শ্রীমদ্বাল্মীকীয় রামাযণে বালকাংডম্ ।
অথ সপ্তসপ্ততিতমস্সর্গঃ ।
গতে রামে প্রশাংতাত্মা রামো দাশরথির্ধনুঃ ।
বরুণায়াপ্রমেয়ায় দদৌ হস্তে সসাযকম্ ॥ 1 ॥
অভিবাদ্য় ততো রামো বসিষ্ঠপ্রমুখানৃষীন্ ।
পিতরং বিহ্বলং দৃষ্ট্বা প্রোবাচ রঘুনংদনঃ ॥ 2 ॥
জামদগ্ন্য়ো গতো রামঃ প্রয়াতু চতুরংগিণী ।
অয়োধ্য়াভিমুখী সেনা ত্বয়া নাথেন পালিতা ॥ 3 ॥
সংদিশস্ব মহারাজ সেনাং ত্বচ্ছাসনে স্থিতাম্ ।
শাসনং কাংক্ষতে সেনা চাতকালির্জলং যথা ॥ 4 ॥
রামস্য় বচনং শ্রুত্বা রাজা দশরথ স্সুতম্ ।
বাহুভ্য়াং সংপরিষ্বজ্য় মূর্ধ্নি চাঘ্রায় রাঘবম্ ॥ 5 ॥
গতো রাম ইতি শ্রুত্বা হৃষ্টঃ প্রমুদিতো নৃপঃ ।
পুনর্জাতং তদা মেনে পুত্রমাত্মানমেব চ ॥ 6 ॥
চোদয়ামাস তাং সেনাং জগামাশু ততঃ পুরীম্ ।
পতাকাধ্বজিনীং রম্য়াং তূর্য়োদ্ঘুষ্টনিনাদিতাম্ ॥ 7 ॥
সিক্তরাজ পথাং রম্য়াং প্রকীর্ণকুসুমোত্করাম্ ।
রাজপ্রবেশসুমুখৈঃ পৌরৈর্মংগলবাদিভিঃ ॥ 8 ॥
সংপূর্ণাং প্রাবিশদ্রাজা জনৌঘৈস্সমলংকৃতাম্ ।
পৌরৈঃ প্রত্য়ুদ্গতো দূরং দ্বিজৈশ্চ পুরবাসিভিঃ ।
পুত্রৈরনুগত শ্শ্রীমান্ শ্রীমদ্ভিশ্চ মহাযশাঃ ॥ 9 ॥
প্রবিবেশ গৃহং রাজা হিমবত্সদৃশং পুনঃ ।
ননংদ সজনো রাজা গৃহে কামৈ স্সুপূজিতঃ ॥ 10 ॥
কৌসল্য়া চ সুমিত্রা চ কৈকেয়ী চ সুমধ্যমা ।
বধূপ্রতিগ্রহে যুক্তা যাশ্চান্য়া রাজয়োষিতঃ ॥ 11 ॥
ততস্সীতাং মহাভাগামূর্মিলাং চ যশস্বিনীম্ ।
কুশধ্বজসুতে চোভে জগৃহুর্নৃপপত্নয়ঃ ॥ 12 ॥
মংগলালংভনৈশ্চাপি শোভিতাঃ ক্ষৌমবাসসঃ ।
দেবতাযতনান্য়াশু সর্বাস্তাঃ প্রত্যপূজযন্ ॥ 13 ॥
অভিবাদ্য়াভিবাদ্য়াংশ্চ সর্বা রাজসুতাস্তদা ।
স্বং স্বং গৃহমথাসাদ্য় কুবেরভবনোপমম্ ॥ 14 ॥
গোভির্ধনৈশ্চ ধান্য়ৈশ্চ তর্পয়িত্বা দ্বিজোত্তমান্ ।
রেমিরে মুদিতাঃ সর্বা ভর্তৃভিঃ সহিতা রহঃ ॥ 15 ॥
কুমারাশ্চ মহাত্মানো বীর্য়েণাপ্রতিমা ভুবি ।
কৃতদারাঃ কৃতাস্ত্রাশ্চ সধনাঃ সসুহৃজ্জনাঃ ॥ 16 ॥
