শ্রীমদ্বাল্মীকীয় রামাযণে কিষ্কিংধাকাংডম্ ।
অথ ত্রয়োবিংশস্সর্গঃ ।
ততস্সমুপজিঘ্রংতী কপিরাজস্য় তন্মুখম্ ।
পতিং লোকাচ্চ্য়ুতং তারা মৃতং বচনমব্রবীত্ ॥ 1 ॥
শেষে ত্বং বিষমে দুঃখমকৃত্বা বচনং মম ।
উপলোপচিতে বীর সুদুঃখে বসুধাতলে ॥ 2 ॥
মত্তঃ প্রিযতরা নূনং বানরেংদ্র মহী তব ।
শেষে হি তাং পরিষ্বজ্য় মাং চ ন প্রতিভাষসে ॥ 3 ॥
সুগ্রীবস্য় বশং প্রাপ্তো বিধিরেষভবত্যহো ।
সুগ্রীব এব বিক্রাংতো বীর সাহসিকপ্রিয় ॥ 4 ॥
ঋক্ষবানরমুখ্য়াস্ত্বাং বলিনঃ পর্য়ুপাসতে ।
এষাং বিলপিতং কৃচ্ছ্রমংগদস্য় চ শোচতঃ ॥ 5 ॥
মম চেমা গিরঃ শ্রুত্বা কিং ত্বং ন প্রতিবুধ্যসে ।
ইদং তচ্ছূরশযনং যত্র শেষে হতো যুধি ।
শায়িতা নিহতা যত্র ত্বয়ৈব রিপবঃ পুরা ॥ 6 ॥
বিশুদ্ধসত্ত্বাভিজন প্রিযয়ুদ্ধ মম প্রিয় ।
মামনাথাং বিহায়ৈকাং গতস্ত্বমসি মানদ ॥ 7 ॥
শূরায় ন প্রদাতব্য়া কন্য়া খলু বিপশ্চিতা ।
শূরভার্য়াং হতাং পশ্য় সদ্য়ো মাং বিধবাং কৃতাম্ ॥ 8 ॥
অবভগ্নশ্চ মে মানো ভগ্না মে শাশ্বতী গতিঃ ॥ 9 ॥
অগাধে চ নিমগ্নাঽস্মি বিপুলে শোকসাগরে ।
অশ্মসারময়ং নূনমিদং মে হৃদয়ং দৃঢম্ ॥ 10 ॥
ভর্তারং নিহতং দৃষ্ট্বা যন্নাদ্য় শতধা কৃতম্ ।
সুহৃচ্চৈব হি ভর্তা চ প্রকৃত্য়া মম চ প্রিয়ঃ ।
আহবে চ পরাক্রাংতশ্শূরঃ পংচত্বমাগতঃ ॥ 11 ॥
পতিহীনা তু যা নারী কামং ভবতু পুত্রিণী ।
ধনধান্য়ৈস্সুপূর্ণাঽপি বিধবেত্য়ুচ্যতে বুধৈঃ ॥ 12 ॥
স্বগাত্রপ্রভবে বীর শেষে রুধিরমংডলে ।
ক্রিমিরাগপরিস্তোমে ত্বমাত্মশযনে যথা ॥ 13 ॥
রেণুশোণিতসংবীতং গাত্রং তব সমংততঃ ।
পরিরব্ধুং ন শক্নোমি ভুজাভ্য়াং প্লবগর্ষভ ॥ 14 ॥
কৃতকৃত্য়োঽদ্য় সুগ্রীবো বৈরেঽস্মিন্নতিদারুণে ।
যস্য় রামবিমুক্তেন হৃতমেকেষুণা ভযম্ ॥ 15 ॥
শরেণ হৃদি লগ্নেন গাত্রসংস্পর্শনে তব ।
বার্য়ামি ত্বাং নিরীক্ষংতী ত্বয়ি পংচত্বমাগতে ॥ 16 ॥
উদ্ববর্হ শরং নীলস্তস্য় গাত্রগতং তদা ।
গিরিগহ্বরসংলীনং দীপ্তমাশীবিষং যথা ॥ 17 ॥
তস্য় নিষ্কৃষ্যমাণস্য় বাণস্য় চ বভৌ দ্য়ুতিঃ ।
অস্তমস্তকসংরুদ্ধো রশ্মির্দিনকরাদিব ॥ 18 ॥
পেতুঃ ক্ষতজধারাস্তু ব্রণেভ্যস্তস্য় সর্বশঃ ।
তাম্রগৈরিকসংপৃক্তা ধারা ইব ধরাধরাত্ ॥ 19 ॥
অবকীর্ণং বিমার্জংতী ভর্তারং রণরেণুনা ।
অস্রৈর্নযনজৈশ্শূরং সিষেচাস্ত্রসমাহতম্ ॥ 20 ॥
রুধিরোক্ষিতসর্বাংগং দৃষ্ট্বা বিনিহতং পতিম্ ।
উবাচ তারা পিংগাক্ষং পুত্রমংগদমংগনা ॥ 21 ॥
অবস্থাং পশ্চিমাং পশ্য় পিতুঃ পুত্র সুদারুণাম্ ।
সংপ্রসক্তস্য় বৈরস্য় গতোঽংতঃ পাপকর্মণা ॥ 22 ॥
বালসূর্য়োদযতনুং প্রয়াংতং যমসদনম্ ।
অভিবাদয় রাজানং পিতরং পুত্র মানদম্ ॥ 23 ॥
এবমুক্তস্সমুত্থায় জগ্রাহ চরণৌ পিতুঃ ।
ভুজাভ্য়াং পীনবৃত্তাভ্য়ামংগদোঽহমিতি ব্রুবন্ ॥ 24 ॥
অভিবাদযমানং ত্বামংগদং ত্বং যথা পুরা ।
দীর্ঘায়ুর্ভব পুত্রেতি কিমর্থং নাভিভাষসে ॥ 25 ॥
অহং পুত্রসহায়া ত্বামুপাসে গতচেতসম্ ।
সিংহেন নিহতং সদ্য়ো গৌস্সবত্সেব গোবৃষম্ ॥ 26 ॥
ইষ্ট্বা সংগ্রামযজ্ঞেন রামপ্রহরণাংভসি ।
অস্মিন্নবভৃথে স্নাতঃ কথং পত্ন্য়া ময়া বিনা ॥ 27 ॥
যা দত্তা দেবরাজেন তব তুষ্টেন সংয়ুগে ।
শাতকুংভময়ীং মালাং তাং তে পশ্য়ামি নেহ কিম্ ॥ 28 ॥
রাজ্যশ্রীর্ন জহাতি ত্বাং গতাসুমপি মানদ ।
সূর্যস্য়াবর্তমানস্য় শৈলরাজমিব প্রভা ॥ 29 ॥
ন মে বচঃ পথ্যমিদং ত্বয়া কৃতং ন চাস্মি শক্তা হি নিবারণে তব ।
হতা সপুত্রাঽস্মি হতেন সংয়ুগে সহ ত্বয়া শ্রীর্বিজহাতি মামিহ ॥ 30 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ত্রয়োবিংশস্সর্গঃ ॥
