শ্রীমদ্বাল্মীকীয় রামাযণে কিষ্কিংধাকাংডম্ ।
অথ অষ্টাবিংশস্সর্গঃ ।
স তদা বালিনং হত্বা সুগ্রীবমভিষিচ্য় চ ।
বসন্মাল্যবতঃ পৃষ্ঠে রামো লক্ষ্মণমব্রবীত্ ॥ 1 ॥
অয়ং স কালস্সংপ্রাপ্তস্সময়োঽদ্য় জলাগমঃ ।
সংপশ্য় ত্বং নভো মেঘৈস্সংবৃতং গিরিসন্নিভৈঃ ॥ 2 ॥
নবমাসধৃতং গর্ভং ভাস্করস্য় গভস্তিভিঃ ।
পীত্বা রসং সমুদ্রাণাং দ্য়ৌঃ প্রসূতে রসাযনম্ ॥ 3 ॥
শক্যমংবরমারুহ্য় মেঘসোপানপংক্তিভিঃ ।
কুটজার্জুনমালাভিরলংকর্তুং দিবাকরম্ ॥ 4 ॥
সংধ্য়ারাগোত্থিতৈস্তাম্রৈরংতেষ্বধিক পাংডরৈঃ ।
স্নিগ্ধৈরভ্রপটচ্ছেদৈর্বদ্ধব্রণমিবাংবরম্ ॥ 5 ॥
মংদমারুত নিশ্বাসং সংধ্য়াচংদনরংজিতম্ ।
আপাংডুজলদং ভাতি কামাতুরমিবাংবরম্ ॥ 6 ॥
এষা ঘর্মপরিক্লিষ্টা নববারিপরিপ্লুতা ।
সীতেব শোকসংতপ্তা মহী বাষ্পং বিমুংচতি ॥ 7 ॥
মেঘোদরবিনির্মুক্তাঃ কহ্লারসুখশীতলাঃ ।
শক্যমংজলিভিঃ পাতুং বাতাঃ কেতকিগংধিনঃ ॥ 8 ॥
এষ ফুল্লার্জুনশ্শৈলঃ কেতকৈরধিবাসিতঃ ।
সুগ্রীব ইব শাংতারির্ধারাভিরভিষিচ্যতে ॥ 9 ॥
মেঘকৃষ্ণাজিনধরাঃ ধারাযজ্ঞোপবীতিনঃ ।
মারুতাপূরিতগুহাঃ প্রাধীতা ইব পর্বতাঃ ॥ 10 ॥
কশাভিরিব হৈমীভির্বিদ্য়ুদ্ভিরিবতাডিতম্ ।
অংতস্ত্সতনির্ঘোষং সবেদনমিবাংবরম্ ॥ 11 ॥
নীলমেঘাশ্রিতা বিদ্য়ুত্স্ফুরংতী প্রতিভাতি মা ।
স্ফুরংতী রাবণস্য়াংকে বৈদেহীব তপস্বিনী ॥ 12 ॥
ইমাস্তা মন্মথবতাং হিতাঃ প্রতিহতা দিশঃ ।
অনুলিপ্তা ইব ঘনৈর্নষ্টগ্রহনিশাকরাঃ ॥ 13 ॥
চিদ্বাষ্পাভিসংরুদ্ধান্ বর্ষাগমসমুত্সুকান্ ।
কুটজান্পশ্য় সৌমিত্রে পুষ্পিতান্গিরিসানুষু ॥ 14 ॥
মম শোকাভিভূতস্য় কামসংদীপনান্ স্থিতান্ ।
রজঃ প্রশাংতং সহিমোঽদ্য় বায়ু র্নিদাঘদোষপ্রসরাঃ প্রশাংতাঃ ।
স্থিতা হি যাত্রা বসুধাধিপানাং প্রবাসিনো যাংতি নরাস্স্বদেশান্ ॥ 15 ॥
সংপ্রস্থিতা মানসবাসলুব্ধাঃ প্রিয়ান্বিতাঃ সংপ্রতি চক্রবাকাঃ ।
অভীক্ষ্ণবর্ষোদকবিক্ষতেষু যানানি মার্গেষু ন সংপতংতি ॥ 16 ॥
ক্বচিত্প্রকাশং ক্বচিদপ্রকাশং নভঃ প্রকীর্ণাংবুধরং বিভাতি ।
ক্বচিত্ক্বচিত্পর্বতসন্নিরুদ্ধং রূপং যথা শাংতমহার্ণবস্য় ॥ 17 ॥
ব্য়ামিশ্রিতং সার্জকদংবপুষ্পৈ র্নবং জলং পর্বতধাতুতাম্রম্ ।
ময়ূরকেকাভিরনুপ্রয়াতং শৈলাপগাশ্শীঘ্রতরং বহংতি ॥ 18 ॥
