শ্রীমদ্বাল্মীকীয় রামাযণে সুংদরকাংডম্ ।
অথ একোনষষ্টিতমস্সর্গঃ ।
এতদাখ্য়ায় তত্সর্বং হনুমান্মারুতাত্মজঃ ।
ভূযস্সমুপচক্রাম বচনং বক্তুমুত্তরম্ ॥ 1 ॥
সফলো রাঘবোদ্য়োগ স্সুগ্রীবস্য় চ সংভ্রমঃ ।
শীলমাসাদ্য় সীতায়া মম চ প্রবণং মনঃ ॥ 2 ॥
তপসা নির্দহেল্লোকান্ক্রুদ্ধো বা নির্দহেদপি ।
সর্বধাতিপ্রবৃদ্ধোঽসৌ রাবণো রাক্ষসাধিপঃ ॥ 3 ॥
তস্য় তাং স্পৃশতো গাত্রং তপসা ন বিনাশিতম্ ।
ন তদগ্নিশিখা কুর্য়াত্সংস্পৃষ্টা পাণিনা সতী ॥ 4 ॥
জনকস্য়াত্মজা কুর্য়াদ্যত্ক্রোধকলুষীকৃতা ।
জাংববত্প্রমুখান্ সর্বাননুজ্ঞাপ্য় মহাহরীন্ ॥ 5 ॥
অস্মিন্নেবং গতে কার্য়ে ভবতাং চ নিবেদিতে ।
ন্য়ায়্য়ং স্ম সহ বৈদেহ্য়া দ্রষ্টুং তৌ পার্থিবাত্মজৌ ॥ 6 ॥
অহমেকোঽপি পর্য়াপ্তস্সরাক্ষসগণাং পুরীম্ ।
তাং লংকাং তরসা হংতুং রাবণং চ মহাবলম্ ॥ 7 ॥
কিং পুন স্সহিতো বীরৈর্বলবদ্ভিঃ কৃতাত্মভিঃ ।
কৃতাস্ত্রৈঃ প্লবগৈশ্শূরৈর্ভবদ্ভিবিজয়ৈষিভিঃ ॥ 8 ॥
অহং তু রাবণং যুদ্ধে সসৈন্য়ং সপুরস্সরম্ ।
সহপুত্ত্রং বধিষ্য়ামি সহোদরয়ুতং যুধি ॥ 9 ॥
ব্রাহ্মমৈংদ্রং চ রৌদ্রং চ বাযব্য়ং বারণং তথা ।
যদি শক্রজিতোঽস্ত্রাণি দুর্নিরীক্ষাণি সংয়ুগে ॥ 10 ॥
তান্যহং বধিষ্য়ামি হনিষ্য়ামি চ রাক্ষসান্ ।
ভবতামভ্যনুজ্ঞাতো বিক্রমো মে রুণদ্ধি তম্ ॥ 11 ॥
ময়াতুলা বিসৃষ্টা হি শৈলবৃষ্টির্নিরংতরা ।
দেবানপি রণে হন্য়াত্কিং পুনস্তান্নিশাচরান্ ॥ 12 ॥
সাগরোঽপ্যতিয়াদ্বেলাং মংদরঃ প্রচলেদপি ।
ন জাংববংতং সমরে কংপয়েদরিবাহিনী ॥ 13 ॥
সর্বরাক্ষসসংঘানাং রাক্ষসা যে চ পূর্বকাঃ ।
অলমেকো বিনাশায় বীরো বালিসুতঃ কপিঃ ॥ 14 ॥
পনসস্য়োরুবেগেন নীলস্য় চ মহাত্মনঃ ।
মংদরোঽপ্যবশীর্য়েত কিংপুনর্য়ুধি রাক্ষসাঃ ॥ 15 ॥
সদেবাসুরযক্ষেষু গংধর্বোরগপক্ষিষু ।
মৈংদস্য় প্রতিয়োদ্ধারং শংসত দ্বিবিদস্য় বা ॥ 16 ॥
অশ্বিপুত্রৌ মহাভাগাবেতৌ প্লবগসত্তমৌ ।
এতয়োঃ প্রতিয়োদ্দারং ন পশ্য়ামি রণাজিরে ॥ 17 ॥
পিতামহবরোত্সেকাত্পরমং দর্পমাস্থিতৌ ।
