় ত্বয়া ব্য়ুষ্টিঃ প্রাপ্তেয়ং প্লবগাধিপ ॥ 11 ॥
নিশ্শ্রেযসপরা মোহাত্ত্বয়া চাহং বিগর্হিতা ।
যৈষাঽব্রুবং হিতং বাক্য়ং বানরেংদ্র হিতৈষিণী ॥ 12 ॥
রূপয়ৌবনদৃপ্তানাং দক্ষিণানাং চ মানদ ।
নূনমপ্সরসামার্য় চিত্তানি প্রমথিষ্যসি ॥ 13 ॥
কালো নিস্সংশয়ো নূনং জীবিতাংতকরস্তব ।
বলাদ্য়েনাবপন্নোঽসি সুগ্রীবস্য়াবশো বশম্ ॥ 14 ॥
বৈধব্য়ং শোকসংতাপং কৃপণং কৃপণা সতী ।
অদুঃখোপচিতা পূর্বং বর্তয়িষ্য়াম্যনাথবত্ ॥ 15 ॥
লালিতশ্চাংগদো বীরস্সুকুমারস্সুখোচিতঃ ।
বর্ত্স্যতে কামবস্থাং মে পিতৃব্য়ে ক্রোধমূর্ছিতে ॥ 16 ॥
কুরুষ্ব পিতরং পুত্র সুদৃষ্টং ধর্মবত্সলম্ ।
দুর্লভং দর্শনং বত্স তব তস্য় ভবিষ্যতি ॥ 17 ॥
সমাশ্বাসয় পুত্রং ত্বং সংদেশং সংদিশস্ব মে ।
মূর্ধ্নি চৈনং সমাঘ্রায় প্রবাসং প্রস্থিতো হ্যসি ॥ 18 ॥
রামেণ হি মহত্কর্ম কৃতং ত্বামভিনিঘ্নতা ।
আনৃণ্য়ং চ গতং তস্য় সুগ্রীবস্য় প্রতিশ্রবে ॥ 19 ॥
সকামো ভব সুগ্রীব রুমাং ত্বং প্রতিপত্স্যসে ।
ভুংক্ষব রাজ্যমনুদ্বিগ্নশ্শস্তো ভ্রাতা রিপুস্তব ॥ 20 ॥
কিং মামেবং বিলপতীং প্রেম্ণা ত্বং নাভিভাষসে ।
ইমাঃ পশ্য় বরা বহ্বীর্ভার্য়াস্তে বানরেশ্বর ॥ 21 ॥
তস্য়া বিলপিতং শ্রুত্বা বানর্যস্সর্বতশ্চ তাঃ ।
পরিগৃহ্য়াংগদং দীনং দুঃখার্তা পরিচুক্রুশুঃ ॥ 22 ॥
কিমংগদং সাংগদবীরবাহো বিহায় যাস্যদ্য় চিরপ্রবাসম্ ।
ন যুক্তমেবং গুণসন্নিকৃষ্টং বিহায় পুত্রং প্রিযপুত্র গংতুম্ ॥ 23 ॥
কিমপ্রিয়ং তে প্রিয় চারুবেষ ময়া কৃতং নাথ সুতেন বা তে ।
সহাংগদাং মাং প্রবিহায় বীর যত্প্রস্থিতো দীর্ঘ মিতঃ প্রবাসম্ ॥ 24 ॥
যদ্যপ্রিয়ং কিংচিদসংপ্রধার্য় কৃতং ময়া স্য়াত্তব দীর্ঘবাহো ।
ক্ষমস্ব মে তদ্ধরিবংশনাথ ব্রজামি মূর্ধ্না তব বীর পাদৌ ॥ 25 ॥
তথা তু তারা করুণং রুদংতী ভর্তুস্সমীপে সহ বানরীভিঃ ।
ব্যবস্যত প্রাযমুপোপবেষ্টু মনিংদ্যবর্ণা ভুবি যত্র বালী ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে বিংশস্সর্গঃ ॥
