শ্রীমদ্বাল্মীকীয় রামাযণে অরণ্যকাংডম্ ।
অথ অষ্টপংচাশস্সর্গঃ ।
স দৃষ্ট্বা লক্ষ্মণং দীনং শূন্য়ে দশরথাত্মজঃ ।
পর্যপৃচ্ছত ধর্মাত্মা বৈদেহীমাগতং বিনা ॥ 1 ॥
প্রস্থিতং দংডকারণ্য়ং যা মামনুজগাম হ ।
ক্ব সা লক্ষ্মণ বৈদেহী যাং হিত্বা ত্বমিহাগতঃ ॥ 2 ॥
রাজ্যভ্রষ্টস্য় দীনস্য় দংডকান্পরিধাবতঃ ।
ক্ব সা দুঃখসহায়া মে বৈদেহী তনুমধ্যমা ॥ 3 ॥
যাং বিনা নোত্সহে বীর মুহূর্তমপি জীবিতুম্ ।
ক্ব সা প্রাণসহায়া মে সীতা সুরসুতোপমা ॥ 4 ॥
পতিত্বমমরাণাং বা পৃথিব্য়াশ্চাপি লক্ষ্মণ ।
তাং বিনা তপনীয়াভাং নেচ্ছেয়ং জনকাত্মজাম্ ॥ 5 ॥
কচ্চিজ্জীবতি বৈদেহি প্রাণৈঃ প্রিযতরা মম ।
কচ্চিত্প্রব্রাজনং সৌম্য় ন মে মিথ্য়া ভবিষ্যতি ॥ 6 ॥
সীতানিমিত্তং সৌমিত্রে মৃতে ময়ি গতে ত্বয়ি ।
কচ্চিত্সকামা সুখিতা কৈকেয়ী সা ভবিষ্যতি ॥ 7 ॥
সপুত্ররাজ্য়াং সিদ্ধার্থাং মৃতপুত্রা তপস্বিনী ।
উপস্থাস্যতিকৌসল্য়া কচ্চিত্সৌম্য় ন কেকয়ীম্ ॥ 8 ॥
যদি জীবতি বৈদেহী গমিষ্য়াম্য়াশ্রমং পুনঃ ।
সুবৃত্তা যদি বৃত্তা প্রাণাংস্ত্যক্ষ্য়ামি লক্ষ্মণ ॥ 9 ॥
যদি মামাশ্রমগতং বৈদেহী নাভিভাষতে ।
পুনঃ প্রহসিতা সীতা বিনশিষ্য়ামি লক্ষ্মণ ॥ 10 ॥
ব্রূহি লক্ষ্মণ বৈদেহী যদি জীবতি বা ন বা ।
ত্বয়ি প্রমত্তে রক্ষোভির্ভক্ষিতা বা তপস্বিনী ॥ 11 ॥
সুকুমারী চ বালা চ নিত্য়ং চাদুঃখদর্শিনী ।
মদ্বিয়োগেন বৈদেহী ব্যক্তং শোচতি দুর্মনাঃ ॥ 12 ॥
সর্বদা রক্ষসা তেন জিহ্মেন সুদুরাত্মনা ।
বদতা লক্ষ্মণেত্য়ুচ্চৈস্তবাপি জনিতং ভযম্ ॥ 13 ॥
শ্রুতস্তু শংকে বৈদেহ্য়া স স্বরস্সদৃশো মম ।
ত্রস্তয়া প্রেষিতস্ত্বং চ দ্রষ্টুং মাং শীঘ্রমাগতঃ ॥ 14 ॥
সর্বথা তু কৃতং কষ্টং সীতামুত্সৃজতা বনে ।
প্রতিকর্তুং নৃশংসানাং রক্ষসাং দত্তমংতরম্ ॥ 15 ॥
দুঃখিতাঃ খরঘাতেন রাক্ষসাঃ পিশিতাশনাঃ ।
তৈস্সীতা নিহতা ঘোরৈর্ভবিষ্যতি ন সংশয়ঃ ॥ 16 ॥
অহোঽস্মিন্ ব্যসনে মগ্নস্সর্বথা শত্রুসূদন ।
কিং ন্বিদানীং করিষ্য়ামি শংকে প্রাপ্তব্যমীদৃশম্ ॥ 17 ॥
ইতি সীতাং বরারোহাং চিংতযন্নেব রাঘবঃ ।
আজগাম জনস্থানং ত্বরয়া সহ লক্ষ্মণঃ ॥ 18 ॥
বিগর্হমাণোঽনুজমার্তরূপং ক্ষুধা শ্রমাচ্চৈব পিপাসয়া চ ।
বিনিশ্শ্বসন্ শুষ্কমুখো বিবর্ণঃ প্রতিশ্রয়ং প্রাপ্য় সমীক্ষ্য় শূন্যম্ ॥ 19 ॥
স্বমাশ্রমং সংপ্রবিগাহ্য় বীরো বিহারদেশাননুসৃত্য় কাংশ্চিত্ ।
এতত্তদিত্য়েব নিবাসভূমৌ প্রহৃষ্টরোমা ব্যথিতো বভূব ॥ 20 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে অষ্টপংচাশস্সর্গঃ ॥