অমৃতপ্রাশিনাবেতৌ সর্ববানরসত্তমৌ ॥ 18 ॥
অশ্বিনোর্মাননার্থং হি সর্বলোকপিতামহঃ ।
সর্বাবধ্যত্বমতুলমনয়োর্দত্তবান্পুরা ॥ 19 ॥
বরোত্সেকেন মত্তৌ চ প্রমথ্য় মহতীং চমূম্ ।
সুরাণামমৃতং বীরৌ পীতবংতৌ প্লবংগমৌ ॥ 20 ॥
এতাবেব হি সংকৃদ্ধৌ সবাজিরথকুংজরাম্ ।
লংকাং নাশয়িতুং শক্তৌ সর্বে তিষ্ঠংতু বানরাঃ ॥ 21 ॥
ময়ৈব নিহতা লংকা দগ্ধা ভস্মীকৃতা পুনঃ ।
রাজমার্গেষু সর্বত্র নাম বিশ্রাবিতং ময়া ॥ 22 ॥
জযত্যতিবলো রামো লক্ষ্মণশ্চ মহাবলঃ ।
রাজা জযতি সুগ্রীবো রাঘবেণাভিপালিতঃ ॥ 23 ॥
অহং কোসলরাজস্য় দাসঃ পবনসংভবঃ ।
হনুমানিতি সর্বত্র নাম বিশ্রাবিতং ময়া ॥ 24 ॥
অশোকবনিকামধ্য়ে রাবণস্য় দুরাত্মনঃ ।
অধ স্তাচ্ছিংশুপাবৃক্ষে সাধ্বী করুণমাস্থিতা ॥ 25 ॥
রাক্ষসীভিঃ পরিবৃতা শোকসংতাপকর্শিতা ।
মেঘলেখাপরিবৃতা চংদ্রলেখেব নিষ্প্রভা ॥ 26 ॥
অচিংতয়ংতী বৈদেহী রাবণং বলদর্পিতম্ ।
পতিব্রতা চ সুশ্রোণী অবষ্টব্ধা চ জানকী ॥ 27 ॥
অনুরক্তা হি বৈদেহী রামং সর্বাত্মনা শুভা ।
অনন্যচিত্তা রামে চ পৌলোমীব পুরংদরে ॥ 28 ॥
তদেকবাসস্সংবীতা রজোধ্বস্তা তথৈব চ ।
শোকসংতাপদীনাংগী সীতা ভর্তৃহিতে রতা ॥ 29 ॥
সা ময়া রাক্ষসীমধ্য়ে তর্জ্যমানা মুহুর্মুহুঃ ।
রাক্ষসীভির্বিরূপাভির্দৃষ্টা হি প্রমদাবনে ॥ 30 ॥
একবেণীধরা দীনা ভর্তৃচিংতাপরাযণা ।
অধশ্শয়্য়া বিবর্ণাংগী পদ্মিনীব হিমাগমে ॥ 31 ॥
রাবণাদ্বিনিবৃত্তার্থা মর্তব্যকৃতনিশ্চয়া ।
কথংচিন্মৃগশাবাক্ষী বিশ্বাসমুপপাদিতা ॥ 32 ॥
ততঃ সংভাষিতা চৈব সর্বমর্থং চ দর্শিতা ।
রামসুগ্রীবসখ্য়ং চ শ্রুত্বা প্রীতিমুপাগতা ॥ 33 ॥
নিযতস্সমুদাচারো ভক্তির্ভর্তরি চোত্তমা ।
যন্ন হংতি দশগ্রীবং সা মহাত্মা কৃতাগসম্ ॥ 34 ॥
নিমিত্তমাত্রং রামস্তু বধে তস্য় ভবিষ্যতি ।
সা প্রকৃত্য়ৈব তন্বংগী তদ্বিয়োগাচ্চ কর্শিতা ॥ 35 ॥
প্রতিপত্পাঠশীলস্য় বিদ্য়েব তনুমতাং গতা ।
এবমাস্তে মহাভাগা সীতা শোকপরাযণা ॥ 36 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে একোনষষ্টিতমস্সর্গঃ ॥
