শ্রীমদ্বাল্মীকীয় রামাযণে যুদ্ধকাংডম্ ।
অথ দ্বিচত্বারিংশস্সর্গঃ ।
ততস্তেরাক্ষসাস্তত্রগত্বারাবণমংদিরম্ ।
ন্যবেদযন্পুরীংরুদ্ধাংরামেণসহবানরৈঃ ॥ 1 ॥
রুদ্ধাংতুনগরীংশ্রুত্বাজাতক্রোধোনিশাচরঃ ।
বিধানংদ্বিগুণংশ্রুত্বাপ্রাসাদংসোঽধ্যরোহত ॥ 2 ॥
সদদর্শাবৃতাংলংকাংসশৈলবনকাননাম্ ।
অসংখ্য়েয়ৈর্হরিগণৈঃসর্বতোয়ুদ্ধকাংক্ষিভিঃ ॥ 3 ॥
সদৃষ্ট্বাবানরৈঃসর্বাংবসুধাংকবলীকৃতাম্ ।
কথংক্ষপয়িতব্য়াঃস্য়ুরিতিচিংতাপরোঽভবত্ ॥ 4 ॥
সচিংতয়িত্বাসুচিরংধৈর্যমালংব্যরাবণঃ ।
রাঘবংহরিয়ূথাংশ্চদদর্শাযতলোচনঃ ॥ 5 ॥
রাঘবঃসহসৈন্য়েনমুদিতোনামপুপ্লুবে ।
লংকাংদদর্শগুপ্তাংবৈসর্বতোরাক্ষসৈর্বৃতাম্ ॥ 6 ॥
দৃষ্ট্বাদাশরথির্লংকাংচিত্রধ্বজপতাকিনীম্ ।
জগামসহসাসীতাংদূযমানেনচেতসা ॥ 7 ॥
অত্রসামৃগশাবাক্ষীমত্কৃতেজনকাত্মজা ।
পীড্যতেশোকসংতপ্তাকৃশাস্থংডিলশায়িনী ॥ 8 ॥
পীড্যমানাংসধর্মাত্মাবৈদেহীমনুচিংতযন্ ।
ক্ষিপ্রমাজ্ঞাপয়ামাসবানরাংদ্বিষতাংবধে ॥ 9 ॥
এবমুক্তেতুবচনেরামেণাক্লিষ্টকর্মণা ।
সংঘর্ষমাণাঃপ্লবগাঃসিম্হনাদৈরনাদযন্ ॥ 10 ॥
শিখরৈর্বিকিরামৈনাংলংকাংমুষ্টিভিরেববা ।
ইতিস্মদধিরেসর্বেমনাংসিহরিয়ূথপাঃ ॥ 11 ॥
উদ্যম্যগিরিশৃংগাণিশিখরাণিমহাংতিচ ।
তরূংশ্চোত্পাট্যবিবিধাংস্তিষ্ঠংতিহরিয়ূথপাঃ ॥ 12 ॥
প্রেক্ষতোরাক্ষসেংদ্রস্যতান্যনীকানিভাগশঃ ।
রাঘবপ্রিযকামার্থংলংকামারুরুহুস্তদা ॥ 13 ॥
তেতাম্রবক্ত্রাহেমাভারামার্থেত্যক্তজীবিতাঃ ।
লংকামেবাভ্যবর্তংতসালতালশিলায়ুধাঃ ॥ 14 ॥
তেদ্রুমৈঃপর্বতাগ্রৈশ্চমুষ্টিভিশ্চপ্লবংগমাঃ ।
প্রাকারাগ্রাণ্যরণ্য়ানিমমংথুস্তোরণানিচ ॥ 15 ॥
পারিখাঃপূরয়ংতিস্মপ্রসন্নসলিলায়ুতাঃ ।
পাংসুভিঃপর্বতাগ্রৈশ্চতৃণৈঃকাষ্ঠৈশ্চবানরাঃ ॥ 16 ॥
ততঃসহস্রয়ূথাশ্চকোটীয়ূথাশ্চবানরাঃ ।
কোটীশতয়ুতাশ্চান্য়েলংকামারুরুহুস্তদা ॥ 17 ॥
কাংচনানিপ্রমৃদ্নংতস্তোরণানিপ্লবংগমাঃ ।
কৈলাসশিখরাভানিগোপুরাণিপ্রমথ্যচ ॥ 18 ॥
আপ্লবংতঃপ্লবংতশ্চগর্জংতশ্চপ্লবংগমাঃ ।
লংকাংতামভিধাবংতিমহাবারণসংনিভাঃ ॥ 19 ॥
জযত্যতিবলোরামোলক্ষ্মণশ্চমহাবলঃ ।
রাজাজযতিসুগ্রীবোরাঘবেণাভিপালিতঃ ॥ 20 ॥
ইত্য়েবংঘোষয়ংতশ্চগর্জংতশ্চপ্লবংগমাঃ ।
অভ্যধাবংতলংকায়াঃপ্রাকারংকামরূপিণঃ ॥ 21 ॥
বীরবাহুঃসুবাহুশ্চনলশ্চবনগোচরঃ ।
নিপীড্য়োপনিবিষ্টাস্তেপ্রাকারংহরিয়ূথপাঃ ।
এতস্মিন্নংতরেচক্রুঃস্কংধাবারনিবেশনম্ ॥ 22 ॥
পূর্বদ্বারংতুকুমুদঃকোটীভির্দশভির্বৃতঃ ।
আবৃত্যবলবাংস্তস্থৌহরিভির্জিতকাশিভিঃ ॥ 23 ॥
সাহায়্য়ার্থংতুতস্য়ৈবনিবিষ্টঃপ্রঘসোহরিঃ ।
