শ্রীমদ্বাল্মীকীয় রামাযণে বালকাংডম্ ।
অথ ত্রিংশস্সর্গঃ ।
অথ তৌ দেশকালজ্ঞৌ রাজাপুত্রাবরিংদমৌ ।
দেশে কালে চ বাক্যজ্ঞাবব্রূতাং কৌশিকং বচঃ ॥ 1 ॥
ভগবন্ শ্রোতুমিচ্ছাবো যস্মিন্ কালে নিশাচরৌ ।
সংরক্ষণীয়ৌ তৌ ব্রহ্মন্নাতিবর্তেত তত্ক্ষণম্ ॥ 2 ॥
এবং ব্রুবাণৌ কাকুত্স্থৌ ত্বরমাণৌ যুয়ুত্সয়া ।
সর্বে তে মুনয়ঃ প্রীতাঃ প্রশশংসুর্নৃপাত্মজৌ ॥ 3 ॥
অদ্যপ্রভৃতি ষড্রাত্রং রক্ষতং রাঘবৌ যুবাম্ ।
দীক্ষাং গতো হ্য়েষ মুনির্মৌনিত্বং চ গমিষ্যতি ॥ 4 ॥
তৌ তু তদ্বচনং শ্রুত্বা রাজপুত্রৌ যশস্বিনৌ ।
অনিদ্রৌ ষডহোরাত্রং তপোবনমরক্ষতাম্ ॥ 5 ॥
উপাসাংচক্রতুর্বীরৌ যত্তৌ পরমধন্বিনৌ ।
ররক্ষতুর্মুনিবরং বিশ্বামিত্রমরিংদমৌ ॥ 6 ॥
অথ কালে গতে তস্মিন্ ষষ্ঠেঽহনি সমাগতে ।
সৌমিত্রিমব্রবীদ্রামো যত্তো ভব সমাহিতঃ ॥ 7 ॥
রামস্য়ৈবং ব্রুবাণস্য় ত্বরিতস্য় যুয়ুত্সয়া ।
প্রজজ্বাল ততো বেদিস্সোপাধ্য়াযপুরোহিতা ॥ 8 ॥
সদর্ভচমসস্রুক্কা সসমিত্কুসুমোচ্চয়া ।
বিশ্বামিত্রেণ সহিতা বেদির্জজ্বাল সর্ত্বিজা ॥ 9 ॥
মংত্রবচ্চ যথান্য়ায়ং যজ্ঞোঽসৌ সংপ্রবর্ততে ।
আকাশে চ মহান্ শব্দঃ প্রাদুরাসীদ্ভয়ানকঃ ॥ 10 ॥
আবার্য় গগনং মেঘো যথা প্রাবৃষি নির্গতঃ ।
তথামায়াং বিকুর্বাণৌ রাক্ষসাবভ্যধাবতাম্ ॥ 11 ॥
মারীচশ্চ সুবাহুশ্চ তয়োরনুচরাশ্চ যে ।
আগম্য় ভীমসংকাশা রুধিরৌঘমবাসৃজন্ ॥ 12 ॥
সা তেন রুধিরৌঘেণ বেদির্জজ্বাল মংডিতা ।
সহসাঽভিদ্রুতো রামস্তানপশ্য় ত্ততো দিবি ॥ 13 ॥
তাবাপতংতৌ সহসা দৃষ্ট্বা রাজীবলোচনঃ ।
লক্ষ্মণং ত্বভিসংপ্রেক্ষ্য় রামো বচনমব্রবীত্ ॥ 14 ॥
পশ্য় লক্ষ্মণ দুর্বৃত্তান্ রাক্ষসান্ পিশিতাশনান্ ।
মানবাস্ত্রসমাধূতাননিলেন যথা ঘনান্ ॥ 15 ॥
মানবং পরমোদারমস্ত্রং পরমভাস্বরম্ ।
চিক্ষেপ পরমক্রুদ্ধো মারীচোরসি রাঘবঃ ॥ 16 ॥
স তেন পরমাস্ত্রেণ মানবেন সমাহিতঃ ।
সংপূর্ণং যোজনশতং ক্ষিপ্তস্সাগরসংপ্লবে ॥ 17 ॥
বিচেতনং বিঘূর্ণংতং শীতেষু বলতাডিতম্ ।
নিরস্তং দৃশ্য় মারীচং রামো লক্ষ্মণমব্রবীত্ ॥ 18 ॥
পশ্য় লক্ষ্মণ শীতেষুং মানবং ধর্মসংহিতম্ ।
মোহয়িত্বা নযত্য়েনং ন চ প্রাণৈর্ব্যয়ুজ্যত ॥ 19 ॥
ইমানপি বধিষ্য়ামি নির্ঘৃণান্ দুষ্টচারিণঃ ।
রাক্ষসান্ পাপকর্মস্থান্ যজ্ঞঘ্নান্ রুধিরাশনান্ ॥ 20 ॥
সংগৃহ্য়াস্ত্রং ততো রামো দিব্যমাগ্নেযমদ্ভুতম্ ।
সুবাহূরসি চিক্ষেপ সবিদ্ধঃ প্রাপতদ্ভুবি ॥ 21 ॥
শেষান্ বাযব্যমাদায় নিজঘান মহাযশাঃ ।
রাঘবঃ পরমোদারো মুনীনাং মুদমাবহন্ ॥ 22 ॥
স হত্বা রাক্ষসান্ সর্বান্ যজ্ঞঘ্নান্ রঘুনংদনঃ ।
ঋষিভিঃ পূজিতস্তত্র যথেংদ্রো বিজয়ে পুরা ॥ 23 ॥
অথ যজ্ঞে সমাপ্তে তু বিশ্বামিত্রো মহামুনিঃ ।
নিরীতিকা দিশো দৃষ্টবা কাকুত্স্থমিদমব্রবীত্ ॥ 24 ॥
কৃতার্থোঽস্মি মহাবাহো কৃতং গুরুবচস্ত্বয়া ।
সিদ্ধাশ্রমমিদং সত্য়ং কৃতং রাম মহাযশঃ ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ত্রিংশস্সর্গঃ ॥
