শ্রীমদ্বাল্মীকীয় রামাযণে সুংদরকাংডম্ ।
অথ ষষ্ঠস্সর্গঃ ।
স নিকামং বিমানেষু নিষণ্ণঃ কামরূপধৃত্ ।
বিচচার পুনর্লংকাং লাঘবেন সমন্বিতঃ ॥ 1 ॥
আসসাদাথ লক্ষ্মীবান্রাক্ষসেংদ্রনিবেশনম্ ।
প্রাকারেণার্কবর্ণেন ভাস্বরেণাভিসম্বৃতম্ ॥ 2 ॥
রক্ষিতং রাক্ষসৈর্ঘোরৈঃ সিংহৈরিব মহদ্বনম্ ।
সমীক্ষমাণো ভবনং চকাশে কপিকুংজরঃ ॥ 3 ॥
রূপ্যকোপহিতৈ শ্চিত্রৈস্তোরণৈর্হেমভূষিতৈঃ ।
বিচিত্রাভিশ্চ কক্ষ্য়াভির্দ্বারৈশ্চ রুচিরৈর্বৃতম্ ॥ 4 ॥
গজাস্থিতৈর্মহামাত্রৈঃ শূরৈশ্চ বিগতশ্রমৈঃ ।
উপস্থিতমসংহার্য়ৈঃ র্হয়ৈঃ স্য়ংদনয়ায়িভিঃ ॥ 5 ॥
সিংহব্য়াঘ্রতনুত্রাণৈর্দাংতকাংচনরাজতৈঃ ।
ঘোষবদ্ভির্বিচিত্রৈশ্চ সদা বিচরিতং রথৈঃ ॥ 6 ॥
বহুরত্নসমাকীর্ণং পরার্থ্যসনভাজনম্ ।
মহারথসমাবাসং মহারথমহাস্বনম্ ॥ 7 ॥
দৃশ্য়ৈশ্চ পরমোদারৈস্তৈস্তৈশ্চ মৃগপক্ষিভিঃ ।
বিবিধৈ র্বহুসাহস্রৈঃ পরিপূর্ণং সমংততঃ ॥ 8 ॥
বিনীতৈরংতপালৈশ্চ রক্ষোভিশ্চ সুরক্ষিতম্ ।
মুখ্য়াভিশ্চ বরস্ত্রীভিঃ পরিপূর্ণং সমংততঃ ॥ 9 ॥
মুদিতপ্রমদারত্নং রাক্ষসেংদ্রনিবেশনম্ ।
বরাভরণসংহ্রাদৈঃ সমুদ্রস্বনন্নিস্বনম্ ॥ 10 ॥
তদ্রাজগুণসংপন্নং মুখ্য়ৈশ্চাগুরুচংদনৈঃ ।
মহাজনৈঃ সমাকীর্ণাং সিংহৈরিব মহদ্বনম্ ॥ 11 ॥
ভেরীমৃদংগাভিরুতং শংখঘোষনিনাদিতম্ ।
নিত্য়ার্চিতং পর্বহুতং পূজিতং রাক্ষসৈঃ সদা ॥ 12 ॥
সমুদ্রমিব গংভীরং সমুদ্রমিব নিস্স্বনম্ ।
মহাত্মনো মহাদ্বেশ্ম মহারত্নপরিচ্ছদম্ ॥ 13 ॥
মহারত্নসমাকীর্ণং দদর্শ স মহাকপিঃ ।
বিরাজমানং বপুষা গজাশ্বরথসংকুলম্ ॥ 14 ॥
লংকাভরণমিত্য়েব সোঽমন্যত মহাকপিঃ ।
চচার হনুমাংস্তত্র রাবণস্য় সমীপতঃ ॥ 15 ॥
গৃহাদ্গৃহং রাক্ষসানামুদ্য়ানানি চ বানরঃ ।
বীক্ষমাণোঽহ্যসংত্রস্তঃ প্রাসাদাংশ্চ চচার সঃ ॥ 16 ॥
অবপ্লুত্য় মহাবেগঃ প্রহস্তস্য় নিবেশনম্ ।
ততোঽন্যত্পুপ্লুবে বেশ্ম মহাপার্শ্বস্য় বীর্যবান্ ॥ 17 ॥
অথ মেঘপ্রতীকাশং কুংভকর্ণনিবেশনম্ ।
বিভীষণস্য় চ তদা পুপ্লুবে স মহাকপিঃ ॥ 18 ॥
মহোদরস্য় চ গৃহং বিরূপাক্ষস্য় চৈব হি ।
বিদ্য়ুজ্জিহ্বস্য় ভবনং বিদ্য়ুন্মালেস্তথৈব চ ॥ 19 ॥
বজ্রদংষ্ট্রস্য় চ তথা পুপ্লুবে স মহাকপিঃ ।
শুকস্য় চ মহাতেজাঃ সারণস্য় চ ধীমতঃ ॥ 20 ॥
তথা চেংদ্রজিতো বেশ্ম জগাম হরিয়ূথপঃ ।
জংবুমালেঃ সুমালেশ্চ জগাম হরিসত্তমঃ ॥ 21 ॥
রশ্মিকেতোশ্চ ভবনং সূর্যকেতোস্তথৈব চ ।
বজ্রকাযস্য় চ তথা পুপ্লুবে স মহাকপিঃ ॥ 22 ॥
