শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচষষ্টিতমস্সর্গঃ ।
অথ রাত্র্য়াং ব্যতীতায়াং প্রাতরেবাপরেঽহনি ।
বংদিনঃ পর্য়ুপাতিষ্ঠংস্তত্পার্থিব নিবেশনম্ ॥ 1 ॥
সূতাঃ পরমসংস্কারা মংগলাশ্চোত্তমশ্রুতাঃ ।
গাযকাঃ স্তুতিশীলাশ্চ নিগদংতঃ পৃথক্ পৃথক্ ॥ 2 ॥
অথ রাত্র্য়াং ব্যতীতায়াং প্রাতরেবাপরেঽহনি ।
বংদিনঃ পর্য়ুপাতিষ্ঠংস্তত্পার্থিব নিবেশনম্ ॥ 3 ॥
সূতাঃ পরমসংস্কারা মংগলাশ্চোত্তমশ্রুতাঃ ।
গাযকাঃ স্তুতিশীলাশ্চ নিগদংতঃ পৃথক্ পৃথক্ ॥ 4 ॥
রাজানং স্তুবতাং তেষামুদাত্তাভিহিতাশিষাম্ ।
প্রাসাদাঽভোগবিস্তীর্ণঃ স্তুতিশব্দোহ্যবর্তত ॥ 5 ॥
ততস্তু স্তুবতাং তেষাং সূতানাং পাণিবাদকাঃ ।
অপদানান্য়ুদাহৃত্য় পাণিবাদা নবাদযন্ ॥ 6 ॥
তেন শব্দেন বিহগাঃ প্রতিবুদ্ধা বিসস্বনুঃ ।
শাখাস্থাঃ পংজরস্থাশ্চ যে রাজকুলগোচরাঃ ॥ 7 ॥
ব্য়াহৃতাঃ পুণ্যশব্দাশ্চ বীণানাং চাপি নিস্স্বনাঃ ।
আশীর্গেয়ং চ গাথানাং পূরয়ামাস বেশ্ম তত্ ॥ 8 ॥
তত শ্শুচিসমাচারাঃ পর্য়ুপস্থানকোবিদাঃ ।
স্ত্রীবর্ষ ধরভূয়িষ্ঠা উপতস্থুর্যথাপুরম্ ॥ 9 ॥
হরিচংদনসংপৃক্তমুদকং কাংচনৈর্ঘটৈঃ ।
আনিন্য়ুস্স্নানশিক্ষাজ্ঞা যথাকালং যথাবিধি ॥ 10 ॥
মংগলালংভনীয়ানি প্রাশনীয়ান্য়ুপস্করান্ ।
উপনিন্য়ুস্তথাপ্যন্য়াঃ কুমারীবহুলাঃ স্ত্রিয়ঃ ॥ 11 ॥
সর্বলক্ষণসংপন্নং সর্বং বিধিবদর্চিতম্ ।
সর্বং সুগুণলক্ষ্মীবত্তদ্বভূবাভিহারিকম্ ॥ 12 ॥
তত স্সূর্য়োদয়ং যাবত্সর্বং পরিসমুত্সুকম্ ।
তস্থাবনুপসংপ্রাপ্তং কিংস্বিদিত্য়ুপশংকিতম্ ॥ 13 ॥
অথ যাঃ কোসলেংদ্রস্য় শযনং প্রত্যনংতরাঃ ।
তাঃ স্ত্রিযস্তু সমাগম্য় ভর্তারং প্রত্যবোধযন্ ॥ 14 ॥
তথাপ্য়ুচিতবৃত্তা স্তা বিনয়েন নয়েন চ ।
নহ্যস্য় শযনং স্পৃষ্ট্বা কিংচিদপ্য়ুপলেভিরে ॥ 15 ॥
তাঃ স্ত্রিযস্স্বপ্নশীলজ্ঞাশ্চেষ্টাসংচলনাদিষু তা বেপথুপরীতাশ্চ রাজ্ঞঃ প্রাণেষু শংকিতাঃ ।