রসাকুলং ষট্পদসন্নিকাশং প্রভুজ্যতে জংবুফলং প্রকামম্ ।
অনেকবর্ণং পবনাবধূতং ভূমৌ পতত্য়াম্রফলং বিপক্বম্ ॥ 19 ॥
বিদ্য়ুত্পতাকাস্সবলাকমালাঃ শৈলেংদ্রকূটাকৃতিসন্নিকাশাঃ ।
গর্জংতি মেঘাঃ সমুদীর্ণনাদাঃ মত্তা গজেংদ্রা ইব সংয়ুগস্থাঃ ॥ 20 ॥
বর্ষোদকাপ্য়ায়িতশাদ্বলানি প্রবৃত্তনৃত্তোত্সববর্হিণানি ।
বনানি নির্বৃষ্টবলাহকানি পশ্য়াপরাহ্ণেষ্বধিকং বিভাংতি ॥ 21 ॥
সমুদ্বহংত স্সলিলাতিভারং বলাকিনো বারিধরা নদংতঃ ।
মহত্সু শৃংগেষু মহীধরাণাং বিশ্রম্য় বিশ্রম্য় পুনঃ প্রয়াংতি ॥ 22 ॥
মেঘাভিকামা পরিসংপতংতী সম্মোদিতা ভাতি বলাকপংক্তিঃ ।
বাতাবধূতা বরপৌংডরীকী লংবেব মালা রচিতাংবরস্য় ॥ 23 ॥
বালেংদ্রগোপাংতরচিত্রিতেন বিভাতি ভূমির্নবশাদ্বলেন ।
গাত্রানুপৃক্তেন শুকপ্রভেণ নারীব লাক্ষোক্ষিতকংবলেন ॥ 24 ॥
নিদ্রা শনৈঃ কেশবমভ্য়ুপৈতি দ্রুতং নদী সাগরমভ্য়ুপৈতি ।
হৃষ্টা বলাকা ঘনমভ্য়ুপৈতি কাংতা সকামা প্রিযমভ্য়ুপৈতি ॥ 25 ॥
জাতা বনাংতাশ্শিখিসংপ্রনৃত্তা জাতাঃ কদংবাঃ সকদংবশাখাঃ ।
জাতা বৃষা গোষু সমানকামা জাতা মহী সস্যবনাভিরামা ॥ 26 ॥
বহংতি বর্ষংতি নদংতি ভাংতি ধ্য়ায়ংতি নৃত্য়ংতি সমাশ্বসংতি ।
নদ্য়ো ঘনা মত্তগজা বনাংতাঃ প্রিয়াবিহীনাশ্শিখিনঃ প্লবংগমাঃ ॥ 27 ॥
প্রহর্ষিতাঃ কেতকপুষ্পগংধ মাঘ্রায় হৃষ্টা বননির্ঝরেষু ।
প্রপাতশব্দাকুলিতা গজেংদ্রা স্সার্ধং ময়ূরৈ স্সমদা নদংতি ॥ 28 ॥
ধারানিপাতৈরভিহন্যমানাঃ কদংবশাখাসু বিলংবমানাঃ ।
ক্ষণার্জিতং পুষ্পরসাবগাঢং শনৈর্মদং ষট্চরণাস্ত্যজংতি ॥ 29 ॥
অংগারচূর্ণোত্করসন্নিকাশৈঃ ফলৈস্সুপর্য়াপ্তরসৈস্সমৃদ্ধৈঃ ।
জংবূদ্রুমাণাং প্রবিভাংতি শাখাঃ নিলীযমানা ইব ষট্পদৌঘৈঃ ॥ 30 ॥
তটিত্পতাকাভিরলংকৃতানা মুদীর্ণগংভীরমহারবাণাম্ ।
বিভাংতি রূপাণি বলাহকানাং রণোদ্যতানামিব বানরণানাম্ ॥ 31 ॥
মার্গানুগশ্শৈলবনানুসারী সংপ্রস্থিতো মেঘরবং নিশম্য় ।
যুদ্ধাভিকামঃ প্রতিনাদশংকী মত্তো গজেংদ্রঃ প্রতিসন্নিবৃত্তঃ ॥ 32 ॥
ক্বচিত্প্রগীতা ইব ষট্পদৌঘৈঃ ক্বচিত্প্রনৃত্তা ইব নীলকংঠৈঃ ।
ক্বচিত্প্রমত্তা ইব বারণেংদ্রৈ র্বিভাংত্যনেকাশ্রয়িণো বনাংতাঃ ॥ 33 ॥