পনসশ্চমহাবাহুর্বানরৈর্বহুভির্বৃতঃ ॥ 24 ॥
দক্ষিণংদ্বারমাগম্যবীরঃশতবলিঃকপিঃ ।
আবৃত্যবলবাংস্তস্থৌবিংশত্য়াকোটিভির্বৃতঃ ॥ 25 ॥
সুষেণঃপশ্চিমদ্বারংগতস্তারাপিতাহরিঃ ।
আবৃত্যবলবাংস্তস্থৌষষ্টিকোটিভিরাবৃতঃ ॥ 26 ॥
উত্তরংদ্বারমাসাদ্যরামঃসৌমিত্রিণাসহ ।
আবৃত্যবলবাংস্তস্থৌসুগ্রীবশ্চহরীশ্বরঃ ॥ 27 ॥
গোলাংগূলোমহাকায়োগবাক্ষোভীমদর্শনঃ ।
বৃতঃকোট্য়ামহাবীর্যস্তস্থৌরামস্যপার্শ্বতঃ ॥ 28 ॥
ঋক্ষাণাংভীমবেগানাংধূম্রঃশত্রুনিবর্হণঃ ।
বৃতঃকোট্য়ামহাবীর্যস্তস্থৌরামস্যপার্শ্বতঃ ॥ 29 ॥
সন্নদ্ধস্তুমহাবীর্য়োগদাপাণির্বিভীষণঃ ।
বৃতোযস্তৈস্তুসচিবৈস্তস্থৌতত্রমহাবলঃ ॥ 30 ॥
গজোগবাক্ষোগবয়ঃশরভোগংধমাদনঃ ।
সমংতাত্পরিধাবংতোররক্ষুর্হরিবাহিনীম্ ॥ 31 ॥
ততঃকোপপরীতাত্মারাবণোরাক্ষসেশ্বরঃ ।
নির্য়াণংসর্বসৈন্য়ানাংদ্রুতমাজ্ঞাপযত্তদা ॥ 32 ॥
এতচ্ছ্রুত্বাততোবাক্য়ংরাবণস্যমুখোদ্গতম্ ।
সহসাভীমনির্ঘোষমুদ্ঘুষ্টংরজনীচরৈঃ ॥ 33 ॥
ততঃপ্রচোদিতাভের্যশ্চংদ্রপাংডরপুষ্করাঃ ।
হেমকোণাহতাভীমারাক্ষসানাংসমংততঃ ॥ 34 ॥
বিনেদুশ্চমহাঘোষাঃশংখাঃশতসহস্রশঃ ।
রাক্ষসানাংসুঘোরাণাংমুখমারুতপূরিতাঃ ॥ 35 ॥
তেবভুঃশুভনীলাংগাঃসশংখারজনীচরাঃ ।
বিদ্য়ুন্মংডলসন্নদ্ধাঃসবলাকাইবাংবুদাঃ ॥ 36 ॥
নিষ্পতংতিততঃসৈন্য়াহৃষ্টারাবণচোদিতাঃ ।
সময়েপূর্যমাণস্যবেগাইবমহোদধেঃ ॥ 37 ॥
ততোবানরসৈন্য়েনমুক্তোনাদঃসমংততঃ ।
মলয়ঃপূরিতোয়েনসসানুপ্রস্থকংদরঃ ॥ 38 ॥
শংখদুংদুভিসংঘুষ্টঃসিম্হনাদস্তরস্বিনাম্ ।
পৃথিবীংচাংতরিক্ষংচসাগরংচৈবনাদযন্ ॥ 39 ॥
গজানাংবৃংহিতৈঃসার্ধংহয়ানাংহেষিতৈরপি ।
রথানাংনেমিঘোষৈশ্চরক্ষসাম্বদনস্বনঃ ॥ 40 ॥
এতস্মিন্নংতরেঘোরঃসংগ্রামঃসমবর্তত ।
রক্ষসাংবানরাণাংচযথাদেবাসুরেপুরা ॥ 41 ॥
তেগদাভিঃপ্রদীপ্তাভিঃশক্তিশূলপরশ্বধৈঃ ।
নিজঘ্নুর্বানরান্ঘোরাঃকথয়ংতঃস্ববিক্রমান্ ॥ 42 ॥
রাজন্ জয় জয়েত্য়ুক্ত্বা স্বস্বনামকথাং ততঃ ।
রাক্ষসাস্ত্বপরে ভীমাঃ প্রাকারস্থামহীং গতান্ ॥ 43 ॥
তথাবৃক্ষৈর্মহাকায়াঃপর্বতাগ্রৈশ্চবানরাঃ ।
নিজঘ্নুস্তানিরক্ষাংসিনখৈর্দংতৈশ্চবেগিতাঃ ॥ 44 ॥
রাক্ষসাস্ত্বপরেভীমাঃপ্রাকারস্থামহীগতান্ ।
ভিংদিপালৈশ্চখড্গৈশ্চশূলৈশ্চৈবব্যদারযন্ ॥ 45 ॥
বানরাশ্চাপিসংক্রুদ্ধাঃপ্রাকারস্থান্মহীগতাঃ ।
রাক্ষসান্পাতয়ামাসুঃসমাপ্লুত্যপ্লবংগমাঃ ॥ 46 ॥
সসংপ্রহারস্তুমুলোমাংসশোণিতকর্দমঃ ।
রক্ষসাংবানরাণাংচসংবভূবাদ্ভুতোপমাঃ ॥ 47 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে দ্বিচত্বারিংশস্সর্গঃ ॥
