শ্রীমদ্বাল্মীকীয় রামাযণে অরণ্যকাংডম্ ।
অথ ত্রিপংচাশস্সর্গঃ ।
খমুত্পতংতং তং দৃষ্ট্বা মৈথিলী জনকাত্মজা ।
দুঃখিতা পরমোদ্বিগ্না ভয়ে মহতি বর্তিনী ॥ 1 ॥
রোষরোদনতাম্রাক্ষী ভীমাক্ষং রাক্ষসাধিপম্ ।
রুদংতী করুণং সীতা হ্রিযমাণেদমব্রবীত্ ॥ 2 ॥
ন ব্যপত্রপসে নীচ কর্মণানেন রাবণ ।
জ্ঞাত্বা বিরহিতাং যন্মাং চোরয়িত্বা পলাযসে ॥ 3 ॥
ত্বয়ৈব নূনং দুষ্টাত্মন্ ভীরুণা হর্তুমিচ্ছতা ।
মমাপবাহিতো ভর্তা মৃগরূপেণ মাযয়া ॥ 4 ॥
যো হি মামুদ্যতস্ত্রাতুং সোঽপ্যয়ং বিনিপাতিতঃ ।
গৃধ্ররাজঃ পুরাণোঽসৌ শ্বশুরস্য় সখা মম ॥ 5 ॥
পরমং খলু তে বীর্য়ং দৃশ্যতে রাক্ষসাধম ।
বিশ্রাব্য় নামধেয়ং হি যুদ্ধে নাস্মি জিতা ত্বয়া ॥ 6 ॥
ঈদৃশং গর্হিতং কর্ম কথং কৃত্বা ন লজ্জসে ।
স্ত্রিয়াশ্চ হরণং নীচ রহিতে চ পরস্য় চ ॥ 7 ॥
কথয়িষ্য়ংতি লোকেষু পুরুষাঃ কর্ম কুত্সিতম্ ।
সুনৃশংসমধর্মিষ্ঠং তব শৌংডীর্যমানিনঃ ॥ 8 ॥
ধিক্তে শৌর্য়ং চ সত্ত্বং চ যত্ত্বং কথিতবাংস্তদা ।
কুলাক্রোশকরং লোকে ধিক্তে চারিত্রমীদৃশম্ ॥ 9 ॥
কিং কর্তুং শক্যমেবং হি যজ্জবেনৈব ধাবসি ।
মুহূর্তমপি তিষ্ঠস্ব ন জীবন্প্রতিয়াস্যসি ॥ 10 ॥
ন হি চক্ষুষ্পথং প্রাপ্য় তয়োঃ পার্থিবপুত্রয়োঃ ।
সসৈন্য়োঽপি সমর্থস্ত্বং মুহূর্তমপি জীবিতুম্ ॥ 11 ॥
ন ত্বং তয়োশ্শরস্পর্শং সোঢুং শক্তঃ কথংচন ।
বনে প্রজ্বলিতস্য়েব স্পর্শমগ্নের্বিহংগমঃ ॥ 12 ॥
সাধু কুর্বাঽঽত্মনঃ পথ্য়ং সাধু মাং মুংচ রাবণ ।
মত্প্রধর্ষণরুষ্টো হি ভ্রাত্রা সহ পতির্মম ॥ 13 ॥
বিধাস্যতি বিনাশায় ত্বং মাং যদি ন মুংচসি ।
যেন ত্বং ব্যবসায়েন বলান্মাং হর্তুমিচ্ছসি ॥ 14 ॥
ব্যবসাযস্স তে নীচ ভবিষ্যতি নিরর্থকঃ ।
ন হ্যহং তমপশ্য়ংতী ভর্তারং বিবুধোপমম্ ॥ 15 ॥
উত্সহে শত্রুবশগা প্রাণাংধারয়িতুং চিরম্ ।
ন নূনং চাত্মনঃ পথ্য়ং শ্রেয়ো বা সমবেক্ষসে ॥ 16 ॥
মৃত্য়ুকালে যথা মর্ত্য়ো বিপরীতানি সেবতে ।
মুমূর্ষূণাং হি সর্বেষাং যত্পথ্য়ং তন্ন রোচতে ॥ 17 ॥
পশ্য়াম্যদ্য় হি কংঠেত্বাং কালপাশাবপাশিতম্ ।
যথা চাস্মিন্ভযস্থানে ন বিভেষি দশানন ॥ 18 ॥
ব্যক্তং হিরণ্ময়ান্ হি ত্বং সংপশ্যসি মহীরুহান্ ।
নদীং বৈতরণীং ঘোরাং রুধিরৌঘনিবাহিনীম্ ॥ 19 ॥
অসিপত্রবনং চৈব ভীমং পশ্যসি রাবণ ।
তপ্তকাংচনপুষ্পাং চ বৈডূর্যপ্রবরচ্ছদাম্ ॥ 20 ॥
দ্রক্ষ্যসে শাল্মলীং তীক্ষ্ণামাযসৈঃ কংটকৈশ্চিতাম্ ।
ন হি ত্বমীদৃশং কৃত্বা তস্য়ালীকং মহাত্মনঃ ॥ 21 ॥
ধরিতুং শক্ষ্যসি চিরং বিষং পীত্বেব নির্ঘৃণঃ ।
বদ্ধস্ত্বং কালপাশেন দুর্নিবারেণ রাবণ ॥ 22 ॥
ক্বগতো লপ্স্যসে শর্ম ভর্তুর্মম মহাত্মনঃ ।
নিমেষাংতরমাত্রেণ বিনা ভ্রাত্রা মহাবনে ॥ 23 ॥
রাক্ষসা নিহতা যেন সহস্রাণি চতুর্দশ ।
স কথং রাঘবো বীরস্সর্বাস্ত্রকুশলো বলী ॥ 24 ॥
ন ত্বাং হন্য়াচ্ছরৈস্তীক্ষ্ণৈরিষ্টভার্য়াপহারিণম্ ।
তচ্চান্যচ্চ পরুষং বৈদেহী রাবণাংকগা ॥ 25 ॥
ভযশোকসমাবিষ্টা করুণং বিললাপ হ ।
তথা ভৃশার্তাং বহুচৈব ভাষিণীং বিলাপপূর্বং করুণং চ ভামিনীম্ ।
জহার পাপঃ করুণং বিচেষ্টতীং নৃপাত্মজামাগতগাত্রবেপথুম্ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে ত্রিপংচাশস্সর্গঃ ॥