কদংবসর্জার্জুনকংদলাঢ্য়া বনাংতভূমির্নববারিপূর্ণা ।
ময়ূরমত্তাভিরুতপ্রনৃত্তৈ রাপানভূমিপ্রতিমা বিভাতি ॥ 34 ॥
মুক্তাসকাশং সলিলং পতদ্বৈ সুনির্মলং পত্রপুটেষু লগ্নম্ ।
হৃষ্টা বিবর্ণচ্ছদনা বিহংগা স্সুরেংদ্রদত্তং তৃষিতাঃ পিবংতি ॥ 35 ॥
ষট্পাদতংত্রীমধুরাভিধানং প্লবংগমোদীরিতকংঠতালম্ ।
আবিষ্কৃতং মেঘমৃদংগনাদৈ র্বনেষু সংগীতমিব প্রবৃত্তম্ ॥ 36 ॥
ক্বচিত্প্রনৃত্তৈঃ ক্বচিদুন্নদদ্ভিঃ ক্বচিচ্চ বৃক্ষাগ্রনিষণ্ণকায়ৈঃ ।
ব্য়ালংববর্হাভরণৈর্ময়ূরৈ র্বনেষু সংগীতমিব প্রবৃত্তম্ ॥ 37 ॥
স্বনৈর্ঘনানাং প্লবগাঃ প্রবুদ্ধাঃ বিহায় নিদ্রাং চিরসন্নিরুদ্ধাম্ ।
অনেকরূপাকৃতিবর্ণনাদাঃ নবাংবুধারাভিহতা নদংতি ॥ 38 ॥
নদ্যস্সমুদ্বাহিতচক্রবাকা স্তটানি শীর্ণান্যপবাহয়িত্বা ।
দৃপ্তা নবপ্রাভৃতপূর্ণভোগাঃ দ্রুতং স্বভর্তারমুপোপয়াংতি ॥ 39 ॥
নীলেষু নীলাঃ প্রবিভাংতি সক্তাঃ মেঘেষু মেঘা নববারিপূর্ণাঃ ।
দবাগ্নিদগ্ধেষু দবাগ্নিদগ্ধা শ্শৈলেষু শৈলা ইব বদ্ধমূলাঃ ॥ 40 ॥
প্রহৃষ্টসন্নাদিতবর্হিণানি সশক্রগোপাকুলশাদ্বলানি ।
চরংতি নীপার্জুনবাসিতানি গজাস্সুরম্য়াণি বনাংতরাণি ॥ 41 ॥
নবাংবুধারাহতকেসরাণি দ্রুতং পরিত্যজ্য় সরোরুহাণি ।
কদংবপুষ্পাণি সকেসরাণি নবানি হৃষ্টা ভ্রমরাঃ পতংতিঃ ॥ 42 ॥
মত্তা গজেংদ্রা মুদিতা গবেংদ্রা বনেষু বিশ্রাংততরা মৃগেংদ্রা ।
রম্য়া নগেংদ্রা নিভৃতা নরেংদ্রাঃ প্রক্রীডিতো বারিধরৈস্সুরেংদ্রঃ ॥ 43 ॥
মেঘাস্সমুদ্ধূতসমুদ্রনাদাঃ মহাজলৌঘৈর্গগনাবলংবাঃ ।
নদীস্তটাকানি সরাংসি বাপী র্মহীং চ কৃত্স্নামপবাহয়ংতি ॥ 44 ॥
বর্ষপ্রবেগা বিপুলাঃ পতংতি প্রবাংতি বাতাস্সমুদীর্ণঘোষাঃ ।
প্রণষ্টকূলাঃ প্রবহংতি শীঘ্রং নদ্য়োজলৈর্বিপ্রতিপন্নমার্গাঃ ॥ 45 ॥
নরৈর্নরেংদ্রা ইব পর্বতেংদ্রা স্সুরেংদ্রদত্তৈঃ পবনোপনীতৈঃ ।
ঘনাংবুকুংভৈরভিষিচ্যমানা রূপং শ্রিয়ং স্বামিব দর্শয়ংতি ॥ 46 ॥
ঘনোপগূঢং গগনং সতারং ন ভাস্করো দর্শনমভ্য়ুপৈতি ।
নবৈর্জলৌঘৈর্ধরণী বিসৃপ্তা তমো বিলিপ্তা ন দিশঃ প্রকাশাঃ ॥ 47 ॥
মহাংতি কূটানি মহীধরাণাং ধারাভিধৌতান্যধিকং বিভাংতি ।
মহাপ্রমাণৈর্বিপুলৈঃ প্রপাতৈ র্মুক্তাকলাপৈরিব লংবমানৈঃ ॥ 48 ॥
শৈলোপলপ্রস্খলমানবেগা শ্শৈলোত্তমানাং বিপুলাঃ প্রপাতাঃ ।