প্রতিস্রোতস্তৃণাগ্রাণাং সদৃশং সংচকাশিরে ॥ 16 ॥
অথ সংদেহমানানাং স্ত্রীণাং দৃষ্ট্বা চ পার্থিবম্ ।
যত্তদাশংকিতং পাপং তস্য় জজ্ঞে বিনিশ্চয়ঃ ॥ 17 ॥
কৌসল্য়া চ সুমত্রচ পুত্রশোকপরাজিতে ।
প্রসুপ্তে ন প্রবুধ্য়েতে যথা কালসমন্বিতে ॥ 18 ॥
নিষ্প্রভা চ বিবর্ণা চ সন্না শোকেন সন্নতা ।
ন ব্যরাজত কৌসল্য়া তারেব তিমিরাবৃতা ॥ 19 ॥
কৌসল্য়াঽনংতরং রাজ্ঞস্সুমিত্রা তদংতনরম্ ।
ন স্ম বিভ্রাজতে দেবী শোকাশ্রুলুলিতাননা ॥ 20 ॥
তে চ দৃষ্ট্বা তথা সুপ্তে শুভে দেব্য়ৌ চ তং নৃপম্ ।
সুপ্তমেবোদ্গতপ্রাণমংতঃপুরমদৃশ্যত ॥ 21 ॥
ততঃ প্রচুক্রুশুর্দীনা স্সস্বরং তা বরাংগনাঃ ।
করেণব ইবারণ্য়ে স্থানপ্রচ্য়ুতয়ূথপাঃ ॥ 22 ॥
তাসামাক্রংদশব্দেন সহসোদ্ধতচেতনে ।
কৌসল্য়া চ সুমিত্রা চ ত্যক্ত নিদ্রে বভূবতুঃ ॥ 23 ॥
কৌসল্য়া চ সুমিত্রা চ দৃষ্ট্বা স্পৃষ্ট্বা চ পার্থিবম্ ।
হা নাথেতি পরিক্রুশ্য় পেততুর্ধরণীতলে ॥ 24 ॥
সা কোসলেংদ্রদুহিতা বেষ্টমানা মহীতলে ।
ন বভ্রাজ রজোধ্বস্তা তারেব গগনাচ্চ্য়ুতা ॥ 25 ॥
নৃপে শাংতগুণে জাতে কৌসল্য়াং পতিতাং ভুবি ।
অপশ্য়ংস্তাঃ স্ত্রিয়ঃ সর্বা হতাং নাগবধূমিব ॥ 26 ॥
ততস্সর্বা নরেংদ্রস্য় কৈকেয়ীপ্রমুখাঃ স্ত্রিয়ঃ ।
রুদংত্য় শ্শোকসংতপ্তা নিপেতুর্গতচেতনাঃ ॥ 27 ॥
তাভিস্স বলবান্নাদঃ ক্রোশংতীভিরনুদ্রুতঃ ।
যেন স্ফীতীকৃতং ভূযস্তদ্গৃহং সমনাদযত্ ॥ 28 ॥
তত্ পরিত্রস্তংত্রসংভ্রাংত পর্য়ুত্সুকজনাকুলম্ ।
সর্বতস্তুমুলাক্রংদং পরিতাপার্তবাংধবম্ ॥ 29 ॥
সদ্য়ো নিপতিতানংদং দীনবিক্লবদর্শনম্ ।
বভূব নরদেবস্য় সদ্ম দিষ্টাংতমীয়ুষঃ ॥ 30 ॥
অতীতমাজ্ঞায় তু পার্থিবর্ষভং যশস্বিনং সংপরিবার্য় পত্নয়ঃ ।
ভৃশং রুদংত্য়ঃ করুণং সুদুঃখিতাঃ প্রগৃহ্য় বাহূ ব্যলপন্ননাথবত্ ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচষষ্টিতমস্সর্গঃ ॥
