শ্রীমদ্বাল্মীকীয় রামাযণে অয়োধ্য়াকাংডম্ ।
অথ একত্রিংশস্সর্গঃ ।
এবং শৃত্বা তু সংবাদং লক্ষ্মণঃ পূর্বমাগতঃ ।
বাষ্পপর্য়াকুলমুখঃ শোকং সোঢুমশক্নুবন্ ॥ 1 ॥
স ভ্রাতুশ্চরণৌ গাঢং নিপীড্য় রঘুনংদনঃ ।
সীতামুবাচাতিযশাং রাঘবং চ মহাব্রতম্ ॥ 2 ॥
এবং শৃত্বা তু সংবাদং লক্ষ্মণঃ পূর্বমাগতঃ ।
বাষ্পপর্য়াকুলমুখঃ শোকং সোঢুমশক্নুবন্ ॥ 3 ॥
স ভ্রাতুশ্চরণৌ গাঢং নিপীড্য় রঘুনংদনঃ ।
সীতামুবাচাতিযশাং রাঘবং চ মহাব্রতম্ ॥ 4 ॥
যদি গংতুং কৃতাবুদ্ধির্বনং মৃগগজায়ুতম্ ।
অহং ত্বানুগমিষ্য়ামি বনমগ্রে ধনুর্ধরঃ ॥ 5 ॥
ময়া সমেতোঽরণ্য়ানি বহূনি বিচরিষ্যসি ।
পক্ষিভির্মৃগয়ূথৈশ্চ সংঘুষ্টানি সমংততঃ ॥ 6 ॥
ন দেবলোকাক্রমণং নামরত্বমহং বৃণে ।
ঐশ্বর্য়ং বাপি লোকানাং কাময়ে ন ত্বয়া বিনা ॥ 7 ॥
এবং ব্রুবাণস্সৌমিত্রির্বনবাসায় নিশ্চিতঃ ।
রামেণ বহুভিস্সাংত্বৈর্নিষিধ্দঃ পুনরব্রবীত্ ॥ 8 ॥
অনুজ্ঞাতশ্চ ভবতা পূর্বমেব যদস্ম্যহম্ ।
কিমিদানীং পুনরিদং ক্রিযতে মন্নিবারণম্ ॥ 9 ॥
যদর্থং প্রতিষেধো মে ক্রিযতে গংতুমিচ্ছতঃ ।
এতদিচ্ছামি বিজ্ঞাতুং সংশয়ো হি মমানঘ ॥ 10 ॥
ততোঽব্রবীন্মহাতেজা রামো লক্ষ্মণমগ্রতঃ ।
স্থিতং প্রাগ্গামিনং বীরং যাচমানং কৃতাংজলিম্ ॥ 11 ॥
স্নিগ্ধো ধর্মরতো বীরস্সততং সত্পথে স্থিতঃ ।
প্রিয়ঃ প্রাণসমো বশ্য়ো ভ্রাতা চাপি সখা চ মে ॥ 12 ॥
ময়াঽদ্য় সহ সৌমিত্রে ত্বয়ি গচ্ছতি তদ্বনম্ ।
কো ভরিষ্যতি কৌসল্য়াং সুমিত্রাং বা যশস্বিনীম্ ॥ 13 ॥
অভিবর্ষতি কামৈর্য়ঃ পর্জন্য়ঃ পৃথিবীমিব ।
স কামপাশপর্যস্তো মহাতেজা মহীপতিঃ ॥ 14 ॥
সা হি রাজ্যমিদং প্রাপ্য় নৃপস্য়াশ্বপতে স্সুতা ।
দুঃখিতানাং সপত্নীনাং ন করিষ্যতি শোভনম্ ॥ 15 ॥
ন স্মরিষ্যতি কৌসল্য়াং সুমিত্রাং চ সুদুঃখিতাম্ ।
ভরতো রাজ্যমাসাদ্য় কৈকেয়্য়াং পর্যবস্থিতঃ ॥ 16 ॥
তামার্য়াং স্বযমেবেহ রাজানুগ্রহণেন বা ।
সৌমিত্রে ভর কৌশল্য়ামুক্তমর্থমিমং চর ॥ 17 ॥
এবং মম চ তে ভক্তির্ভবিষ্যতি সুদর্শিতা ।
ধর্মজ্ঞ গুরুপূজায়াং ধর্মশ্চাপ্যতুলো মহান্ ॥ 18 ॥
এবং কুরুষ্ব সৌমিত্রে মত্কৃতে রঘুনংদন ।
অস্মাভির্বিপ্রহীণায়া মাতুর্নো ন ভবেত্সুখম্ ॥ 19 ॥