ধূম্রাক্ষস্য় চ সংপাতের্ভবনং মারুতাত্মজঃ ।
বিদ্য়ুদ্রূপস্য় ভীমস্য় ঘনস্য় বিঘনস্য় চ ॥ 23 ॥
শুকনাসস্য় বক্রস্য় শঠস্য় বিকটস্য় চ ।
ব্রহ্মকর্ণস্য় দংষ্ট্রস্য় রোমশস্য় চ রক্ষসঃ ॥ 24 ॥
যুদ্ধোন্মত্তস্য় মত্তস্য় ধ্বজগ্রীবস্য় নাদিনঃ ।
বিদ্য়ুজ্জিহ্বেংদ্রজিহ্বানাং তথা হস্তিমুখস্য় চ ॥ 25 ॥
করালস্য় পিশাচস্য় শোণিত অক্ষস্য় চৈব হি ।
ক্রমমাণঃ ক্রমেণ এব হনূমান্ মারুত আত্মজঃ ॥ 26 ॥
তেষু তেষু মহার্হেষু ভবনেষু মহাযশাঃ ।
তেষামৃদ্ধিমতামৃদ্ধিং দদর্শ স মহাকপিঃ ॥ 27 ॥
সর্বেষাং সমতিক্রম্য় ভবনানি সমংততঃ ।
আসসাদাথ লক্ষ্মীবান্ রাক্ষসেদ্রনিবেশনম্ ॥ 28 ॥
রাবণস্য়োপশায়িন্য়ো দদর্শ হরিসত্তমঃ ।
বিচরন্হরিশার্দূলো রাক্ষসীর্বিকৃতেক্ষণাঃ ॥ 29 ॥
শূলমুদ্গরহস্তাশ্চ শক্তিতোমরধারিণীঃ ।
দদর্শ বিবিধান্ গুল্মান্ তস্য় রক্ষঃপতের্গৃহে ॥ 30 ॥
রাক্ষসাংশ্চ মহাকায়ান্নানাপ্রহরণোদ্যতান্ ।
রক্তান্ শ্বেতান্ সিতাংশ্চৈব হরীংশ্চাপি মহাজবান্ ॥ 31 ॥
কুলীনান্ রূপসংপন্নান্ গজান্পরগজারুজান্ ।
নিষ্ঠিতান্ গজশিক্ষয়ামৈরাবতসমান্য়ুধি ॥ 32 ॥
নিহংত্রূন্ পরসৈন্য়ানাং গৃহে তস্মিন্ দদর্শ সঃ ।
ক্ষরতশ্চ যথা মেঘান্ স্রবতশ্চ যথা গিরীন্ ॥ 33 ॥
মেঘসংততিনির্ঘোষান্ দুর্ধর্ষান্ সমরে পরৈঃ ।
সহস্রং বাহিনীস্তত্র জাংবূনদপরিষ্কৃতাঃ ॥ 34 ॥
হেমজালপরিচ্ছন্নাস্তরুণাদিত্যসন্নিভাঃ ।
দদর্শ রাক্ষসেংদ্রস্য় রাবণস্য় নিবেশনে ॥ 35 ॥
শিবিকা বিবিধাকারাঃ স কপির্মারুতাত্মজঃ ।
লতাগৃহাণি চিত্রাণি চিত্রশালাগৃহাণি চ ॥ 36 ॥
ক্রীডাগৃহাণি চান্য়ানি দারুপর্বতকানপি ।
কামস্য় গৃহকং রম্য়ং দিবাগৃহকমেব চ ॥ 37 ॥
দদর্শ রাক্ষসেংদ্রস্য় রাবণস্য় নিবেশনে ।
স মংদরগিরিপ্রখ্য়ং ময়ূরস্থানসংকুলম্ ॥ 38 ॥
ধ্বজযষ্টিভিরাকীর্ণং দদর্শ ভবনোত্তমম্ ।
অনেকরত্নসংকীর্ণং নিধিজালং সমংততঃ ॥ 39 ॥
ধীরনিষ্ঠিতকর্মাংতং গৃহং ভূতপতেরিব ।
অর্চির্ভিশ্চাপি রত্নানাং তেজসা রাবণস্য় চ ॥ 40 ॥
বিররাজাথ তদ্বেশ্ম রশ্মিমানিব রশ্মিভিঃ ।
জাংবূনদময়ান্য়েন শযনান্য়াসনানি চ ॥ 41 ॥
ভাজনানি চ মুখ্য়ানি দদর্শ হরিয়ূথপঃ ।
মধ্বাসবকৃতক্লেদং মণিভাজনসংকুলম্ ॥ 42 ॥
মনোরমমসংবাধং কুবেরভবনং যথা ।
নূপুরাণাং চ ঘোষেণ কাংচীনাং নিনদেন চ ॥ 43 ॥
মৃদঙ্তলঘোষৈশ্চ ঘোষবদ্ভির্বিনাদিতম্ ।
প্রাসাদসংঘাতয়ুতং স্ত্রীরত্নশতসংকুলম্ ॥ 44 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ষষ্ঠস্সর্গঃ ॥