গুহাসু সন্নাদিতবর্হিণাসু হারা বিকীর্য়ংত ইবাবভাংতি ॥ 49 ॥
শীঘ্রপ্রবেগা বিপুলাঃ প্রপাতাঃ নির্ধৌতশৃংগোপতলা গিরীণাম্ ।
মুক্তাকলাপপ্রতিমাঃ পতংতো মহাগুহোত্সংগতলৈর্ধ্রিয়ংতে ॥ 50 ॥
সুরতামর্দবিচ্ছিন্নাস্স্বর্গস্ত্রীহারমৌক্তিকাঃ ।
পতংতি চাতুলা দিক্ষু তোযধারাস্সমংততঃ ॥ 51 ॥
নিলীযমানৈর্বিহগৈর্নিমীলদ্ভিশ্চ পংকজৈঃ ।
বিকসংত্য়া চ মালত্য়া গতোঽস্তং জ্ঞাযতে রবিঃ ॥ 52 ॥
বৃত্তা যাত্রা নরেংদ্রাণাং সেনা প্রতিনিবর্ততে ।
বৈরাণি চৈব মার্গাশ্চ সলিলেন সমীকৃতাঃ ॥ 53 ॥
মাসি প্রোষ্ঠপদে ব্রহ্ম ব্রাহ্মণানাং বিবক্ষতাম্ ।
অযমধ্য়াযসমযস্সামগানামুপস্থিতঃ ॥ 54 ॥
নিবৃত্তকর্মাযতনো নূনং সংচিতসংচয়ঃ ।
আষাঢীমভ্য়ুপগতো ভরতঃ কোসলাধিপঃ ॥ 55 ॥
নূনমাপূর্যমাণায়াস্সর্বব্য়া বর্ধতে রয়ঃ ।
মাং সমীক্ষ্য় সমায়াংতময়োধ্য়ায়া ইব স্বনঃ ॥ 56 ॥
ইমাস্ফীতগুণা বর্ষাস্সুগ্রীবস্সুখমশ্নুতে ।
বিজিতারিঃ সদারশ্চ রাজ্য়ে মহতি চ স্থিতঃ ॥ 57 ॥
অহং তু হৃতদারশ্চ রাজ্য়াচ্য় মহতশ্চ্য়ুতঃ ।
নদীকূলমিব ক্লিন্নমবসীদামি লক্ষ্মণ ॥ 58 ॥
শোকশ্চ মম বিস্তীর্ণো বর্ষাশ্চ ভৃশদুর্গমাঃ ।
রাবণশ্চ মহান্ শত্রুরপারং প্রতিভাতি মে ॥ 59 ॥
অয়াত্রাং চৈব দৃষ্ট্বেমাং মার্গাংশ্চ ভৃশদুর্গমান্ ।
প্রণতে চৈব সুগ্রীবে ন ময়া কিংচিদীরিতম্ ॥ 60 ॥
অপি চাতিপরিক্লিষ্টং চিরাদ্দারৈস্সমাগতম্ ।
আত্মকার্যগরীযস্ত্বাদ্বক্তুং নেচ্ছামি বানরম্ ॥ 61 ॥
স্বযমেব হি বিশ্রম্য় জ্ঞাত্বা কালমুপাগতম্ ।
উপকারং চ সুগ্রীবো বেত্স্যতে নাত্র সংশয়ঃ ॥ 62 ॥
তস্মাত্কালপ্রতীক্ষোঽহং স্থিতোঽস্মি শুভলক্ষণ ।
সুগ্রীবস্য় নদীনাং চ প্রসাদমমনুপালযন্ ॥ 63 ॥
উপকারেণ বীরস্তু প্রতীকারেণ যুজ্যতে ।
অকৃতজ্ঞোঽপ্রতিকৃতো হংতি সত্ত্ববতাং মনঃ ॥ 64 ॥
অথৈবমুক্তঃ প্রণিধায় লক্ষ্মণঃ কৃতাংজলিস্তত্প্রতিপূজ্য় ভাষিতম্ ।
উবাচ রামং স্বভিরামদর্শনং প্রদর্শয়ংদর্শনমাত্মনশ্শুভম্ ॥ 65 ॥
যথোক্তমেতত্তব সর্বমীপ্সিতং নরেংদ্র কর্তা নচিরাদ্ধরীশ্বরঃ ।
শরত্প্রতীক্ষঃ ক্ষমতামিমং ভবান্ জলপ্রপাতং রিপুনিগ্রহে ধৃতঃ ॥ 66 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে অষ্টাবিংশস্সর্গঃ ॥