এবমুক্তস্তু রামেণ লক্ষ্মণ শ্শ্লক্ষ্ণয়া গিরা ।
প্রত্য়ুবাচ তদা রামং বাক্যজ্ঞো বাক্যকোবিদম্ ॥ 20 ॥
তবৈব তেজসা বীর ভরতঃ পূজয়িষ্যতি ।
কৌসল্য়াং চ সুমিত্রাং চ প্রযতো নাত্র সংশয়ঃ ॥ 21 ॥
কৌশল্য়া বিভৃয়াদার্য়া সহস্রমপি মদ্বিধান্ ।
যস্য়াস্সহস্রং গ্রামাণাং সংপ্রাপ্ত মুপজীবনম্ ॥ 22 ॥
তদাত্মভরণে চৈব মম মাতুস্তথৈব চ ।
পর্য়াপ্তা মদ্বিধানাং চ ভরণায় যশস্বিনী ॥ 23 ॥
কুরুষ্ব মামনুচরং বৈধর্ম্য়ং নেহ বিদ্যতে ।
কৃতার্থোঽহং ভবিষ্য়ামি তব চার্থঃ প্রকল্পতে ॥ 24 ॥
ধনুরাদায় সশরং খনিত্রপিটকাধরঃ ।
অগ্রতস্তে গমিষ্য়ামি পংথানমনুদর্শযন্ ॥ 25 ॥
আহরিষ্য়ামি তে নিত্য়ং মূলানি চ ফলানি চ ।
বন্য়ানি যানি চান্য়ানি স্বাহারাণি তপস্বিনাম্ ॥ 26 ॥
ভবাংস্তু সহ বৈদেহ্য়া গিরিসানুষু রংস্যতে ।
অহং সর্বং করিষ্য়ামি জাগ্রত স্স্বপতশ্চ তে ॥ 27 ॥
রামস্ত্বনেন বাক্য়েন সুপ্রীতঃ প্রত্য়ুবাচ তম্ ।
ব্রজাপৃচ্ছস্ব সৌমিত্রে সর্বমেব সুহৃজ্জনম্ ॥ 28 ॥
যে চ রাজ্ঞো দদৌ দিব্য়ে মহাত্মা বরুণ স্স্বযম্ ।
জনকস্য় মহাযজ্ঞে ধনুষী রৌদ্রদর্শনে ॥ 29 ॥
অভেদ্যকবচে দিব্য়ে তূণী চাক্ষযসাযকৌ ।
আদিত্যবিমলৌ চোভৌ খড্গৌ হেমপরিষ্কৃতৌ ॥ 30 ॥
সত্কৃত্য় নিহিতং সর্বমেতদাচার্যসদ্মনি ।
সর্বমায়ুধমাদায় ক্ষিপ্রমাব্রজ লক্ষ্মণ ॥ 31 ॥
স সুহৃজ্জনমামংত্র্যবনবাসায় নিশ্চিতঃ ।
ইক্ষ্বাকুগুরুমাগম্য় জগ্রাহায়ুধমুত্তমম্ ॥ 32 ॥
তদ্ধিব্য়ং রাজশার্দূল সত্কৃতং মাল্যভূষিতম্ ।
রামায় দর্শয়ামাস সৌমিত্রিস্সর্বমায়ুধম্ ॥ 33 ॥
তমুবাচাত্মবান্ রামঃ প্রীত্য়া লক্ষ্মণমাগতম্ ।
কালে ত্বমাগত সৌম্য় কাংক্ষিতে মম লক্ষ্মণ ॥ 34 ॥
অহং প্রদাতুমিচ্ছামি যদিদং মামকং ধনম্ ।
ব্রাহ্মণেভ্যস্তপস্বিভ্যস্ত্বয়া সহ পরংতপ ॥ 35 ॥
বসংতীহ দৃঢং ভক্ত্য়া গুরুষু দ্বিজসত্তমাঃ ।
তেষামপি চ মে ভূযস্সর্বেষাংচোপজীবিনাম্ ॥ 36 ॥
বশিষ্ঠপুত্রং তু সুযজ্ঞমার্য়ং ত্বমানয়াশু প্রবরং দ্বিজানাম্ ।
অভিপ্রয়াস্য়ামি বনং সমস্তা নভ্যর্চ্য় শিষ্টানপরান্ দ্বিজাতীন্ ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একত্রিংশস্সর্গঃ ॥
