শ্রীমদ্বাল্মীকীয় রামাযণে বালকাংডম্ ।
অথ একোনসপ্ততিতমস্সর্গঃ ।
ততো রাত্র্য়াং ব্যতীতায়াং সোপাধ্য়ায়ঃ সবাংধবঃ ।
রাজা দশরথো হৃষ্ট স্সুমংত্রমিদমব্রবীত্ ॥ 1 ॥
অদ্য় সর্বে ধনাধ্যক্ষা ধনমাদায় পুষ্কলম্ ।
ব্রজংত্বগ্রে সুবিহিতা নানারত্নসমন্বিতাঃ ॥ 2 ॥
চতুরংগবলং চাপি শীঘ্রং নির্য়াতু সর্বশঃ ।
মমজ্ঞাসমকালং চ যানয়ুগ্যমনুত্তমম্ ॥ 3 ॥
বসিষ্ঠো বামদেবশ্চ জাবালিরথ কাশ্যপঃ ।
মার্কংডেযশ্চ দীর্ঘায়ুঃঋষিঃ কাত্য়াযনস্তথা ॥ 4 ॥
এতে দ্বিজাঃ প্রয়াংত্বগ্রে স্য়ংদনং যোজযস্ব মে ।
যথা কালাত্যয়ো ন স্য়া দ্দূতা হি ত্বরয়ংতি মাম্ ॥ 5 ॥
বচনাত্তু নরেংদ্রস্য় সা সেনা চতুরংগিণী ।
রাজানমৃষিভি স্সার্ধং ব্রজংতং পৃষ্ঠতোঽন্বগাত্ ॥ 6 ॥
গত্বা চতুরহং মার্গং বিদেহানভ্য়ুপেয়িবান্ ।
রাজা তু জনক শ্শ্রীমান্ শ্শ্রুত্বা পূজামকল্পযত্ ॥ 7 ॥
ততো রাজানমাসাদ্য় বৃদ্ধং দশরথং নৃপম্ ।
জনকো মুদিতো রাজা হর্ষং চ পরমং যয়ৌ ॥ 8 ॥
উবাচ চ নরশ্রেষ্ঠো নরশ্রেষ্ঠং মুদাঽন্বিতঃ ।
স্বাগতং তে মহারাজ দিষ্ট্য়া প্রাপ্তোঽসি রাঘব ॥ 9 ॥
পুত্রয়োরুভয়োঃ প্রীতিং লপ্স্যসে বীর্যনির্জিতাম্ ।
দিষ্ট্য়া প্রাপ্তো মহাতেজা বসিষ্ঠো ভগবানৃষিঃ ॥ 10 ॥
সহ সর্বৈর্দ্বিজশ্রেষ্ঠৈর্দেবৈরিব শতক্রতুঃ ।
দিষ্ট্য়া মে নির্জিতা বিঘ্না দিষ্ট্য়া মে পূজিতং কুলম্ ॥ 11 ॥
রাঘবৈ স্সহ সংবংধাদ্বীর্যশ্রেষ্ঠৈর্মহাত্মভিঃ ।
শ্বঃ প্রভাতে নরেংদ্রেংদ্র নির্বর্তয়িতুমর্হসি ॥ 12 ॥
যজ্ঞস্য়াংতে নরশ্রেষ্ঠ বিবাহমৃষিসম্মতম্ ।
তস্য় তদ্বচনং শ্রুত্বা ঋষিমধ্য়ে নরাধিপঃ ॥ 13 ॥
বাক্য়ং বাক্যবিদাং শ্রেষ্ঠঃ প্রত্য়ুবাচ মহীপতিম্ ।
প্রতিগ্রহো দাতৃবশ শ্শ্রৃতমেতন্ময়া পুরা ॥ 14 ॥
যথা বক্ষ্যসি ধর্মজ্ঞ তত্করিষ্য়ামহে বযম্ ।
ধর্মিষ্ঠং চ যশস্য়ং চ বচনং সত্যবাদিনঃ ॥ 15 ॥
শ্রুত্বা বিদেহাধিপতিঃ পরং বিস্মযমাগতঃ ।
তত স্সর্বে মুনিগণাঃ পরস্পরসমাগমে ॥ 16 ॥
হর্ষেণ মহতা যুক্তাস্তাং নিশামবসন্ সুখম্ ।
রাজা চ রাঘবৌ পুত্রৌ নিশাম্য় পরিহর্ষিতঃ ॥ 17 ॥
উবাস পরমপ্রীতো জনকেন সুপূজিতঃ ।
জনকোঽপি মহাতেজাঃ ক্রিয়াং ধর্মেণ তত্ত্ববিত্ ॥ 18 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে একোনসপ্ততিতমস্সর্গঃ ॥