শুশ্রূষমাণাঃ পিতরং বর্তয়ংতি নরর্ষভাঃ ।
কস্যচিত্ত্বথ কালস্য় রাজা দশরথঃ সুতম্ ॥ 17 ॥
ভরতং কৈকয়ীপুত্র মব্রবীদ্রঘুনংদনঃ ।
অয়ং কেকযরাজস্য় পুত্রো বসতি পুত্রক ॥ 18 ॥
ত্বাং নেতুমাগতো বীর যুধাজিন্মাতুলস্তব ।
প্রার্থিতস্তেন ধর্মজ্ঞ মিধিলায়ামহং তথা ॥ 19 ॥
ঋষিমধ্য়ে তু তস্য় ত্বং প্রীতিং কর্তুমিহার্হসি ।
শ্রুত্বা দশরথস্য়ৈতদ্ভরতঃ কৈকয়ীসুতঃ ॥ 20 ॥
অভিবাদ্য় গুরুং রামং পরিষ্বজ্য় চ লক্ষ্মণম্ ।
গমনায়াভিচক্রাম শত্রুঘ্নসহিতস্তদা ॥ 21 ॥
আপৃচ্ছ্য় পিতরং শূরো রামং চাক্লিষ্টকারিণম্ ।
মাতৃশ্চাপি নরশ্রেষ্ঠ শ্শত্রুঘ্নসহিতো যয়ৌ ॥ 22 ॥
গতে তু ভরতে রামো লক্ষ্মণশ্চ মহাবলঃ ।
পিতরং দেবসংংকাশং পূজয়ামাসতুস্তদা ॥ 23 ॥
পিতুরাজ্ঞাং পুরস্কৃত্য় পৌরকার্য়াণি সর্বশঃ ।
চকার রামো ধর্মাত্মা প্রিয়াণি চ হিতানি চ ॥ 24 ॥
মাতৃভ্য়ো মাতৃকার্য়াণি কৃত্বা পরময়ংত্রিতঃ ।
গুরূণাং গুরুকার্য়াণি কালে কালেঽন্ববৈক্ষত ॥ 25 ॥
এবং দশরথঃ প্রীতো ব্রাহ্মণা নৈগমাস্তথা ।
রামস্য় শীলবৃত্তেন সর্বে বিষযবাসিনঃ ॥ 26 ॥
তেষামতিযশা লোকে রাম স্সত্যপরাক্রমঃ ।
স্বয়ংভূরিব ভূতানাং বভূব গুণবত্তরঃ ॥ 27 ॥
রামস্তু সীতয়া সার্ধং বিজহার বহূনৃতূন্ ।
মনস্স্বী তদ্গতস্তস্য়াঃ নিত্য়ং হৃদি সমর্পিতঃ ॥ 28 ॥
প্রিয়া তু সীতা রামস্য় দারাঃ পিতৃকৃতা ইতি ।
গুণাদ্রূপগুণাচ্চাপি প্রীতির্ভূয়োঽভ্যবর্ধত ॥ 29 ॥
তস্য়াশ্চ ভর্তা দ্বিগুণং হৃদয়ে পরিবর্ততে ।
অংতর্জাতমপি ব্যক্তমাখ্য়াতি হৃদয়ং হৃদা ॥ 30 ॥
তস্য় ভূয়ো বিশেষেণ মৈথিলী জনকাত্মজা ।
দেবতাভি স্সমা রূপে সীতা শ্রীরিব রূপিণী ॥ 31 ॥
তয়া স রাজর্ষিসুতোঽভিরাময়া সমেয়িবানুত্তমরাজকন্যয়া ।
অতীব রাম শ্শুশুভেঽভিরাময়া ।
বিভু শ্শ্রিয়া বিষ্ণুরিবামরেশ্বরঃ ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে সপ্তসপ্ততিতমস্সর্গঃ ॥
